ሳጻ 3:14 - ኦራ ጫ̈ቃ ማጻ̈ፋ

¹⁴ ሎ̈ዶቃ ዎ̈ሳ ኬ̈ን ኪታንቻ̇̈ቦ ዪዝ ጋ̈ር ጻ̈ፋቤ፦ “ኣሚንኤ ማ̈ቂ̇ኖ፥ ኪንኬ ኣማ̇ኒንቲኖ ማርካ̇፥ ጾ̈ሲ̈ ኮቺ̇ኖ ባዝ ዎይቦ ላ̈ ማ̈ቂ̇ኖ ሶ̈ሊኖ ሶ̈ላ፦

ሳጻ 3:14 ပူးပေါင်းရင်းမြစ်များ

ዋ̈ኒ̇ሳ 1:3

ጾ̈ሲ̇ ዎይ ባዝ ኮቺ̇ኖንዳር ፌ ቃ̈ላ ጎይባራ፤ ኮቺ̇ንቲ̇ኖ ባዛን ዎይን ጋርታ̇ ኢ ኮቻ̇ካ̇ዮ ባዚ ኣባካር ባዬ።

ዋ̈ኒ̇ሳ 8:14

ዬሱ̈ሲ ማሃር ኢንታ̇ኮ “ታ̈ኒ ቴ ቆማ̇ብ ታ̈ኮን ማርኪቴጌይናሬ፥ ቴ ዎይዲፖ̇ ዬይኖኮ ማ ዎይዲ ሉካ̇̈ርኮ ኤሪዛኮታ̇ቦ ቴ ማርኪቲን ኪን። ዪንቲ̇ ቴ ዎንዳፖ ዬይኖኮ ማ ዎይዲ ሉካ̇ርኮ ኤሪባ̈ሴ።

2 ቆሮ 1:20

ጾ̈ሲ ኑ̈ብ ኢሚ̇ኖ ታስፋ ቃ̈ላ ዎይ “ኣዓ” ማ̈ቃ̇ዚንዳ ክርስቶ̈ሳ ጎይባራ፤ ኑ̈ናሬ ጾ̈ሳ̇ ቦንቻ̇ብ ክርስቶ̈ሳ ሱምባር “ኣሚንኤ” ጋ̈ዚንዳ ዪኒ̇ኮታ̇ቦ።

ቆላ̈ሳ̈ሳ 1:15

ኣስ ኣፍባራ ቤንቲ̇ባ̈ሶ ጾ̈ሳ̇̇̈ዲ ኣ ማይጺ̈ርኮ ኤርሲኖ̈ዲ ክርስቶ̈ሳ። ኢ ኮቺንቲ̇ኖ ባዝ ዎይፖ ጴቻ̇ዳኬ ኡሳ̇̈ዳ።

ቆላ̈ሳ̈ሳ 1:18

ኢ ፌ̈ብ ጋል̇ ማ̈ቂ̇̈ኖ ዎ̈ሳ ኬ̈ምቦ ቆሜ̇። ባዝ ዎይ̈ባራ ኢ ሺ ማ̈ቃ̇ምፔ̈ኒ ዓይቃ ጋርታ̇ፖ ዲንዳባራ ዎይፖ ቲ̈ንኬ ዎይፖ ኡሳ̇ ኢያ።

ቆላ̈ሳ̈ሳ 2:1

ዪንታ̇ኮታ̇ቦ፥ ሎዶ̈ቃ ካታሚን ጋርታ̇ ዎ ኣሳንብኬ ታ̈ና ቤቂ̇ ኤሪባ̈ሶ ኣሳን ዎይ ማ̈ዳ̇ንዳቦ ጋ̈ራ ታ̈ኒ ዎዛርፌ̈ን ዋ̈ያሙታ ዎኮ ዪንቲ̇ ኤራምፔ̈ን ቴ ኮያ̈ሬ።

ቆላ̈ሳ̈ሳ 4:16

ዓና̇ ጻ̈ፊኖ ኪ̈ቲን ዪንቲ̇ ናባ̇ቢኖፖ ዓኒ ሎዶ̈ቃ ጋዳ̇ ዎ ኣማ̇ኒኖ ኣሳን ቲ̈ን ናባ̇ብሲብቴ፤ ማ ዪንታ̇ሬ ሎዶቃ̈ፖ ዪንታ̇ክ ዬ̈ዝ ኪ̈ቲን ናባ̇ቢብቴ።

ሳጻ 1:11

ዪና̇ ጊርሲን ታ̈ኮ፤ “ኔ̈ኒ ቤቃ̇ዚንዶ ማጻ̈ፋ ጋልዳ ጻ̈ፋራ ኤፍሶ̈ና፣ ሴርሜኔሳ፣ ጴርጋሞ̈ና፣ ታጥሮ̈ና፣ ሴርዴ̈ሳ፣ ፊላ̈ዴልፋኬ ሎዶ̈ቃ ዪን ታብዛ ዎ̈ሳ ኬ̈ን ጋርታ ሚሻቤ” ጌይዴ።

ሳጻ 19:11

ዓኒ̇ፖ ዎሃ ኣፎ ሳ̈ዚ ፊርቂንቲንዶን ቴ ቤቃ̇ዴ፤ ቴ ቲ̈ኒን ጋርታ ኢና ቦ̈ርስ ፋራ ቤቃ̇ዴ፤ ፋራ̈ ጋልዳ ቶጊ̇ኖዲ ኣማ̇ኒንቲኖዳኬ ኪንዳ ጌዪ ጼይጊንቲ̇̈ሬ። ኢ ጺሊ̇ቲባር ፊርዳ ፊርዲ̈ሬ፥ ማ ጺሊ̇ቲባር ኦሊንቲ̇̈ሬ።

ሳጻ 2:1

ኤፊሶ̈ና ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፦ “ታብዛ ቤ̈ርሳን ፌ ኡሻቻ ኩሽታ ኤ̈ኖ̈ዲኬ ታብዛ ዎርቃ ማቅራዛን ጊዳ̇ ቢሪንቲ̇ዛ̈ዲ ሶ̈ሊኖ ሶ̈ላ፤

ሳጻ 21:6

ዪኒፖ ዓኒ ታ̈ኮ “ፎቲንቲ̇ዴ! ኣልፋሬ ኦሜ̈ጋሬ፥ ቲ̈ኖዳሬ ጋሶ̈ዳሬ ታ̈ና፤ ባርሲንቲኖ̈ቦ ሼምፓ ኢሚ̇ዝ ዋ̈ ዶቃ ጋርታ̇ፖ ኣባካር ጪጋካ̇ይዶን ቴ ሜላ̇ ኢማ̇ንዳ።

ሳጻ 22:13

ኣልፋኬ ኦሜ̈ጋኬ፤ ቲ̈ኖ̈ዳኬ ጋሶ̈ዳክ፥ ኤ̈ዲኬ ዉርሲዳሬ ታ̈ና።

ሳጻ 22:6

ዪኒ̇ፖ ዎሃ ኪ̈ታንቻዲ ታ̈ኮ “ዓን ቃ̈ላን ኣማ̇ኒንቲኖንኬ ኪንን፤ ናባን ካ̈ያ ካ̈ያምፔ̈ን ኢንታ̇ብ ኢሚ̇ዝ ጎዳ ጾ̈ሳ̇̇̈ዲ ኡክባር ማ̈ቂ̇ዝ ባዛን ፌ ኣሽካራንቦ ሶ̈ላንዳቦ ፌ ኪ̈ታንቻ ሚሺኔ” ጌይዴ።

ሳጻ 3:7

ፊላ̈ዴልፋ ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፤ ጌ̈ሽ̇ኬ ኪን ማ̈ቂ̇ኖ፥ ዳዊታ ቁልፊን ፌ ኩሽታ̇ ኤ̈ኖ̈ዲ ሶ̈ሊኖ ሶ̈ላ፦ ኢ ፊርቂኖን ኦ̈ናካር ዪብጺ̇ባ̈ሴ፤ ኢ ዪብጺ̇ኖንዳር ኦ̈ናካር ፊርቂ̇ባሴ።