ሳጻ 3:11 - ኦራ ጫ̈ቃ ማጻ̈ፋ

¹¹ ዪዚ ቴ ኤሊ̇ባር ዬ̈ንዳ፤ ኔ ኣኪሊሊን ኦ̈ናካር ኔ ጋልዳ̇ፖ ኤካካ̇ዮ̈ዲፌ̈ን ኔ̈ብ ዎን ሚ̈ንር ኤ̈ቤ።

ሳጻ 3:11 ပူးပေါင်းရင်းမြစ်များ

1 ቆሮ 9:25

ዎ ዎጺ̇ዛን ዎይ ኢንታ̇ ጋሊ̇ን ሚ̈ጛምፔ̈ኒ ኮሺንቻ̇ር ጋስ ማ̈ቃካ̇ይ ኮይሪ̈ሬ። ኢንቲ̇ ዪ̈ፌን ዎይ ዳቡሪዛ̈ዲ ዪዝ ሺሊ̇ማ̈ታ ኣክሊላ ዲጛንዳቦ። ኑ ዳቡሪዛ̈ዲ ዪባ̈ሶ ሜናብ ዶኢዝ ኣክሊላ ሺልማ̈ታ ዲጛንዳቦ።

ፊል 4:5

ዪንቲ̇ ኮሽ ኣስ ማ̈ቂ̇ኖንዳ ኣስ ዎይ ቲ̈ን ኤሪንቲ̇ኖ ማ̈ቆ̇ጋቤ፤ ጎ̈ዳ ዬንቲ̇ን ኡኪ̇ኔ።

2 ጢማ̈ 2:5

ዪና̇ ኢዝፌ̈ን ጋማንዳብ ዎጺ̇ዝ ኣሲ ዎን ሂጊ̇ን ና̈ጋካ̇ይ ኣታ̇ር ዎጼ̇ጌይን ሺሊ̇ማ̈ቲን ዲጚባሴ።

2 ጢማ̈ 4:8

ዓኒፖ̈ ጌ̈ዳ ጺሊ̇ቲ ኣኪሊላ ጊ̈ጊንታ̇ር ታ̈ብ ዶኢኔ፤ ዪና̇ ኣኪሊሊንዶ ኪን ፊርዳ ፊርዲዝ ጎዳ̈ዲ ዪና̇ ኢዝ ጋላስ ታ̈̈ብ ኢሚ̇̈ሬ፤ ማ ታ̈ብ ሙታ ጊዳካ̇ይዶን ኢ ዬንቲ̇ን ኢኒ̇ቲሙታ̇ ዎንቦ ዎይ ኢሚ̇̈ሬ።

ዓይ 1:12

ሜታ ጋርታ ሚ̈ጜጌይንዶ ጾ̈ሳ̇̇ ፌ̈ና ዶሲዝ ኣሳንቦ ኢማ̇ንዳ ጌይኖ ሼምፓ ኣኪሊ̈ላ ሺሊ̇ማ̈ቲን ዲጚ̈ዛኮታ̇ቦ ሜታ ኢያ ዬላ̇ዚምባር ዳንዳኣር ኣ̈ዝ ኣሲ ኣንጂንቲኖ̈ዳ።

ዓይ 5:9

ቴ ኢሺንታ̇ን! ዪንታ̇ ጋልዳ ፊርዲንታካ̇ዮ̈ዲፌ̈ኒ ዎል ዎልኣ ዋጫፒ̇ቴ። ፊርዲዝ ጾ̈ሳ̇̇̈ ኡክ̇ ዎ̈።

ሳጻ 1:3

ዪና̇ ዎይ ፎቲንታዝ ኬሊ̇ን ኡክ̇ ማ̈ቂ̇ኖኮታ̇ቦ ዓና̇ ቲንቢታ ቃ̈ሊን ናባ̇ቢዝ ኣሲ ኣንጂ̇ንቲኖ̈ዳ! ማ ዪና̇ ቃ̈ሊን ሲስካ̇ሪ ኢዝ ጋርታ ጻ̈ፊንቲ̇ኖን ኦ̈ሳ ጋልዳ ፌ̈ሺ̇ዛን ኣንጂ̇ንቲ̇ኖን።

ሳጻ 16:15

ዪዚ “ቤቂብቴ! ቴ ዪንታ̇ክ ሶላፌ̈ን ዪንቲ ቆፓካ̇ይዶን ዬ̈ሬ! ኢ ካሊ̇ን ኣሳን ቤቄ̇ጌይን ኢ ዬ̈ልቃካ̇ዮ̈ዲፌ̈ኒ ባርካ̇ር ፌ ኣፊሊን ና̈ጊዝ ኣሲ ኢ ኣንጂንቲ̇ኖ ኣሴ” ጌይዴ።

ሳጻ 2:10

ኔ̈ና ጊዳክ ዬላ̇ዝ ሜቲምቦ ኢ̈ጫፔ፥ ዪዚ ሴ̈ይጣኖ ዪንታ̇ ፋታ̇ናንዳብ ኮያሪ ዪንታ̇ ጋርታፖ ፔታ̇ን ፔታ̇ናን ቃሺ ኣ̈ል ጌልሲ̈ሬ፥ ታጳ ቃም̇ ዪንቲ ሜታ ኤኪ̇̈ሬ፤ ኔ ዓይቂ̇ዝ ዲራስ ኣማ̇ኒንቲ̇ኖ ማ̈ቃ̇ቤ፤ ሼምፓ ኣኪሊላ ቴ ኔ̈ብ ኢማ̇ንዳ።

ሳጻ 2:13

ኔ̈ኒ ሴ̈ይጣና ዶኣዝ ቤሲ̇ን ዋ̈ኒ̇ን ጋርታ̇ ዎን ቴ ኤራ̈ሬ፤ ማ̈ቂናካሬ ቴ ሱምን ኔ̈ኒ ሚ̈ን ኤ̈ኔ፤ ኔ ታ̈ና ኣማ̇ናዚን ኣሻካ̇ዬ፤ ታ̈ቦ ኣማ̇ኒንቲ̇ኖ ማርካ ማ̈ቂ̇ኖ ኣንቲጳሳ ጌይዛ̈ዲ ዪንታ̇ ካታሚን ሴ̈ጣና ኢና ዶኣዚን ጋርታ ኣሳን ኢያ ዎኖ ኬሊ̇ንባራር ኔ ታ̈ና ኣማ̇ናዚን ኣሻ̇ካዬ።

ሳጻ 2:25

ዪንቲ̇ ቴ ዬይዝ ዲራስ ዪንታ̇ብ ዎ ኣማ̇ኒን ሚ̈ንር ኤ̈ብቴ̇።

ሳጻ 22:12

“ሲስኪ̇ብቴ! ታ̈ኒ ኤሊ̇ባር ዬ̈ንዳ! ዎይንቦ ኢንታ ኦ̈ሲንዲፌ̈ን ኢንታ̇ብ ጪጋ̇ዝ ጋቲን ቴ ኩሽታ ዎ።

ሳጻ 22:20

ዪን ባዛንቦ ማርኪቲዛ̈ዲ “ኪን ታ̈ኒ ኤሊ̇ባር ዬንዳ!” ጌይሬ። ኣሚንኤ፥ ጎዳ ዬሱ̈ሶ ኔ ዬ̈ቤ!

ሳጻ 22:7

ዬሱ̈ሳሬ “ሲስኪ̇ብቴ! ቴ ኤሊ ዬ̈ንዳ! ዓና̇ ማጻ̈ፊን ጋርቶ ካ̈ያ ቃ̈ሊን ና̈ጊዛ̈ዲ ኣንጂ̇ንቲኖዳ” ጌይሬ።

ሳጻ 3:3

ዪዚ ኔ̈ ኤኪ̇ኖንዲኬ ታማ̈ሪኖ ቲሚርቲ̇ንዶ ቦቲጛፔ፤ ኢዝቦ ኪ̈ቲንታ̇ቤ፤ ማ ማ̈ሪቲ ጌላቤ፤ ኔ̈ኒ ባርካካ̇ይ ኣቴ̇ጌይን ታ̈ኒ ሶላፌ̈ን ኔ ቆፓካ̇ይዶን ኔ̈ክ ዬ̈ሬ፥ ታ̈ኒ ኣ ሳኣ̈ታ ጋልዳ ዬ̈ርኮ ኔ ኤራባሴ።

ሳጻ 4:10

ላምታ̇ም ኦይዲ̇ ጪጛሻን ሜናብ ዶኢዛ̈ቦ፥ ዙ̈ፋና ጋልዳ ዶኢኖ ኢ ቲ̈ኒን ጋልዳ ፌ ዴሚንባር ጉፕ ጋ̈ሪ ኢ̈ብ ሞ̈ኪንቲ̇̈ሬ፤ ፌ ኣኪሊላሬ ዲንር ኢ ዙ̈ፋኒን ቲ̈ን ጋዳ̇ሪ፥

ሳጻ 4:4

ዪና̇ ዙፋ̈ኒን ቡጊዲምባ̇ራ ላምታም ኦይዲ̇ ዙፋ̈ናን ዎ፤ ዪን ዙፋ̈ናን ጋልዳ ቦ̈ርስ ኣፊላ ማኣር ፌ ቆ̈ሚን ጋልዳ ዎርቃባር ኮቺ̇ኖ ኣኪሊላ ጋዲ̇ኖ ላምታም ኦይዲ ጪጛሻን ዶኢኔ።