ሳጻ 3:10 - ኦራ ጫ̈ቃ ማጻ̈ፋ

¹⁰ ኔ̈ኒ ጋርዢዝ ኣስ ማ̈ቃ̇ቤ ጋ̈ራ ቴ ኔ̈ብ ሶ̈ሊኖ ታ ቃ̈ሊን ና̈ጊኖኮታቦ ታ̈ናሬ ሳ̈ዝ ጋልዳ ዶኢዛን ፋታ̇ናንዳቦ ኣላሚን ዎይን ጋልዳ ዬ̈ዝ ሜታ ኬሊ̇ን ጋልዳፖ ቴ ኔ̈ና ና̈ጋንዳ።

ሳጻ 3:10 ပူးပေါင်းရင်းမြစ်များ

ማ̈ቶ̈ሳ 24:14

ዎርዣ ዎይ̈ቦ ማርካ̇ ማ̈ቃ̇ምፔ̈ን ዓ ጾ̈ሳ̇̇ ካ̈ቲቲ ዎጛላ ኣላሚን ዎይን ጋልዳ ሳባ̇ኪንቲ̈ሬ፥ ዪና̇ ኢዝባራ ዉርሲን ዬላ̇̈ሬ።

ማ̈ቶ̈ሳ 26:41

ዪንቲ̇ ሜታ ጋርታ̇ ጌላካዮ̈ዲፌ̈ን ሚ̈ጛር ዎ̈ሲ̇ብቴ፤ ሚ̈ጛንዳብ ኢና̇ ዪንታ̇ብ ዎዶ̈ን፥ ዪኖ̇ ዎታንዳብ ዎልቂን ዪንታ̇ብ ጉ̈ጻ̇̈ሬ” ጌይዴ።

ማ̈ቶ̈ሳ 6:13

ኢ̈ት ባዝ ጋልዳፖ̇ ኑ̈ና ና̈ጋብዶኬ፥ ፋታና ጋርታ̇ ኑ̈ና ጌልሳ̇ፔ̇። [ካ̈ቲቲ፥ ዎልቃኬ ቦንችኬ ሜናብ ኔዬ̇፤ ኣሚንኤ።’]

ማ̈ርቆ̈ሳ 14:9

ቴ ዪንታ̇ክ ኪን ጋ̈ሬ ኢዛ ታ̈ብ ዎቲኖ ዪ̈ዲ ሳ̈ዝ ኤ̈ሻ̇ ጋልዳ ዎጛላ ሳባ̇ኪንቲዝ ቤሳ̇ ጋልዳ ዎይ ኢዝ ኦ̈ሳ ቦቲጚንታካ̇ይፌ̈ኒ ሶ̈ሊንቲ̈ሬ።

ሉቃ̈ሳ 2:1

ዪና̇ ኢዝ ኬሊ̇ን ጋርታ̇ ሮ̈ማ ጻና ኣቂዝ ጋዳን ጋርታ ዎ ዎርዦ ዎይ ፋይዲንታ̇ምፔ̈ኒ ጋ̈ሪ ጋዲን ኣቂሲዝ ካ̈ታ ቄ̈ሳ̈ር ኣጊስጦ̈ሲ ኪ̈ቲ̇ዴ።

ዋ̈ኒ̇ሳ 17:6

“ኣላሚን ዓና̇ ጋርታ̇ፖ̇ ኔ ታ̈ብ ኢሚ̇ኖ ኣሳንቦ ቴ ኔ̈ና ኤሪሳዴ፤ ኢንቲ̇ ኔዪዶ̈ን ኔ ኢንታ̇ ታ̈ብ ኢማ̇ዴ፥ ኢንታ̇ር ኔ ቃ̈ሊምቦ ኪ̈ቲንቲ̇ዴ።

ሮሜ 1:8

ታ̈ኒ ዎይ ባዛፖ ቲ̈ኒታራ፥ ዪንቲ̇ ዬሱ̈ሳ ኣማ̇ኒኖንዳ̇ ሳዝ ኤ̈ሻ ዎይ ጋልዳ ሲስኪ̇ንቲ̇ኖኮታ̇ቦ ዪንቲ̇ ዎይንጊሽ̇̇ ታ̈ኒ ጎዳ ዬሱ̈ስ ክርስቶ̈ስ ሱምባራ ታ ጾ̈ሳ̇ ጋላታ̈ሬ።

1 ቆሮ 10:13

ኣስ ጌይዛ ዎይ ዬሊ̇ዝ ሜታ ዪንታ̇ ዬሊ̇ንዶኬ ዪንታ̇ኮን ዱማ ጊዳካ̇ዬ፤ ጾ̈ሳ̇̈ዲ ኣማ̇ኒንቲ̇ኖ ጾ̈ሴ̇። ዪንታ̇̇ብ ዳንዳኢንቲባ̈ሶ ሜቶ ዪንታ̇ ጋልዳ ዬ̈ምፔ̈ን ዎቲባ̈ሴ፤ ሜታ̇ ዪንታ̇ ዬ̈ላዚምባ̇ራ ዪንቲ̇ ጋርዢዝ ዎልቃ ዪንታ̇̇ብ ኢሚ̇ሙታ̇ዶ̈ሪ ዪንታ̇ ሜቲ̇ን ጋርታፖ̇ ኬስኪ̇ዝ ጎይ ዪንታ̇̇ብ ጊ̈ጊ̇ሲሬ።

ኤፍ 6:13

ዪ̈ኮታ̇ቦ ኢታ̇ ቃ̈ም̇ባራ ዪንታ̇ ጻላ̈ታ ጋማንዳ̇ብኬ ኦሊንታ̇ር ዉርሲኖፖ ዓኒ ዪንታ̇ ቤሲ̇ን ጋልዳ ሚ̈ጛር ኤቃ̇ንዳብ ዳንዳኣምፔ̈ን ጾ̈ሳ̇ኮ ኦላ̇ ማሳ̇̈ራ ዎይ ኤ̈ብቴ።

2 ጢማ̈ 2:12

ኑ̈ኒ ጋርዣር ኢባር ሚ̈ጜጌይን፥ ኢባር ዎልኣ ካውቲ̈ሬ። ኑ ኢያ ካ̈ዴጌይንዶ ኢያር ማ ኑ̈ና ካ̈̈ዲ̈ሬ።

ዓይ 3:12

ቴ ኢሺንታ̇ን! ዎሎ ኦች ኣ̈ፍ ዎይ ኦቺ̇ ሉ̈ቃ ካጻ̇ንዳብ ዳንዳኢ̈ራ̈? ዪና̇ ኢዝፌ̈ኒ ኡሽኪንቲባ̈ሶ ኢ̈ት ዋ̈ ጋርታፖ̇ ኡሽኪንቲዝ ኮሽ̇ ዋ̈ ኬስኪባ̈ሴ̈።

1 ጴጥ 4:12

ቴ ላጋ̇ን! ታማፌ̈ኖ ጴች ሜታ ዪንታ̇ ዬሌ̇ጌይን ኦራ̈ ባዝፌ̈ን ማሃሪ ጋራ̇ሚንታፒ̇ቴ።

2 ጴጥ 2:9

ዪዚ ጾ̈ሳ̇̇̈ዲ ኪንባር ኢያ ጎሽቲ̇ሙታ ዎ ኣሳን ኢ̈ታ ባዝ ጋርታፖ ኢንታ ቡ̈ቲሳዚንዶ ማ ና̈ጋራንቻን ቃጣኢሙታ ፊርዳ ቃማ̇ቦ ዎዛርታ̇ር ና̈ጊ ጋዲ̈ርኮ ኤሪ̈ሬ ጌንቴ̇።

ሳጻ 1:9

ዬሱ̈ሲ ጋርዢኖ ጋርዢን፥ ኢ ኤኪ̇ኖ ሜቲንዲኬ ኢ ካ̈ቲቲንዶ ዪንታ̇ባር ዎልኣ ኤኪ̇ዛ ቴ ዪንታ̇ ኢሻ ዋ̈ኒሲ ጾ̈ሳ̇̈ ቃ̈ሊን ጊሻ̇ብኬ ዬሱ̈ሳብ ማርኪቲኖኮታ̇ቦ ቃሺ ኣስፌ̈ን ማ̈ሳሪ ፊጥማ ጋ̈ዝ ዴሴቲን ጋልዳ ታ̈ና ኤ̈ጚን ቴ ኢና ዎዶን፤

ሳጻ 11:10

ዪን ናምኢ ናባን ሳ̈ዝ ጋልዶ ኣሳን ዋ̈ዪኖኮታቦ ሳ̈ዝ ጋልዳ ዶኢዝ ኣሳን ናባን ዓዪቂምባር ኡፋይቲ̇̈ሬ፤ ኢንቲ ዓይቂኖ ቃሚ̇ን ፌ̈ብ ባ̈ልፌ̈ን ማሃር ቦንቺ ኡፋይባር ዎልዎልኣ ኪልስ ኢሚ̇ ዎቲ̈ሬ።

ሳጻ 13:10

ካ̈ቲንታ̇ንዳብ ዎ ኣሲ ካ̈ቲንቲ̇̈ሬ፤ ማሻ̇ባር ዓይቃ̇ንዳብ ዎ ኣሲ ማሻ̇ባር ዓይቂ̇̈ሬ ዪዚ ጌ̈ሽ̇ ኣሳንቦ ዪኒ̇ ኬሊምባ̇ራ ኣማ̇ናኬ ጋርዣክ ኮሺ̇̈ሬ።

ሳጻ 13:14

ቲ̈ኖ ማ̈ታ ባዛ ሱምባር ማላ̇ ባዛን ኦ̈ምፔ̈ን ሲልጣ̈ና ኢ̈ብ ኢሚ̇ንቲ̇ኖኮታ̇ቦ ሳ̈ዝ ጋልዳ ዎ ኣሳን ባሊዴ፤ ማሻ̇ባር ጫዲንታሪ ፋጺኖ ማ̈ታ ባዛ ቦንቻ̇ቦ ሚሲላ ኮቻ̇ምፔን ኢንታ ኪ̈ቲ̇ዴ።

ሳጻ 13:8

ኣላሚን ኮቺንቲ̇ኖፖ ኤር ኢንታ ሱምን ሹኪንቲ̇ኖ ዶራ ሼምፓ ማጻ̈ፊን ጋልዳ ጻ̈ፊንታካ̇ዮን ኣላሚን ጋልዳ ዎ ኣሳን ዎይ ዪ ማ̈ታ ባዛ̈ቦ ጎሽቲ̇̈ሬ።

ሳጻ 14:12

ጾ̈ሳ̇̈ ኪ̈ቲን ና̈ጊዝ ኣሳንኬ ዬሱ̈ሳ ኣማ̇ናር ሚ̈ጚዝ ኣሳን ዪኒ̇ባራ ጋርዣንዳብ ኮሺ̈̇ሬ።

ሳጻ 14:6

ዪኒ̇ፖ ዓኒ ሳ̈ዝ ጋልዳ ዶኢዝ ዎርዣቦ፣ ኣሳ ዜርቦ፤ ዱማ ዱማ ኖ̈ና ሶ̈ሊዛንኬ ዱማ ዱማ ኮቻንቦ ዎይ ሜናብ ዶኣዝ ዎጛሊን ኤ̈ኖ ሜላ ኪ̈ታንቻ ኣፋ ፋራምባር ቴ ቤቃ̇ዴ።

ሳጻ 16:14

ኢንቲ ጋራሚዝ ባዝ ኦ̈ዝ ኢ̈ታ ኣያ̇ናን፤ ዪን ኢ̈ታ ኣያ̇ናን ዎይን ዳንዳኢኖ ጾ̈ሳ̇̈ ጴቻ̇ ቃሚ̇ን ጋላስ ኦሊንታ̇ዝ ኦሊምቦ ኣሳን ሺ̈ሻ̇ንዳቦ ኣላማ ጋልዶ ካ̈ቲንታን ዎይንኮ ሉኪ̇̈ሬ።

ሳጻ 17:2

ሳ̈ዝ ጋልዶ ካ̈ቲንታ̇ንሬ ኢዝባር ኦሎላ ጋዲ̇ኔ፤ ሳ̈ዝ ጋልዳ ዎ ኣሳንሬ ኢዝኮን ኦሎላ ዎይና ጂንባር ማሲቲኔ” ጌይዴ።

ሳጻ 17:8

ኔ ቤቂ̇ኖ ማ̈ታባዛ̈ዲ ዓኒ̇ፖ̇ ቲ̈ን ዎዶሪ ዓት ባዬ̇፤ ዎሃ ዎሳሊ ባዮ̇ ጴች ዶ̈ቺ̇ን ጋርታፖ ኬስኪ̈ሬ፤ ማ ዪብ ሉኪ̇̈ሬ፤ ሳ̈ዚን ኮቺንቲ̇ኖፖ ኤ̈ሪ ኢንታ ሱምንዳ ሼምፓ ማጻ̈ፋ ጋልዳ ጻ̈ፊንታካ̇ይዶር ሳ̈ዝ ጋልዳ ዎ ኣሳን ማ̈ታ ባዛ̈ ቤቃ̇ሪ ጋራ̇ሚንቲ̇̈ሬ። ዪ ማ̈ታ ባዛ̈ዲ ዓኒ̇ፖ ቲ̈ን ዎ፤ ዓት ባዪ፤ ማ ዎሃ ዬ̈ይዛ̈ዳ።

ሳጻ 2:10

ኔ̈ና ጊዳክ ዬላ̇ዝ ሜቲምቦ ኢ̈ጫፔ፥ ዪዚ ሴ̈ይጣኖ ዪንታ̇ ፋታ̇ናንዳብ ኮያሪ ዪንታ̇ ጋርታፖ ፔታ̇ን ፔታ̇ናን ቃሺ ኣ̈ል ጌልሲ̈ሬ፥ ታጳ ቃም̇ ዪንቲ ሜታ ኤኪ̇̈ሬ፤ ኔ ዓይቂ̇ዝ ዲራስ ኣማ̇ኒንቲ̇ኖ ማ̈ቃ̇ቤ፤ ሼምፓ ኣኪሊላ ቴ ኔ̈ብ ኢማ̇ንዳ።

ሳጻ 3:8

ቴ ኔ ኦ̈ሲን ኤራ̈ሬ፤ ቤቃቤ! ኦ̈ናካር ዪብጻ̇ንዳብ ዳንዳኢባ̈ሶ ፊርቂቲ̇ኖ ካራ ኔ ቲ̈ን ጋዲ̇ኔ፤ ኔ ዎልቂን ጊላ̇ ማ̈ቂ̇ኖን ቴ ኤራ̈ሬ፤ ማ̈ቂ̇ናካሬ ኔ̈ኒ ታ ቃ̈ሊን ና̈ጊኔ፤ ታ̈ና ካ̈ዳካ̇ዬ።

ሳጻ 6:10

ኢንታሬ ፌ ቆ̈ን ሾክ̇ ዎታሪ “ጌ̈ሻ̇̈ዲኬ ኪንዲ፥ ዎይፖ ሾክ̇ ጌይኖ ጾ̈ሳ̇̈̇ዶ! ኔ ሳ̈ዝ ጋልዳ ዎ ኣሳን ጋልዳ ኤሊ̇ር ፊርዳራ ኑ ሱን ኣባብ ማሃባሳ?” ጋ̈ሪ ዉይሲዴ።

ሳጻ 8:13

ኢናፖ ቴ ቤቃ̇ምባራ ፔቲ̇ ኣርጊን ኣፎ ሳ̈ዚምቤኬ ሳ̈ዶ̇ ሳ̈ዚምቦ̇ ጊዲ̇ንባራ ፋሪሙታ̇ዶ̈ሪ ጴች ጊርስባራ “ኣቲ̇ኖ ዓይዚ̇ ኪ̈ታንቻን ፌ ሞይዚን ጊርሲን ሲሳ̇ምባራ ሳ̈ዝ ጋልዳ ዶኢዝ ኣሳን ባዚ ኣዬ̇! ኢንታ ባዚ ኣዬ̇! ኢንታ ባዚ ኣዬ̇!” ጋ̈ር ዉይሳዚን ቴ ሲስካ̇ዴ።