ሳጻ 3:1 - ኦራ ጫ̈ቃ ማጻ̈ፋ

¹ ሳርዴ̈ሳ ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፤ ጾ̈ሳ̇̈ ኣያ̇ና ታብዛንኬ ታብዛ ቤ̈ርሳን ፌ ኩሽታ̇ ኤ̈ኖ ሶ̈ሊኖ ሶ̈ላ፤ ኔ ኦ̈ሲን ቴ ኤራ̈ሬ፤ ሱ̈ምቦ ኔ̈ኒ ሜላ̇ ሼምፓ ዎ ጌዪንታ̇̈ርዶኬ ኔ̈ኒ ዓይቂ̇ኔ።

ሳጻ 3:1 ပူးပေါင်းရင်းမြစ်များ

ሉቃ̈ሳ 15:24

ቴ ናኣ ዓ̈ ኣይቂ̇ንዶ̈ሪ ዓት ፋጺኔ፤ ዪንዶ̈ሪ ዓት ቤንቲ̇ኔ’ ዪዝ ጋ̈ሪ ዎልኣ ኡፋይቲ̇ ኤ̈̇ዴ።

ሉቃ̈ሳ 15:32

ዪ ኔ ጌ̈ዳ̈ዲ ዓይቂ̇ንዶ̈ሪ ዓት ፋጺኔ፤ ዪንዶ̈ሪ ዓት ቤንቲ̇ኔ፤ ዪ̈ኮታ̇ቦ ኑ̈ኒ ዎይሊን ኡፋይታ̇ንዳ̇ብ ኮሺ̇̈ሬ’ ” ጌይዴ።

ዋ̈ኒ̇ሳ 1:16

ኢ̈ብ ኩማር ሺኖ ኮሺቲ ጋልዳፖ̇ ኑ̈ናር ዎይ ኣንጃ ጋልዳ ኣንጃ ዲጚዴ።

ዋ̈ኒ̇ሳ 1:33

ቴ ቴ ቆሚ̇ን ኢያ ኤራባስዶ̈ን፥ ቴ ዋ̈ባር ኣስ ጻማ̇ቃምፔ̈ን ታ̈ና ኪ̈ቲ̇ ሚሺኖ̈ዲ ታ̈ኮ ‘ጌ̈ሻ̇ ኣያ̇ና ሶ̈ባር ኢ ጋልዳ ዶኣምባ̇ር ቤቂ̇ዝ ና̈ሳ̈ዲ ጌ̈ሻ̇ ኣያ̇ናባር ጻማ̇ቂዛ ኢያ’ ጋ̈ር ታ̈ብ ሶ̈ሊዴ።

ዋ̈ኒ̇ሳ 20:22

ዪኖ̇ ጌይኖፖ̇ ዎሃ ኢንታ̇ ጋልዳ̇ ኡፍ ጋ̈ር ፉጋ̇ሪ “ጌ̈ሻ̇ ኣያ̇ና ኤኪ̇ብቴ፤

ዋ̈ኒ̇ሳ 3:34

ጾ̈ሲ̇ ፌ ኣያ̇ና ሱ̈ቂታካ̇ይ ኢሚ̇ዛኮታ̇ቦ ጾ̈ሲ̇ ኪ̈ቲ̇ ሚሺኖ̈ዲ ጾ̈ሳ̇̇ ቃ̈ሊን ሶ̈ሊ̈ሬ።

ሃዋ̈ራታን ኦ̈ሳ 2:33

ኢ ጾ̈ሳ̇̇ ላፍ ሾክ ሾክ ጌይኖፖ̇ ዓኒ ጌ̈ሻ̇ ኣያ̇ና ታስፋ ጾ̈ሳ̇̇ ጋልዳፖ̇ ኤካ̇ር ዓት ዪንቲ̇ ቤቃ̇ዚንዲኬ ሲስካ̇ዚን ኣሳ̈ብ ኢሚ̇ዴ።

ኤፍ 2:1

ዪንቲ̇ ዓኒ̇ፖ ቲ̈ን ዪንታ̇ ባዢንባርኬ ዪንታ̇ ናጋሪንባራ ዓይቂ̇ኖን።

ኤፍ 2:5

ኑ ኑ ናጋሪምባራ ዓይቂ̇ኖ ኣስ ማ̈ቂ̇ናካሬ ክርስቶ̈ሳ ጎይባራ ኑ̈ብ ሼምፓ ኢሚ̇ዴ፤ ዪንታ̇ር ፋጺኖንዳ ጾ̈ሳ̇ ኮሺ̇ቲንባራ።

ቆላ̈ሳ̈ሳ 2:13

ዪንቲ̇ ናጋራንቻ ማ̈ቃ̇ር ዎንባርኬ ናጋራንቻ ማ̈ቂ̇ኖ ዪንታ̇ ኣሲቲን ጋራ̇ዚንታ̇ካ̇ዮኮታ̇ቦ ዓይቂ̇ኖንዶን፤ ዎቲናካር ዓት ጾ̈ሳ̇̇̈ዲ ዪንታ̇ ክርስቶ̈ሳ ጎይባር ሼምፓ̇ባር ዶኢዝ ኣስ ማሂኔ፤ ዪንታ ና̈ጋሪንዳር ዎይ ዪንታ̇ቦ ኣቶ̇ ጌይኔ።

1 ጢማ̈ 5:6

ዓኒ̇ ኣላሚን ጋልዶ ኡፋ̈ይሲን ሙታ̇ ኮያዝ ኣስኒ ዓይቂ̇ኖ ማጪ̇ንዳ ኢዛ ሼምፓባራ ዎዶራ ዓይቂ̇ኖ ኣስፌ̈ኔ።

ዓይ 2:26

ካሳ ኬስኪ̇ኖ̈ፖ ዓኒ ኣሲ ዓይቂ̇ኔ̈ ጋ̈ዚንዲፌ̈ኒ፥ ኮሽ̇ ኦ̈ሳ ባይ ኣማ̇ኒንዳ̇ ዓይቂ̇ኖ̈ ባዜ̈።

1 ጴጥ 1:11

ዪን ናባን ጋርታ ዎ ክርስቶ̈ሳ ኣያ̇ናዲ ክርስቶ̈ሳ ጋልዳ ዬላ̇ዝ ሜቲንዲኬ ዪና̇ ሜቲንፖ ዎሃ ኢ ዲጛዝ ቦንቺ̇ን ቲ̈ኒታር ሶ̈ሊኔ፤ ኢንታ̇ር ዪ ዎይ ኣ ኬል̇ ማ̈ቂ̇̈ርኮ ዎዛርታር ማ̈ቂ̇̈ርኮ ዎይሊን ቆፓ̇ር ቢሪን ቤቂ̇ኔ።

ዪሁ 1:12

ዪንቲ̇ ካንባራ ዎልኣ ሞ̈ንዳብ ሺ̈ቃዝ ቤሲ̇ን ጋልዳ ዬ̈ላ̇ ቤይ ዪንታ̇ባር ሺ̈ቃር ሞ̈ንዳብ ኮዪዝ ዢምባ̇ራ ኣስፌ̈ኒዬ፤ ኢንቲ ፌ ቆ̈ማ̇ብ ሙ̈ታ ቆፒ̇ዝ ጋይጫናእፌ̈ኔ፤ ኢንቲ ኣይጊ ጌዳክ ዓኒክ ኤንኢሲዝ ኢሪ ባዮ̇ ሻ̈ራፌ̈ኒዬ፤ ኣ̈ፍ ካጺ̇ባ̈ሶ ሚፌ̈ኒዬ፤ ማ ጻጲንባር ሚዲንታ̇ሪ ናምኢ ቶህ ዓይቂ̇ኖ ሚፌ̈ኔ።

ሳጻ 1:11

ዪና̇ ጊርሲን ታ̈ኮ፤ “ኔ̈ኒ ቤቃ̇ዚንዶ ማጻ̈ፋ ጋልዳ ጻ̈ፋራ ኤፍሶ̈ና፣ ሴርሜኔሳ፣ ጴርጋሞ̈ና፣ ታጥሮ̈ና፣ ሴርዴ̈ሳ፣ ፊላ̈ዴልፋኬ ሎዶ̈ቃ ዪን ታብዛ ዎ̈ሳ ኬ̈ን ጋርታ ሚሻቤ” ጌይዴ።

ሳጻ 1:16

ፌ ኩሺን ኡሻቺ̇ን ጋርታ ታብዛ ቤ̈ርስ ኤ̈ኔ፤ ናምኢ ጎይን ዎይ ሌ̈ፊንቲ̇ኖ ማሺ̇ ኢ ኖ̈ና ጋርታፖ̇ ኬስኪ̈ሬ፤ ማ ኢ ዴ̈ማ̈ዳሬ ጋላስ ኣዋኣፍፌ̈ን ፎኢ̈ሬ።

ሳጻ 1:20

ቴ ኡሻቻ̇ ኩሺን ጋርታ ኔ ቤቂ̇ኖ ታብዛ ቤ̈ርሳንኬ ታብዛ ዎርቃ ጋልዳፖ ኮቺ̇ኖ ማቅራዛን ቢርሺቺንዳ ዓኖ̇፦ ታብዛ ቤ̈ርሳን ታብዛ ዎ̈ሳ ኬንቦ ኪ̈ታንቻን፤ ፎኢን ጋዲ̇ዝ ታብዛ ኢቃን ታብዛ ዎ̈ሳ ኬ̈ን።

ሳጻ 1:4

ቴ ዋ̈ኒሲ ኢ̈ሳ ጋዳ̇ ዎ ታብዛ ዎ̈ሳ ኬ̈ንቦ፦ ሚናር ዎ፤ ዓታ̇ር ዎ፤ ጊዳክ ዬይዛ ጾ̈ሳ̇ ጋልዳፖ፥ ማ ኢ ዙፋ̈ና ቲ̈ን ዎን ታብዛ ኣያ̇ናን ጋልዳፖኬ ዓይቃ ጋርታፖ ዲንዳባር ቲ̈ን ኡስ̇ ማ̈ቂ̇ኖ፥ ሳ̈ዝ ጋልዶ ካ̈ቲንታን ዎይ ኣቂሲዛ፥ ኣማ̇ኒንቲ̇ኖ ማርካ ማ̈ቂኖ ዬሱ̈ስ ክርስቶ̈ሳ ካንንዲኬ ኢ ሳሪቲን ዪንታ̇ብ ማ̈ቆ̇ ጋ̈ሬ። ኑ̈ና ካኖ̈ቤኬ ፌ ሱ̈ንባራ ኑ ናጋሪን ጋልዳፖ ኑ̈ና ናጻ ኬሲ̇ኖ̈ንቦ፥

ሳጻ 2:13

ኔ̈ኒ ሴ̈ይጣና ዶኣዝ ቤሲ̇ን ዋ̈ኒ̇ን ጋርታ̇ ዎን ቴ ኤራ̈ሬ፤ ማ̈ቂናካሬ ቴ ሱምን ኔ̈ኒ ሚ̈ን ኤ̈ኔ፤ ኔ ታ̈ና ኣማ̇ናዚን ኣሻካ̇ዬ፤ ታ̈ቦ ኣማ̇ኒንቲ̇ኖ ማርካ ማ̈ቂ̇ኖ ኣንቲጳሳ ጌይዛ̈ዲ ዪንታ̇ ካታሚን ሴ̈ጣና ኢና ዶኣዚን ጋርታ ኣሳን ኢያ ዎኖ ኬሊ̇ንባራር ኔ ታ̈ና ኣማ̇ናዚን ኣሻ̇ካዬ።

ሳጻ 2:19

ኔ ኦ̈ሲንዲ̇ኬ ኔ ካንንዶ፤ ኔ ኣማ̇ኒንዲኬ ኔ ታ̈ቦ ዳ̈ቡሪኖንዶ ማ ኔ̈ኒ ጋርዣባር ሚጚኖን ቴ ኤራ̈ሬ፤ ኔ ኦ̈ሲን ዎሆንዳ ቲ̈ኖምፖ ሺዚን ቴ ኤራ̈ሬ።

ሳጻ 2:2

ኔ ኦ̈ሲንዶ፣ ኔ ዋ̈ዪንዲኬ ኔ ጋርዢን ታ̈ኒ ኤራ̈ሬ፤ ኢ̈ት ኦ̈ዝ ኣሳን ቤቃ̇ራ ሜላ̇ ኣሻ̇ር ኣ̈ካዮንዶ፥ ማ ሃዋ̈ራታ ባዪዶሪ ፌ̈ና ሃዋ̈ራታ ጌይዛን ኮሺንቻ ቤቃ̇ራ ኢንታ ማቃ ማቂ̇ዝ ኣስ ማ̈ቂ̇ኖን ኔ ዲጚኖን ቴ ኤራ̈ሬ።

ሳጻ 2:9

ኔ ሜቲንዲ̇ኬ ኔ ዎርባዪቲን ታ̈ኒ ኤራ̈ሬ፤ ማ̈ቂ̇ናካሬ ኔ ዱሬ፤ ኣይሁዳ ዜር ባዪዶሪ ፌ̈ና ኣይሁዳ ዜር ጌይዛን፥ ሴ̈ጣናባር ማ̈ባራ ማ̈ቃ̇ር ዎን ኔ ሱምን ኢ̈ሲ̇ኖን ቴ ኤራ̈ሬ።

ሳጻ 3:15

ቴ ኔ ኦ̈ሲን ኤራ̈ሬ፤ ኔ̈ኒ ዛ̈ክ ዎይ ሶ̈ል ጊዳካ̇ዬ፤ ኔ ዛ̈ክ ዎይ ሶ̈ል ማ̈ቂ̇ኖኮ ዎን ኮሽዶን!

ሳጻ 3:2

ባርካ̇ቤ! ዓይቃ̇ንዳብ ዬ̈ሊ̇ኖን ኔ̈ብ ጊላ̇ ኣቲ̇ኖ ዎልቂን ያካ̇ይዶን ኢዞ ሚ̈ንቤ፤ ኔ ኦ̈ሲንዳ ቴ ጾ̈ሳ̇̈ ቲ̈ን ማ̈ዛ ኢዝ ጋልዳ ባዮ̇ ማ̈ቃ̇ር ታ̈ብ ቤንታ̇ካዬ።

ሳጻ 3:8

ቴ ኔ ኦ̈ሲን ኤራ̈ሬ፤ ቤቃቤ! ኦ̈ናካር ዪብጻ̇ንዳብ ዳንዳኢባ̈ሶ ፊርቂቲ̇ኖ ካራ ኔ ቲ̈ን ጋዲ̇ኔ፤ ኔ ዎልቂን ጊላ̇ ማ̈ቂ̇ኖን ቴ ኤራ̈ሬ፤ ማ̈ቂ̇ናካሬ ኔ̈ኒ ታ ቃ̈ሊን ና̈ጊኔ፤ ታ̈ና ካ̈ዳካ̇ዬ።

ሳጻ 4:5

ዙፋ̈ኒን ጋርታ̇ፖ ዜ̈ሊን፣ ጊርስኬ ዳዳ ኬስኪ̇ዴ፤ ዙፋ̈ኒን ቲ̈ን ፎኢዝ ዣባ̇ ታብዛ ዎ፤ ኢንታሬ ጾ̈ሳ̇̈ ኣያ̇ና ታብዛን።

ሳጻ 5:6

ዪኒ̇ፖ ዓኒ ዙፋ̈ኒንቦ ሼምፓባሮ ኮቺንታን ኦይዳ̇ንቤኬ ጪጛሻን ጊዳ̇ ሹኪንቲ̇ኖ ዶሪ ማይጺዝ ዶሪ ኤቂ̇ንዶን ቤቃ̇ዴ፤ ዪ ዶራ̈ቦ ታብዛ ኡሺንችኬ ታብዛ ኣ̈ፊ ዎ፥ ኢንታ̇ሬ ኣላማ ዎይ ጋልዳ ኪ̈ቲንታ̇ር ሉኪ̇ኖ ጾ̈ሳ̇ ኣያ̇ና ታብዛን።