ሳጻ 22:6 - ኦራ ጫ̈ቃ ማጻ̈ፋ

⁶ ዪኒ̇ፖ ዎሃ ኪ̈ታንቻዲ ታ̈ኮ “ዓን ቃ̈ላን ኣማ̇ኒንቲኖንኬ ኪንን፤ ናባን ካ̈ያ ካ̈ያምፔ̈ን ኢንታ̇ብ ኢሚ̇ዝ ጎዳ ጾ̈ሳ̇̇̈ዲ ኡክባር ማ̈ቂ̇ዝ ባዛን ፌ ኣሽካራንቦ ሶ̈ላንዳቦ ፌ ኪ̈ታንቻ ሚሺኔ” ጌይዴ።

ሳጻ 22:6 ပူးပေါင်းရင်းမြစ်များ

ማ̈ቶ̈ሳ 13:41

ዪኒ̇ባራ ቴ ኣሳ ናኣ̈ዲ ቴ ኪ̈ታንቻ̇ን ሚሻ̈ሬ፥ ኢንታ̇ሬ ኣሲ ናጋራ ኦ̈ምፔን ዎቲዛንኬ ማ ኢ̈ት ኦ̈ዛን ዎይ ሺ̈ሻ̇ሪ ጾ̈ሳ̇̇ ካ̈ቲቲን ጋርታ̇ፖ ኬሲ̇̈ሬ።

ሉቃ̈ሳ 16:16

“ሙ̈ሳ ሂጊ̇ንዲኬ ናባን ማጻ̈ፋ ጋልዳ̇ ጻ̈ፊንቲ̇ኖ̈ንዶ ጻማ̇ቂዛ ዋ̈ኒ̇ሲ ዬይኖ ኬል̇ ዲራ̈ስ ኣሲ ዎይ ኢዝቦ ኪ̈ቲንቲ̇ ጋምኢንዶ̈ኒ፥ ኢናፖ̇ ዓኒ ጾ̈ሳ̇̇ ካ̈ቲቲ ዎጛላ ሳባ̇ኪንቲ̇ኔ። ኣሲ ዎይ ኢና ጌላንዳ̇ቦ ዎይሊን ዋንቲ̈ሬ።

ሃዋ̈ራታን ኦ̈ሳ 12:11

ጴ̈ጥሮ̈ሳሬ ኣይባፌኖን ጋርታፖ ባርካሪ “ጎዳ̈ዲ ፌ ኪ̈ታ̇ንቻ̇ ሚሻር ሄሮ̈ዲሳ ኩሽታፕኬ ኣይሁዳን ታ ጋልዳ ዬላ̇ዚን ቤቃ̇ንዳብ ና̈ጊ ዎን ጋልዳፖ̇ ዎይ ታ̈ና ኬሲ̇ኖን ኪንሲ̇ ታ ዓት ኤራዴ” ጌይዴ።

ሃዋ̈ራታን ኦ̈ሳ 3:18

ዎቲናካሬ̈ ጾ̈ሲ̇ ፌዪ ማ̈ቂ̇ኖ ክርስቶ̈ሲ ሜታ ኤካ̇ምፔ̈ኒ ቲ̈ኒታር ናባን ዎይን ኖ̈ናባር ሶ̈ሊኖን ፎቲኔ።

ሮሜ 1:2

ዪና̇ ዎጛሊንዳ̇ ጾ̈ሳ̇̈̇ዲ̇ ፌ ናባን ጎይባራ ጌ̈ሻ̇ ማጻ̈ፋ ጋልዳ ቲ̈ኒታ̇ር ታስፋ ኢሚ̇ኖ ዎጛላ።

1 ቆሮ 14:32

ናባን ጾ̈ሳ̇̈ ጋልዳፖ̇ ሲስኪ̇ኖንዶ ኮዬጌይን ዓት ዓንዳ ኢና ሶ̈ላንዳቦ ሜላ ኣሲ ሶ̈ሊሙታ̇ ዎኮ ኢ ውርሳምባር ሶ̈ላንዳ ጋ̈ሪ ና̈ጋንዳብ ዳንዳኢ̈ሬ።

1 ቆሮ 7:29

ቴ ኢሺንታ̇ን! ላይንዳ ዉሪኔ፤ ዪዚ ዓኒፖ̇ ጌዳ ማጫ̇ ኢ̈ብ ዎ ኣሲ ማጫ̇ ኢ̈ብ ባዮ̇ ኣስፌ̈ን ማ̈ቃ̇ሪ ዶኦጋ̈ቤ።

2 ታሳ 1:7

ዓት ሜታ ኤኪ̇ዛን ዪንታ̇ኬ ኑ̈ናኬ ኢ ሼምፒቺ̈ሬ። ዪና̇ ማ̈ቃ̇ዚንዳ ጎዳ ዬሱ̈ሲ ዎልቃባሮ ኢ ኪ̈ታንቻንባራ ኣፋ̈ፖ ዬይዝ ጋላ̇ሴ።

ኢብ 12:9

ማ ዪኒ̇ ጋልዳ ኑ ዎይንቦ ኑ̈ና ጎይሊዝ ሳ̈ዝ ጋልዳ ኑ̈ና ዬሊኖ ባ̈ባ ዎ፤ ኑ ኢንታ ቦንቺ̈ርባያ? ዓት ዪዶኮ ኑ ሼምፓባር ዶኣንዳቦ ኑባ̈ባ ኣፎ̈ቦ ዎርዛፌ̈ን ኪ̈ቲንታንዳቦ ኮሺ̇̈ራ!

2 ጴጥ 1:21

ኣባ ጌይን ካ̈ያ ጌይዛ ዎይ ኣሳ ቆፊባር ዬ̈ካ̇ዬ፤ ዎቲናካሬ ኣሳን ጌ̈ሻ̇ ኣያ̇ና ኢንታ̇ ቲ̈ኒን ጾ̈ሳ̇̇ ጋልዳፖ ኤካ̇ር ሶ̈ሊኖ ባዜ።

2 ጴጥ 3:2

ዓኒ̇ፖ ቲ̈ን ጌ̈ሻ̇ ናባን ሶ̈ሊኖ ቃ̈ሊንዲኬ ማ ዪንታ̇ ሃዋ̈ራታን ጎይባራ ዲጚኖ ኑ ጎዳ ኑ̈ና ፋዛ ኪ̈ቲን ቆፓ̇ምፔ̈ኒ ቴ ኮያ̈ሬ።

ሳጻ 1:1

ዓና̇ ሳጺንዳ ኡክ̇ ኬል̇ባር ማ̈ቃ̇ዝ ባዚን ፌ ኣሽካራንቦ ቤይሳምፔ̈ን ጾ̈ሳ̇̇̈ዲ ዬ̈ሱ̈ስ ክርስቶ̈ሳብ ኢሚ̇ኔ፤ ዬ̈ሱ̈ስ ክርስቶ̈ሳሬ ፌ ኪ̈ታንቻ ሚሻሪ ፌ ኣሽካራ ዋ̈ኒ̇ሳብ ዓና̇ ሳጺን ቤይሲዴ።

ሳጻ 18:20

ኣፋ ሳ̈ዚንዴ! ኢዛ ዪኖኮታ̇ቦ ኔ ኡፋይታ̇ቤ! ጾ̈ሲ̈ ዪንታ̇ኮታ̇ቦ ኢዝ ጋልዳ ፊርዲኖኮታ̇ቦ፥ ጎዳ ጌ̈ሻ ኣሳንኬ ሃዋ̈ራንኬ ናባን! ዪንታ̇ብ ኡፋይስ ማ̈ቆ̇ጋ̈ቤ!” ጌዪሙታ̇ ዉይሲ̈ሬ።

ሳጻ 19:9

ዪኒ̇ፖ ዓኒ ኪ̈ታንቻ̇̈ዲ ታ̈ኮ “ዶራ̈ ኢሳ̇ ጋርታ ጊብዣ ሞ̈ንዳብ ጼይጊንቲ̇ኖን ኣንጂ̇ንቲ̇ኖን” ጋ̈ራ ጻ̈ፋቤ ጌይዴ፤ ማ ጉጃ̇ሪ “ዪና̇ ጾ̈ሳ̇ኮ ኪን ቃ̈ላ” ጌይዴ።

ሳጻ 21:5

ዙፋ̈ኒን ጋልዳ ዶኢኖዳሬ ታ̈ኮ “ቤቂ̇ብቴ! ታ̈ኒ ዎይ ባዝ ኦራ ማሃንዳ!” ጌይዴ ኢናፖ “ዪ ቃ̈ላ̈ዲ ኣማ̇ኒንቲ̇ኖዳኬ ኪን ማ̈ቂ̇ኖኮታ̇ቦ ጻ̈ፋቤ” ጌይዴ።

ሳጻ 21:9

ዉርሲ ታብዛ ሜታን ኢዝ ጋርታ̇ ኩሚኖ ታብዛ ዋ̈ንጫን ኤ̈ኖ ታብዛ ኪ̈ታንቻን ጋርታፖ̇ ፔታ̇ና ዬሪ ታ̈ኮ “ዓዬ̇̈ቤ! ዶራ ማጪ̇ን ኢሲ̇ን ቴ ኔ̈ና ቤይሳስቶ” ጌይዴ።

ሳጻ 22:1

ዓኒ̇ፖ ዎሃ ኪ̈ታንቻዲ ጾ̈̈ሳ̇̈ዲኬ ዶራ̈ ዙፋ̈ና ጋልዳፖ ኬስኪ̇ዛ ኮሽ̇ ማስቶ̈ታፌ̈ን ዪል ጌይኖን ሼምፓ ኢሚ̇ዝ ዋ̈ን ታ̈ና ቤይሲዴ።

ሳጻ 22:16

“ቴ ዬሱ̈ሲ፥ ዪኖ̇ ዪንታ̇ብ ማርኪታምፔ̈ን ቴ ኪ̈ታንቻ ዎ̈ሳ ኬ̈ንቦ ሚሺኔ፤ ታ̈ኒ ዳ̈ዊታ ኮችኬ ኢ ዜር፤ ማ ፎኢሲዝ ዎን ቤርሴ።”

ሳጻ 22:7

ዬሱ̈ሳሬ “ሲስኪ̇ብቴ! ቴ ኤሊ ዬ̈ንዳ! ዓና̇ ማጻ̈ፊን ጋርቶ ካ̈ያ ቃ̈ሊን ና̈ጊዛ̈ዲ ኣንጂ̇ንቲኖዳ” ጌይሬ።

ሳጻ 4:1

ዓኒ̇ፖ̇ ዎሃ ታ̈ኒ ኣፋ ቴ ቲ̈ኒን ጋርታ̇ ፊርቂንቲ̇ኖ ካራ ዎዶን ቤቃ̇ዴ፤ ታ̈ኒ ዓኒፖ̇ ቲ̈ን ሲስኪ̇ኖ ሞይዛፌ̈ኖ ጊርሳ̈ዲ ታ̈ኮ “ዓኒ̇ፖ ዎሃ ማ̈ቂ̇ዝ ባዛን ቴ ኔ̈ና ቤይሲዛኮታ̇ቦ ዓይ ፉዳ ኬስካ̇ቤ” ጌይዴ