ሳጻ 22:5 - ኦራ ጫ̈ቃ ማጻ̈ፋ

⁵ ዓኒ̇ፖ ጌዳ ቃሚ̇ ዶኢባ̈ሴ፤ ጎዳ ጾ̈ሳ̇ዲ ኢንታ̇ብ ፎኢሲዛኮታ̇ቦ ታማ ፎኢን ዎይ ኣዋ̈ፍ ፎኢን ኢንታ̇ብ ኮሺባ̈ሴ፤ ኢንቲ ሜናብ ካዉቲ ዶኢ̈ሬ።

ሳጻ 22:5 ပူးပေါင်းရင်းမြစ်များ

ማ̈ቶ̈ሳ 19:28

ዬሱ̈ሳር ኢንታ̇ኮ “ቴ ዪንታ̇ክ ኪን ጋ̈ሬ፥ ቢርት ዬ̈ዝ ኦራ ኣላሚን ጋልዳ ታ ኣሳ ናኣ̈ዲ ቴ ቦንቻ̇ ዙ̈ፋና ጋልዳ ዶኣዚምባራ ዪንታ̇ር ታ̈ና ኣማ̇ኒ ቴ ዎሂን ዬሙታ̇ ዎ ኣሳን ታጶ ናምኢ ዙፋ̈ና ጋልዳ ዶኣሪ ታጶ̇ ናምኢ ኢስሬ̈ላ ዜርን ጋልዳ ፊርዲ̈ሬ።

ማ̈ቶ̈ሳ 25:34

“ኢናፖ̇ ታ̈ኒ ካ̈ታ̈ዲ ኡሻች ጎይ ዎንኮ ‘ቴ ባ̈ባ ዪንታ̇ ኣንጂኖን! ዓይ ዬብቴ̇! ኣላሚን ኮቺ̇ንቲኖፖ ኤ̈̇ር ዪንታ̇ብ ጊ̈ጊንቲኖን ካ̈ቲቲን ኤኪ̇ብቴ!

ማ̈ቶ̈ሳ 25:46

“ዪ̈ኮታ̇ቦ ዓን ታ ጋልዳፖ̇ ፋጊንታ̇ሪ ሜናብ ጎይል ቤስ̇ ሉካ̇ምባራ ጺላ̇ን ሜናብ ሼምፓባር ዶኢዝ ቤስ̇ ሉኪ̇̈ሬ” ጌይዴ።

ሮሜ 5:17

ፔቲ̇ ኣሲ ኦ̈ኖ ናጋራጊሽ ዓይቃ ኣስ ዎይ ጋልዳ ካውቴጌይን፤ ጾ̈ሳ̇̇̈ኮን ጊዳር ሺኖ ካንንዲኬ ኪልሲን ኤካ̇ሪ ጺሊ̇ኖን ዎይ ፔቲ̇ ና̈ሳ ዬሱ̈ስ ክርስቶ̈ሳ ጎይባራ ሼምፓባር ሺ ዶኢ̈ ካውቲ̈ሬ።

2 ጢማ̈ 2:12

ኑ̈ኒ ጋርዣር ኢባር ሚ̈ጜጌይን፥ ኢባር ዎልኣ ካውቲ̈ሬ። ኑ ኢያ ካ̈ዴጌይንዶ ኢያር ማ ኑ̈ና ካ̈̈ዲ̈ሬ።

ሳጻ 11:15

ታብዚ ኪ̈ታንቻዲ ፌ ኤ̈ኖ ሞይዚን ፉጊ̇ዴ፤ ኣፋሬ “ኣላሚን ጋልዳ ካ̈ቲቲ ዎይ ጎዳ ኑ ጾ̈ሳ̇ዴይኬ ክርስቶ̈ሴይ ማ̈ቂ̇ኔ፤ ኢ ሜናብ ካዉቲ̈ሬ” ጌይዛ ጴች ጊርሳን ሲስኪንቲ̇ዴ።

ሳጻ 18:23

ዓኒፖ ጌዳ ኔ ጋርታ̇ ታማ ፎኢን ፎ̈ኢባ̈ሴ፤ ኢሳ̇̈ኮንዲኬ ኢሲ̇ንኮንዲክ ቆ̈ ዓኒ̇ፖ ጌዳ ኔ ጋርታ̇ ሲስኪንቲ̇ባ̈ሴ፤ ኔ ኣ̈ል ዛላ ዛልኢዝ ኣሳን ኣላማ ጋልዳ ኤሪንቲ̇ኖ ጴች ኣሳንዶር ኣቲ̇ዴ፥ ኔ ኔ ቢታ̈ባራ ዎርዣ ዎይ ባሊዴ።

ሳጻ 20:4

ዪኒ̇ፖ ዎሃ ዙፋ̈ናን ቤቃ̇ዴ፤ ዪን ዙፋ̈ናን ጋልዳ ፊርዲዝ ሲልጣ̇̈ና ኢንታ̇ብ ኢሚ̇ንቲኖን ዶኢንዶ̈ን ቤቃ̇ዴ፤ ዬሱ̈ሳባዝ ኢንቲ̇ ሶ̈ሊኖኮታ̇ብኬ ጾ̈ሳ̇ ቃ̈ላ ማርኪቲኖኮታ̇ቦ ኢንታ ቆ ቃጺንቲ̇ኖ ኣሳን ሼምፓን ቴ ቤቃ̇ዴ፤ ኢንቲ ማ̈ታ ባዛ̈ብኬ ኢ ሚሲላ̈ቦ ሞ̈ኪንታካ̇ዮን፥ ኢ ማሊ̇ንዳር ፌ ዴ̈ሚን ጋልዳር ማ̈ቆ̇ ፌ ኩሽታ ኤካካ̇ዮን፤ ኢንቲ̇ ዓይቃ ጋርታ̇ፖ ዲንዳ̇ሪ ክርስቶ̈ሳባራ ሙኩላ ላይ ካዉቲዴ።

ሳጻ 20:6

ቲ̈ኖ ዲንዲንባር ዲንዲኖን ጌ̈ሻ̇̈ንኬ ኣንጂ̇ንቲ̇ኖንሴ፤ ናምኢ ዓይቂን ኢንታ ዬላ̇ንዳብ ዳንዳኣባሴ፤ ኢንቲ ጾ̈ሳ̇ባኬ ክርስቶ̈ሳቦ ቄ̈ሳ ማ̈ቂ̇ሬ፤ ማ ክርስቶ̈ሳባራ ሙኩላ ላይ ካዉቲ̈ሬ።

ሳጻ 21:11

ኢዛ ጾ̈ሳ̇ ቦንቻ̇̈ባር ፎ̈ኣ̈ርዶን፤ ኢዝ ቦልቂንዳሬ ዎይሊን ቦንቺንቲኖ ሹች ኢያስጵድፌ̈ኒ ማስቶታፌ̈ን ጌዥጊ̇ኔ።

ሳጻ 3:21

ታ̈ኒ ታ ጻላ̈ታን ጋማራ ታ ባ̈ባ̈ባር ዎልኣ ዶኢኖንዲፌ̈ኒ ጋሚኖ ኣሲ ቴ ዙፋ̈ኒን ጋልዳ ቴባር ዎልኣ ዶ̈ኣምፔን ዎታንዳ።