4 ኢንቲ̇ ኢ ኣፊን ቤቂ̇ሬ፤ ኢ ሱ̈ምዳር ኢንታ ዴ̈ሚን ጋልዳ ዶኢ̈ሬ።
ቡ̈ዳ ጌ̈ሽ ማ̈ቂ̇ኖን፥ ኢንቲ̇ ጾ̈ሳ̇̇ ቤቂ̇ዛኮታ̇ቦ ኣንጂንቲኖን።
ታ̈ብ ኦንዳብ ኮይዝ ኣሲ ዎኮ ቴ ዎሂን ዬጋ̈ቤ፤ ታ̈ብ ኦ̈ዝ ና̈ሳዲ ቴ ዎ ቤሲ̇ን ኢና ዶኢ̈ሬ፤ ታ̈ብ ኦ̈ዛ̈ዳ ቴ ባ̈ባ ኢያ ቦንቺ̇̈ሬ።
“ቴ ባ̈ባ̈ዶ! ዓን ኔ ታ̈ብ ኢሚ̇ኖ ኣሳን ቴ ዎ ቤስ̇ ኢንቲ ዬ̈ምፔ̈ንኬ፥ ዓና ሳ̈ዚን ኮቺ̇ንታካይዶን ኔ ታ̈ና ካኖኮታ̇ቦ ታ̈ብ ኢሚ̇ኖ ቦንቺ̇ን ቤቃምፔ̈ን ኮያ̈ሬ።
ዓት ኑ̈ኒ ዲል̇ ጌይኖ ማስቶ̈ታ ጋርታ ኑ ኑ̈ና ቤቃ̇ዚንዲፌ̈ን ቤቂ̈̇ሬ። ዎቲናካሬ ጊዳክ ዪና̇ ኢዝባራ ፋላ̇ጋል ቤቂ̇̈ሬ፤ ቴ ዓት ኤራዚንዳ ዶኪ̇ን ሙታ፤ ዎቲናካር ጊዳን ጾ̈ሲ ታ̈ና ኤሪኖንዲፌ̈ን ማ̈ቂ̇ኖ ኩም ኤራ ታ̈ብ ዶኢ̈ሬ።
ጌ̈ሺቲ ባይ ማ̈ቄጌይን ኦ̈ናካር ጎዳ ቤቃ̇ንዳብ ዳንዳኢባሶኮታ̇ቦ ኣስ ዎይባር ሳሪቲባር ዶኢብቴ፤ ጌ̈ሺቲባር ዶኣንዳቦ ሚ̈ጚብቴ።
ዓኒ̇ፖ ዎሃ ዶራ̈ዲ ጺዮ̈ና ኢንዲ̇ን ጋልዳ ኤቂ̇ንዶን ቴ ቤቃ̇ዴ፤ ኢባራ ኢ ሱ̈ምንዲኬ ኢ ባ̈ባ ሱምን ኢንታ ዴ̈ሚን ጋልዳ ጻ̈ፊንቲ̇ኖ ፔቲ̇ ጼ̈ታኬ ኦይዲ ታጶ ኦይዲ ሙኩላ ኣሳን ዎ።
ጋሚኖ ና̈ሳ̈ዳ ቴ ጾ̈ሳ̇ ኬ̈ ጋርታ ኢያ ቱ̈ሳፌ̈ን ማሃንዳ፤ ኢናፖ ኢ ኣባካር ጌይን ኬስኪ̇ባ̈ሴ፤ ቴ ጾ̈ሳ̇̈ ሱምንዲኬ ቴ ጾ̈ሳ̇̈̇ ካታሚን ሱምን ኢ ጋልዳ ጻ̈ፋንዳ፤ ዪና̇ ካታሚንዳ ኣፋ ቴ ጾ̈ሳ̇̈ ቲ̈ናፖ ሶባዚን ኦራን ዬሩሳ̈ላሞ፤ ታ ሱምን ኦራንዳር ኢ ጋልዳ ጻ̈ፋንዳ።
“ኑ̈ኒ ኑ ጾ̈ሳ̇̈ ኣሽካራን ዴ̈ሚን ጋልዳ ማይታማ ቡኪ̇ዝ ዲራስ ሳ̈ዚንዳር ማ̈ቆ ባሃሪንዶ ዎይ ሚን ጎዳኣፒ̇ቴ” ጋ̈ሪ ዉይሲዴ።
