ሳጻ 22:18 - ኦራ ጫ̈ቃ ማጻ̈ፋ

¹⁸ ዓና̇̇ ማጻ̈ፊን ጋልዳ ጻ̈ፊንቲ̇ኖ ካ̈ያ ቃ̈ሊን ሲስኪ̇ዛን ዎይንቦ ቴ ሶ̈ላሬ፦ ኦ̈ናካር ዪና̇ ቃ̈ሊን ጋልዳ ፔቲ̇ ባዝ ጉጄጌይን፥ ዓኒ̇ ማጻ̈ፊን ጋርታ ጻ̈ፊንቲ̇ኖ ሜታን ኢ ጋልዳ ጉጂንቲ̇̈ሬ።

ሳጻ 22:18 ပူးပေါင်းရင်းမြစ်များ

ማ̈ቶ̈ሳ 15:13

ኢ ኢንታ̇ኮ “ቴ ባ̈ባ ኣፎ̈ዲ ቶካካ̇ዮ ዱጫ ሚዲንቲ̇̈ሬ።

ኤፍ 4:17

ዪዚ ዓኒፖ̇ ጌዳ ፋባ̈ሶ ቆፊባር ዎ ጾ̈ሳ̇ ኤሪባ̈ሶ ኣሳንፌ̈ኒ ማ̈ቃር ዶኣፒ̇ቴ ጋ̈ር ጎዳ ሱ̈ምባር ቴ ዪንታ̇ብ ሶ̈ላ̈ሬ።

1 ታሳ 4:6

ዪኒፌ̈ኖ ባዝባራ ኦ̈ናካር ማ̈ቂ̇ን ፌ ኢሻ ጋልዳ ዎይ ፌ ሚሺን ጋልዳ ኢ̈ት ኦ̈ፖጋ̈ቤ፤ ዓኒ̇ፖ ቲ̈ን ኑ ዪንታ̇ብ ሶ̈ሊኖንዲፌ̈ኒ ዪ̈ዲፌ̈ኖ ባዝ ኦ̈ዝ ኣሳን ጾ̈ሲ ኢንታ̇ ጋልዳ ፊርዲ̈ሬ።

ሳጻ 1:3

ዪና̇ ዎይ ፎቲንታዝ ኬሊ̇ን ኡክ̇ ማ̈ቂ̇ኖኮታ̇ቦ ዓና̇ ቲንቢታ ቃ̈ሊን ናባ̇ቢዝ ኣሲ ኣንጂ̇ንቲኖ̈ዳ! ማ ዪና̇ ቃ̈ሊን ሲስካ̇ሪ ኢዝ ጋርታ ጻ̈ፊንቲ̇ኖን ኦ̈ሳ ጋልዳ ፌ̈ሺ̇ዛን ኣንጂ̇ንቲ̇ኖን።

ሳጻ 15:1

ሜላ ጴችኬ ጋራ̇ሚሲዝ ማላ̇ ታ̈ኒ ኣፋ ቤቃ̇ዴ፤ ኢንታ̇ሬ ዉርሲ ማ̈ቂ̇ኖ ታብዛ ጎይላን ኤ̈ኖ ታብዛ ኪ̈ታንቻ̇̈ን። ዪን ዉርሲ ጌዪንቲ̇ኖንዳ ጾ̈ሳ̇ ጎይሊን ፎቲንታ̇ዚንዳ ዪንባር ማ̈ቂ̇ኖኮታ̇ቦ።

ሳጻ 15:6

ታብዛ ጎይላን ኤ̈ኖ ታብዛ ኪ̈ታንቻን ጾ̈ሳ̇̈ ኬ̈ ጋርታፖ ኬስኪ̇ዴ፤ ኢንቲ ጌ̈ሽ̇ኬ ቦልቂዝ ቦ̈ርስ ኣፊላ ማኢኔ፤ ፌ ቲራ ጋልዳ ዎርቃባር ኮቺ̇ኖ ኣፊላ ማኢኔ።

ሳጻ 19:20

ዎቲናካሬ ማ̈ታ ባዛ̈ ኤ̈ንቲ̇ዴ፤ ኢ ቲ̈ኒን ጋርታ̇ ዎይሊን ታሚ̇ራ̈ታ ኦ̈ዛ ዎርዳ ናባ̈ዲ ኢያር ኢባር ዎልኣ ኤንቲዴ፤ ኢ ቲ̈ን ማ̈ታ ባዛ̈ ማላ̈ ኢንታ ጋልዳ ዎንኬ ማ̈ታ ባዛ̈ ሚሲላ̈ቦ ሞ̈ኪንቲ̇ዛን ታሚ̇ራታ ኦ̈ሙታ ባሊኔ፤ ዪን ናምኣን ዓይቃካ̇ይ ሼምፓባር ዎዶን ዲ̈ናባር ኤይቲ̇ዝ ታማ ባሃ̈ራ ጋርታ ቶጚቲ̇ዴ።

ሳጻ 20:10

ኢንታ ባሊኖ ዳ̈ቢሎሲ ማ̈ታ ባዛ̈ዲኬ ዎርዳ ናባ̈ዲ ዎ ዲናባር ሚቺ̇ዝ ታማ ባሃ̈ራ ጋርታ ቶጚንቲ̇ዴ፤ ኢንቲ̇ ቤስ̇ ኢና ቃማ̇ሬ ጋላሳ̇ር ሜናብ ቢጻ ቤቂ̇ ዶኢ̈ሬ።

ሳጻ 20:15

ኦ̈ናካሬ ኢ ሱምን ሼምፓባሮን ጻ̈ፊንቲ̇ዝ ማጻ̈ፋ ጋልዳ ጻ̈ፊንታካ̇ዮ ኣሲ ዎይ ታማ ባሃ̈ራ ጋርታ ቶጚንቲ̇ዴ።

ሳጻ 22:10

ዓታ̇ር ማ̈ቃ̇ር ታ̈ኮ “ኬሊ̇ን ኡኪ̇ኖኮታቦ ዓና̇ ማጻ̈ፊን ጋርቶ ካ̈ያ ቃ̈ሊን ኣ̈ቻ̇ር ጋዳፔ̇፤

ሳጻ 22:16

“ቴ ዬሱ̈ሲ፥ ዪኖ̇ ዪንታ̇ብ ማርኪታምፔ̈ን ቴ ኪ̈ታንቻ ዎ̈ሳ ኬ̈ንቦ ሚሺኔ፤ ታ̈ኒ ዳ̈ዊታ ኮችኬ ኢ ዜር፤ ማ ፎኢሲዝ ዎን ቤርሴ።”

ሳጻ 22:7

ዬሱ̈ሳሬ “ሲስኪ̇ብቴ! ቴ ኤሊ ዬ̈ንዳ! ዓና̇ ማጻ̈ፊን ጋርቶ ካ̈ያ ቃ̈ሊን ና̈ጊዛ̈ዲ ኣንጂ̇ንቲኖዳ” ጌይሬ።

ሳጻ 22:9

ዎቲናካር ኪ̈ታንቻ ታ̈ኮ “ኣሻ̇ቤ! ዪፌ̈ን ዎታፔ! ታ̈ኒ ኔባራ ኔ ኢሺንታንባራ ናባንባራ ማ ዓና̇ ማጻ̈ፊን ጋልዶን ቃ̈ሊን ና̈ጊዝ ኣሳንባር ዎልኣ ጾ̈ሳ̇̇ብ ኣሽካ̇ራ፤ ጾ̈ሳ̇̇̈ቦ ጎሽታ̇ቤ!” ጌይዴ።

ሳጻ 3:14

ሎ̈ዶቃ ዎ̈ሳ ኬ̈ን ኪታንቻ̇̈ቦ ዪዝ ጋ̈ር ጻ̈ፋቤ፦ “ኣሚንኤ ማ̈ቂ̇ኖ፥ ኪንኬ ኣማ̇ኒንቲኖ ማርካ̇፥ ጾ̈ሲ̈ ኮቺ̇ኖ ባዝ ዎይቦ ላ̈ ማ̈ቂ̇ኖ ሶ̈ሊኖ ሶ̈ላ፦