7 ጋሚኖ̈ዲ ዓኖ ኤኪ̇̈ሬ፤ ታ̈ኒ ኢ̈ብ ጾ̈ስ ማ̈ቃ̇ንዳ፤ ኢያር ታ̈ብ ናኢ ማ̈ቂ̇̈ሬ፤
ቴ ጊሻ̇ቦ ጋ̈ሪ ፌ ኣ̈ሊንዶ፣ ፌ ኢሺንታ̇ን፣ ፌ ሚሺንታን፣፥ ፌ ባ̈ባ̈ዳ፣ ፌ ኢንዲ̇ንዶ፣ ፌ ናኣን ዎይ ፌ ዎት ጋዲንዶ ኣሺ̇ዝ ኣሲ ዎይ ፌ ኣሺ̇ኖ ባዛን ዪን ጼ̈ታ ኩሽ ዲጚ̈ሬ፤ ማ ሜናብ ሼምፓባር ዶኢ̈ሬ።
“ኢ ላ̈̈ዳር ኢ̈ኮ ‘ዎይኣ! ኔ̈ኒ ኣማ̇ኒንቲ̇ኖ ኮሻ̇ ኣሽካራ! ኔ ጊላ̇ ባዛቦ ኣማ̇ኒንቲኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ̇፤ ዪዚ ዓይ ዬ̈ቤ ኔ ላ̈ባር ዎልኣ ኡፋይታ̇ንዳብ ዓይ ጌላቤ!’ ጌይዴ።
“ኢናፖ̇ ታ̈ኒ ካ̈ታ̈ዲ ኡሻች ጎይ ዎንኮ ‘ቴ ባ̈ባ ዪንታ̇ ኣንጂኖን! ዓይ ዬብቴ̇! ኣላሚን ኮቺ̇ንቲኖፖ ኤ̈̇ር ዪንታ̇ብ ጊ̈ጊንቲኖን ካ̈ቲቲን ኤኪ̇ብቴ!
ዬሱ̈ሲ ኢናፖ̇ ዲንዳ̇ሪ ጎይ ዬ̈ ኤ̈̇ዴ። ኢ ሉካ̇ምባራ ፔቲ̇ ኣሲ ዎባር ዬ̈ር ኢ ቲ̈ን ቡቂንታ̇ሪ “ኮሽ ኣስታማ̈ራ̈ዶ! ሜና ሼምፓባር ዶኢን ኤካ̇ንዳቦ ቴ ኣብዝ ዎታንዳ̇ብ ኮሺ̇ራ?” ጌይዴ።
ጾ̈ሳ̇ ኣያ̇ናባር ቲ̈ኒንቲ̇ዛን ዎይ ጾ̈ሳ̇ ናኤ።
ጾ̈ሲ ኮቺ̇ኖ ባዚ ዎይ ጾ̈ሳ̇̇ ናኣን ኬስካ̇ር ቤንታ̇ዝ ጋላሲ̇ን ጴች ሹ̈ናባር ና̈ጊ̈ሬ።
ጾ̈ሳ̇ ኬ̈ኬ ጻላሃክ ኣብዚ ዎል ዬልራ? ኣባ ጌይን ጾ̈ሳ̇̇̈ዲ፦ “ታ̈ኒ ቴ ዎርዣ ጊዳ̇ ዶኣንዳ፤ ቴ ኢንታ̇ ጊዳ ዬ ቢሪንታ̇ንዳ፤ ቴ ኢንታ̇ ጾ̈ስ ማ̈ቃ̇ንዳ፤ ኢን̇ታ̇ሬ ቴ ዎርዣ ማ̈ቂ̇̈ሬ” ጋ̈ሪ ሶ̈ሊኖንዲፌ̈ኒ ኑ ዎይ ሜናብ ዶኢዛ ጾ̈ሳ̇ ኬ̈።
ቴ ዪንታ̇ብ ባ̈ባ ማ̈ቃ̇ንዳ፤ ዪንታ̇̇ር ታ̈ብ ኣቲና ናኢኬ ማጫ̇ ናኢ ማ̈ቂ̇̈ሬ፤ ጌይሬ ዎይን ዳንዳኢዝ ጾ̈ሳ̇̇̈ዲ።” ጌይኔ።
“ዪና̇ ኢዝ ኬሊ̇ምፖ ዓኒ ታ̈ኒ ኢስሬ̈ላ ዎርዣባር ጌላዝ ጫ̈ቂን ዓኖ̇፤ ታ̈ኒ ቴ ሂጊ̇ን ኢን̇ታ ጋርታ ጋዳ̇ንዳ ኢንታ ቡ̈ዲን ጋርታ ጻ̈ፋንዳ፤ ታ̈ኒ ኢንታብ ጾ̈ስ ማ̈ቃንዳ፤ ኢንታር ቴ ዎርዣ ማ̈ቂ̇̈ሬ።
ዪንታ̇ብ ኢ̈ት ኦ̈ኖ̈ቦ ኢ̈ት ኦ̈ ማሃፒ̇ቴ ዪንታ̇ ቆ̈ኖ̈ዳ ቆ̈ ማሃፒ̇ቴ ዪኒ̇ፖ ኢያ ኣንጂብቴ። ዪንቲ ጼይጊንቲ̇ኖንዳ ዪኒፌ̈ን ኦ̈ሪ ኣንጃ̇ ዲጛ̈ምፔ̈ኒዬ።
ጌ̈ሻ̇ ኣያ̇ና̈ዲ ዎ̈ሳ ኬ̈ንቦ ሶ̈ላዝ ባዚንዶ ዋይ ዎ ኣሲ ሲስካ̇ጋ̈ቤ! ጋሚዝ ና̈ሳ̈ዲ ናምኢ ዓይቂ̇ንዳ ኢያ ዬላ̇ባሴ።
ጌ̈ሻ̇ ኣያ̇ና̈ዲ ዎ̈ሳ ኬ̈ንቦ ሶ̈ላዝ ባዚንዶ ዋ̈ይ ዎ ኣሲ ሲስካ̇ጋ̈ቤ! ጋሚዝ ና̈ሳቦ ኣ̈ቺንቲኖ ማና̇ ጋልዳፖ ኢማ̇ንዳ፤ ማ ኤኪ̇ዝ ና̈ሳ ኢ̈ፖ ሜላ ኣሲ ኦ̈ናካር ኢዛ ኣብዝኮ ኤሪባ̈ሶ ኦራ ሱሚ ጻ̈ፊንቲ̇ኖ ቦ̈ርስ ሹቻ̇ር ኢ̈ብ ኢማ̇ንዳ።
ዪንቲ̇ ቴ ዬይዝ ዲራስ ዪንታ̇ብ ዎ ኣማ̇ኒን ሚ̈ንር ኤ̈ብቴ̇።
ጌ̈ሻ̇ ኣያ̇ና̈ዲ ዎ̈ሳ ኬ̈ንቦ ሶ̈ላዝ ባዚንዶ ዋ̈ይ ዎ ኣሲ ሲስካ̇ጋ̈ቤ! ጋሚዝ ና̈ሳ̈ቦ ኣፋ ጋና̇ታ ጋርታ ዎ ሼምፓ ኢሚ̇ዝ ሚን ኣ̈ፊን ኢ ሞ̈ምፔ̇̈ን ቴ ዎታንዳ።
ኢናፖ ዙፋ̈ኒን ጋርታ̇ፖ “ጾ̈ሳ̇̈ ዶኣዚንዳ ኣሳ ጊዳ̇ ማ̈ቂ̇ኔ፥ ኢ ኢንታ̇ባር ዶኢ̈ሬ፥ ኢንታ̇ሬ ኢ ዎርዣ ማ̈ቂ̇̈ሬ፤ ጾ̈ሳ̇ ፌ ቆሚ̇ን ኢንታ̇ባር ማ̈ቂ̇̈ሬ ማ ኢንታ ጾ̈ስ ማ̈ቂ̇̈ሬ፤
