5 ዙፋ̈ኒን ጋልዳ ዶኢኖዳሬ ታ̈ኮ “ቤቂ̇ብቴ! ታ̈ኒ ዎይ ባዝ ኦራ ማሃንዳ!” ጌይዴ ኢናፖ “ዪ ቃ̈ላ̈ዲ ኣማ̇ኒንቲ̇ኖዳኬ ኪን ማ̈ቂ̇ኖኮታ̇ቦ ጻ̈ፋቤ” ጌይዴ።
ዪ̈ኮታ̇ቦ ቢርት ኤ̈ሲ̇ኖ ኤ̈ስ ኦራ ኦካራ ጋርታ̇ ሚሻንዳ̇ብ ኮሺ̇̈ሬ።
ዪ̈ኮታ̇ቦ ኦ̈ናካር ኣሲ ክርስቶ̈ሳ ኣማ̇ኔጌይን ኦራ ሜንቴ፤ ቲ̈ኖ ሲላ ሜቲን ኣቲ̇ኔ ኢዝ ቤሲ̇ን ኦራ ሜቲ ዬይኔ።
ዪና̇ “ፔቲ̇ ቶህ ጉጃ̇ራ” ጋ̈ዝ ቃ̈ሊን ኤንኢባሶ ባዛን ሚ̈ጛር ዶኣዚንዶ ኤንኢዛን ዎይ ኮቺንቲ̇ኖ ባዛን ፋካ̇ር ያዚንዶ ቤይሲ̈ሬ።
ዪና̇ ጊርሲን ታ̈ኮ፤ “ኔ̈ኒ ቤቃ̇ዚንዶ ማጻ̈ፋ ጋልዳ ጻ̈ፋራ ኤፍሶ̈ና፣ ሴርሜኔሳ፣ ጴርጋሞ̈ና፣ ታጥሮ̈ና፣ ሴርዴ̈ሳ፣ ፊላ̈ዴልፋኬ ሎዶ̈ቃ ዪን ታብዛ ዎ̈ሳ ኬ̈ን ጋርታ ሚሻቤ” ጌይዴ።
ዪዚ ኔ ቤቂ̇ኖንዶ፤ ዓት ዎንዲኬ ቢርት ጋስ ዬ̈ዚን ጻ̈ፋቤ።
ዪኒ̇ፖ ዓኒ ኪ̈ታንቻ̇̈ዲ ታ̈ኮ “ዶራ̈ ኢሳ̇ ጋርታ ጊብዣ ሞ̈ንዳብ ጼይጊንቲ̇ኖን ኣንጂ̇ንቲ̇ኖን” ጋ̈ራ ጻ̈ፋቤ ጌይዴ፤ ማ ጉጃ̇ሪ “ዪና̇ ጾ̈ሳ̇ኮ ኪን ቃ̈ላ” ጌይዴ።
ዪኒ̇ፖ ዓኒ ጴች ቦ̈ርስ ዙፋናኬ ማ ዙፋኒን ጋልዳ ዶኢኖ ቴ ቤቃ̇ዴ፤ ሳ̈ዶ̇ ሳ̈ዚንዲኬ ኣፎ ሳ̈ዚንዳ ኢ ቲ̈ናፖ ዎጺ ዪዴ፥ ዶኢዝ ቤሳ̇ር ኢንታ̇ብ ቤንታካ̇ዬ።
ኦ̈ናካር ዓና̇ ካ̈ያ ማጻ̈ፊን ጋርታ ጻ̈ፊንቲ̇ኖ ቃ̈ላን ጋርታፖ̇ ፔቲ̇ ባዝ ዲሪንር ቤንቴ̇ጌይን፥ ዓና̇ ማጻ̈ፊን ጋርታ̇ ሶ̈ሊንቲ̇ኖ ሼምፓ ኢማ̇ዝ ሚን ኣ̈ፊንዲኬ ጌ̈ሻ̇ ካታሚን ጋርታ ኢ̈ያ ዬላ̇ዝ ባዚን ጋርታፖ ጾ̈ሲ ኢ̈ኮን ዲሪንሬ።
ዪኒ̇ፖ ዎሃ ኪ̈ታንቻዲ ታ̈ኮ “ዓን ቃ̈ላን ኣማ̇ኒንቲኖንኬ ኪንን፤ ናባን ካ̈ያ ካ̈ያምፔ̈ን ኢንታ̇ብ ኢሚ̇ዝ ጎዳ ጾ̈ሳ̇̇̈ዲ ኡክባር ማ̈ቂ̇ዝ ባዛን ፌ ኣሽካራንቦ ሶ̈ላንዳቦ ፌ ኪ̈ታንቻ ሚሺኔ” ጌይዴ።
ኤሊ̇ባራ ታ̈ኒ ጌ̈ሻ̇ ኣያ̇ናባር ኦ̈ሂንታ̇ዴ፤ ማ ኣፋ ዙፋ̈ና ቤቃ̇ዴ፤ ኢዝ ጋልዳ ፔቲ ኣሲ ዶኢኔ።
ዪን ኮቺንታ̇ን ዙፋ̈ኒን ጋልዳ ዶኢኖቦኬ ሜናብ ዶኢዛ̈ቦ ቦንች፣ ጋላታኬ ጴቺቲስኬ ኢ̈ብ ሺሻ̇ምባራ ዎይ ጋላስ፥
ዙፋ̈ና ጋልዳ ዶኢኖ̈ዲ፥ ጋርታ̇ ጎይኬ ጋሳ ጎይ ኢዝ ጋልዳ ጻ̈ፊንቲ̇ኖ ታብዛ ቤስ̇ ጋልዳ ማይታማባር ኣሻ̇ጊኖ ማጻ̈ፋ ፌ ኡሻቻ̇ ኩሽታ̇ ኤ̈ንዶን ቤቃ̇ዴ።