ሳጻ 20:3 - ኦራ ጫ̈ቃ ማጻ̈ፋ

³ ሙኩላ ላይ ዉሪዝ ዲራስ ዎርዣን ባሊካ̇ይፌኒ ኪ̈ታንቻ̇̈ዲ ኢያ ዎሳሊ ባዮ̇ ጴች ዶ̈ቻ ጋርታ̇ ሚሺዴ፤ ኢናፖ ኢ ጋልዳ ዪብጻ̇ር ኣሻ̇ጋር ኣሺ̇ዴ፤ ዪኒፖ ዎሃ ሙቃ̇ ጊዛቦ ቢሊ̇ንታ̇ንዳብ ኮሺ̇̈ሬ።

ሳጻ 20:3 ပူးပေါင်းရင်းမြစ်များ

ማ̈ቶ̈ሳ 24:24

ዎርዳባር ፌ̈ና ክርስቶ̈ሳ ዪዝ ጌይዛንኬ ዎርዳ ናባን ዲንዲ̈ሬ። ኢንታ̇ብ ዳንዳኢንቴ̇ጌይን ሜላ ኣቲ̇ን ጾ̈ሳ̇̇̈ቦ ማራ̇ጺንቲ̇ኖ ኣሳን ባሊንዳቦ ጴች ታሚ̇ራ̈ታኬ ጋራ̇ሚሲዝ ባዛን ቤይሲ̈ሬ።

ማ̈ቶ̈ሳ 27:66

ዪ̈ኮታ̇ቦ ኢንቲ̇ ሉካ̇ሪ ሹቺ̇ን ጋልዳ ማይታማ ቡካ̇ሪ ዱ̈ፊን ዛባባር ና̈ጊሲዴ።

ማ̈ርቆ̈ሳ 4:15

ፔቲ̇ ፔቲ̇ ኣሳን ጎይም ጋልዳ ኬዲ̇ኖ ዜርን ማይጺ̈ሬ። ዪን ጾ̈ሳ̇̇ ቃ̈ሊን ሲስካ̇ምባ̇ራ ሴ̈ጣኖ ኤሊ̇ባር ዬ̈ሪ ኢንታ̇ ጋርታ̇ ጌሊኖን ጾ̈ሳ̇̇ ቃ̈ሊን ቦቲን̈ሬ።

ሉቃ̈ሳ 8:31

ኢ̈ታ ኣያ̇ናን “ዋ̈ዴ ሜናብ ቢጻ ቤቂ̇ሙታ ዶኣዝ ቤሲ̇ን ጋርታ̇ ኑ̈ና ሚሻፔ” ጋ̈ሪ ሚ̈ንር ጌሺዴ።

2 ቆሮ 11:3

ሾ̈ሺ̇ ፌ ዉጪ̇ምባራ ሄዋ̈ኖ ባሊኖንዲፌ̈ኒ ዪንታ̇ ቆፊንዳር ኢ̈ታራ ዪንቲ̇ ኣሽካኬ ኮሽ ማ̈ቂ̇ኖ ቡ̈ዳባራ ክርስቶ̈ሳብ ኣማ̇ኒንታዚንዶ ኣሺ̇ዝዳ ጌያ ኢ̈ጫ̇̈ሬ።

2 ጴጥ 3:8

ታ ላጋ̇ን! ጎዳ ቲ̈ን ፔቲ̇ ቃሚ̇ ሙኩላ ላይፌ̈ኒ፥ ሙኩላ ላይ ፔቲ̇ ቃምፔ̈ን ማ̈ቂ̇ኖን ዪኖ̇ ቦቲጛፒ̇ቴ።

ሳጻ 12:9

ዳዋ ጴቻ̇̈ዲ ቶ̈ራ ሳ̈ዳ ቶጚንቲ̇ዴ፤ ኢያሬ ኣላሚን ዎይ ባሊዛ ዳብሎ̈ሳ ዎይ ሴ̈ጣና ጌይ ጼይጊንቲ̇ዛ ሚኖ ሾ̈ሻ̈̇ዳ፤ ኢ ቶ̈ራ ሳ̈ዳ ቶጚንቲ̇ዴ ማ ኢ ኪ̈ታንቻ̇̈ንሬ ኢባር ዎልኣ ቶጚንቲ̇ዴ።

ሳጻ 13:14

ቲ̈ኖ ማ̈ታ ባዛ ሱምባር ማላ̇ ባዛን ኦ̈ምፔ̈ን ሲልጣ̈ና ኢ̈ብ ኢሚ̇ንቲ̇ኖኮታ̇ቦ ሳ̈ዝ ጋልዳ ዎ ኣሳን ባሊዴ፤ ማሻ̇ባር ጫዲንታሪ ፋጺኖ ማ̈ታ ባዛ ቦንቻ̇ቦ ሚሲላ ኮቻ̇ምፔን ኢንታ ኪ̈ቲ̇ዴ።

ሳጻ 17:2

ሳ̈ዝ ጋልዶ ካ̈ቲንታ̇ንሬ ኢዝባር ኦሎላ ጋዲ̇ኔ፤ ሳ̈ዝ ጋልዳ ዎ ኣሳንሬ ኢዝኮን ኦሎላ ዎይና ጂንባር ማሲቲኔ” ጌይዴ።

ሳጻ 17:8

ኔ ቤቂ̇ኖ ማ̈ታባዛ̈ዲ ዓኒ̇ፖ̇ ቲ̈ን ዎዶሪ ዓት ባዬ̇፤ ዎሃ ዎሳሊ ባዮ̇ ጴች ዶ̈ቺ̇ን ጋርታፖ ኬስኪ̈ሬ፤ ማ ዪብ ሉኪ̇̈ሬ፤ ሳ̈ዚን ኮቺንቲ̇ኖፖ ኤ̈ሪ ኢንታ ሱምንዳ ሼምፓ ማጻ̈ፋ ጋልዳ ጻ̈ፊንታካ̇ይዶር ሳ̈ዝ ጋልዳ ዎ ኣሳን ማ̈ታ ባዛ̈ ቤቃ̇ሪ ጋራ̇ሚንቲ̇̈ሬ። ዪ ማ̈ታ ባዛ̈ዲ ዓኒ̇ፖ ቲ̈ን ዎ፤ ዓት ባዪ፤ ማ ዎሃ ዬ̈ይዛ̈ዳ።

ሳጻ 20:1

ዓኒ̇ፖ ዎሃ ዎሳሊ ባዮ̇ ጴች ዶ̈ቺ̇ን ፊርቂ̇ዝ ቁልፋኬ ጴች ሳንሳ̇ላታ ፌ ኩሽታ ኤ̈ኖ ኪ̈ታንቾ ኣፋፖ̇ ሶ̈ባምባ̇ር ቴ ቤቃ̇ዴ፤