ሳጻ 2:5 - ኦራ ጫ̈ቃ ማጻ̈ፋ

⁵ ኔ̈ኒ ዎዛርፌ̈ኖ ጴች ኢንዳ ጋልዳፖ ጎርጎራ ኬዲ̇ኖኮ ኔ̈ኮን ቆፓ̇ቤ! ማ̈ሪቲ ጌላቤ! ቲ̈ን ኔ ኦ̈ሙታ ዎ ኦ̈ሲን ኦ̈ቤ፤ ኔ̈ኒ ማ̈ሪቲ ጌላካ̇ይ ኣቴጌይን ኔክ ሉካ̇ራ ኔ ማቅራዚን ኢዝ ቤሲ̇ን ጋልዳፖ ቴ ዲንሬ።

ሳጻ 2:5 ပူးပေါင်းရင်းမြစ်များ

ማ̈ቶ̈ሳ 5:14

“ዪንቲ̇ ኣሳቦ ፎኢንፌ̈ኔ። ኢንዳ ጋልዳ ዎ ካታሚን ጌ̈ሚታንዳብ ዳንዳኣባሴ።

ማ̈ቶ̈ሳ 5:15

ኣሲ ፎኢን ፎ̈ኢሳሪ ኣ̈ል ዎ ኣሳ̈ብ ዎይ ፎ̈ኣምፔ̈ኒ ሾካ̇ ቤስ̇ ጋልዳ ጋዲ̇̈ርዶኬ ኦት ጋርታ̇ ጋዲባ̈ሴ።

ማ̈ርቆ̈ሳ 12:9

ዪዚ ዪንቲ ቆፓ̇ምባራ ዎይና ታ̈ኪልቲን ላ̈ ዎዛርቲዛ ማይጺ̈ራ? ዬ̈ሪ ኦ̈ዝ ኣሳን ዎይ ዎሪ ታ̈ኪልቲን ቤሲ̇ን ሜላ ኣሳብ ኢሚ̇̈ሬ።

ሉቃ̈ሳ 1:17

ኣያ̇ናባርኬ̇ ዎልቃ̇ባራ ናባ ኤ̈ላ̈ሳፌ̈ን ማ̈ቃ̇ሪ ዎርዣ̈ ጎዳ̈ቦ ጊ̈ጊሳ̇ንዳቦ ጎዳ ዬሱ̈ሳፖ ቲ̈ኒታሪ ኦ̈ሳ ዣማ̇ሪ̈ሬ፤ ባ̈ቢንታ̇ን ፌ ናኣን ማሂ ካምፔ̈ን ዎቲ̈ሬ፤ ማ ኪ̈ቲንቲባ̈ሶ ኣሳን ቡ̈ዲን ጺላ̇ ኣሳን ኤሪንኮ̇ ማሂ̈ሬ” ጌይዴ።

ሉቃ̈ሳ 20:16

ላ̈ ዬ̈ሪ ዪን ኣሳን ዎ̈ሬ። ዎይና ታ̈ኪልቲ̇ንዳሬ ሜላንቦ ኢሚ̇̈ሬ” ጌይዴ። ዎርዣ ዪ ሲስካ̇ሪ “ዪ̈ዲፌ̈ኖ ባዝ ጾ̈ሲ̇ ቴቆ̇” ጌይዴ።

ጋላ̈ታ 5:4

ዪንቲ̇ ሂጋ̇ ና̈ጊ ፎታሪ ጺላ̇ንዳብ ዋዪዛን ዎይ ክርስቶ̈ሳ ጋልዳፖ̇ ፋጊንቲ̇ኔ፤ ጾ̈ሳ̇̇ ማ̈ሪቲን ጋልዳፓር ጎቲ̇ኔ።

ፊል 2:15

ዪ̈ዳሬ ኣባቦ ጌይን ዓ ዓታባሮ ኢ̈ት ዬሊቲ ጋርታ ዪንታ̇ ጋልዳ ማዛ ባዮ̇ ኣስ ማ̈ቃ̇ሪ ቤንታ̇ምፔ̈ንኬ ጌ̈ሽ ጾ̈ሳ̇ ናኣን ማ̈ቃ̇ሪ ዓኒ̇ ኣላሚን ጋልዳ ቤ̈ርስፌ̈ን ፎኣምፔ̈ኔ።

ኢብ 10:32

ዪንቲ ጎዳ ኣማ̇ኒኖፖ ዓኒ ዎይሊን ሜታ ኤካ̇ሪ ጋርዣባር ኣ̈ኖ ዪን ሚኖ ኬላ̇ን ቆፒ̇ብቴ።

2 ጴጥ 3:17

ዪ̈ኮታ̇ቦ ታ ላጋ̇ን! ዪኖ̇ ዪንቲ̇ ቲ̈ኒታሪ ኤሪኖኮታ̇ቦ ውጫ ኣሳን ዪንታ̇ ባሊንዳብ ኮያዚምባራ ዪንቲ̇ ሚ̈ጛር ኤቂ̇ኖን ጋልዳፖ ኬዳካ̇ዮ̈ዲፌ̈ኒ ና̈ጊንቲ̇ብቴ።

ዪሁ 1:24

ዪንቲ ብሲንታ̇ር ኬዳካ̇ዮ̈ዲፌ̈ን ዪንታ̇ ና̈ጊሙታዶ̈ሪ ኡፋይስባራ ፌ ቦንቺ̇ን ቲ̈ን ዪንታ̇ ሺ̈ሻ̇ንዳቦ ዳ̈ንዳኢዛ̈ቦ፥

ሳጻ 1:20

ቴ ኡሻቻ̇ ኩሺን ጋርታ ኔ ቤቂ̇ኖ ታብዛ ቤ̈ርሳንኬ ታብዛ ዎርቃ ጋልዳፖ ኮቺ̇ኖ ማቅራዛን ቢርሺቺንዳ ዓኖ̇፦ ታብዛ ቤ̈ርሳን ታብዛ ዎ̈ሳ ኬንቦ ኪ̈ታንቻን፤ ፎኢን ጋዲ̇ዝ ታብዛ ኢቃን ታብዛ ዎ̈ሳ ኬ̈ን።

ሳጻ 16:9

ኣሳን ጴች ኣዋ ሶ̈ልባር ሚጪ̇ዴ፤ ዪን ዬይኖ ሜታን ጋልዳ ሲልጣ̈ና ኢ̈ብ ዎ ጾ̈ሳ̇̈̇ ሱምን ቆ̈ዴ፤ ፌ ናጋሪንኮታ̇ቦ ማ̈ሪቲ ጌላካዬ፤ ጾ̈ሳ̇̇̈ዳር ቦንቻ̇ካዬ።

ሳጻ 2:16

ዪ̈ኮታቦ ማ̈ሪቲ ጌላቤ! ዪፖ ኣቴጌዪን ታ̈ኒ ኤሊ ኔክ ዬ̈ራ ቴ ኖ̈ና ጋርታፖ ኬስኪ̇ዝ ማሻ̇ባራ ቴ ኢንታ ጫዳ̇̈ሬ።

ሳጻ 2:19

ኔ ኦ̈ሲንዲ̇ኬ ኔ ካንንዶ፤ ኔ ኣማ̇ኒንዲኬ ኔ ታ̈ቦ ዳ̈ቡሪኖንዶ ማ ኔ̈ኒ ጋርዣባር ሚጚኖን ቴ ኤራ̈ሬ፤ ኔ ኦ̈ሲን ዎሆንዳ ቲ̈ኖምፖ ሺዚን ቴ ኤራ̈ሬ።

ሳጻ 2:2

ኔ ኦ̈ሲንዶ፣ ኔ ዋ̈ዪንዲኬ ኔ ጋርዢን ታ̈ኒ ኤራ̈ሬ፤ ኢ̈ት ኦ̈ዝ ኣሳን ቤቃ̇ራ ሜላ̇ ኣሻ̇ር ኣ̈ካዮንዶ፥ ማ ሃዋ̈ራታ ባዪዶሪ ፌ̈ና ሃዋ̈ራታ ጌይዛን ኮሺንቻ ቤቃ̇ራ ኢንታ ማቃ ማቂ̇ዝ ኣስ ማ̈ቂ̇ኖን ኔ ዲጚኖን ቴ ኤራ̈ሬ።

ሳጻ 3:19

ታ̈ኒ ቴ ዶሲዝ ናኣን ዎይ ጎይላ̈ሬ፤ ዓጋ̇̈ሬ፤ ዪ̈ኮታ̇ቦ ኔ̈ኒ ሚ̈ጛቤ፥ ማ̈ሪቲ ጌላቤ።