ሳጻ 2:26 - ኦራ ጫ̈ቃ ማጻ̈ፋ

²⁶ ጋሚዛ̈ቦ፥ ማ ቴ ኦ̈ሲን ጋልዳሬ ዉርሲን ዬሊ̇ዝ ዲራስ ሚ̈ጚዛቦ ዎርዣን ጋልዳ ቴ ኢ̈ብ ሲልጣ̈ና ኢማ̇ንዳ።

ሳጻ 2:26 ပူးပေါင်းရင်းမြစ်များ

ማ̈ቶ̈ሳ 10:22

ዪንቲ̇ ታ̈ና ኣማ̇ናዚንኮታ̇ ኣሲ ዎይ ዪንታ̇ ኢጺ̇̈ሬ፤ ዎቲናካሬ ዉርሲ ዬሊ̇ዝ ዲራ̈ስ ሚ̈ጛር ኤቂ̇ዝ ኣሲ ኢ ፋጺ̈ሬ።

ማ̈ቶ̈ሳ 19:28

ዬሱ̈ሳር ኢንታ̇ኮ “ቴ ዪንታ̇ክ ኪን ጋ̈ሬ፥ ቢርት ዬ̈ዝ ኦራ ኣላሚን ጋልዳ ታ ኣሳ ናኣ̈ዲ ቴ ቦንቻ̇ ዙ̈ፋና ጋልዳ ዶኣዚምባራ ዪንታ̇ር ታ̈ና ኣማ̇ኒ ቴ ዎሂን ዬሙታ̇ ዎ ኣሳን ታጶ ናምኢ ዙፋ̈ና ጋልዳ ዶኣሪ ታጶ̇ ናምኢ ኢስሬ̈ላ ዜርን ጋልዳ ፊርዲ̈ሬ።

ማ̈ቶ̈ሳ 24:13

ዉርሲን ዬሊ̇ዝ ዲራ̈ስ ጋርዢኖን ፋጺ̈ሬ።

ዋ̈ኒ̇ሳ 6:29

ኢያር ኢንታኮ፥“ጾ̈ሳ̇̇ ዪንታ̇ ጋልዳፖ̇ ኮያዚንዳ̇፥ ኢ ኪ̈ታ̇ር ሚሺኖ ኣማ̇ናዚንዶ̇”ጋ̈ር ማሂዴ።

ሮሜ 2:7

ኮሽ̇ ኦሳ̇ ሚ̈ጛር ኦ̈ሙታ̇ ቦንችኬ ዪባ̈ሶ ሼምፓ ዲጛንዳቦ ኮዪዛንቦ ጾ̈ሳ̇̇̈ዲ ሜናብ ሼምፓባር ዶኢ ኢሚ̇̈ሬ።

ሮሜ 8:37

ዪዚ ኑ̈ኒ ኑ̈ና ካኖ ክርስቶ̈ሳባራ ባዛን ዪን ዎይ ጋማሪ ጋሚ̇ዝ ኣሳንፖ̇ ሺ̈ሬ።

1 ታሳ 3:5

ዪኒ̇ኮታ̇ቦ ዓኒ̇ፖ ጌዳ ታ̈ኒ ጋርዣንዳብ ዳንዳኣካ̇ዮኮታ̇ቦ ዪንታ̇ ኣማ̇ኒን ዎዛርኮ ኤራንዳቦ ኮያራ ጢማ̈ቶ̈ሳ ዪንታ̇ክ ሚሻዴ፤ ቴ ዪኖ̇ ዎቲኖንዳ ኣስ ፋታ̇ኒዝ ኢ̈ታ ዪንታ̇ ፋታ̇ኒንዶኢዝዳ፥ ዪዚ ኑ ዋ̈ዪንዳር ሜላ̇ ዓሪ ኣቲ̇ኔ ጋ̈ራ ኢ̈ጫ̇ር ዎቲኔ።

ኢብ 3:6

ክርስቶ̈ሲ ዎቲናካር ጾ̈ሳ̇ ኬ̈ሳ̇ ጋርታ ኣማ̈ኒንቲኖዲ ጾ̈ሳ̇̈ቦ ናኢፌ̈ን ማ̈ቃ̈ሪዬ፤ ኑ̈ናሬ ኑ ኣማ̇ኒንታ̇ዚንዲኬ ኑ ኬርፋዝ ኑ ታስፊንዶ ሚ̈ንክ ኤጌይንዶ ኑ ኢ̈ብ ኬ̈።

ዓይ 2:20

ኣን ና̈ሳ ዳሻ̈ዶ! ኦ̈ሳ ባዮ̇ ኣማ̇ኒን ኣባካር ማ̈ዳ̇ባሶን ኤራንዳ̇ብ ኮያ̈ራ?

1 ዋ̈ኒ̇ 2:19

ኢንታ̇ር ኬስኪ̇ኖንዳ ኑ ጋርታ̇ፖ። ማ̈ቂ̇ናካሬ ኢንቲ ሚናር ማ̈ቂ̇ን ኑ ኣስ ጊዳካ̇ዬ። ኢንቲ ዎን ኑ ኣስኮ ኑባራ ሚ̈ጛሪ ዶኢ̈ርዶን። ዎቲናካሬ ኢንቲ̇ ኑ ጋልዳፖ ፋጊንታ̇ር ሉኪ̇ኖንዳ ኢንቲ̇ ኑ ኣስ ማ̈ቃካ̇ዮን ኤርሲኔ።

1 ዋ̈ኒ̇ 3:23

ጾ̈ሳ̇ ኪ̈ቲንዳ ኑ̈ኒ ናኣ ዬሱ̈ስ ክርስቶ̈ሳ ኣማ̇ናምፔ̈ንኬ ክርስቶ̈ሲ ኑ̈ና ኪ̈ቲ̇ኖንዲፌ̈ን ዎልዎልኣ ካንታምፔ̈ኒዬ።

1 ዋ̈ኒ̇ 5:5

ዬሱ̈ሲ ጾ̈ሳ̇̇ ናኢ ማ̈ቂ̇ኖን ኣማ̇ኒዝ ና̈ሳፖ ኣቲ̇ን ኣላሚን ጋሚዛ ኦ̈ኖ?

ሳጻ 2:11

ጌ̈ሻ̇ ኣያ̇ና̈ዲ ዎ̈ሳ ኬ̈ንቦ ሶ̈ላዝ ባዚንዶ ዋይ ዎ ኣሲ ሲስካ̇ጋ̈ቤ! ጋሚዝ ና̈ሳ̈ዲ ናምኢ ዓይቂ̇ንዳ ኢያ ዬላ̇ባሴ።

ሳጻ 2:17

ጌ̈ሻ̇ ኣያ̇ና̈ዲ ዎ̈ሳ ኬ̈ንቦ ሶ̈ላዝ ባዚንዶ ዋ̈ይ ዎ ኣሲ ሲስካ̇ጋ̈ቤ! ጋሚዝ ና̈ሳቦ ኣ̈ቺንቲኖ ማና̇ ጋልዳፖ ኢማ̇ንዳ፤ ማ ኤኪ̇ዝ ና̈ሳ ኢ̈ፖ ሜላ ኣሲ ኦ̈ናካር ኢዛ ኣብዝኮ ኤሪባ̈ሶ ኦራ ሱሚ ጻ̈ፊንቲ̇ኖ ቦ̈ርስ ሹቻ̇ር ኢ̈ብ ኢማ̇ንዳ።

ሳጻ 2:7

ጌ̈ሻ̇ ኣያ̇ና̈ዲ ዎ̈ሳ ኬ̈ንቦ ሶ̈ላዝ ባዚንዶ ዋ̈ይ ዎ ኣሲ ሲስካ̇ጋ̈ቤ! ጋሚዝ ና̈ሳ̈ቦ ኣፋ ጋና̇ታ ጋርታ ዎ ሼምፓ ኢሚ̇ዝ ሚን ኣ̈ፊን ኢ ሞ̈ምፔ̇̈ን ቴ ዎታንዳ።

ሳጻ 20:4

ዪኒ̇ፖ ዎሃ ዙፋ̈ናን ቤቃ̇ዴ፤ ዪን ዙፋ̈ናን ጋልዳ ፊርዲዝ ሲልጣ̇̈ና ኢንታ̇ብ ኢሚ̇ንቲኖን ዶኢንዶ̈ን ቤቃ̇ዴ፤ ዬሱ̈ሳባዝ ኢንቲ̇ ሶ̈ሊኖኮታ̇ብኬ ጾ̈ሳ̇ ቃ̈ላ ማርኪቲኖኮታ̇ቦ ኢንታ ቆ ቃጺንቲ̇ኖ ኣሳን ሼምፓን ቴ ቤቃ̇ዴ፤ ኢንቲ ማ̈ታ ባዛ̈ብኬ ኢ ሚሲላ̈ቦ ሞ̈ኪንታካ̇ዮን፥ ኢ ማሊ̇ንዳር ፌ ዴ̈ሚን ጋልዳር ማ̈ቆ̇ ፌ ኩሽታ ኤካካ̇ዮን፤ ኢንቲ̇ ዓይቃ ጋርታ̇ፖ ዲንዳ̇ሪ ክርስቶ̈ሳባራ ሙኩላ ላይ ካዉቲዴ።

ሳጻ 21:7

ጋሚኖ̈ዲ ዓኖ ኤኪ̇̈ሬ፤ ታ̈ኒ ኢ̈ብ ጾ̈ስ ማ̈ቃ̇ንዳ፤ ኢያር ታ̈ብ ናኢ ማ̈ቂ̇̈ሬ፤

ሳጻ 22:5

ዓኒ̇ፖ ጌዳ ቃሚ̇ ዶኢባ̈ሴ፤ ጎዳ ጾ̈ሳ̇ዲ ኢንታ̇ብ ፎኢሲዛኮታ̇ቦ ታማ ፎኢን ዎይ ኣዋ̈ፍ ፎኢን ኢንታ̇ብ ኮሺባ̈ሴ፤ ኢንቲ ሜናብ ካዉቲ ዶኢ̈ሬ።

ሳጻ 3:12

ጋሚኖ ና̈ሳ̈ዳ ቴ ጾ̈ሳ̇ ኬ̈ ጋርታ ኢያ ቱ̈ሳፌ̈ን ማሃንዳ፤ ኢናፖ ኢ ኣባካር ጌይን ኬስኪ̇ባ̈ሴ፤ ቴ ጾ̈ሳ̇̈ ሱምንዲኬ ቴ ጾ̈ሳ̇̈̇ ካታሚን ሱምን ኢ ጋልዳ ጻ̈ፋንዳ፤ ዪና̇ ካታሚንዳ ኣፋ ቴ ጾ̈ሳ̇̈ ቲ̈ናፖ ሶባዚን ኦራን ዬሩሳ̈ላሞ፤ ታ ሱምን ኦራንዳር ኢ ጋልዳ ጻ̈ፋንዳ።

ሳጻ 3:21

ታ̈ኒ ታ ጻላ̈ታን ጋማራ ታ ባ̈ባ̈ባር ዎልኣ ዶኢኖንዲፌ̈ኒ ጋሚኖ ኣሲ ቴ ዙፋ̈ኒን ጋልዳ ቴባር ዎልኣ ዶ̈ኣምፔን ዎታንዳ።

ሳጻ 3:5

ጋሚዝ ኣሲ ኢንታ̇ፌ̈ን ቦርስ ኣፊላ ማኢ̈ሬ፤ ታ̈ኒ ኢ ቴዪ ማ̈ቂ̇ኖን ታ ባ̈ባብኬ ኢ ኪ̈ታንቻን ቲ̈ን ኤርሳንዳ፤ ሜናብ ሼምፓባር ዶኢዝ ኣሳን ሱምን ጻ̈ፊንታ̇ዝ ማጻ̈ፊን ጋልዳፓሬ ኢ ሱምን ቁቻ̇ ይሳንዳባዬ̇።