25 ዪንቲ̇ ቴ ዬይዝ ዲራስ ዪንታ̇ብ ዎ ኣማ̇ኒን ሚ̈ንር ኤ̈ብቴ̇።
ቴ ሉካ̇ራ ቤሲ̇ ጊ̈ጊ̇ሲኖፖ̇ ዓኒ ዪንታ̇ክ ማ̈ቃ̇ ዬ̈ንዳ̇፤ ማ̈ቃ̇ ዬ̈ራ ዪንቲ̇ ታባር ዎልኣ ዶኣምፔ̈ኒ ቴ ዎ ቤሲ̇ን ዪንታ̇ ኤካ̇ ሉካ̇ንዳ̇።
ኢንታ ጋርታፖ̇ ፔታ̇ና ኣጋ̈ቦ̈ሳ ጌይዛ ዲንዳሪ ኣላሚን ዓና ዎይን ጋልዳ ጴች ጋፊ ዬ̈ዚን ጌ̈ሻ̇ ኣያ̇ና ኢያ ቲ̈ኒን ካ̈ያ ካ̈ዪዴ። ኢ ሶ̈ሊኖንዳ̇ ሮ̈ማ ካ̈ታ ቄላዉዶ̈ስ ቄ̈ሳራ ኬል̇ባር ፎቲንቲ̇ኔ።
ዪንታ̇ ካንንዳ ሲሊ̇ፖ̇ ፉዳ ማ̈ቃፖ̇ጋ̈ቤ። ኢ̈ት ባዝ ሺርንቲ̇ብቴ፤ ኮሽ̇ ባዚን ሚ̈ንር ኤ̈ብቴ̇፤
ዪንቲ̇ ዎይ ጋላስ ዓኖ̇ ሶ̈ሊ̇ን ሙይርዶርኬ ዓኖ̇ ኡሺ̇ን ኡሽኪ̈ርዶሪ ጎዳ ዬይዝ ዲራስ ኢ ዓይቂን ሶ̈ሊ̈ሬ።
ዪ̈ኮታ̇ቦ ኬ̈ሊን ዬላ̇ካይዶን ጎዳዲ ፊርዳብ ዬናፖ ቲ̈ን ዪንቲ ኣሳ ጋልዳ ፊርዳፒ̇ቴ። ኢ ዬ̈ሪ ም ጊዳ̇ ጌ̈ሚታር ዎ ባዝ ፎኢን ጋልዳ ኬሲ̇̈ሬ፤ ኣሳ ቡ̈ዳ ጋርታ̇ ኣ̈ቺ̇ንቲ̇ኖ ቆፊ ፋላ̇ ጋልዳ ኬሲ̇̈ሬ ዪና ኢዝባራ ኣሲ ዎይ ጾ̈ሳ̇ ጋልዳፖ ፌ ኣንጂን ኤኪ̇̈ሬ።
ዎይ ባዝ ማላ̇ር ቤቂ̇ብቴ ኮሽ̇ ማ̈ቂ̇ኖን ኤኪ̇ብቴ።
ታስፋ ቃ̈ሊን ኑ̈ብ ኢሚ̇ኖዲ ኢ ኣማ̇ኒንቲ̇ኖ ማ̈ቂ̇ኖኮታ̇ቦ ዓት ኑ ኣማ̇ናሪ ኑ ማርኪ̇ታዝ ታስፊን ጌዳር ዓናር ጋ̈ካ̇ይዶሪ ሚ̈ንሪ ኤ̈ስቶ።
ክርስቶ̈ሲ ዎቲናካር ጾ̈ሳ̇ ኬ̈ሳ̇ ጋርታ ኣማ̈ኒንቲኖዲ ጾ̈ሳ̇̈ቦ ናኢፌ̈ን ማ̈ቃ̈ሪዬ፤ ኑ̈ናሬ ኑ ኣማ̇ኒንታ̇ዚንዲኬ ኑ ኬርፋዝ ኑ ታስፊንዶ ሚ̈ንክ ኤጌይንዶ ኑ ኢ̈ብ ኬ̈።
ዪዚ ኣፋ ጾ̈ሳ̇ ቲ̈ን ሉኪ̇ኖ ቄ̈ሳንቦ ዎይ ጴቻ ኣላቃ፥ ጾ̈ሳ̇ ናኣ ዬሱ̈ሲ፥ ኑ̈ብ ዎኮታ̇ቦ ኑ ኣማ̇ኒን ሚ̈ንር ኤ̈ስቶ።
ጎዳ ዬንቲ̇ንዳ ሶ̈ላፌ̈ኒ ኣሲ ቆፓካይዶ̈ን ዬ̈ሬ፤ ዪና̇ ጋላሲ̇ን ኣፎ ሳ̈ዚንዳ ጴች ጊርስባር ያ̈ሬ፤ ኢዝ ጋርታ̇ ዎ ባዚ ዎይ ታማባር ሚጫ̇ር ዪ̈ሬ። ሳ̈ዶ ሳ̈ዚንዲኬ ኢዝ ጋልዳ ዎ ባዝ ዎይ ሚጪ̇̈ሬ።
ቤቂ̇ብቴ! ኢ ሻ̈ራባር ዬይሬ፤ ሜላ ኣቲ̇ን ኢያ ጫዲ̇ኖ ኣሳንሬ ኣታካ̇ይዶር ዎይ ኢያ ቤቂ̇̈ሬ፤ ሳ̈ዝጋልዶ ዎርዣ ዎይ ኢኮታ̇ቦ ዬ̈ኪ̇̈ሬ፤ ኣ ዪ ዎይ ማ̈ቂ̇̈ሬ! ኣሚንኤ።
ዪን ባዛንቦ ማርኪቲዛ̈ዲ “ኪን ታ̈ኒ ኤሊ̇ባር ዬንዳ!” ጌይሬ። ኣሚንኤ፥ ጎዳ ዬሱ̈ሶ ኔ ዬ̈ቤ!
ዬሱ̈ሳሬ “ሲስኪ̇ብቴ! ቴ ኤሊ ዬ̈ንዳ! ዓና̇ ማጻ̈ፊን ጋርቶ ካ̈ያ ቃ̈ሊን ና̈ጊዛ̈ዲ ኣንጂ̇ንቲኖዳ” ጌይሬ።
ዪዚ ቴ ኤሊ̇ባር ዬ̈ንዳ፤ ኔ ኣኪሊሊን ኦ̈ናካር ኔ ጋልዳ̇ፖ ኤካካ̇ዮ̈ዲፌ̈ን ኔ̈ብ ዎን ሚ̈ንር ኤ̈ቤ።
ዪዚ ኔ̈ ኤኪ̇ኖንዲኬ ታማ̈ሪኖ ቲሚርቲ̇ንዶ ቦቲጛፔ፤ ኢዝቦ ኪ̈ቲንታ̇ቤ፤ ማ ማ̈ሪቲ ጌላቤ፤ ኔ̈ኒ ባርካካ̇ይ ኣቴ̇ጌይን ታ̈ኒ ሶላፌ̈ን ኔ ቆፓካ̇ይዶን ኔ̈ክ ዬ̈ሬ፥ ታ̈ኒ ኣ ሳኣ̈ታ ጋልዳ ዬ̈ርኮ ኔ ኤራባሴ።
