ሳጻ 19:12 - ኦራ ጫ̈ቃ ማጻ̈ፋ

¹² ኢ ኣፋን ታማ ላ ማይጺ̈ሬ፤ ኢ ቆማ̇ ጋልዳ ዎይሊን ዛዉዳ ዎ፤ ኢ̈ፖ ሜላ ኦ̈ናካር ኤሪባሶ ሱም ኢ ጋልዳ ጻ̈ፊንቲ̇ኔ።

ሳጻ 19:12 ပူးပေါင်းရင်းမြစ်များ

ማ̈ቶ̈ሳ 11:27

ታ ባ̈ባ̈ዲ ታ̈ብ ዎይ ባዝ ኢሚ̇ኔ፤ ባ̈ባ̈ፖ̇ ሜላ ኦ̈ናካር ናኣ ኤሪዛ ባዬ̇፤ ዪና̇ ኢዝፌኒ ናኣ̈ፖ ሜላ ባ̈ባ̈ ኤሪዛ ባዬ̇። ባ̈ባ ኦ̈ናኮ ናኣ̈ዲ ኢባዝ ኤርሳካ̇ይ ኣቴ̇ጌይን ኦ̈ና̈ካር ባ̈ባ̈ ኤራንዳ̇ብ ዳንዳኢባ̈ሴ።

ማ̈ቶ̈ሳ 21:5

“ጺዮ̈ና ካታሚን ጋርታ̇ ዶኢዝ ኣሳንኮ፥ ‘ቤቂ̇ብቴ̇! ዪንታ̇ ካ̈ታ ኣሽካ ማቃ̇ሪ፥ ዬሪንዲክ ዬሪን ናኢን ጋልዳ ቶጋ̇ር ዪንታ̇ክ ዬይሬ’ ጋ̈ሪ ሶ̈ሊብቴ” ጋ̈ሪ ካ̈ዪኖ ካ̈ዪን ፎቲንታ̇ምፔ̈ኔ።

ማ̈ቶ̈ሳ 28:18

ዬሱ̈ሲ ኢንታ̇ክ ዬ̈ዪ ኡካ̇ሪ “ሲልጣ̈ና ዎይ ኣ̈ፋር ማ̈ቂ̇ን ሳ̈ዳ̇ሬ ታ̈ብ ኢሚንቲ̇ኔ።

ሉቃ̈ሳ 10:22

“ዎይ ባዚ ቴ ባ̈ባ ጋልዳፖ̇ ታ̈ቦ ኢሚንቲ̇ኔ። ማ ናኣ ኢ ኦ̈ናኮ ባ̈ባ̈ፖ̇ ኣቲ̇ን ሜላ ኤሪዝ ኣሲ ባዬ̇። ማ ባ̈ባ̈ ኦ̈ናኮ ናኣ̈ፖ̇ ኣቲ̇ን ዎይ ናኣ ቤይሳንዳ̇ብ ኮዪኖ ኣሳፖ̇ ኣቲን ሜላ ኤሪዝ ኣሲ ኦ̈ናካር ባዬ̇” ጌይዴ።

ዋ̈ኒ̇ሳ 17:11

ዪዚ ዓኒፖ̇ ጌዳ ታ̈ኒ ሳ̈ዝ ዓና̇ ጋልዳ̇ ጋምኣባሴ፥ ኢንቲ̇ ዓኒ ሳ̈ዚን ጋልዳ ዎ። ቴ ኔ̈ክ ዬ̈ሬ፥ ጌ̈ሻ̇ ቴ ባ̈ባ̈ዶ! ኔ̈ናክ ታ̈ናክ ዎል ፔታ̇ን ማ̈ቂኖንዲፌ̈ን ኢንታ̇ር ዎል ፔታ̇ን ማ̈ቃምፔ̈ን ኔ ታ̈ብ ኢሚ̇ኖ ኔ ሱምምባ̇ር ኢንታ̇ ና̈ጋቤ።

ዋ̈ኒ̇ሳ 17:12

ቴ ኢንታ̇ባር ዎምባራ ኔ ታ̈ብ ኢሚ̇ኖ ሱ̈ሚምባራ ኢንታ̇ ና̈ጊኔ። ጌ̈ሻ̇ ማጻ̈ፋ ጋልዳ ጻ̈ፊንቲ̇ኖ ቃ̈ላ ፎቲንታ̇ምፔ̇ኒ ያንፔ̈ን ዎሳ̇ኒንቲ̇ኖ ና̈ሳ ሙታ̇ዶኬ ኢንታ̇ ጋርታ̇ፖ̇ ኦ̈ናካር ያካ̇ዬ።

ኤፍ 1:21

ጾ̈ሳ̇ ባ̈ባ̈ዲ ክርስቶ̈ሳ ኣፋ ፌ̈ብ ኡሻች ጎይ ዶይሲኖንዳ፤ ጴች ሲልጣ̈ናኬ ዎልቃኬ ኢንታ̇ብ ዎንፖ ሺ፥ ማ ዓና̇ ዓት ዎ ኣላሚን ጋልዳ ሙታ̇ ጊዳካይዶን ቢርት ዬ̈ዝ ኣላሚን ጋልዳ̇ሬ ሱ̈ሚ ዎይፖ̇ ሾ̈ክ ጌይኖ ቦንች̇ ሱሚ ኢ̈ብ ኢማ̇ር ዶይሲ̇ኔ።

ኢብ 2:9

ዎቲናካሬ ኪ̈ታንቻ̈ንፖ ጊላ̇ ጉ̈ጺ̇ኖ ዬሱ̈ሲ፥ ጾ̈ሳ̇̈ ካንንባራ ኑ ዎይንጊሻቦ ዓይቃ ሜታ ኤኪ̇ኖኮታ̈ቦ፥ ጾ̈ሲ ኢያ ቦንቺሺኖን ኑ ቤቂ̇ኔ።

ሳጻ 1:14

ኢ ቆ̈ማ̈ዲኬ ኢ ቆ̈ማ̈ ጋልዶ ኢሲን ሻቻ̇ፌ̈ኒ ቦ̈ርሴ፤ ኢ ኣ̈ፋንሬ ታማ ላፌ̈ኔ።

ሳጻ 12:3

ማ ዪና̇ ኢዝፌ̈ን ሜላ ማላ̇ ኣፋ ቤንቲ̇ዴ፦ ታብዛ ቆም̇ኬ ታጳ ኡሺንቺ ዎ ዞቃ ጴች ዳዋ ቤንቲ̇ዴ፤ ኢ ፌ ቆማን ጋልዳ ታብዛ ዛዉዳ ጉጲኔ፤

ሳጻ 13:1

ዪኒ̇ፖ ዓኒ ፔቲ̇ ማ̈ታ ባዚ ባሃራ ጋርታ̇ፖ ኬስካ̇ምባር ቴ ቤቃ̇ዴ፤ ኢ̈ቦ ታጳ ኡሺንችኬ ታብዛ ቆሚ̇ ዎ፤ ኢ ኡሺንቻን ጋልዳሬ ታጳ ዛዉዳ ዎ፤ ኢ ቆማን ዎይን ጋልዳሬ ጾ̈ሳ̇ ቆ̈ዝ ሱም ዎ።

ሳጻ 19:16

ኢ ኣፊሊን ጋልዳኬ ኢ ቤሺን ጋልዳ “ካ̈ቲንታ̇ንቦ ካ̈ቲ ጎዳንቦ ጎዴ” ጌይዝ ሱ̈ም ጻ̈ፊንቲ̇ኔ።

ሳጻ 3:12

ጋሚኖ ና̈ሳ̈ዳ ቴ ጾ̈ሳ̇ ኬ̈ ጋርታ ኢያ ቱ̈ሳፌ̈ን ማሃንዳ፤ ኢናፖ ኢ ኣባካር ጌይን ኬስኪ̇ባ̈ሴ፤ ቴ ጾ̈ሳ̇̈ ሱምንዲኬ ቴ ጾ̈ሳ̇̈̇ ካታሚን ሱምን ኢ ጋልዳ ጻ̈ፋንዳ፤ ዪና̇ ካታሚንዳ ኣፋ ቴ ጾ̈ሳ̇̈ ቲ̈ናፖ ሶባዚን ኦራን ዬሩሳ̈ላሞ፤ ታ ሱምን ኦራንዳር ኢ ጋልዳ ጻ̈ፋንዳ።

ሳጻ 6:2

ኢናፖ ቴ ቲ̈ኒን ጋልዳ ቦ̈ርስ ፋራ ኤቂ̇ንዶን ቤቃ̇ዴ፤ ፋራ̈ ጋልዳ ቶጊ̇ኖ̈ዲ ዶጚ ኤ̈ኔ፤ ኢ̈ቦ ኣኪሊ̈ላ ኢሚንቲ̇ዴ፤ ኢያሬ ጋሚዛ ማ̈ቃ̇ሪ ጋሚሙታ ሉካ̇ንዳብ ኬስኪ̇ዴ።