ሳጻ 18:23 - ኦራ ጫ̈ቃ ማጻ̈ፋ

²³ ዓኒፖ ጌዳ ኔ ጋርታ̇ ታማ ፎኢን ፎ̈ኢባ̈ሴ፤ ኢሳ̇̈ኮንዲኬ ኢሲ̇ንኮንዲክ ቆ̈ ዓኒ̇ፖ ጌዳ ኔ ጋርታ̇ ሲስኪንቲ̇ባ̈ሴ፤ ኔ ኣ̈ል ዛላ ዛልኢዝ ኣሳን ኣላማ ጋልዳ ኤሪንቲ̇ኖ ጴች ኣሳንዶር ኣቲ̇ዴ፥ ኔ ኔ ቢታ̈ባራ ዎርዣ ዎይ ባሊዴ።

ሳጻ 18:23 ပူးပေါင်းရင်းမြစ်များ

ሃዋ̈ራታን ኦ̈ሳ 8:11

ኢንቲ̇ ኢ ጋ̈ዚን ዎይ ዋይሲ ሲስካ̇ዚንዳ̇ ኢ ዎይሊን ኬ̈ላፖ̇ ኤ̈ር ዦ̈ቂ ኦ̈ሳባር ኣሳ ጋራሚሲሙታ̇ ዎኮታ̇ቦ።

ሳጻ 12:9

ዳዋ ጴቻ̇̈ዲ ቶ̈ራ ሳ̈ዳ ቶጚንቲ̇ዴ፤ ኢያሬ ኣላሚን ዎይ ባሊዛ ዳብሎ̈ሳ ዎይ ሴ̈ጣና ጌይ ጼይጊንቲ̇ዛ ሚኖ ሾ̈ሻ̈̇ዳ፤ ኢ ቶ̈ራ ሳ̈ዳ ቶጚንቲ̇ዴ ማ ኢ ኪ̈ታንቻ̇̈ንሬ ኢባር ዎልኣ ቶጚንቲ̇ዴ።

ሳጻ 17:2

ሳ̈ዝ ጋልዶ ካ̈ቲንታ̇ንሬ ኢዝባር ኦሎላ ጋዲ̇ኔ፤ ሳ̈ዝ ጋልዳ ዎ ኣሳንሬ ኢዝኮን ኦሎላ ዎይና ጂንባር ማሲቲኔ” ጌይዴ።

ሳጻ 17:5

ኢዝ ዴ̈ሚን ጋልዳ “ኦሎላ ጋዲዝ ኣሳንኬ ሳ̈ዝ ጋልዶ ቄ ባዛብ ዎይ ኢንዲ ማ̈ቂ̇ኖን ጴቺን ባ̈ቢሎ̈ኖ” ጌይዝ ሚስጢራ ሱም ጻ̈ፊንቲ̇ኔ።

ሳጻ 18:22

ዬኬ ዚምቢ ጊርስኬ፥ ሹልሹላ ጊርስኬ ሞይዛ ጊርሲ፥ ዓኒ̇ፖ ዎሃ ኔ ጋርታ̇ ሲስኪንቲ̇ባ̈ሴ፤ ዱማ ዱማ ኩሽ ኦ̈ስ ኦ̈ዝ ኣሲ ዓኒ̇ፖ ጌዳ ኔ ጋርታ̇ ዶኢባ̈ሴ፤ ዎንቲ̇ዝ ዎጽ ጊርሳር ዓኒ̇ፖ ጌዳ ኔ ጋርታ ሲስኪንቲ̇ባ̈ሴ።

ሳጻ 18:3

ኣባ ጌይን ኢዛ ኣስ ማሲሲዝ ኦሎላ ዎይና ጂን ዎርዣ ዎይ ኡሺ̇ኔ፤ ሳ̈ዝ ጋልዶ ካ̈ቲንታ̇ን ኢዝባር ኦሎላ ጋዲ̇ኔ፤ ኢዛ ዎይ ባዚ ኢዝቦ ዎይሊን ኮሽኪን ዶኣንዳብ ኢኒ̇ቲዛኮታ̇ቦ ሳዛ ጋልዶ ዛላ ዛልኢዝ ኣሳንር ዱሪቲዴ” ጋ̈ሪ ዉይሲዴ።

ሳጻ 18:9

ኢዝባር ኦሎላ ጋዲ̇ኖ ኢዝ ኢ̈ታ ኢኒ̇ን ፎቲሙታ ዶኢኖ ሳ̈ዝ ጋልዶ ካ̈ቲንታ̇ን ኢዛ ሚጫ̇ምባር ኬስኪ̇ዝ ጩይዣ ቤቃ̇ሪ ኢዝ ጊሻ̇ብ ዬ̈ኪ ሙዲዲ̈ሬ።

ሳጻ 21:8

ዎቲናካሬ ኢ̈ጪ̇ዛን፣ ኣማ̇ና ባዮን፣ ቄጺ̇ኖን፣ ኣስ ዎዛን፣ ኦሎላ ጋዲ̇ዛን፣ ቢታን፣ ኣሳ ኩሽባር ኦ̈ንቲ̇ኖ ባዛብ ጎሽቲ̇ዛን፣ ማቃ ማቂ̇ዛን ዎይ ኢንታ ዉርሲንዳ ዲ̈ናባር ሚጫ̇ዝ ታማ ባሃ̈ሪን ጋርታ ማ̈ቃ̇̈ሬ፤ ዪ̈ዳሬ ናምኢ ዓይቃ።

ሳጻ 22:15

ካናፌ̈ኖን፣ ቢታን፣ ኦሎላ ጋዲ̇ዛን፣ ኣስ ዎዛን፣ ኣሳ ኩሽባር ኮቺንቲ̇ኖ ባዛብ ጎሽቲዛን፣ ማቃ ኦ̈ሳ ዶሲዛንስኬ ኦ̈ዛን ዎይ ካታሚን ጋርታ ጌሊባ̈ሴ፥ ዛ̈ና ኣቲ̇̈ሬ።

ሳጻ 22:5

ዓኒ̇ፖ ጌዳ ቃሚ̇ ዶኢባ̈ሴ፤ ጎዳ ጾ̈ሳ̇ዲ ኢንታ̇ብ ፎኢሲዛኮታ̇ቦ ታማ ፎኢን ዎይ ኣዋ̈ፍ ፎኢን ኢንታ̇ብ ኮሺባ̈ሴ፤ ኢንቲ ሜናብ ካዉቲ ዶኢ̈ሬ።

ሳጻ 6:15

ሳ̈ዝ ጋልዶ ካ̈ቲንታን፣ ጋድ ኣቂሲዛን፣ ዎታ̇ዳራ ኣላቃን፣ ዱራን፣ ዎልቃ̈ማን፣ ኣይላንኬ ኣይላ ጊዳካ̇ዮን ዎይ ጋዊ ጋርታኬ ኢንዳ ጋልዶ ሹች ጋርታ ባዪዴ።

ሳጻ 9:21

ማ ሼምፓ ዎዚን ጋልዳፖ፣ ፌ ቢቲን ጋልዳፖ፣ ፌ ኦሎሊን ጋልዳፖኬ ፌ ዉሲ̇ን ጋልዳፖ ማ̈ቃ̇ር ማ̈ሪቲ ጌላካ̇ዬ።