ሳጻ 18:2 - ኦራ ጫ̈ቃ ማጻ̈ፋ

² ፌ ቆ ሾክ̇ ዎታሪ “ጴቺ̇ን ባ̈ቢሎና ላ̈ሊ̇ንታ̇ር ያዴ! ላ̈ሊ̇ንታ̇ር ያዴ! ሴ̈ጣና ዶኢዝ ቤስ̇ ማ̈ቃ̇ዴ! ኢታ ኣያ̇ናን ኣቂዝ ቤስ̇ ማ̈ቃ̇ዴ! ሺሪዛንኬ ጌ̈ሽ ጊዳካ̇ዮ ካፋን ዶኢዝ ቤስ̇ ማ̈ቃ̇ዴ፤

ሳጻ 18:2 ပူးပေါင်းရင်းမြစ်များ

ሳጻ 1:15

ቶሃንሬ ታማ ዬርጭ ጋርታ ጌላር ሶ̈ሊኖ ና̈ሳ ሲላ ማይጻ̈ሬ፤ ኢ ቆ̈̇̈ዳሬ ጴች ዋ̈ፌ̈ን ጊርቂ̇̈ሬ።

ሳጻ 10:3

ዲዝ ዞ̈ብፌ̈ኒ ጴችባር ዉይሲዴ፤ ኢ ዉይሳምባራ ታብዛ ዳዳን ፌ ጊርሲን ሲሲ̇ዴ።

ሳጻ 11:8

ኢንታ ኣሂንዳሬ ምሳሊባር ሶዳ̇ማ ዎይ ጊብጻ ጌይንታ̇ ጼይጊንታ̇ዝ ጴቻ ካታሚን ጋርታ ኣሲ ሺቂዝ ቤሳ̇ ጋልዳ ቶጚንታ̇̈ሬ፤ ዪና̇ ካታሚንዳ ሚን ኢንታ ጎዳ ሶቲንቲ̇ኖ ካታሚንዶ̇።

ሳጻ 14:15

ሜላ ኪታንቾ ጾ̈ሳ̇̈ ኬ̈ ጋርታ̇ፖ ኬስካ̇ሪ ሻ̈ራ ጋልዳ ዶኢኖ̈ኮ ፌ ቆ̈ ሾክ̇ ዎታሪ “ሳ̈ዝ ጋልዶ ካ ዬሊ̇ኔ! ቴይሲ̇ዝ ኬላ̇ር ዬሊ̇ኔ! ዪዚ ኔ ባ̈ጪን ኤካ̇ራ ካ ቴይሳ̇ቤ” ጌይዴ።

ሳጻ 14:8

ሜላሬ ናምኢ ኪ̈ታንቻ̇̈ዲ “ኣስ ቄዝ ኦላላ ዎይና ጂን ዎርዣ ዎይ ኡሺ̇ኖን ጴቺ̇ን ባ̈ቢሎ̈ና ላ̈ሊ̇ንታ̇ር ያዴ! ላ̈ሊ̇ንታ̇ር ያዴ!” ጌዪሙታ̇ዶሪ ቲ̈ኖ ኪ̈ታንቻ ዎሂን ሉኪ̇ዴ።

ሳጻ 16:13

ዳዋ ኖ̈ኒን ጋርታፕኬ ማ̈ታ ባዛ ኖ̈ኒን ጋርታፖ̇ ማ ዎርዳ ናባ ኖ̈ኒን ጋርታፖ ሾ̈ ማይጺዛ ዓይዚ ኢ̈ታ ኣያ̇ና ኬስካ̇ምባራ ቴ ቤቃ̇ዴ።

ሳጻ 16:19

ሳ̈ዚ ኤንኢኖ ጎይባራ ጴች ካታሚንዳ ዳርኣር ዓይዚ ቤስ̇ ፋጊንታ̇ዴ፤ ኣላሚን ጋልዳ ዎ ካታማን ዎይሊንን ዪና̇ ኢዝባራ ላ̈ሊንቲ ዪዴ፤ ጾ̈ሳ̇̈ዲ ጴቺ̇ን ባ̈ቢሎኖ ቆፒ̇ዴ፤ ሚን ጎይል ዎይና ጃ ኩሚኖ ጺዊን ጋርታፖ̇ ኡሽካምፔ̈ን ኢዞ ዎቲዴ።

ሳጻ 17:18

ኔ ቤቂ̇ኖ ኣሲንዳ ሳ̈ዶ ካ̈ቲንታን ጋልዳ ካውታዚን ጴች ካታሚንዶ” ጌይዴ።

ሳጻ 17:5

ኢዝ ዴ̈ሚን ጋልዳ “ኦሎላ ጋዲዝ ኣሳንኬ ሳ̈ዝ ጋልዶ ቄ ባዛብ ዎይ ኢንዲ ማ̈ቂ̇ኖን ጴቺን ባ̈ቢሎ̈ኖ” ጌይዝ ሚስጢራ ሱም ጻ̈ፊንቲ̇ኔ።

ሳጻ 18:10

ኢዝ ጋልዳ ዬሊ̇ኖ ኢ̈ታ ሜቲንቦ ኢጫ̇ሪ ጎት ኤቃ̇ሪ “ኣ̈ሽ ጴች ካታሚንዴ! ኣ̈ሽ ሚ̈ን ካታሚን ባ̈ብሎ̈ኔ! ኔ ጋልዳ ፊርዶ ፔቲ̇ ሳኣታ ጋርታ ዬይኖኮታ̇ቦ ኔ ባዚ ኣዬ̇! ኔ ባዚ ኣዬ̇!” ጌይዴ።

ሳጻ 18:21

ኢናፖ ፔቲ ሚ̈ን ኪ̈ታንቻ̇̈ዲ ጴች ዎጽ ሹች ማ̈ቃ̇ምፔ̈ኖ ፔቲ̇ ሹች ኤካ̇ሪ ባሃ̈ራ ጋርታ ዡጊዲሙታዶሪ፥ “ጴቻ ካታሚን ባ̈ቢሎ̈ና ዎልቃባር ሱጊንታ̇ራ ዓኒ̇ፌ̈ን ኬዳ̇̈ሬ፤ ዓኒ̇ፖ ጌዳ ኢዛ ዉርሳ ቤንታ̇ባሴ፤

ሳጻ 5:2

ኢናፖ ሚ̈ን ኪ̈ታንቻ̇ ፔታ̇ንዶሪ ፌ ቆ̈ ሾክ̇ ዎታሪ “ማይታማን ቢላ̇ንዳብኬ ማጻ̈ፊን ፊርቃ̇ንዳብ ዳንዳኢዝ ሲልጣና ዎ ኦ̈ኖ?” ጋ̈ሪ ሶ̈ላምባር ቤቃ̇ዴ።