ሳጻ 17:8 - ኦራ ጫ̈ቃ ማጻ̈ፋ

⁸ ኔ ቤቂ̇ኖ ማ̈ታባዛ̈ዲ ዓኒ̇ፖ̇ ቲ̈ን ዎዶሪ ዓት ባዬ̇፤ ዎሃ ዎሳሊ ባዮ̇ ጴች ዶ̈ቺ̇ን ጋርታፖ ኬስኪ̈ሬ፤ ማ ዪብ ሉኪ̇̈ሬ፤ ሳ̈ዚን ኮቺንቲ̇ኖፖ ኤ̈ሪ ኢንታ ሱምንዳ ሼምፓ ማጻ̈ፋ ጋልዳ ጻ̈ፊንታካ̇ይዶር ሳ̈ዝ ጋልዳ ዎ ኣሳን ማ̈ታ ባዛ̈ ቤቃ̇ሪ ጋራ̇ሚንቲ̇̈ሬ። ዪ ማ̈ታ ባዛ̈ዲ ዓኒ̇ፖ ቲ̈ን ዎ፤ ዓት ባዪ፤ ማ ዎሃ ዬ̈ይዛ̈ዳ።

ሳጻ 17:8 ပူးပေါင်းရင်းမြစ်များ

ማ̈ቶ̈ሳ 25:34

“ኢናፖ̇ ታ̈ኒ ካ̈ታ̈ዲ ኡሻች ጎይ ዎንኮ ‘ቴ ባ̈ባ ዪንታ̇ ኣንጂኖን! ዓይ ዬብቴ̇! ኣላሚን ኮቺ̇ንቲኖፖ ኤ̈̇ር ዪንታ̇ብ ጊ̈ጊንቲኖን ካ̈ቲቲን ኤኪ̇ብቴ!

ሉቃ̈ሳ 10:20

ማ̈ቂ̇ናካሬ ኢ̈ታ ኣያ̇ኖ ዪንታ̇ብ ኪ̈ቲንቲ̇ኖምቦ̇ ኡፋይታ̇ፒ̇ቴ። ዪንታ̇ ሱምንዳ̇ ኣፎ ማዝጋባ ጋልዳ̇ ጻ̈ፊንቲ̇ኖ̈ምቦ ኡፋይቲ̇ብቴ” ጌይዴ።

ሉቃ̈ሳ 8:31

ኢ̈ታ ኣያ̇ናን “ዋ̈ዴ ሜናብ ቢጻ ቤቂ̇ሙታ ዶኣዝ ቤሲ̇ን ጋርታ̇ ኑ̈ና ሚሻፔ” ጋ̈ሪ ሚ̈ንር ጌሺዴ።

ዋ̈ኒ̇ሳ 17:24

“ቴ ባ̈ባ̈ዶ! ዓን ኔ ታ̈ብ ኢሚ̇ኖ ኣሳን ቴ ዎ ቤስ̇ ኢንቲ ዬ̈ምፔ̈ንኬ፥ ዓና ሳ̈ዚን ኮቺ̇ንታካይዶን ኔ ታ̈ና ካኖኮታ̇ቦ ታ̈ብ ኢሚ̇ኖ ቦንቺ̇ን ቤቃምፔ̈ን ኮያ̈ሬ።

ሃዋ̈ራታን ኦ̈ሳ 15:18

ሚናፖ̇ ኤ̈̇ር ዓን ዎይ ኤርሲኖ ጾ̈ሳ̇̇̈ ታ̈ኒ ዓኖ ጋ̈ሬ” ጌይኔ።

ኤፍ 1:4

ኑ ኢ ቲ̈ን ጌ̈ሽ̇ኬ ኢ̈ታ ባዚ ኣባክ ኑ ጋልዳ ባዮ̇ ኣስ ማ̈ቃ̇ምፔ̈ኒ፤ ሳ̈ዶ̇ ሳ̈ዚንዲኬ ኣፎ ሳ̈ዚን ኮቺ̇ንታናፖ̇ ቲ̈ን ክርስቶ̈ሳ ጎይባር ኑ̈ና ማራ̇ጺኔ።

ቲ̈ታ̇ 1:2

ዓና̇ ኣማ̇ኒንዲኬ ኤሪንዳ ሜናብ ሼምፓባር ዶኢ ታስፋ ጋልዳ ሚ̈ጛር ኤቂ̇ኖ ባዜ፤ ማቂ̇ባ̈ሶ ጎዳ̈ዲ ዪና̇ ሜናብ ዶኣዝ ሼምፒ̇ን ኢማ̇ንዳቦ ሚን ሲሳፖ ኑ̈ብ ቃ̈ላ ጌሊኔ።

1 ጴጥ 1:20

ኢ ዪኒ̇ብ ማራ̇ጺንቲ̇ኖንዳ ኣላሚን ዓና̇ ኮቺንታ̇ናፖ ቲ̈ኔ፤ ዓት ዉርሲ ኬሊ̇ን ጋልዳ ዪንታ̇ኮታ̇ቦ ቤንቲ̇ዴ።

ሳጻ 11:7

ኢንቲ ፌ ማርኪቲን ዉርሲኖፖ̇ ዓኒ ቶ̈ራ ዎሳሊ ባዮ̇ ጴች ዶ̈ቺ̇ን ጋርታፖ̇ ኬስኪ̇ኖ ማ̈ታባዛ̈ዲ ኢንታ̇ባር ኦሊንታ̇ር ጋማሪ ኢንታ ዎ̈ሬ።

ሳጻ 17:11

ቲ̈ን ዎ̈ዲ ዓት ባዮ̇ ማ̈ታ ባዛ̈ዲ ላሚ ካ̈ታ̈ዳ፤ ኢ ታብዛን ጋርታፖ ፔታ̇ና̈ዳ፤ ኢያር ዪብ ሉኪ̈̇ሬ።

ሳጻ 17:2

ሳ̈ዝ ጋልዶ ካ̈ቲንታ̇ንሬ ኢዝባር ኦሎላ ጋዲ̇ኔ፤ ሳ̈ዝ ጋልዳ ዎ ኣሳንሬ ኢዝኮን ኦሎላ ዎይና ጂንባር ማሲቲኔ” ጌይዴ።

ሳጻ 20:10

ኢንታ ባሊኖ ዳ̈ቢሎሲ ማ̈ታ ባዛ̈ዲኬ ዎርዳ ናባ̈ዲ ዎ ዲናባር ሚቺ̇ዝ ታማ ባሃ̈ራ ጋርታ ቶጚንቲ̇ዴ፤ ኢንቲ̇ ቤስ̇ ኢና ቃማ̇ሬ ጋላሳ̇ር ሜናብ ቢጻ ቤቂ̇ ዶኢ̈ሬ።

ሳጻ 20:12

ጊላ̇ንኬ ጴቻን ዓይቂኖን ዙፋ̈ና ቲ̈ን ኤቂ̇ንዶን ቴ ቤቃ̇ዴ፤ ኢናፖ ማጻ̈ፋን ፊርቂንቲ̇ዴ፤ ማ ሼምፓባር ዶኢዛን ጻ̈ፊንቲ̇ዝ ማጻ̈ፋ ፊርቂንቲዴ፤ ዓይቂ̇ኖ ኣሳንሬ ማጻ̈ፋን ጋልዳ ጻ̈ፊንታር ቤንቲ̇ኖ ኢንታ ኦ̈ሲንዲፌ̈ን ፊርዳ ኤኪ̇ዴ።

ሳጻ 20:15

ኦ̈ናካሬ ኢ ሱምን ሼምፓባሮን ጻ̈ፊንቲ̇ዝ ማጻ̈ፋ ጋልዳ ጻ̈ፊንታካ̇ዮ ኣሲ ዎይ ታማ ባሃ̈ራ ጋርታ ቶጚንቲ̇ዴ።

ሳጻ 3:10

ኔ̈ኒ ጋርዢዝ ኣስ ማ̈ቃ̇ቤ ጋ̈ራ ቴ ኔ̈ብ ሶ̈ሊኖ ታ ቃ̈ሊን ና̈ጊኖኮታቦ ታ̈ናሬ ሳ̈ዝ ጋልዳ ዶኢዛን ፋታ̇ናንዳቦ ኣላሚን ዎይን ጋልዳ ዬ̈ዝ ሜታ ኬሊ̇ን ጋልዳፖ ቴ ኔ̈ና ና̈ጋንዳ።

ሳጻ 3:5

ጋሚዝ ኣሲ ኢንታ̇ፌ̈ን ቦርስ ኣፊላ ማኢ̈ሬ፤ ታ̈ኒ ኢ ቴዪ ማ̈ቂ̇ኖን ታ ባ̈ባብኬ ኢ ኪ̈ታንቻን ቲ̈ን ኤርሳንዳ፤ ሜናብ ሼምፓባር ዶኢዝ ኣሳን ሱምን ጻ̈ፊንታ̇ዝ ማጻ̈ፊን ጋልዳፓሬ ኢ ሱምን ቁቻ̇ ይሳንዳባዬ̇።