ሳጻ 17:5 - ኦራ ጫ̈ቃ ማጻ̈ፋ

⁵ ኢዝ ዴ̈ሚን ጋልዳ “ኦሎላ ጋዲዝ ኣሳንኬ ሳ̈ዝ ጋልዶ ቄ ባዛብ ዎይ ኢንዲ ማ̈ቂ̇ኖን ጴቺን ባ̈ቢሎ̈ኖ” ጌይዝ ሚስጢራ ሱም ጻ̈ፊንቲ̇ኔ።

ሳጻ 17:5 ပူးပေါင်းရင်းမြစ်များ

ፊል 3:19

ዪንፌ̈ኖ ኣሳን ኢንታ ዉርሲንዳ ይ ኣባ ጌይን ኢንታ ጋርሲን ኢንታ̇ብ ላ̈፤ ኣስ ዬልቂዝ ባዛ̈ን ዎይ ኢንታ̇ብ ቦ̈ንቼ፤ ኢንታ ቆ̈ፊን ዎይ ዎንዳ ኣላሚን ዓኒ̇ ጋልዳ ዎ ባዝ ጋልዳ።

2 ታሳ 2:7

ዉ̈ጫ ዎልቃ̈ዲ ኣሳብ ፌ̈ና ቤይሳካ̇ይዶሪ ዓት ኦ̈ሳ ጋ̈ልዳ ዎ፤ ማ̈ቂናካር ኢ ኦ̈ካ̇ይፌ̈ን ካዪዛ̈ዲ ፋኪ̇ዝ ዲራስ ኢ ኦ̈ሳካ̇ይፌ̈ኒ ኢያ ካዪሙታ ዶኢ̈ሬ።

ሳጻ 1:20

ቴ ኡሻቻ̇ ኩሺን ጋርታ ኔ ቤቂ̇ኖ ታብዛ ቤ̈ርሳንኬ ታብዛ ዎርቃ ጋልዳፖ ኮቺ̇ኖ ማቅራዛን ቢርሺቺንዳ ዓኖ̇፦ ታብዛ ቤ̈ርሳን ታብዛ ዎ̈ሳ ኬንቦ ኪ̈ታንቻን፤ ፎኢን ጋዲ̇ዝ ታብዛ ኢቃን ታብዛ ዎ̈ሳ ኬ̈ን።

ሳጻ 11:8

ኢንታ ኣሂንዳሬ ምሳሊባር ሶዳ̇ማ ዎይ ጊብጻ ጌይንታ̇ ጼይጊንታ̇ዝ ጴቻ ካታሚን ጋርታ ኣሲ ሺቂዝ ቤሳ̇ ጋልዳ ቶጚንታ̇̈ሬ፤ ዪና̇ ካታሚንዳ ሚን ኢንታ ጎዳ ሶቲንቲ̇ኖ ካታሚንዶ̇።

ሳጻ 14:8

ሜላሬ ናምኢ ኪ̈ታንቻ̇̈ዲ “ኣስ ቄዝ ኦላላ ዎይና ጂን ዎርዣ ዎይ ኡሺ̇ኖን ጴቺ̇ን ባ̈ቢሎ̈ና ላ̈ሊ̇ንታ̇ር ያዴ! ላ̈ሊ̇ንታ̇ር ያዴ!” ጌዪሙታ̇ዶሪ ቲ̈ኖ ኪ̈ታንቻ ዎሂን ሉኪ̇ዴ።

ሳጻ 16:19

ሳ̈ዚ ኤንኢኖ ጎይባራ ጴች ካታሚንዳ ዳርኣር ዓይዚ ቤስ̇ ፋጊንታ̇ዴ፤ ኣላሚን ጋልዳ ዎ ካታማን ዎይሊንን ዪና̇ ኢዝባራ ላ̈ሊንቲ ዪዴ፤ ጾ̈ሳ̇̈ዲ ጴቺ̇ን ባ̈ቢሎኖ ቆፒ̇ዴ፤ ሚን ጎይል ዎይና ጃ ኩሚኖ ጺዊን ጋርታፖ̇ ኡሽካምፔ̈ን ኢዞ ዎቲዴ።

ሳጻ 17:1

ታብዛ ዋ̈ንጫን ኤ̈ኖ ታብዛ ኪ̈ታንቻ̇̈ን ጋርታፖ ፔታ̇ና̈ዲ ታ̈ክ ዬ̈ሪ “ዓይ ዬቤ! ዎይሊን ዋ̈ን ጋልዳ ዶኢኖ ኦሎላ ጋዳ̇ዚን ጴች ኣሲን ጋልዳ ዬላ̇ዝ ፊርዲን ቴ ኔ̈ና ቤይሳንዳ፤

ሳጻ 17:2

ሳ̈ዝ ጋልዶ ካ̈ቲንታ̇ንሬ ኢዝባር ኦሎላ ጋዲ̇ኔ፤ ሳ̈ዝ ጋልዳ ዎ ኣሳንሬ ኢዝኮን ኦሎላ ዎይና ጂንባር ማሲቲኔ” ጌይዴ።

ሳጻ 17:7

ዎቲናካር ኪ̈ታንቻ̈̇ዲ ታ̈ኮ “ኔ̈ኒ ኣባብ ጋራ̇ሚንታ̇̈ራ? ቴ ኔ̈ብ ኣሲንኮ ሚስጢሪንዲኬ ኢዛ ዶኢኖ ታብዛ ቆማ̇ንኬ ታጳ ኡሺንቺ ኢ̈ብ ዎ ማ̈ታ ባዛ̈ኮ ሚስጢሪን ቴ ኔ̈ና ኤርሳንዳ፤

ሳጻ 18:2

ፌ ቆ ሾክ̇ ዎታሪ “ጴቺ̇ን ባ̈ቢሎና ላ̈ሊ̇ንታ̇ር ያዴ! ላ̈ሊ̇ንታ̇ር ያዴ! ሴ̈ጣና ዶኢዝ ቤስ̇ ማ̈ቃ̇ዴ! ኢታ ኣያ̇ናን ኣቂዝ ቤስ̇ ማ̈ቃ̇ዴ! ሺሪዛንኬ ጌ̈ሽ ጊዳካ̇ዮ ካፋን ዶኢዝ ቤስ̇ ማ̈ቃ̇ዴ፤

ሳጻ 18:21

ኢናፖ ፔቲ ሚ̈ን ኪ̈ታንቻ̇̈ዲ ጴች ዎጽ ሹች ማ̈ቃ̇ምፔ̈ኖ ፔቲ̇ ሹች ኤካ̇ሪ ባሃ̈ራ ጋርታ ዡጊዲሙታዶሪ፥ “ጴቻ ካታሚን ባ̈ቢሎ̈ና ዎልቃባር ሱጊንታ̇ራ ዓኒ̇ፌ̈ን ኬዳ̇̈ሬ፤ ዓኒ̇ፖ ጌዳ ኢዛ ዉርሳ ቤንታ̇ባሴ፤

ሳጻ 19:2

ኢ ፊርዳ̈ዳሬ ጺላ̇ኬ ኪንዬ፤ ፌ ኢ̈ት ኦ̈ሳባር ሳ̈ዚን ቄ ባይሲኖን ዎይሊን ኦሎላባር ኤሪንቲ̇ኖ ኣሲን ጴቺ̇ንዶ ጾ̈ሳ̇ዲ ኢዝ ጋልዳ ፊርዲ̇ኔ፤ ኢዝ ጋልዳ ፊርዳሪ ፌ ኣሽካራን ሱ̈ን ማሂኔ” ጌይዴ።

ሳጻ 7:3

“ኑ̈ኒ ኑ ጾ̈ሳ̇̈ ኣሽካራን ዴ̈ሚን ጋልዳ ማይታማ ቡኪ̇ዝ ዲራስ ሳ̈ዚንዳር ማ̈ቆ ባሃሪንዶ ዎይ ሚን ጎዳኣፒ̇ቴ” ጋ̈ሪ ዉይሲዴ።