ሳጻ 17:14 - ኦራ ጫ̈ቃ ማጻ̈ፋ

¹⁴ ኢንቲ ዶራ̈ ጋልዳ ኦል ዲንሬ፤ ዎቲናካሬ ዶራ̈ዲ ጎዳንቦ ጎድኬ ካ̈ቲንታ̇ንቦ ካ̈ት ማ̈ቂ̇ኖኮታ̇ቦ ኢንታ ጋሚ̈ሬ፤ ማ ኢባር ዎን ጼይጊንቲኖን፥ ማራ̇ጺንቲ̇ኖንኬ ኣማ̇ኒንቲ̇ኖ ኣሳን ኢባር ዎልኣ ጋሚ̈ሬ” ጌይዴ።

ሳጻ 17:14 ပူးပေါင်းရင်းမြစ်များ

ማ̈ቶ̈ሳ 22:14

“ጼይጊንቲ̇ኖ ኣሳን ዎይሊን፤ ማራ̇ጺንቲ̇ኖ ኣሳን ጊላ̇” ጌይዴ።

ማ̈ቶ̈ሳ 25:40

“ታ̈ናር ኢንታ̇ኮ ‘ቴ ዪንታ̇ክ ኪን ጋ̈ሬ፥ ዓን ቴ ኢሺንታ̇ን ጋርታፖ ሌቂንቲ̇ኖ ማ̈ቂ̇ኖ ፔታ̇ናቦ ኦ̈ኖ ባዚንዳ ታ̈ብ ኦ̈ኖዲፌ̈ኔ’ ጋ̈ራ ማሃ̈ሬ።

ማ̈ቶ̈ሳ 28:18

ዬሱ̈ሲ ኢንታ̇ክ ዬ̈ዪ ኡካ̇ሪ “ሲልጣ̈ና ዎይ ኣ̈ፋር ማ̈ቂ̇ን ሳ̈ዳ̇ሬ ታ̈ብ ኢሚንቲ̇ኔ።

ዋ̈ኒ̇ሳ 15:16

ቴ ዪንታ̇ ማራ̇ጺንዶኬ ዪንቲ̇ ታ̈ና ማራ̇ጻካ̇ዬ፤ ዪንቲ̇ ሉ̈ካ̇ሪ ዎይሊን ኣ̈ፍ ካጻ̇ምፔ̈ን ማ ካጺ̇ኖ ኣ̈ፊንዳር ያካ̇ይ ዶኣምፔ̈ኒ ቴ ዪንታ̇ ኦ̈ሳ ጋ̈ልዳ ሹ̈ማዴ። ዪዚ ዪንቲ̇ ቴ ሱ̈ምባር ዎ̈ሲዝ ባዝ ዎይ ቴ ባ̈ባ̈ ዪንታ̇ብ ኢሚ̇̈ሬ።

ሮሜ 1:6

ዪንታ̇̇ሬ ዬሱ̈ስ ክርስቶ̈ሳይ ማ̈ቃ̇ምፔ̈ኒ ጾ̈ሲ ጼይጊኖ ኣሳን ጋርታ ፋይዲንቲ̇ኖ ኣሴ።

ሮሜ 8:30

ኢ ቲ̈ኒታር ዎሳ̇ኒኖን ጼይጊዴ፤ ጼጊኖን ጺላ̇ ማሂዴ፤ ጺላ̇ ማሂኖን ቦንቺ̇ዴ።

ሮሜ 8:37

ዪዚ ኑ̈ኒ ኑ̈ና ካኖ ክርስቶ̈ሳባራ ባዛን ዪን ዎይ ጋማሪ ጋሚ̇ዝ ኣሳንፖ̇ ሺ̈ሬ።

1 ቆሮ 15:24

ኢናፖ̇ ክርስቶ̈ሲ ካ̈ቲንታን፣ ኣላቃ ማ̈ቂ̇ኖንስኬ ዎልቃባሮን ዎይ ይሳ̇ሪ ካ̈ቲቲንዶ ጾ̈ሳ̇̇ ፌ ባ̈ባ̈ቦ ኢሚ̇ኖፖ̇ ዎሃ ኣላሚን ዉርሲ ማ̈ቃ̇̈ሬ።

1 ጢማ̈ 6:15

ክርስቶ̈ሳ ዬንቲ̇ንዳሬ ኣንጂንቲ̇ኖ̈ዲኬ ኢ ሙ̈ታ ጋ̈ዢ ማ̈ቂ̇ኖ፣ ካ̈ቲንታ̈ን ካ̈ታ፣ ጎዳንቦ ጎዳ ኢ ጌይኖ ቃሚ̇ንባር ማ̈ቃ̇̈ሬ።

2 ጢማ̈ 2:4

ዎታ̇ዳራ ማ̈ቃ̇ር ኦ̈ዝ ኣሲ ፌ̈ና ኪ̈ቲ̇ዛ ፌ ኣላቃ ኡፋይሳ̇ንዳብ ጊ̈ጊንቲ̇ኖ ማ̈ቃንዳብ ኮሺ̇̈ርዶኬ ዎታ̇ዳራ ኦ̈ሳ ማ̈ቃካ̇ዮ ባዝ ጋርታ ፌ̈ና ቡሺባ̈ሴ።

1 ጴጥ 2:9

ዎቲናካሬ ዪንቲ ም ጋርታፖ ዎይሊን ጋራ̇ሚሲዝ ፎኢንንኮ ዪንታ̇ ጼይጊኖ ጾ̈ሳ̇̇̈ኮን ጴቻ ኦ̈ሲን ሶ̈ላምፔ̈ኒ ማራ̇ጺንቲ̇ኖ ዜ̈ርን፥ ካ̈ታቦ ቄ̈ሳንኬ፥ ጾ̈ሲ ፌ̈ቦ ጌዪ ቆሪ ኬሲ̇ኖ ዎርዣን።

ሳጻ 11:7

ኢንቲ ፌ ማርኪቲን ዉርሲኖፖ̇ ዓኒ ቶ̈ራ ዎሳሊ ባዮ̇ ጴች ዶ̈ቺ̇ን ጋርታፖ̇ ኬስኪ̇ኖ ማ̈ታባዛ̈ዲ ኢንታ̇ባር ኦሊንታ̇ር ጋማሪ ኢንታ ዎ̈ሬ።

ሳጻ 16:14

ኢንቲ ጋራሚዝ ባዝ ኦ̈ዝ ኢ̈ታ ኣያ̇ናን፤ ዪን ኢ̈ታ ኣያ̇ናን ዎይን ዳንዳኢኖ ጾ̈ሳ̇̈ ጴቻ̇ ቃሚ̇ን ጋላስ ኦሊንታ̇ዝ ኦሊምቦ ኣሳን ሺ̈ሻ̇ንዳቦ ኣላማ ጋልዶ ካ̈ቲንታን ዎይንኮ ሉኪ̇̈ሬ።

ሳጻ 2:10

ኔ̈ና ጊዳክ ዬላ̇ዝ ሜቲምቦ ኢ̈ጫፔ፥ ዪዚ ሴ̈ይጣኖ ዪንታ̇ ፋታ̇ናንዳብ ኮያሪ ዪንታ̇ ጋርታፖ ፔታ̇ን ፔታ̇ናን ቃሺ ኣ̈ል ጌልሲ̈ሬ፥ ታጳ ቃም̇ ዪንቲ ሜታ ኤኪ̇̈ሬ፤ ኔ ዓይቂ̇ዝ ዲራስ ኣማ̇ኒንቲ̇ኖ ማ̈ቃ̇ቤ፤ ሼምፓ ኣኪሊላ ቴ ኔ̈ብ ኢማ̇ንዳ።

ሳጻ 2:13

ኔ̈ኒ ሴ̈ይጣና ዶኣዝ ቤሲ̇ን ዋ̈ኒ̇ን ጋርታ̇ ዎን ቴ ኤራ̈ሬ፤ ማ̈ቂናካሬ ቴ ሱምን ኔ̈ኒ ሚ̈ን ኤ̈ኔ፤ ኔ ታ̈ና ኣማ̇ናዚን ኣሻካ̇ዬ፤ ታ̈ቦ ኣማ̇ኒንቲ̇ኖ ማርካ ማ̈ቂ̇ኖ ኣንቲጳሳ ጌይዛ̈ዲ ዪንታ̇ ካታሚን ሴ̈ጣና ኢና ዶኣዚን ጋርታ ኣሳን ኢያ ዎኖ ኬሊ̇ንባራር ኔ ታ̈ና ኣማ̇ናዚን ኣሻ̇ካዬ።

ሳጻ 3:21

ታ̈ኒ ታ ጻላ̈ታን ጋማራ ታ ባ̈ባ̈ባር ዎልኣ ዶኢኖንዲፌ̈ኒ ጋሚኖ ኣሲ ቴ ዙፋ̈ኒን ጋልዳ ቴባር ዎልኣ ዶ̈ኣምፔን ዎታንዳ።