ሳጻ 17:12 - ኦራ ጫ̈ቃ ማጻ̈ፋ

¹² “ኔ̈ ቤቂ̇ኖ ታጳ ኡሺንቻ̇̈ን ቢርት ካዉታካ̇ዮ ታጳ ካ̈ቲንታ̇ን፤ ዎቲናካሬ ፔቲ̇ ሳኣ̈ታቦ ማ̈ታ ባዛ̈ባር ካዉታምፔ̈ን ሲልጣ̈ና ዲጚ̈ሬ።

ሳጻ 17:12 ပူးပေါင်းရင်းမြစ်များ

ሳጻ 10:11

ዪኒፖ ዓኒ “ዱማ ዱማ ኣሳ ዜርባዝ፣ ዎይሊን ዎርዣንባዝ፣ ዱማ ዱማ ኖ̈ና ሶ̈ሊዝ ኣሳንባዝኬ ካ̈ቲንታንባዝ ኔ̈ኒ ዓታ̇ር ማሃር ካ̈ያ ካ̈ያንዳ̇ብ ኮሻ̇̈ሬ” ጋ̈ሪ ታ̈ብ ሶ̈ሊዴ።

ሳጻ 12:3

ማ ዪና̇ ኢዝፌ̈ን ሜላ ማላ̇ ኣፋ ቤንቲ̇ዴ፦ ታብዛ ቆም̇ኬ ታጳ ኡሺንቺ ዎ ዞቃ ጴች ዳዋ ቤንቲ̇ዴ፤ ኢ ፌ ቆማን ጋልዳ ታብዛ ዛዉዳ ጉጲኔ፤

ሳጻ 13:1

ዪኒ̇ፖ ዓኒ ፔቲ̇ ማ̈ታ ባዚ ባሃራ ጋርታ̇ፖ ኬስካ̇ምባር ቴ ቤቃ̇ዴ፤ ኢ̈ቦ ታጳ ኡሺንችኬ ታብዛ ቆሚ̇ ዎ፤ ኢ ኡሺንቻን ጋልዳሬ ታጳ ዛዉዳ ዎ፤ ኢ ቆማን ዎይን ጋልዳሬ ጾ̈ሳ̇ ቆ̈ዝ ሱም ዎ።

ሳጻ 17:16

ማ̈ታ ባዛ̈ዲኬ ኔ ቤቂ̇ኖ ታጳ ኡሺንቻ̇̈ን ኦሎላ ጋዳ̇ዝ ኣሲን ኢጺ̇̈ሬ። ኢዞ ዪሲ̈̇ሬ ማ ኢዝቦ ዎ ባዝ ዎይ ኤካ̇ሪ ኢዞ ካላ̇ ኣሺ̇̈ሬ፤ ኢዝ ኣይሺ̇ን ኢንቲ ሙይሬ ማ ታማባር ኢዞ ሚቺ̇̈ሬ።

ሳጻ 18:10

ኢዝ ጋልዳ ዬሊ̇ኖ ኢ̈ታ ሜቲንቦ ኢጫ̇ሪ ጎት ኤቃ̇ሪ “ኣ̈ሽ ጴች ካታሚንዴ! ኣ̈ሽ ሚ̈ን ካታሚን ባ̈ብሎ̈ኔ! ኔ ጋልዳ ፊርዶ ፔቲ̇ ሳኣታ ጋርታ ዬይኖኮታ̇ቦ ኔ ባዚ ኣዬ̇! ኔ ባዚ ኣዬ̇!” ጌይዴ።

ሳጻ 18:17

ዪፌ̈ኖ ዎይሊን ቆሊን ፔቲ ሳኣ̈ታ ጋርታ ዪኔ!” ጌይሬ ማርካ̇ባ ሃላፋን ዎይ፣ ማርካባባር ሉኪ̇ዝ ኣሳን ዎይ፣ ማርካባ ጋልዳ ኦ̈ዝ ኣሳን፣ ባሃ̈ራ ጋልዳ ዛላ ዛልኢዝ ኣሳን ዎይ ጎት̇ ኤቂ̇̈ሬ፤

ሳጻ 18:19

ፌ ቆማ̇̈ ጋልዳ ቡልኣ ቃኪ̇̈ሬ፤ ዬ̈ኪሙታ̇ኬ ሞርኢሙታዶ̈ሪ “ዪና ጴች ካታሚንዳ ኢዝ ባዚ ኣዬ̇! ኢዝ ባዚ ኣዬ̇! ባሃራ ጋልዳ ማርካባ ኢንታ̇ብ ዎን ዎይ ኢዝ ቆሊንባራ ዱር ማ̈ቂ̇ዴ፥ ዎቲናካር ፔቲ̇ ሳኣታ ጋርታ ዪ ዎይ ዪዴ፤