ሳጻ 16:14 - ኦራ ጫ̈ቃ ማጻ̈ፋ

¹⁴ ኢንቲ ጋራሚዝ ባዝ ኦ̈ዝ ኢ̈ታ ኣያ̇ናን፤ ዪን ኢ̈ታ ኣያ̇ናን ዎይን ዳንዳኢኖ ጾ̈ሳ̇̈ ጴቻ̇ ቃሚ̇ን ጋላስ ኦሊንታ̇ዝ ኦሊምቦ ኣሳን ሺ̈ሻ̇ንዳቦ ኣላማ ጋልዶ ካ̈ቲንታን ዎይንኮ ሉኪ̇̈ሬ።

ሳጻ 16:14 ပူးပေါင်းရင်းမြစ်များ

ማ̈ቶ̈ሳ 24:14

ዎርዣ ዎይ̈ቦ ማርካ̇ ማ̈ቃ̇ምፔ̈ን ዓ ጾ̈ሳ̇̇ ካ̈ቲቲ ዎጛላ ኣላሚን ዎይን ጋልዳ ሳባ̇ኪንቲ̈ሬ፥ ዪና̇ ኢዝባራ ዉርሲን ዬላ̇̈ሬ።

ማ̈ቶ̈ሳ 24:24

ዎርዳባር ፌ̈ና ክርስቶ̈ሳ ዪዝ ጌይዛንኬ ዎርዳ ናባን ዲንዲ̈ሬ። ኢንታ̇ብ ዳንዳኢንቴ̇ጌይን ሜላ ኣቲ̇ን ጾ̈ሳ̇̇̈ቦ ማራ̇ጺንቲ̇ኖ ኣሳን ባሊንዳቦ ጴች ታሚ̇ራ̈ታኬ ጋራ̇ሚሲዝ ባዛን ቤይሲ̈ሬ።

ማ̈ርቆ̈ሳ 13:22

ኣባ ጌይን ዎርዳ ክርስቶ̈ሳንኬ ዎርዳ ናባን ኬስካሪ ዎይሊን ማላ̇ ባዝኬ ታ̈ሚ̇ራ̈ታ ኦ̈ሙታ̇ ኢንታ̇ብ ዳንዳኢንቴ̇ጌይን ሜላ ኣቲ̇ን ቆሪንቲኖንሬ ባሊ̈ሬ።

ሉቃ̈ሳ 2:1

ዪና̇ ኢዝ ኬሊ̇ን ጋርታ̇ ሮ̈ማ ጻና ኣቂዝ ጋዳን ጋርታ ዎ ዎርዦ ዎይ ፋይዲንታ̇ምፔ̈ኒ ጋ̈ሪ ጋዲን ኣቂሲዝ ካ̈ታ ቄ̈ሳ̈ር ኣጊስጦ̈ሲ ኪ̈ቲ̇ዴ።

ዋ̈ኒ̇ሳ 8:44

ዪንቲ̇ ሴ̈ጣና ናኤ፤ ዪንታ̇ ኢኒ̇ንዳሬ ኢ ኮያዝ ባዚን ኦ̈ዚንዶ፤ ኢ ሚናፓ̇ሬ ሼምፓ ዎዛ̈ዳ፤ ኢ ጋርታ̇ ኪን ባዚ ባዮኮታ̇ቦ ኪን ባዝኬ ኢያኬ ዎል ዬሊ̇ ኤሪባ̈ሴ፤ ኢ ዎርዳ ሶ̈ሊዛ̈ዳ፤ ማ ማቃ ጌይዛ ዎይቦ ባ̈ባ̈ ኢያ፤ ኢ ማቃ ሶ̈ሊርዶ̈ሪ ፌ̈ ጋልዳፖ̇ ኬሳ̇ር ሶ̈ሊ̈ሬ።

ሮሜ 1:8

ታ̈ኒ ዎይ ባዛፖ ቲ̈ኒታራ፥ ዪንቲ̇ ዬሱ̈ሳ ኣማ̇ኒኖንዳ̇ ሳዝ ኤ̈ሻ ዎይ ጋልዳ ሲስኪ̇ንቲ̇ኖኮታ̇ቦ ዪንቲ̇ ዎይንጊሽ̇̇ ታ̈ኒ ጎዳ ዬሱ̈ስ ክርስቶ̈ስ ሱምባራ ታ ጾ̈ሳ̇ ጋላታ̈ሬ።

2 ታሳ 2:9

ዪ ዉጫ ና̈ሳ ዬይዛ̈ዲ ሴ̈ጣና ዎልቃባራ ኣስ ባሊዝ ታ̈ሚ̇ራ̈ታኬ ማላ̇ኬ ማ ኣስ ጋራ̇ሚሲዝ ባዝ ኦ̈ሙታ ዬይሬ።

1 ጢማ̈ 4:1

ጊዳን ዬይዝ ኬላ̇ን ጋርታ̇ ፔቲ̇ ፔቲ̇ ኣሳን ፌ ኣማ̇ኒን ኣሻ̇ሪ ባ̈ልዝ ኢ̈ታ ኣያ̇ና ጎይኬ ሴ̈ጣና ቲሚርታ ዎሂን ዬዚን ጾ̈ሳ̇ ኣያ̇ና ፋል̇ ሶ̈ሊ̈ሬ።

ዓይ 3:15

ዪኒ̇ፌ̈ኖ ኤሪንዳ ኣፋ ጾ̈ሳ̇̇ ጋልዳ̇ፖ ጊዳካ̇ዬ። ኢዛ ዓኒ̇ ኣላሚን ጋልዳ̇ፖ ኣሳ ጋልዳፖኬ ኢ̈ታ ኣያ̇ና ጋልዳፖ̇ ዬ̈ሬ።

1 ዋ̈ኒ̇ 5:19

ኑ̈ኒ ጾ̈ሳ̇ ናኣን ማ̈ቂ̇ኖን ኤሪ̈ሬ፤ ዎቲናካሬ ዓና̇ ኣላሚን ዎይ ሴ̈ጣና ዎልቂ̇ን ጻና ኣቂኔ።

ሳጻ 12:9

ዳዋ ጴቻ̇̈ዲ ቶ̈ራ ሳ̈ዳ ቶጚንቲ̇ዴ፤ ኢያሬ ኣላሚን ዎይ ባሊዛ ዳብሎ̈ሳ ዎይ ሴ̈ጣና ጌይ ጼይጊንቲ̇ዛ ሚኖ ሾ̈ሻ̈̇ዳ፤ ኢ ቶ̈ራ ሳ̈ዳ ቶጚንቲ̇ዴ ማ ኢ ኪ̈ታንቻ̇̈ንሬ ኢባር ዎልኣ ቶጚንቲ̇ዴ።

ሳጻ 13:3

ማ̈ታ ባዛ ቆማ̇ን ጋርታፖ ፔታ̇ናዲ ዎብ ዬ̈ልዝ ኪሲ ኢ ጋልዳ ዎ ማይጺ̈ርዶን ቤቃ̇ዴ፤ ዎቲናካሬ ዓይቃብ ዬልዛ ማይጻዝ ኪሲንዳ ፋጺኔ፤ ኣላማ ጋልዳ ዎ ኣሲ ዎይ ጋራ̇ሚንታሪ ዪ ማ̈ታባዛ ዎሂን ዬዴ።

ሳጻ 16:16

ኢ̈ታ ኣያ̇ናን ካ̈ቲንታ̇ን ኢብራዪስጣ ኖ̈ናባራ ኣርማጌ̈ዶና ጌይዝ ቤሳ̇ ጋልዳ ኢንታ̇ ሺ̈ሺ̇ዴ።

ሳጻ 16:7

ካ̈ሻ̇ ቤሲ̇ን ጋልዳ፤ “ኣዓ! ዎይን ዳንዳኢኖ ጎዳ ጾ̈ሳ̇̈ዶ! ኔ ጺላ̇ኬ ኪን ፊርዳ̈ሬ” ዪዝ ጌይዝ ቆ̈ ቴ ሲስካ̇ዴ።

ሳጻ 17:14

ኢንቲ ዶራ̈ ጋልዳ ኦል ዲንሬ፤ ዎቲናካሬ ዶራ̈ዲ ጎዳንቦ ጎድኬ ካ̈ቲንታ̇ንቦ ካ̈ት ማ̈ቂ̇ኖኮታ̇ቦ ኢንታ ጋሚ̈ሬ፤ ማ ኢባር ዎን ጼይጊንቲኖን፥ ማራ̇ጺንቲ̇ኖንኬ ኣማ̇ኒንቲ̇ኖ ኣሳን ኢባር ዎልኣ ጋሚ̈ሬ” ጌይዴ።

ሳጻ 20:8

ኣላማ ጋልዳ ዎይ ቤስ̇ ዎ ዎርዣን ዎይ ጎ̈ግኬ ማ̈ጎጋ ጌይዛን ባሊንዳብኬ ኦላብ ሺ̈ሻ̇ንዳብ ኬስኪ̇̈ሬ፥ ኢንታ ፋይዳ̈ዲ ባሃራ ቡጊድ ጋልዳ ዎ ሻ̈ማፌ̈ኔ።

ሳጻ 3:10

ኔ̈ኒ ጋርዢዝ ኣስ ማ̈ቃ̇ቤ ጋ̈ራ ቴ ኔ̈ብ ሶ̈ሊኖ ታ ቃ̈ሊን ና̈ጊኖኮታቦ ታ̈ናሬ ሳ̈ዝ ጋልዳ ዶኢዛን ፋታ̇ናንዳቦ ኣላሚን ዎይን ጋልዳ ዬ̈ዝ ሜታ ኬሊ̇ን ጋልዳፖ ቴ ኔ̈ና ና̈ጋንዳ።

ሳጻ 6:17

ጴች ጎይል ቃሚ̇ን ዬይኔ ኢዞ ዳንዳኢዛ ኦ̈ኖ?” ጌይዴ።