ሳጻ 15:3 - ኦራ ጫ̈ቃ ማጻ̈ፋ

³ ጾ̈ሳ̇̈ ኣሽካራ ሙ̈ሳ ዬንዲኬ ዶራ̈ ማዝሙሪን ዬጺ̇̈ዴ። ኢንቲ̇ ዬጺ̇̈ርዶሪ፥ “ዎይን ዳንዳኢኖ ጎዳ ጾ̈ሳ̇̇̈ዶ! ኔ ኦ̈ሳ̈ዲ ጴችኬ ኣስ ጋራ̇ሚሲዝ ባዜ፤ ዎርዣን ካ̈ታዶ! ኔ ኦ̈ኖ ኦ̈ሲንዳ ጺላ̇ኬ ኪንኬ፤

ሳጻ 15:3 ပူးပေါင်းရင်းမြစ်များ

ዋ̈ኒ̇ሳ 1:17

ጾ̈ሳ̇̇ ሂጊ̇ን ሙ̈ሳ ጎይባራ ኢሚ̇ንቲ̇ንዶ̈ን፥ ማ̈ሪቲኬ ኪንቲ ዬሱ̈ሳ ጎይስባር ዬይኔ።

1 ጢማ̈ 1:17

ዪዚ ሜናብ ዶኢዝ ካ̈ታ̈ቦ፥ ዓይቂ̇ባ̈ሶ̈ቦ፥ ቤቂ̇ን ቤንቲ̇ባ̈ሶ̈ቢኬ ፔቲ̇ ጾ̈ሳ̇ ኢ̈ቦ ሜናብ ቦንችኬ ጋላታኬ ኢ̈ብ ማ̈ቆ! ኣሚንኤ።

ኢብ 3:5

ሙ̈ሶ̈ ጊዳክ ሶ̈ሊንቲ̈ዝ ባዛንቦ ማ̈ርኪቲሙ̈ታዶሪ ጾ̈ሳ̇̈ ኣ̈ሊን ጋርታ ዎይ ኣማ̈ኒንቲ̇ኖ ኣይላ ማ̈ቂ̇ኔ።

ሳጻ 1:8

ሚናፖ ዎ፥ ዓታ̇ር ዎ፥ ጊዳክ ዬይዛ ዎይን ዳንዳ̇ኢዛ ጎዳ ጾ̈ሳ̇̈ዲ “ኣልፋሬ ኦሜ̈ጋር ታ̈ና!” ጌይሬ።

ሳጻ 11:17

ጎሽቲሙታ̇ዶ̈ሪ፥ “ሚናፓ̇ር ዎዲ፥ ዓታ̇ር ዎዲ፥ ዎይን ዳንዳኢዛ ጎዳ ጾ̈ሳ̇̈̇ዶ! ጴቻ̇ ሲልጣ̈ኒን ኔ ኤ̈ኖኮታ̇ብኬ፥ ካዉቲኖኮታቦ ኑ ኔ̈ና ጋላቲ̈ሬ።

ሳጻ 14:3

ዙፋ̈ኒን ቲ̈ንኬ ኦይዲ ሼምፓባሮ ኮቺንታ̇ን ቲ̈ን ማ ጪጛሻን ቲ̈ን ፔቲ̇ ጼ̈ታኬ ኦይዲ̇ ታጶ ኦይዲ̇ ሙኩላ ኣሳን ኦራ ዬ̈ ዬጺ̇ዴ፤ ዪና ዬንዶ ሳ̈ዝ̈ ጋልዳ ጾ̈ሲ ፋኖን ዪን ፔቲ̇ ጼ̈ታኬ ኦይዲ̇ ታጶ ኦይዲ̇ ሙኩላ ኣሳንፖ ሜላ ኦ̈ናካር ታማ̈ራንዳብ ዳንዳኣካ̇ዬ።

ሳጻ 14:8

ሜላሬ ናምኢ ኪ̈ታንቻ̇̈ዲ “ኣስ ቄዝ ኦላላ ዎይና ጂን ዎርዣ ዎይ ኡሺ̇ኖን ጴቺ̇ን ባ̈ቢሎ̈ና ላ̈ሊ̇ንታ̇ር ያዴ! ላ̈ሊ̇ንታ̇ር ያዴ!” ጌዪሙታ̇ዶሪ ቲ̈ኖ ኪ̈ታንቻ ዎሂን ሉኪ̇ዴ።

ሳጻ 17:14

ኢንቲ ዶራ̈ ጋልዳ ኦል ዲንሬ፤ ዎቲናካሬ ዶራ̈ዲ ጎዳንቦ ጎድኬ ካ̈ቲንታ̇ንቦ ካ̈ት ማ̈ቂ̇ኖኮታ̇ቦ ኢንታ ጋሚ̈ሬ፤ ማ ኢባር ዎን ጼይጊንቲኖን፥ ማራ̇ጺንቲ̇ኖንኬ ኣማ̇ኒንቲ̇ኖ ኣሳን ኢባር ዎልኣ ጋሚ̈ሬ” ጌይዴ።

ሳጻ 19:16

ኢ ኣፊሊን ጋልዳኬ ኢ ቤሺን ጋልዳ “ካ̈ቲንታ̇ንቦ ካ̈ቲ ጎዳንቦ ጎዴ” ጌይዝ ሱ̈ም ጻ̈ፊንቲ̇ኔ።

ሳጻ 19:2

ኢ ፊርዳ̈ዳሬ ጺላ̇ኬ ኪንዬ፤ ፌ ኢ̈ት ኦ̈ሳባር ሳ̈ዚን ቄ ባይሲኖን ዎይሊን ኦሎላባር ኤሪንቲ̇ኖ ኣሲን ጴቺ̇ንዶ ጾ̈ሳ̇ዲ ኢዝ ጋልዳ ፊርዲ̇ኔ፤ ኢዝ ጋልዳ ፊርዳሪ ፌ ኣሽካራን ሱ̈ን ማሂኔ” ጌይዴ።

ሳጻ 4:8

ዪን ኦይዲ ኮቺንታ̇ን ኢንታ ቆሚ̇ን ቆሚ̇ን ኢንታ̇ብ ሌሂ ካፓ̇ ዎ፤ ኢንታ ጋሊ̇ን ዎይኬ ኢንታ ካ̈ፒ̇ን ጋርሲን ዎይ ኣ̈ፊ ኩሚኔ። ኢንታ̇ር ቃምኬ ጋላስኬ፥ “ጌ̈ሻ̈̇ዶ! ጌ̈ሻ̈̇ዶ! ጌ̈ሻ̈̇ዶ! ሚናፓር ዎ፥ ዓታር ዎ፥ ጊዳክ ዬይዛ፥ ዎይን ዳንዳኢኖ ጎዳ ጾ̈ሳ̇̈̇ዶ!” ጋዚ̈ን ኣሺባ̈ሴ።