ሳጻ 15:2 - ኦራ ጫ̈ቃ ማጻ̈ፋ

² ዪኒ̇ፖ ዓኒ ታማባር ቡሺንቲ̇ኖ ማስቶ̈ታ ባሃራ ማይጺዝ ባዝ ቴ ቤቃ̇ዴ፤ ማ ማ̈ታ ባዛ̈ዲኬ ኢ ሚሲሊንዶ ማ ኢ ሱ̈ምን ፋይዲን ማሊ̇ን ጋሚኖ ኣሳን ቴ ቤቃ̇ዴ፤ ጾ̈ሲ ኢንታ̇ብ ኢሚ̇ኖ ዚምቢን ኤ̈ሪ ማስቶ̈ታ ባሃ̈ሪን ላፍ ኤቂ̇ኔ።

ሳጻ 15:2 ပူးပေါင်းရင်းမြစ်များ

ማ̈ቶ̈ሳ 3:11

ታ̈ኒ ዓት ዪንታ̇ ማ̈ሪቲቦ ዋ̈ባር ጻማ̇ቃ̈ርዶ̈ን ታ̈ፖ̇ ዎሃ ዬይዛ̈ዲ ዪንታ̇ ጌ̈ሻ̇ ኣያ̇ናባርኬ ታማባራ ጻማ̇ቂ̈ሬ። ኢ ታ̈ፖ̇ ዎይሊን ሺ̈ሬ፥ ታ̈ኒ ሜላ ኣቲ̇ን ኢ ቶሂቶ̇ ጫ̈ሚ̇ን ቶ̈ካ̇ንዳብ ጊዳካ̇ዮ ኣሴ።

1 ጴጥ 1:7

ዪኒ̇ፌ̈ኖ ፋታና ዪንታ̇ ዬላ̇ዚንዳ ዪንታ̇ ኣማ̇ኒን ኪን ማ̈ቂ̇ኖን ኤራንዳቦ፤ ሜላ ኣቲ̇ን ዪዝ ዎርቆ ዎርቃ ማ̈ቂ̇ኖን ኤሪንታ̇ዚንዳ ታማባር ባያ̇? ዎርቃ̇ፖ ሺዝ ዪንታ̇ ኣማ̇ኒንዳ ዪና̇ ኢዝፌ̈ኒ ፋታ̇ኒንታ̇ንዳብ ኮሻ̇̈ሬ፤ ዪና̇ ፋታ̇ኒንቲ̇ኖ ዪንታ̇ ኣማ̇ኒንኮታ̇ ዬሱ̈ስ ክርስቶ̈ሲ ዬይዝ ጋላስ ዪንቲ̇ ኣንጃኬ ቦ̈ንችኬ ዲጚ̈ሬ።

1 ጴጥ 4:12

ቴ ላጋ̇ን! ታማፌ̈ኖ ጴች ሜታ ዪንታ̇ ዬሌ̇ጌይን ኦራ̈ ባዝፌ̈ን ማሃሪ ጋራ̇ሚንታፒ̇ቴ።

ሳጻ 12:11

ኢንቲ ዶራ̈ ሱ̈ንባርኬ ፌ ሶ̈ሊኖ ማርኪቲ ቃ̈ሊንባራ ኢያ ጋሚኔ፤ ኢንቲ̇ ፌ ሼምፒ̇ምቦ ሚጪንታ̇ካይዶር ፌ̈ና ዓይቃብ ኣ̈ ኢሚ̇ኔ፤

ሳጻ 13:1

ዪኒ̇ፖ ዓኒ ፔቲ̇ ማ̈ታ ባዚ ባሃራ ጋርታ̇ፖ ኬስካ̇ምባር ቴ ቤቃ̇ዴ፤ ኢ̈ቦ ታጳ ኡሺንችኬ ታብዛ ቆሚ̇ ዎ፤ ኢ ኡሺንቻን ጋልዳሬ ታጳ ዛዉዳ ዎ፤ ኢ ቆማን ዎይን ጋልዳሬ ጾ̈ሳ̇ ቆ̈ዝ ሱም ዎ።

ሳጻ 13:14

ቲ̈ኖ ማ̈ታ ባዛ ሱምባር ማላ̇ ባዛን ኦ̈ምፔ̈ን ሲልጣ̈ና ኢ̈ብ ኢሚ̇ንቲ̇ኖኮታ̇ቦ ሳ̈ዝ ጋልዳ ዎ ኣሳን ባሊዴ፤ ማሻ̇ባር ጫዲንታሪ ፋጺኖ ማ̈ታ ባዛ ቦንቻ̇ቦ ሚሲላ ኮቻ̇ምፔን ኢንታ ኪ̈ቲ̇ዴ።

ሳጻ 13:17

ዪኒባራ ማ̈ታ ባዛ ሱ̈ምን ቤይሲዝ ማሊ̇ን ዎይ ኢ ሱ̈ምን ፋይዲን ኤካካ̇ዮ ኣሲ ኦ̈ናካር ጌዳ ዎጛንዳባር ማ̈ቆ̇ ዓኒ ዎጛር ኤካ̇ንዳቦ ዳንዳኢባ̈ሴ።

ሳጻ 21:18

ካታሚን ቡጊዲምባሮ ኣጺሪን ኦ̈ንቲኖንዳ ኢያስጲድ ጌይዝ ሹችባራ፤ ካታሚንዳ ማስቶ̈ታፌ̈ን ጌዥጊኖ ኮሽ ዎርቃባር ኦ̈ንቲ̇ኔ።

ሳጻ 4:6

ዙፋ̈ኒን ቲ̈ኒን ጋልዳ ጺላ̇ክ ጊልዢዥ ጌይኖ ማስቶ̈ታ ባሃ̈ራ ማይጺዝ ባዚ ዎ፤ ዙፋ̈ኒን ጊዳ̇ ማ ኢዝ ቡጊዲምባ̇ራ፥ ቲ̈ን ጎይኬ ጋስ ጎይ ዎይሊን ኣ̈ፊ ዎ ሼምፓባሮ ኮቺንታን ኦይዲ̇ ዎ።

ሳጻ 5:8

ኢ ማጻ̈ፊን ኤኪ̇ን ኦይዲ ኮቺንታ̇ንኬ ላምታ̇ም ኦይዲ ጪጛሻን ዶራ ቲ̈ን ፌ ዴ̈ማ̈ባር ጉጲጚዴ፥ ኢንቲ ዎይን ፌ ኩሽታ ዚምቢኬ ኢዝ ጋርታ̇ ኢጻ̈ና ኩሚኖ ዎርቃባር ኮቺ̇ኖ ሙዳ̈ያ ኤኔ፥ ዪና̇ ኢጻ̈ኒንዳ ጌ̈ሻ̇ ኣሳን ዎ̈ሲ̇ዝ ዎ̈ሳ።