ሳጻ 14:6 - ኦራ ጫ̈ቃ ማጻ̈ፋ

⁶ ዪኒ̇ፖ ዓኒ ሳ̈ዝ ጋልዳ ዶኢዝ ዎርዣቦ፣ ኣሳ ዜርቦ፤ ዱማ ዱማ ኖ̈ና ሶ̈ሊዛንኬ ዱማ ዱማ ኮቻንቦ ዎይ ሜናብ ዶኣዝ ዎጛሊን ኤ̈ኖ ሜላ ኪ̈ታንቻ ኣፋ ፋራምባር ቴ ቤቃ̇ዴ።

ሳጻ 14:6 ပူးပေါင်းရင်းမြစ်များ

ማ̈ቶ̈ሳ 10:27

ቴ ዪንታ̇ብ ም ጋርታ̇ ሶ̈ሊኖንዶ̇ ዪንቲ̇ ፎኢን ጋልዳ̇ ሶ̈ሊብቴ̇፤ ቴ ዪንታ̇ብ ሳ̈ሲጛር ሶ̈ሊኖንዶ̇ ዪንቲ̇ ሾካ̇ ቤስ̇ ጋል ኤቃ̇ሪ ጴች ሶ̈ሊብቴ̇።

ማ̈ርቆ̈ሳ 16:15

ኢናፖ̇ ኢንታ ኪ̈ቲ̇ርዶ̈ሪ “ሳ̈ዝ ኤ̈ሻ̇ ዎይ ጋልዳ ሉኪ̇ብቴ፤ ዎጛሊንዶ ኣሳ ዎይ̈ቦ ሶ̈ሊብቴ፥

ሮሜ 16:25

ታ̈ኒ ዬሱስ ክርስቶ̈ሳባዝ ሳባ̇ኪኖ ቃ̈ሊንባርኬ ሚናፖ̇ ኣ̈ቺንታ̇ር ጋምኢኖ ዎቲናካር ዓት ፋላ̇ጋልዳ ኬስኪ̇ኖ ኪን ሚስጢሪን ጎይባራ ዪንቲ̇ ዪንታ̇ ኣማ̇ኒንባራ ሚ̈ጚ ዶኣምፔ̈ኒ ዎታንዳብ ዳንዳኢ̈ዛ ጾ̈ሳ̇̇̈ቦ ቦንች ማ̈ቆ̇።

ቆላ̈ሳ̈ሳ 1:23

ዪና̇ ማ̈ቃ̇̈ዚንዳ ዪንቲ̇ ሲስኪ̇ኖ ዎጛሊንባር ሚ̈ጛርኬ ዎጛሊንባር ቤንቲ̇ኖ ታስፊን ጋልዳፖ ዓናር ጌዳር ጋ̈ካ̇ይዶር ኤቄ̈ጌይን ሙታ̇፤ ዪና ዪንቲ̇ ሲስኪ̇ኖንዲኬ ሳ̈ዝ ጋልዳ ዎ ኣሳንቦ ዎይ ሳባ̇ኪንቲ̇ኖ ዎጛሊንዳ ዓና̇ ኢዞ፤ ታ ጳውሎ̈ሳሬ ዓና ዎጛሊንቦ ኦ̈ዝ ኣስ ማ̈ቂ̇ኔ።

2 ታሳ 2:16

ኢ ኑ ጎዳ ዬሱ̈ስ ክርስቶ̈ሳኬ ኑ̈ና ካኖ ፌ ኮሺ̇ቲንባር ሜና ሚ̈ንቲንዲኬ ማ ኮሻ̇ ታስፋ ኢሚ̇ኖ ጾ̈ሳ̇ ኑ ባ̈ባ̈ዲ

ኢብ 13:20

ዶራንቦ ጴች ዬ̈ን ናእ ማ̈ቂ̇ኖ ኑ ጎዳ ዬሱ̈ስ ክርስቶ̈ሳ ሜናብ ዶኢዝ ጫ̈ቃ ሱ̈ንባራ ዓይቃ ጋርታፖ ዲንኖ ሳሪቲ ጾ̈ሳ̇̇̈ዲ፥

1 ጴጥ 1:25

ዎቲናካር ጾ̈ሳ̇ ቃ̈ሊንዳ ሜናብ ሚጛር ዶኣ̈ሬ።” ዪንታ̇̈ቦ ሳባ̇ኪንቲ̇ኖ ዎጛላ ቃ̈ሊንዳሬ ዓና̇ ኢዞ።

ሳጻ 10:11

ዪኒፖ ዓኒ “ዱማ ዱማ ኣሳ ዜርባዝ፣ ዎይሊን ዎርዣንባዝ፣ ዱማ ዱማ ኖ̈ና ሶ̈ሊዝ ኣሳንባዝኬ ካ̈ቲንታንባዝ ኔ̈ኒ ዓታ̇ር ማሃር ካ̈ያ ካ̈ያንዳ̇ብ ኮሻ̇̈ሬ” ጋ̈ሪ ታ̈ብ ሶ̈ሊዴ።

ሳጻ 13:7

ጌ̈ሽ̇ ኣሳን ኦሊንታ̇ሪ ጋማምፔ̈ን ዎልቃ ኢ̈ብ ኢሚ̇ንቲ̇ዴ፤ ኣሳ ኮቺ̇ኬ ኣሳ ዜር ዎይ፤ ዱማ ዱማ ኖ̈ና ሶ̈ሊዛንን ጋልዳኬ ዎርዣ ዎይ ጋልዳ ሲልጣ̈ና ኢ̈ብ ኢሚ̇ንቲ̇ዴ።

ሳጻ 3:10

ኔ̈ኒ ጋርዢዝ ኣስ ማ̈ቃ̇ቤ ጋ̈ራ ቴ ኔ̈ብ ሶ̈ሊኖ ታ ቃ̈ሊን ና̈ጊኖኮታቦ ታ̈ናሬ ሳ̈ዝ ጋልዳ ዶኢዛን ፋታ̇ናንዳቦ ኣላሚን ዎይን ጋልዳ ዬ̈ዝ ሜታ ኬሊ̇ን ጋልዳፖ ቴ ኔ̈ና ና̈ጋንዳ።

ሳጻ 5:9

ኢንቲ̇ ኦራ ማዝሙራባራ፦ “ኔ̈ኒ ማጻ̈ፊን ኤካ̇ንዳብኬ፥ ኢዝ ጋልዳ ዎ ማይታማን ፊርቃ̇ንዳቦ ኔ̈ብ ቤይሲ̈ሬ፤ ኣባ ጌይን ኔ̈ኒ ሹኪንታ̇ራ ኔ ሱ̈ንባር ኣሳ ዜር ጌይዛ ዎይ ጋርታፖ፥ ሳ̈ዝ ኤ̈ሺ̇ን ጋልዳ ኣሲ ሶ̈ሊንቲ̇ዝ ኖ̈ና ዎይ ጋርታፖ፥ ኣሳ ኮች ጌይዛ ዎይ ጋርታፖ፥ ዎ̈ርዣ ዎይ ጋርታፖ፥ ኣሳ ናኣን ጾ̈ሳ̇ቦ ዎዛንዳቦ፥ ኔ̈ኒ ሹኪንቲ̇ኔ።

ሳጻ 8:13

ኢናፖ ቴ ቤቃ̇ምባራ ፔቲ̇ ኣርጊን ኣፎ ሳ̈ዚምቤኬ ሳ̈ዶ̇ ሳ̈ዚምቦ̇ ጊዲ̇ንባራ ፋሪሙታ̇ዶ̈ሪ ጴች ጊርስባራ “ኣቲ̇ኖ ዓይዚ̇ ኪ̈ታንቻን ፌ ሞይዚን ጊርሲን ሲሳ̇ምባራ ሳ̈ዝ ጋልዳ ዶኢዝ ኣሳን ባዚ ኣዬ̇! ኢንታ ባዚ ኣዬ̇! ኢንታ ባዚ ኣዬ̇!” ጋ̈ር ዉይሳዚን ቴ ሲስካ̇ዴ።