ሳጻ 14:1 - ኦራ ጫ̈ቃ ማጻ̈ፋ

¹ ዓኒ̇ፖ ዎሃ ዶራ̈ዲ ጺዮ̈ና ኢንዲ̇ን ጋልዳ ኤቂ̇ንዶን ቴ ቤቃ̇ዴ፤ ኢባራ ኢ ሱ̈ምንዲኬ ኢ ባ̈ባ ሱምን ኢንታ ዴ̈ሚን ጋልዳ ጻ̈ፊንቲ̇ኖ ፔቲ̇ ጼ̈ታኬ ኦይዲ ታጶ ኦይዲ ሙኩላ ኣሳን ዎ።

ሳጻ 14:1 ပူးပေါင်းရင်းမြစ်များ

ሉቃ̈ሳ 12:8

“ቴ ዪንታ̇ብ ሶ̈ላዚንዳ̇፥ ኣሳ ቲ̈ን ‘ቴ ዬሱ̈ሳዬ’ ጌዪ ማርኪቲዛ̈ቦ ዎይ ቴ ኣሳ ናኣ̈ዳር ማ ጾ̈ሳ̇̇ ኪ̈ታንቻ̇ን ቲ̈ን ‘ኢ ቴዬ̇’ ጋ̈ር ማርኪታ̈ሬ።

ሮሜ 9:33

ዪና̇ሬ፥ “ቤቂ̇ብቴ! ኣስ ብዝ ሹች̇ ጺዮ̈ና ካታሚን ጋርታ ጋዳ̇ንዳ፤ ዪ ሹቻ̈ዲ ኣስ ብሪ ቶጚዝ ሹቼ̇፤ ዎቲናካር ኢያ ኣማ̇ኒዝ ኣሲ ዬ̈ልቂ̇ባ̈ሴ” ጋ̈ሪ ጌ̈ሻ ማጻ̈ፋ ጋልዳ ጻ̈ፊንቲ̇ኖንዲፌ̈ኔ።

ሳጻ 14:14

ዪኒ̇ፖ ዓኒ ታ̈ኒ ቦ̈ርስ ሻ̈ራ ቤቃ̇ዴ፤ ሻ̈ሪን ጋልዳ ኣሳ ናኣ ማይጺዛ̈ዲ ዶኢኔ፤ ኢ ቆማ̇ ጋልዳ ዎርቃ ኣኪሊላ ጋዲ̇ኔ፤ ፌ ኩሽታ ኣጪንች ባ̈ጪ ኤ̈ኔ።

ሳጻ 14:3

ዙፋ̈ኒን ቲ̈ንኬ ኦይዲ ሼምፓባሮ ኮቺንታ̇ን ቲ̈ን ማ ጪጛሻን ቲ̈ን ፔቲ̇ ጼ̈ታኬ ኦይዲ̇ ታጶ ኦይዲ̇ ሙኩላ ኣሳን ኦራ ዬ̈ ዬጺ̇ዴ፤ ዪና ዬንዶ ሳ̈ዝ̈ ጋልዳ ጾ̈ሲ ፋኖን ዪን ፔቲ̇ ጼ̈ታኬ ኦይዲ̇ ታጶ ኦይዲ̇ ሙኩላ ኣሳንፖ ሜላ ኦ̈ናካር ታማ̈ራንዳብ ዳንዳኣካ̇ዬ።

ሳጻ 15:5

ዪኒ̇ፖ ዎሃ ቴ ቤቃ̇ምባራ ማርካ ዱንካ̈ና ማ̈ቂ̇ኖ ጾ̈ሳ̇̈ ኬ ኣፋ ፊርቂንቲ̇ዴ።

ሳጻ 22:4

ኢንቲ̇ ኢ ኣፊን ቤቂ̇ሬ፤ ኢ ሱ̈ምዳር ኢንታ ዴ̈ሚን ጋልዳ ዶኢ̈ሬ።

ሳጻ 3:12

ጋሚኖ ና̈ሳ̈ዳ ቴ ጾ̈ሳ̇ ኬ̈ ጋርታ ኢያ ቱ̈ሳፌ̈ን ማሃንዳ፤ ኢናፖ ኢ ኣባካር ጌይን ኬስኪ̇ባ̈ሴ፤ ቴ ጾ̈ሳ̇̈ ሱምንዲኬ ቴ ጾ̈ሳ̇̈̇ ካታሚን ሱምን ኢ ጋልዳ ጻ̈ፋንዳ፤ ዪና̇ ካታሚንዳ ኣፋ ቴ ጾ̈ሳ̇̈ ቲ̈ናፖ ሶባዚን ኦራን ዬሩሳ̈ላሞ፤ ታ ሱምን ኦራንዳር ኢ ጋልዳ ጻ̈ፋንዳ።

ሳጻ 4:1

ዓኒ̇ፖ̇ ዎሃ ታ̈ኒ ኣፋ ቴ ቲ̈ኒን ጋርታ̇ ፊርቂንቲ̇ኖ ካራ ዎዶን ቤቃ̇ዴ፤ ታ̈ኒ ዓኒፖ̇ ቲ̈ን ሲስኪ̇ኖ ሞይዛፌ̈ኖ ጊርሳ̈ዲ ታ̈ኮ “ዓኒ̇ፖ ዎሃ ማ̈ቂ̇ዝ ባዛን ቴ ኔ̈ና ቤይሲዛኮታ̇ቦ ዓይ ፉዳ ኬስካ̇ቤ” ጌይዴ

ሳጻ 6:8

ቴ ቤቃ̇ምባራ ቴ ቲ̈ኒን ጋርታ ጫ̈ም ፋራ ቤቃ̇ዴ፤ ዪ ፋራ ጋልዳ ቶጊ̇ኖ ኢ ሱምዲ ዓይቃ ጌይንቲ̇̈ሬ፤ ሲኦ̈ላ ጌይንቲ̇ኖ̈ዲ ኢ ዎሂን ዎሂን ዬሬ፤ ዓይቃኬ ሲኦ̈ላኬ ዎልኣ ማ̈ቃ̇ሪ ሳ̈ዝ ጋልዳ ዎ ባዝ ዎይቦ ኦይዲ ኩሽ ጋርታ̇ፖ ፔቲ̇ ኩሺንዶ ኦልባራ፤ ጋፍባራ፤ ዓርጋባርኬ ማ̈ታባዝባር ዎሲ ዉርሳምፔ̈ን ሲልጣ̈ና ኢንታ̇ብ ኢሚ̇ንቲ̇ዴ።