ሳጻ 13:6 - ኦራ ጫ̈ቃ ማጻ̈ፋ

⁶ ኢ ጾ̈ሳ̇ዳኬ ጾ̈ሳ̇̈ ሱምንዶ፣ ጾ̈ሳ̇ ዶኣዝ ቤሲንዲ̇ኬ ማ ኣፋ ዶኢዛን ቆ̈ሳ ኤ̈ዴ።

ሳጻ 13:6 ပူးပေါင်းရင်းမြစ်များ

ማ̈ቶ̈ሳ 12:34

ዪንቲ̇ ሾ̈ሽ ናኣን፥ ዪንቲ̇ ኢ̈ታንዶሪ ኮሽ ባዝ ዎዛርታ̇ር ሶ̈ላንዳብ ዳንዳኢ̈ራ? ኣባ ጌይን ኣሲ ፌ ኖ̈ናባር ሶ̈ላዚንዳ ፌ ቡዳ ጋርታ ኩማር ሺኖንዶ።

ማ̈ቶ̈ሳ 15:19

ኣሳ ቡ̈ዳ ጋርታ̇ፖ̇ ኢ̈ታ ቆፊ፣ ኣስ ዎ፣ ኣሳ ማጫ̇ባር ሱርስ፣ ኦሎላ ጋዲ፣ ዉስ̇፣ ዎርዳ ማርኪቲ፣ ቆ̈ሳ ዪን ፌ̈ኖ ባዛን ኬስኪ̇̈ሬ።

ዋ̈ኒ̇ሳ 1:14

ቃ̈ላ̈ዳር ኣስ ማ̈ቃ̇ር ኑ ጊዳ̇ ዶኢዴ፤ ኑ̈ናሬ ኣንጃኬ ኪንቲ ኩማሪ ፌ ባ̈ባፖ̇ ዬይኖ ፔቲ̇ ናኣ ኢ ቦንቺ̇ን ኑ ቤቂ̇ዴ።

ሮሜ 3:13

ኢንታ̇ ኖ̈ና ጋርታፖ ኬስኪ̇ዝ ሶ̈ላዲ ጋራፌ̈ን ጫጚ̈ሬ። ኢንቲ̇ ዎይ ጋላስ ማቃ ማ̈ቂ̇ሬ። ኢንታ̇ ኖ̈ና ጋርታ ሾ̈ሽ ማርዛ ዎ።

ቆላ̈ሳ̈ሳ 1:19

ጾ̈ሳ̇ ባ̈ባዲ ፌ ናኣ ጋርታ̇ ጾ̈ሲቲ ኩም ዶኣምፔ̈ኒ ዶሲኔ።

ቆላ̈ሳ̈ሳ 2:9

ኣባ ጌይን ክርስቶ̈ሳ ኣሲቲን ጋልዳ ጾ̈ሲቲ ኩም ዎ።

ኢብ 9:2

ናምኢ ኪፊላ ዎ ፔቲ̇ ዱንካ̈ና ቶሊንቲ̇ኔ። ፔቲ̇ ኪፊሊን ጋርታ ፎኢን ጋዲ̇ዝ ባዝኬ ጻርጴዛኬ፤ ማ ጾ̈ሳ̇̇̈ብ ዣ̈ርሻ ኢሚ̇ዝ ቂጻ̇ ዎ፤ ቤሲ̇ን ኢዛ “ጌሻ̇ ቤስ̇” ጌይንታ̇̈ሬ።

ኢብ 9:24

ክርስቶ̈ሲ ኪን ጌ̈ሻ ቤሲ̇ምቦ ሚሳ̇̈ሊ ማ̈ቂ̇ኖምቤኬ ኣሳ ኩሽባር ኦ̈ንቲኖ ዎይፖ ሺ ጌ̈ሻ̇ ቤሲ̇ን ጋርታ ጌላካ̇ዬ፤ ኢ ዓት ኑ ጊሻ̇ቦ ጾ̈ሳ̇ ቲ̇ን ቤንታ̇ንዳቦ ኣፋ ዎን ኢዝ ጋርታ ጌሊዴ።

ሳጻ 11:12

ኢናፖ ዓኒ ዪን ናምኢ ናባን “ዓይ ፉዳ ኬስኪ̇ብቴ!” ጌይዛ ጴች ጊርስ ኣፋፖ ሲስኪ̇ዴ፤ ኢንታ ጻላ̈ታን ቤቃ̇ዚምባራ ኢንቲ̇ ሻ̈ራባር ፉዳ ኣፋ ኬስኪ̇ዴ።

ሳጻ 12:12

ዪ̈ኮታቦ ኣፎ ሳ̈ዚንዲኬ ኢዝ ጋርታ ዶኢዛን ዎይ ዪንታ̇ብ ኡፋይስ ማ̈ቆ̇ጋ̈ቤ! ጊላ̇ ቃሚ̇ ሙታ ኢ̈ብ ኣቲ̇ኖን ኤሪኖኮታ̇ቦ ሴ̈ጣኖ ዎይሊን ጎይልባራ ዪንታ̇ክ ሶ̈ቢኔ፤ ዪዚ ሳ̈ዚንዲኬ ባሃሪንዲኬ ዪንታ̇ ባዚ ኣዬ̇!” ጌይን ሲስካ̇ዴ።

ሳጻ 15:5

ዪኒ̇ፖ ዎሃ ቴ ቤቃ̇ምባራ ማርካ ዱንካ̈ና ማ̈ቂ̇ኖ ጾ̈ሳ̇̈ ኬ ኣፋ ፊርቂንቲ̇ዴ።

ሳጻ 18:20

ኣፋ ሳ̈ዚንዴ! ኢዛ ዪኖኮታ̇ቦ ኔ ኡፋይታ̇ቤ! ጾ̈ሲ̈ ዪንታ̇ኮታ̇ቦ ኢዝ ጋልዳ ፊርዲኖኮታ̇ቦ፥ ጎዳ ጌ̈ሻ ኣሳንኬ ሃዋ̈ራንኬ ናባን! ዪንታ̇ብ ኡፋይስ ማ̈ቆ̇ጋ̈ቤ!” ጌዪሙታ̇ ዉይሲ̈ሬ።

ሳጻ 21:3

ኢናፖ ዙፋ̈ኒን ጋርታ̇ፖ “ጾ̈ሳ̇̈ ዶኣዚንዳ ኣሳ ጊዳ̇ ማ̈ቂ̇ኔ፥ ኢ ኢንታ̇ባር ዶኢ̈ሬ፥ ኢንታ̇ሬ ኢ ዎርዣ ማ̈ቂ̇̈ሬ፤ ጾ̈ሳ̇ ፌ ቆሚ̇ን ኢንታ̇ባር ማ̈ቂ̇̈ሬ ማ ኢንታ ጾ̈ስ ማ̈ቂ̇̈ሬ፤

ሳጻ 4:1

ዓኒ̇ፖ̇ ዎሃ ታ̈ኒ ኣፋ ቴ ቲ̈ኒን ጋርታ̇ ፊርቂንቲ̇ኖ ካራ ዎዶን ቤቃ̇ዴ፤ ታ̈ኒ ዓኒፖ̇ ቲ̈ን ሲስኪ̇ኖ ሞይዛፌ̈ኖ ጊርሳ̈ዲ ታ̈ኮ “ዓኒ̇ፖ ዎሃ ማ̈ቂ̇ዝ ባዛን ቴ ኔ̈ና ቤይሲዛኮታ̇ቦ ዓይ ፉዳ ኬስካ̇ቤ” ጌይዴ

ሳጻ 4:4

ዪና̇ ዙፋ̈ኒን ቡጊዲምባ̇ራ ላምታም ኦይዲ̇ ዙፋ̈ናን ዎ፤ ዪን ዙፋ̈ናን ጋልዳ ቦ̈ርስ ኣፊላ ማኣር ፌ ቆ̈ሚን ጋልዳ ዎርቃባር ኮቺ̇ኖ ኣኪሊላ ጋዲ̇ኖ ላምታም ኦይዲ ጪጛሻን ዶኢኔ።

ሳጻ 5:13

ኣፋኬ ሳ̈ዳኬ፥ ሳ̈ዝ ጻ̈ናኬ ባሃራ ጋርታ ዎ ኮቺንታን ዎይ፥ “ዙ̈ፋኒን ጋልዳ ዶኢኖ̈ባኬ ዶራ̈ቦ፥ ጋላታ፥ ጴቺቲ፥ ቦንችኬ ዎልቃ ሜናብ ኢ̈ብ ማ̈ቆ!” ጋ̈ዚን ሲስካ̇ዴ።

ሳጻ 7:15

ዪ̈ኮታ̇ቦ ጾ̈ሳ̇̈ ዙፋ̈ና ቲ̈ን ኤቃ̇ሪ ቃማ̇ሬ ጋላሳ̇ር ጾ̈ሳ̇̈ ኬ̈ ጋርታ ኢ̈ብ ኦ̈ሬ፤ ዙፋ̈ና ጋልዳ ዶኢኖዲ ኢንታ̇ብ ሺፋ ማ̈ቂ̇ሬ።

ሳጻ 7:9

ኢናፖ ቴ ቲ̈ኒን ጋርታ ኦ̈ናካር ፋይዲ ዉርሲባ̈ሶ ዎይሊን ዎርዣ ቴ ቤቃ̇ዴ፤ ኢንታ̇ሬ ዎርዣ ጋርታፖኬ ዜር ዎይ ጋርታፖ̇፥ ዱማ ዱማ ኖ̈ና ሶ̈ሊዛን ዎይን ጋርታፖ̇ ቆሪንታ̇ር ኬስኪ̇ኖ ኣሴ፤ ዪን ቦ̈ርስ ኣፊላ ማ̈ኣሪ ሜ̈ጻ̇ ዋ̈ይ ፌ ኩሽታ ኤ̈ሪ ዙፋና ቲ̈ንኬ ዶራ ቲ̈ን ኤቂ̇ኔ።