ሳጻ 13:15 - ኦራ ጫ̈ቃ ማጻ̈ፋ

¹⁵ ናምኢ ማ̈ታ ባዛ̈ዲ ቲ̈ኖ ማ̈ታ ባዛ ሚሲሊምቦ ሼምፓ ኢማ̇ምፔ̈ን ሲልጣ̇̈ና ኢ̈ብ ኢሚ̇ንቲ̇ዴ፤ ሚሲላ̈ብ ሼምፓ ኢሚ̇ንቲ̇ኖ̈ዲ ሚሲላ̈ዲ ሶ̈ላንዳብ ዳንዳኣምፔ̈ንኬ ኢብ ጎሽቲ̇ባ̈ሶን ዎይ ዎምፔ̈ኔ።

ሳጻ 13:15 ပူးပေါင်းရင်းမြစ်များ

ሳጻ 20:4

ዪኒ̇ፖ ዎሃ ዙፋ̈ናን ቤቃ̇ዴ፤ ዪን ዙፋ̈ናን ጋልዳ ፊርዲዝ ሲልጣ̇̈ና ኢንታ̇ብ ኢሚ̇ንቲኖን ዶኢንዶ̈ን ቤቃ̇ዴ፤ ዬሱ̈ሳባዝ ኢንቲ̇ ሶ̈ሊኖኮታ̇ብኬ ጾ̈ሳ̇ ቃ̈ላ ማርኪቲኖኮታ̇ቦ ኢንታ ቆ ቃጺንቲ̇ኖ ኣሳን ሼምፓን ቴ ቤቃ̇ዴ፤ ኢንቲ ማ̈ታ ባዛ̈ብኬ ኢ ሚሲላ̈ቦ ሞ̈ኪንታካ̇ዮን፥ ኢ ማሊ̇ንዳር ፌ ዴ̈ሚን ጋልዳር ማ̈ቆ̇ ፌ ኩሽታ ኤካካ̇ዮን፤ ኢንቲ̇ ዓይቃ ጋርታ̇ፖ ዲንዳ̇ሪ ክርስቶ̈ሳባራ ሙኩላ ላይ ካዉቲዴ።

ሳጻ 19:20

ዎቲናካሬ ማ̈ታ ባዛ̈ ኤ̈ንቲ̇ዴ፤ ኢ ቲ̈ኒን ጋርታ̇ ዎይሊን ታሚ̇ራ̈ታ ኦ̈ዛ ዎርዳ ናባ̈ዲ ኢያር ኢባር ዎልኣ ኤንቲዴ፤ ኢ ቲ̈ን ማ̈ታ ባዛ̈ ማላ̈ ኢንታ ጋልዳ ዎንኬ ማ̈ታ ባዛ̈ ሚሲላ̈ቦ ሞ̈ኪንቲ̇ዛን ታሚ̇ራታ ኦ̈ሙታ ባሊኔ፤ ዪን ናምኣን ዓይቃካ̇ይ ሼምፓባር ዎዶን ዲ̈ናባር ኤይቲ̇ዝ ታማ ባሃ̈ራ ጋርታ ቶጚቲ̇ዴ።

ሳጻ 16:2

ቲ̈ን ፔቲ̇ ኪ̈ታንቻዲ̇̈ ሉካ̇ሪ ዋ̈ንጪን ጋርቶ̇ን ሳ̈ዝ ጋልዳ ዉሊዴ፤ ማ̈ታ ባዛ̈ ማሊ̇ን ኢንታ̇ ጋልዳ ዎንኬ ኢ ሚሲሊምቦ ሞ̈ኪንቲ̇ዝ ኣሳን ጋልዳ ኢንታ ጴች ቢጻ ቤይሲ ዋ̈ዪዝ ኪሲ ኬስኪ̇ዴ።

ሳጻ 18:20

ኣፋ ሳ̈ዚንዴ! ኢዛ ዪኖኮታ̇ቦ ኔ ኡፋይታ̇ቤ! ጾ̈ሲ̈ ዪንታ̇ኮታ̇ቦ ኢዝ ጋልዳ ፊርዲኖኮታ̇ቦ፥ ጎዳ ጌ̈ሻ ኣሳንኬ ሃዋ̈ራንኬ ናባን! ዪንታ̇ብ ኡፋይስ ማ̈ቆ̇ጋ̈ቤ!” ጌዪሙታ̇ ዉይሲ̈ሬ።

ሳጻ 17:6

ዪና̇ ኣሲንዳ ጌ̈ሽ̇ ኣሳን ሱ̈ንባርኬ ዬ̈ሱ̈ሳብ ማርኪቲኖኮታ̇ብ ዓይቂ̇ኖ ኣሳን ሱ̈ንባራ ማሲቲንዶን ቴ ቤቃ̇ዴ፤ ቴ ኢዞ ቤቃ̇ራ ዎይሊን ጋራ̇ሚንታ̇ዴ።

ሳጻ 14:11

“ኢንታ ቢጻ ቤይሳዝ ታሚን ጋርታፖ ኬስካ̇ዝ ጩይዢንዳ ሜናብ ጩይታሙታ ፉዳ ኬስካ̇̈ሬ፤ ማ̈ታ ባዛ̈ብኬ ኢ ሚሲላ̈ቦ ሞ̈ኪንቲዛን ኢ ሱ̈ምን ማሊ̇ን ኤኪ̇ኖን ዎይ ቃማ̇ር ጋላሳ̇ሬ ሼምፓንዳብ ዳንዳኢባ̈ሴ” ጌይዴ።

ሳጻ 14:9

ሜላሬ ዓይዚ ኪ̈ታንቻ̇̈ዲ ፌ ቆ̈ን ሾክ̇ ዎታሪ “ማ̈ታ ባዛ̈ብኬ ኢ ሚሲላ̈ቦ ሞ̈ኪንቲ̇ዛን፤ ኢ ማሊ̇ን ፌ ዴ̈ሚን ጋልዳ ዎይ ፌ ኩሽታ ኤኪ̇ኖ ኣሳን ዎይ፥

ሳጻ 13:14

ቲ̈ኖ ማ̈ታ ባዛ ሱምባር ማላ̇ ባዛን ኦ̈ምፔ̈ን ሲልጣ̈ና ኢ̈ብ ኢሚ̇ንቲ̇ኖኮታ̇ቦ ሳ̈ዝ ጋልዳ ዎ ኣሳን ባሊዴ፤ ማሻ̇ባር ጫዲንታሪ ፋጺኖ ማ̈ታ ባዛ ቦንቻ̇ቦ ሚሲላ ኮቻ̇ምፔን ኢንታ ኪ̈ቲ̇ዴ።

ሳጻ 18:24

ናባንኬ ጌ̈ሻ ኣሳን ሱ̈ን፤ ማ ሳ̈ዝ ጋልዳ ኣሲ ኢንታ̇ ዎኖ ኣሳን ዎይን ሱ̈ን ኢዝ ጋርታ̇ ቤንቲ̇ኔ” ጌይዴ።

ሳጻ 17:17

ኢ ቆፊን ፎቲንታ̇ምፔ̈ኒ ዪና̇ ቆፊን ኢንታ ቡ̈ዲን ጋርታ ጋዲ̇ኖ̈ዲ ጾ̈ሳ̇̇̈ዳ፤ ዪ̈ኮታ̇ቦ ጾ̈ሳ̇ ቃ̈ላ ፎቲንቲ̇ዝ ዲራስ ኢንቲ̇ ዎልኣ ፔቲ ቆፊ ዎ ማ̈ቂ̇̈ሬ፥ ፌ ካ̈ቲቲ ሲልጣ̈ኒን ማ̈ታባዛ̈ብ ኢሚ̇̈ሬ።

ሳጻ 17:14

ኢንቲ ዶራ̈ ጋልዳ ኦል ዲንሬ፤ ዎቲናካሬ ዶራ̈ዲ ጎዳንቦ ጎድኬ ካ̈ቲንታ̇ንቦ ካ̈ት ማ̈ቂ̇ኖኮታ̇ቦ ኢንታ ጋሚ̈ሬ፤ ማ ኢባር ዎን ጼይጊንቲኖን፥ ማራ̇ጺንቲ̇ኖንኬ ኣማ̇ኒንቲ̇ኖ ኣሳን ኢባር ዎልኣ ጋሚ̈ሬ” ጌይዴ።

ሳጻ 16:5

ዋ̈ ጋልዳ ኢ̈ብ ሲልጣ̇̈ና ዎ ኪ̈ታንቻዲ፤ “ሚናፓር ዎዲ ዓታ̇ር ዎ ጌ̈ሻ̈̇ ጎዳ̈ዶ! ኔ̈ኒ ዓ̈ፌን ፊርዲ̇ኖኮታ̇ቦ ኔ ፊርዲን ኪን፤

ዓይ 2:26

ካሳ ኬስኪ̇ኖ̈ፖ ዓኒ ኣሲ ዓይቂ̇ኔ̈ ጋ̈ዚንዲፌ̈ኒ፥ ኮሽ̇ ኦ̈ሳ ባይ ኣማ̇ኒንዳ̇ ዓይቂ̇ኖ̈ ባዜ̈።

ሳጻ 13:1

ዪኒ̇ፖ ዓኒ ፔቲ̇ ማ̈ታ ባዚ ባሃራ ጋርታ̇ፖ ኬስካ̇ምባር ቴ ቤቃ̇ዴ፤ ኢ̈ቦ ታጳ ኡሺንችኬ ታብዛ ቆሚ̇ ዎ፤ ኢ ኡሺንቻን ጋልዳሬ ታጳ ዛዉዳ ዎ፤ ኢ ቆማን ዎይን ጋልዳሬ ጾ̈ሳ̇ ቆ̈ዝ ሱም ዎ።

ሳጻ 13:12

ዪ ማ̈ታ ባዛ̈ዲ ቲ̈ኖ ማ̈ታ ባዛ ሲልጣ̇̈ኒን ኤካ̇ሪ ኦ̈ሬ፤ ኢያሬ ሳ̈ዚንዲኬ ኢዝ ጋልዳ ዎን ዎይ ቲ̈ኖ ማ̈ታ ባዛ̈ቦ ጎሽታ̇ምፔ̈ን ዎቲዴ፤ ዪ ቲ̈ኖ ማ̈ታባዛ̈ዲ ዓይቃብ ዬልዝ ኪሲን ጋርታ̇ፖ ፋጺኖ̈ዳ።