ሳጻ 13:14 - ኦራ ጫ̈ቃ ማጻ̈ፋ

¹⁴ ቲ̈ኖ ማ̈ታ ባዛ ሱምባር ማላ̇ ባዛን ኦ̈ምፔ̈ን ሲልጣ̈ና ኢ̈ብ ኢሚ̇ንቲ̇ኖኮታ̇ቦ ሳ̈ዝ ጋልዳ ዎ ኣሳን ባሊዴ፤ ማሻ̇ባር ጫዲንታሪ ፋጺኖ ማ̈ታ ባዛ ቦንቻ̇ቦ ሚሲላ ኮቻ̇ምፔን ኢንታ ኪ̈ቲ̇ዴ።

ሳጻ 13:14 ပူးပေါင်းရင်းမြစ်များ

2 ታሳ 2:4

ዪ ዉ̈ጫ ና̈ሳ̈ዲ ጾ̈ሴ ጌይ ጼይጊንቲዛ̈ን ጋልዳፖኬ ኣሲ ጎሽቲ̇ዝ ባዝ ዎይ ጋልዳፖ ፌ̈ና ሾክ ሾክ ዎቲ̇̈ሬ፤ ኢ ኢ̈ጫካይ ጾ̈ሳ̇ ኬ̈ ጋርታ ዶኣሪ ፌ̈ና ጾ̈ሴ ጌይሬ።

ሳጻ 12:9

ዳዋ ጴቻ̇̈ዲ ቶ̈ራ ሳ̈ዳ ቶጚንቲ̇ዴ፤ ኢያሬ ኣላሚን ዎይ ባሊዛ ዳብሎ̈ሳ ዎይ ሴ̈ጣና ጌይ ጼይጊንቲ̇ዛ ሚኖ ሾ̈ሻ̈̇ዳ፤ ኢ ቶ̈ራ ሳ̈ዳ ቶጚንቲ̇ዴ ማ ኢ ኪ̈ታንቻ̇̈ንሬ ኢባር ዎልኣ ቶጚንቲ̇ዴ።

ሳጻ 13:1

ዪኒ̇ፖ ዓኒ ፔቲ̇ ማ̈ታ ባዚ ባሃራ ጋርታ̇ፖ ኬስካ̇ምባር ቴ ቤቃ̇ዴ፤ ኢ̈ቦ ታጳ ኡሺንችኬ ታብዛ ቆሚ̇ ዎ፤ ኢ ኡሺንቻን ጋልዳሬ ታጳ ዛዉዳ ዎ፤ ኢ ቆማን ዎይን ጋልዳሬ ጾ̈ሳ̇ ቆ̈ዝ ሱም ዎ።

ሳጻ 13:15

ናምኢ ማ̈ታ ባዛ̈ዲ ቲ̈ኖ ማ̈ታ ባዛ ሚሲሊምቦ ሼምፓ ኢማ̇ምፔ̈ን ሲልጣ̇̈ና ኢ̈ብ ኢሚ̇ንቲ̇ዴ፤ ሚሲላ̈ብ ሼምፓ ኢሚ̇ንቲ̇ኖ̈ዲ ሚሲላ̈ዲ ሶ̈ላንዳብ ዳንዳኣምፔ̈ንኬ ኢብ ጎሽቲ̇ባ̈ሶን ዎይ ዎምፔ̈ኔ።

ሳጻ 13:8

ኣላሚን ኮቺንቲ̇ኖፖ ኤር ኢንታ ሱምን ሹኪንቲ̇ኖ ዶራ ሼምፓ ማጻ̈ፊን ጋልዳ ጻ̈ፊንታካ̇ዮን ኣላሚን ጋልዳ ዎ ኣሳን ዎይ ዪ ማ̈ታ ባዛ̈ቦ ጎሽቲ̇̈ሬ።

ሳጻ 14:11

“ኢንታ ቢጻ ቤይሳዝ ታሚን ጋርታፖ ኬስካ̇ዝ ጩይዢንዳ ሜናብ ጩይታሙታ ፉዳ ኬስካ̇̈ሬ፤ ማ̈ታ ባዛ̈ብኬ ኢ ሚሲላ̈ቦ ሞ̈ኪንቲዛን ኢ ሱ̈ምን ማሊ̇ን ኤኪ̇ኖን ዎይ ቃማ̇ር ጋላሳ̇ሬ ሼምፓንዳብ ዳንዳኢባ̈ሴ” ጌይዴ።

ሳጻ 14:9

ሜላሬ ዓይዚ ኪ̈ታንቻ̇̈ዲ ፌ ቆ̈ን ሾክ̇ ዎታሪ “ማ̈ታ ባዛ̈ብኬ ኢ ሚሲላ̈ቦ ሞ̈ኪንቲ̇ዛን፤ ኢ ማሊ̇ን ፌ ዴ̈ሚን ጋልዳ ዎይ ፌ ኩሽታ ኤኪ̇ኖ ኣሳን ዎይ፥

ሳጻ 15:2

ዪኒ̇ፖ ዓኒ ታማባር ቡሺንቲ̇ኖ ማስቶ̈ታ ባሃራ ማይጺዝ ባዝ ቴ ቤቃ̇ዴ፤ ማ ማ̈ታ ባዛ̈ዲኬ ኢ ሚሲሊንዶ ማ ኢ ሱ̈ምን ፋይዲን ማሊ̇ን ጋሚኖ ኣሳን ቴ ቤቃ̇ዴ፤ ጾ̈ሲ ኢንታ̇ብ ኢሚ̇ኖ ዚምቢን ኤ̈ሪ ማስቶ̈ታ ባሃ̈ሪን ላፍ ኤቂ̇ኔ።

ሳጻ 16:13

ዳዋ ኖ̈ኒን ጋርታፕኬ ማ̈ታ ባዛ ኖ̈ኒን ጋርታፖ̇ ማ ዎርዳ ናባ ኖ̈ኒን ጋርታፖ ሾ̈ ማይጺዛ ዓይዚ ኢ̈ታ ኣያ̇ና ኬስካ̇ምባራ ቴ ቤቃ̇ዴ።

ሳጻ 16:2

ቲ̈ን ፔቲ̇ ኪ̈ታንቻዲ̇̈ ሉካ̇ሪ ዋ̈ንጪን ጋርቶ̇ን ሳ̈ዝ ጋልዳ ዉሊዴ፤ ማ̈ታ ባዛ̈ ማሊ̇ን ኢንታ̇ ጋልዳ ዎንኬ ኢ ሚሲሊምቦ ሞ̈ኪንቲ̇ዝ ኣሳን ጋልዳ ኢንታ ጴች ቢጻ ቤይሲ ዋ̈ዪዝ ኪሲ ኬስኪ̇ዴ።

ሳጻ 18:23

ዓኒፖ ጌዳ ኔ ጋርታ̇ ታማ ፎኢን ፎ̈ኢባ̈ሴ፤ ኢሳ̇̈ኮንዲኬ ኢሲ̇ንኮንዲክ ቆ̈ ዓኒ̇ፖ ጌዳ ኔ ጋርታ̇ ሲስኪንቲ̇ባ̈ሴ፤ ኔ ኣ̈ል ዛላ ዛልኢዝ ኣሳን ኣላማ ጋልዳ ኤሪንቲ̇ኖ ጴች ኣሳንዶር ኣቲ̇ዴ፥ ኔ ኔ ቢታ̈ባራ ዎርዣ ዎይ ባሊዴ።

ሳጻ 19:20

ዎቲናካሬ ማ̈ታ ባዛ̈ ኤ̈ንቲ̇ዴ፤ ኢ ቲ̈ኒን ጋርታ̇ ዎይሊን ታሚ̇ራ̈ታ ኦ̈ዛ ዎርዳ ናባ̈ዲ ኢያር ኢባር ዎልኣ ኤንቲዴ፤ ኢ ቲ̈ን ማ̈ታ ባዛ̈ ማላ̈ ኢንታ ጋልዳ ዎንኬ ማ̈ታ ባዛ̈ ሚሲላ̈ቦ ሞ̈ኪንቲ̇ዛን ታሚ̇ራታ ኦ̈ሙታ ባሊኔ፤ ዪን ናምኣን ዓይቃካ̇ይ ሼምፓባር ዎዶን ዲ̈ናባር ኤይቲ̇ዝ ታማ ባሃ̈ራ ጋርታ ቶጚቲ̇ዴ።

ሳጻ 2:10

ኔ̈ና ጊዳክ ዬላ̇ዝ ሜቲምቦ ኢ̈ጫፔ፥ ዪዚ ሴ̈ይጣኖ ዪንታ̇ ፋታ̇ናንዳብ ኮያሪ ዪንታ̇ ጋርታፖ ፔታ̇ን ፔታ̇ናን ቃሺ ኣ̈ል ጌልሲ̈ሬ፥ ታጳ ቃም̇ ዪንቲ ሜታ ኤኪ̇̈ሬ፤ ኔ ዓይቂ̇ዝ ዲራስ ኣማ̇ኒንቲ̇ኖ ማ̈ቃ̇ቤ፤ ሼምፓ ኣኪሊላ ቴ ኔ̈ብ ኢማ̇ንዳ።

ሳጻ 20:10

ኢንታ ባሊኖ ዳ̈ቢሎሲ ማ̈ታ ባዛ̈ዲኬ ዎርዳ ናባ̈ዲ ዎ ዲናባር ሚቺ̇ዝ ታማ ባሃ̈ራ ጋርታ ቶጚንቲ̇ዴ፤ ኢንቲ̇ ቤስ̇ ኢና ቃማ̇ሬ ጋላሳ̇ር ሜናብ ቢጻ ቤቂ̇ ዶኢ̈ሬ።

ሳጻ 3:10

ኔ̈ኒ ጋርዢዝ ኣስ ማ̈ቃ̇ቤ ጋ̈ራ ቴ ኔ̈ብ ሶ̈ሊኖ ታ ቃ̈ሊን ና̈ጊኖኮታቦ ታ̈ናሬ ሳ̈ዝ ጋልዳ ዶኢዛን ፋታ̇ናንዳቦ ኣላሚን ዎይን ጋልዳ ዬ̈ዝ ሜታ ኬሊ̇ን ጋልዳፖ ቴ ኔ̈ና ና̈ጋንዳ።