ሳጻ 13:13 - ኦራ ጫ̈ቃ ማጻ̈ፋ

¹³ ዪ ናምኢ ማ̈ታ ባዛ̈ዲ ጴች ታ̈ሚ̇ራ̈ታ ኦ̈ዴ፤ ኣሲ ዎይ ቤቃ̇ምባራ ታማ ኣፋፖ ሶ̈ቢሲዴ።

ሳጻ 13:13 ပူးပေါင်းရင်းမြစ်များ

ማ̈ቶ̈ሳ 16:1

ፋራሳ̈ዋንኬ ሳዱቃን ዬሱ̈ሳክ ዬ̈ሪ ኢያ ፋታ̇ናንዳብ ኮያሪ ኢ̈ኮ “ኣፋፖ̇ ኑ̈ና ማላ̇ ቤይሳቤ” ጋ̈ሪ ኦይጪ̇ዴ።

ማ̈ቶ̈ሳ 24:24

ዎርዳባር ፌ̈ና ክርስቶ̈ሳ ዪዝ ጌይዛንኬ ዎርዳ ናባን ዲንዲ̈ሬ። ኢንታ̇ብ ዳንዳኢንቴ̇ጌይን ሜላ ኣቲ̇ን ጾ̈ሳ̇̇̈ቦ ማራ̇ጺንቲ̇ኖ ኣሳን ባሊንዳቦ ጴች ታሚ̇ራ̈ታኬ ጋራ̇ሚሲዝ ባዛን ቤይሲ̈ሬ።

ማ̈ርቆ̈ሳ 13:22

ኣባ ጌይን ዎርዳ ክርስቶ̈ሳንኬ ዎርዳ ናባን ኬስካሪ ዎይሊን ማላ̇ ባዝኬ ታ̈ሚ̇ራ̈ታ ኦ̈ሙታ̇ ኢንታ̇ብ ዳንዳኢንቴ̇ጌይን ሜላ ኣቲ̇ን ቆሪንቲኖንሬ ባሊ̈ሬ።

2 ጢማ̈ 3:8

ኢያ̈ኔሳኬ ኢያንቤሬ̈ሳኬ ሙ̈ሳኮን ኢጺ̇ኖንዲፌ̈ኒ ዪን ኣሳ̈ንር ኢንታ ቆፊን ኢ̈ቲኖኮታ̇ብኬ ኣማ̇ና ጎይን ጋልዳፖ ኬዲ̇ኖ ኣስ ማ̈ቂ̇ኖኮታ̇ቦ ኢንቲ ኪንን ኢጺ̇̈ሬ።

ሳጻ 11:5

ኦ̈ናካር ኢንታ ጋልዳ ኢ̈ታ ባዝ ኣባክ ዬልንዳብ ኮዬጌዪን ታማ ኢንታ ኖ̈ኒን ጋርታ̇ፖ ኬስካ̇ሪ ኢንታ ጻላ̈ታን ሚቺ̇̈ሬ፤ ኢንታ ይሳንዳብ ኮዪዝ ኣሲ ዎይ ዪኒ̇ፌ̈ን ዓይቂ̇̈ሬ።

ሳጻ 16:14

ኢንቲ ጋራሚዝ ባዝ ኦ̈ዝ ኢ̈ታ ኣያ̇ናን፤ ዪን ኢ̈ታ ኣያ̇ናን ዎይን ዳንዳኢኖ ጾ̈ሳ̇̈ ጴቻ̇ ቃሚ̇ን ጋላስ ኦሊንታ̇ዝ ኦሊምቦ ኣሳን ሺ̈ሻ̇ንዳቦ ኣላማ ጋልዶ ካ̈ቲንታን ዎይንኮ ሉኪ̇̈ሬ።

ሳጻ 19:20

ዎቲናካሬ ማ̈ታ ባዛ̈ ኤ̈ንቲ̇ዴ፤ ኢ ቲ̈ኒን ጋርታ̇ ዎይሊን ታሚ̇ራ̈ታ ኦ̈ዛ ዎርዳ ናባ̈ዲ ኢያር ኢባር ዎልኣ ኤንቲዴ፤ ኢ ቲ̈ን ማ̈ታ ባዛ̈ ማላ̈ ኢንታ ጋልዳ ዎንኬ ማ̈ታ ባዛ̈ ሚሲላ̈ቦ ሞ̈ኪንቲ̇ዛን ታሚ̇ራታ ኦ̈ሙታ ባሊኔ፤ ዪን ናምኣን ዓይቃካ̇ይ ሼምፓባር ዎዶን ዲ̈ናባር ኤይቲ̇ዝ ታማ ባሃ̈ራ ጋርታ ቶጚቲ̇ዴ።

ሳጻ 20:9

ኢንቲ ሳ̈ዝ ዎይ ጋልዳ ዳርጊንታሪ ጌ̈ሻ ኣሳን ዎ ቤሲ̇ን ካንቲኖ ካታሚን ቂርጽ ቃጻ̇ር ማሂዴ፤ ዎቲናካሬ ታማ ኣፋፖ ሶ̈ባሪ ሚቻ̇̈ር ኢንታ ይሲ̇̈ዴ።