ሳጻ 13:12 - ኦራ ጫ̈ቃ ማጻ̈ፋ

¹² ዪ ማ̈ታ ባዛ̈ዲ ቲ̈ኖ ማ̈ታ ባዛ ሲልጣ̇̈ኒን ኤካ̇ሪ ኦ̈ሬ፤ ኢያሬ ሳ̈ዚንዲኬ ኢዝ ጋልዳ ዎን ዎይ ቲ̈ኖ ማ̈ታ ባዛ̈ቦ ጎሽታ̇ምፔ̈ን ዎቲዴ፤ ዪ ቲ̈ኖ ማ̈ታባዛ̈ዲ ዓይቃብ ዬልዝ ኪሲን ጋርታ̇ፖ ፋጺኖ̈ዳ።

ሳጻ 13:12 ပူးပေါင်းရင်းမြစ်များ

2 ታሳ 2:4

ዪ ዉ̈ጫ ና̈ሳ̈ዲ ጾ̈ሴ ጌይ ጼይጊንቲዛ̈ን ጋልዳፖኬ ኣሲ ጎሽቲ̇ዝ ባዝ ዎይ ጋልዳፖ ፌ̈ና ሾክ ሾክ ዎቲ̇̈ሬ፤ ኢ ኢ̈ጫካይ ጾ̈ሳ̇ ኬ̈ ጋርታ ዶኣሪ ፌ̈ና ጾ̈ሴ ጌይሬ።

ሳጻ 13:2

ቴ ቤቂ̇ኖ ማ̈ታ ባዛ̈ዲ ማ̈ሂ ማይጺ̈ሬ፤ ኢ ቶሃን ዲብ ጋዝ ማታ ባዚን ቶሃን ማይጻ̈ሬ፤ ኢ ኖ̈ናዳሬ ዞብ̇ ኖ̈ና ማይጺ̈ሬ። ዳዋ̈ዲ ፌ ዎልቂንዲኬ ፌ ዙፋ̈ኒንዶ ማ ጴች ሲልጣ̈ና ዪ ማ̈ታባዛ̈ቦ ኢሚ̇ዴ።

ሳጻ 13:8

ኣላሚን ኮቺንቲ̇ኖፖ ኤር ኢንታ ሱምን ሹኪንቲ̇ኖ ዶራ ሼምፓ ማጻ̈ፊን ጋልዳ ጻ̈ፊንታካ̇ዮን ኣላሚን ጋልዳ ዎ ኣሳን ዎይ ዪ ማ̈ታ ባዛ̈ቦ ጎሽቲ̇̈ሬ።

ሳጻ 14:11

“ኢንታ ቢጻ ቤይሳዝ ታሚን ጋርታፖ ኬስካ̇ዝ ጩይዢንዳ ሜናብ ጩይታሙታ ፉዳ ኬስካ̇̈ሬ፤ ማ̈ታ ባዛ̈ብኬ ኢ ሚሲላ̈ቦ ሞ̈ኪንቲዛን ኢ ሱ̈ምን ማሊ̇ን ኤኪ̇ኖን ዎይ ቃማ̇ር ጋላሳ̇ሬ ሼምፓንዳብ ዳንዳኢባ̈ሴ” ጌይዴ።

ሳጻ 14:9

ሜላሬ ዓይዚ ኪ̈ታንቻ̇̈ዲ ፌ ቆ̈ን ሾክ̇ ዎታሪ “ማ̈ታ ባዛ̈ብኬ ኢ ሚሲላ̈ቦ ሞ̈ኪንቲ̇ዛን፤ ኢ ማሊ̇ን ፌ ዴ̈ሚን ጋልዳ ዎይ ፌ ኩሽታ ኤኪ̇ኖ ኣሳን ዎይ፥

ሳጻ 16:2

ቲ̈ን ፔቲ̇ ኪ̈ታንቻዲ̇̈ ሉካ̇ሪ ዋ̈ንጪን ጋርቶ̇ን ሳ̈ዝ ጋልዳ ዉሊዴ፤ ማ̈ታ ባዛ̈ ማሊ̇ን ኢንታ̇ ጋልዳ ዎንኬ ኢ ሚሲሊምቦ ሞ̈ኪንቲ̇ዝ ኣሳን ጋልዳ ኢንታ ጴች ቢጻ ቤይሲ ዋ̈ዪዝ ኪሲ ኬስኪ̇ዴ።

ሳጻ 17:8

ኔ ቤቂ̇ኖ ማ̈ታባዛ̈ዲ ዓኒ̇ፖ̇ ቲ̈ን ዎዶሪ ዓት ባዬ̇፤ ዎሃ ዎሳሊ ባዮ̇ ጴች ዶ̈ቺ̇ን ጋርታፖ ኬስኪ̈ሬ፤ ማ ዪብ ሉኪ̇̈ሬ፤ ሳ̈ዚን ኮቺንቲ̇ኖፖ ኤ̈ሪ ኢንታ ሱምንዳ ሼምፓ ማጻ̈ፋ ጋልዳ ጻ̈ፊንታካ̇ይዶር ሳ̈ዝ ጋልዳ ዎ ኣሳን ማ̈ታ ባዛ̈ ቤቃ̇ሪ ጋራ̇ሚንቲ̇̈ሬ። ዪ ማ̈ታ ባዛ̈ዲ ዓኒ̇ፖ ቲ̈ን ዎ፤ ዓት ባዪ፤ ማ ዎሃ ዬ̈ይዛ̈ዳ።

ሳጻ 19:20

ዎቲናካሬ ማ̈ታ ባዛ̈ ኤ̈ንቲ̇ዴ፤ ኢ ቲ̈ኒን ጋርታ̇ ዎይሊን ታሚ̇ራ̈ታ ኦ̈ዛ ዎርዳ ናባ̈ዲ ኢያር ኢባር ዎልኣ ኤንቲዴ፤ ኢ ቲ̈ን ማ̈ታ ባዛ̈ ማላ̈ ኢንታ ጋልዳ ዎንኬ ማ̈ታ ባዛ̈ ሚሲላ̈ቦ ሞ̈ኪንቲ̇ዛን ታሚ̇ራታ ኦ̈ሙታ ባሊኔ፤ ዪን ናምኣን ዓይቃካ̇ይ ሼምፓባር ዎዶን ዲ̈ናባር ኤይቲ̇ዝ ታማ ባሃ̈ራ ጋርታ ቶጚቲ̇ዴ።

ሳጻ 20:4

ዪኒ̇ፖ ዎሃ ዙፋ̈ናን ቤቃ̇ዴ፤ ዪን ዙፋ̈ናን ጋልዳ ፊርዲዝ ሲልጣ̇̈ና ኢንታ̇ብ ኢሚ̇ንቲኖን ዶኢንዶ̈ን ቤቃ̇ዴ፤ ዬሱ̈ሳባዝ ኢንቲ̇ ሶ̈ሊኖኮታ̇ብኬ ጾ̈ሳ̇ ቃ̈ላ ማርኪቲኖኮታ̇ቦ ኢንታ ቆ ቃጺንቲ̇ኖ ኣሳን ሼምፓን ቴ ቤቃ̇ዴ፤ ኢንቲ ማ̈ታ ባዛ̈ብኬ ኢ ሚሲላ̈ቦ ሞ̈ኪንታካ̇ዮን፥ ኢ ማሊ̇ንዳር ፌ ዴ̈ሚን ጋልዳር ማ̈ቆ̇ ፌ ኩሽታ ኤካካ̇ዮን፤ ኢንቲ̇ ዓይቃ ጋርታ̇ፖ ዲንዳ̇ሪ ክርስቶ̈ሳባራ ሙኩላ ላይ ካዉቲዴ።