ሳጻ 13:11 - ኦራ ጫ̈ቃ ማጻ̈ፋ

¹¹ ሜላ ማ̈ታ ባዚ ሳ̈ዳ̇ፖ ኬስካምባ̇ር ቴ ቤቃ̇ዴ፤ ዶሪፌን ናምኢ ኡሺንቺ ኢ̈ብ ዎ፤ ማ ሶ̈ላዚንዳ̇ ዳዋ̈ፌን ሶ̈ሊ̈ሬ።

ሳጻ 13:11 ပူးပေါင်းရင်းမြစ်များ

ማ̈ቶ̈ሳ 7:15

ዪንቲ̇ ማቃ ናባን ጋልዳፖ ዪንታ̇ ና̈ጊብቴ̇። ኢንቲ̇ ፌ ጋልዳ ዶሪ ሻ̈ቻ ማኣሪ ዶሪ ማይጺ̈ርዶሪ ጋርታ ቡሪዝ ዬ̈ያ።

ሮሜ 16:18

ዪንፌ̈ኖ ኣሳን ፌ̈ብ ማ̈ቂ̇ዝ ባዛብ ኦ̈ርዶኬ ኑ ጎዳ ዬሱ̈ስ ክርስቶ̈ሳብ ኦ̈ባ̈ሴ። ኖ̈ናባር ማጺና ማ̈ቃ̇ር ኣባክ ኤሪባ̈ሶ ኣሳን ቡ̈ዲን ባሊ̈ሬ።

2 ታሳ 2:4

ዪ ዉ̈ጫ ና̈ሳ̈ዲ ጾ̈ሴ ጌይ ጼይጊንቲዛ̈ን ጋልዳፖኬ ኣሲ ጎሽቲ̇ዝ ባዝ ዎይ ጋልዳፖ ፌ̈ና ሾክ ሾክ ዎቲ̇̈ሬ፤ ኢ ኢ̈ጫካይ ጾ̈ሳ̇ ኬ̈ ጋርታ ዶኣሪ ፌ̈ና ጾ̈ሴ ጌይሬ።

ሳጻ 11:7

ኢንቲ ፌ ማርኪቲን ዉርሲኖፖ̇ ዓኒ ቶ̈ራ ዎሳሊ ባዮ̇ ጴች ዶ̈ቺ̇ን ጋርታፖ̇ ኬስኪ̇ኖ ማ̈ታባዛ̈ዲ ኢንታ̇ባር ኦሊንታ̇ር ጋማሪ ኢንታ ዎ̈ሬ።

ሳጻ 12:17

ዳዋ̈ዲ ኣሲን ጋልዳ ዛልቃ̈ሪ ኣቲ̇ኖ ኢዝ ዜርንባር ኦሊንታ̇ንዳብ ሉኪ̇ዴ፤ ኢንታ̇ሬ ጾ̈ሳ̇̈ ኪ̈ታን ናጊዛንኬ ዬ̈ሱ̈ሳ ባዚን ማርኪቲዛን።

ሳጻ 13:1

ዪኒ̇ፖ ዓኒ ፔቲ̇ ማ̈ታ ባዚ ባሃራ ጋርታ̇ፖ ኬስካ̇ምባር ቴ ቤቃ̇ዴ፤ ኢ̈ቦ ታጳ ኡሺንችኬ ታብዛ ቆሚ̇ ዎ፤ ኢ ኡሺንቻን ጋልዳሬ ታጳ ዛዉዳ ዎ፤ ኢ ቆማን ዎይን ጋልዳሬ ጾ̈ሳ̇ ቆ̈ዝ ሱም ዎ።

ሳጻ 13:17

ዪኒባራ ማ̈ታ ባዛ ሱ̈ምን ቤይሲዝ ማሊ̇ን ዎይ ኢ ሱ̈ምን ፋይዲን ኤካካ̇ዮ ኣሲ ኦ̈ናካር ጌዳ ዎጛንዳባር ማ̈ቆ̇ ዓኒ ዎጛር ኤካ̇ንዳቦ ዳንዳኢባ̈ሴ።

ሳጻ 13:4

ዳዋ̈ዲ ዪ ማ̈ታባዛቦ ሲልጣ̈ና ኢሚ̇ኖኮታ̇ቦ ኣሲ ዎይ ዳዋ̈ቦ ጎሽቲ̇ዴ፤ “ዪ ማ̈ታባዛባር ዎልፌ̈ን ማ̈ቃ̇ንዳብ ዳንዳኢዛ ኦ̈ኖ? ኢባር ኦሊንታ̇ንዳብ ዳንዳኢዛ ኦኖ?” ጌዪሙታ ኢ̈ቦ ጎሽቲ̇ዴ።

ሳጻ 16:13

ዳዋ ኖ̈ኒን ጋርታፕኬ ማ̈ታ ባዛ ኖ̈ኒን ጋርታፖ̇ ማ ዎርዳ ናባ ኖ̈ኒን ጋርታፖ ሾ̈ ማይጺዛ ዓይዚ ኢ̈ታ ኣያ̇ና ኬስካ̇ምባራ ቴ ቤቃ̇ዴ።

ሳጻ 17:6

ዪና̇ ኣሲንዳ ጌ̈ሽ̇ ኣሳን ሱ̈ንባርኬ ዬ̈ሱ̈ሳብ ማርኪቲኖኮታ̇ብ ዓይቂ̇ኖ ኣሳን ሱ̈ንባራ ማሲቲንዶን ቴ ቤቃ̇ዴ፤ ቴ ኢዞ ቤቃ̇ራ ዎይሊን ጋራ̇ሚንታ̇ዴ።

ሳጻ 17:8

ኔ ቤቂ̇ኖ ማ̈ታባዛ̈ዲ ዓኒ̇ፖ̇ ቲ̈ን ዎዶሪ ዓት ባዬ̇፤ ዎሃ ዎሳሊ ባዮ̇ ጴች ዶ̈ቺ̇ን ጋርታፖ ኬስኪ̈ሬ፤ ማ ዪብ ሉኪ̇̈ሬ፤ ሳ̈ዚን ኮቺንቲ̇ኖፖ ኤ̈ሪ ኢንታ ሱምንዳ ሼምፓ ማጻ̈ፋ ጋልዳ ጻ̈ፊንታካ̇ይዶር ሳ̈ዝ ጋልዳ ዎ ኣሳን ማ̈ታ ባዛ̈ ቤቃ̇ሪ ጋራ̇ሚንቲ̇̈ሬ። ዪ ማ̈ታ ባዛ̈ዲ ዓኒ̇ፖ ቲ̈ን ዎ፤ ዓት ባዪ፤ ማ ዎሃ ዬ̈ይዛ̈ዳ።