ሳጻ 11:8 - ኦራ ጫ̈ቃ ማጻ̈ፋ

⁸ ኢንታ ኣሂንዳሬ ምሳሊባር ሶዳ̇ማ ዎይ ጊብጻ ጌይንታ̇ ጼይጊንታ̇ዝ ጴቻ ካታሚን ጋርታ ኣሲ ሺቂዝ ቤሳ̇ ጋልዳ ቶጚንታ̇̈ሬ፤ ዪና̇ ካታሚንዳ ሚን ኢንታ ጎዳ ሶቲንቲ̇ኖ ካታሚንዶ̇።

ሳጻ 11:8 ပူးပေါင်းရင်းမြစ်များ

ማ̈ቶ̈ሳ 10:15

ቴ ዪንታ̇ክ ኪን ጋ̈ሬ፥ ጾ̈ሳ̇̇ ፊርዲዝ ጋላሲ̇ ሶዶ̈ማኬ ጎሞ̈ራ ካታማን ጋልዳ ዬ̈ዝ ፊርዲን ጋልዳፖ̇ ዪና̇ ካታሚን ጋልዳ̇ ዬ̈ዝ ጎይሊን ሺ̈ሬ።

ሃዋ̈ራታን ኦ̈ሳ 9:4

ኢያር ሳ̈ዳ̇ ኬዲ̇ዴ፤ ዪኒባራ ኢ̈ኮ “ኣን ሳ̈ኦ̈ሎ! ሳ̈ኦሎ! ኣባብ ኔ ታ̈ና ዳካ̇̈ራ?” ዪዝ ጌይዝ ኣሳ ቆ̈ ሲስኪ̇ንቲ̇ዴ።

ኢብ 13:12

ዬሱ̈ሳር ማ ዎርዣ ፌ ሱ̈ባር ጌ̈ሻ̇ንዳቦ ካታሚንፖ ቡጊድ ኬስካ̇ር ሜታ ኤኪ̇ዴ።

ኢብ 6:6

ዎሃ ማ̈ቃ̇ሪ ፌ ኣማ̇ኒን ኣሺ̇ኖ ኣሳን ኢንቲ ፌ ቆማ̇ብ ጾ̈ሳ̇̈ ናኣ ማሃር ማስቃላ ጋልዳ ሶቲ̇ዛኮታ̇ብኬ ኣሳ ቲ̈ን ኢያ ዬ̈ሊዛኮታቦ፥ ኢንታ̇ ማ̈ሪቲ ጎይ ጋልዳ ማሃንዳብ ዳንዳኢባ̈ሴ።

2 ጴጥ 2:6

ማ ጾ̈ሲ ሶዶማኬ ጋሞ̈ራ ጌይዝ ካታማን ቡዳ ማ̈ቂ̇ ዪዝ ዲራስ ታማባር ሚቻ̇ር ይሲኖ̈ዲ ኢንቲ̇ ጾ̈ሳ̇ብ ጎሽቲባ̈ሶ ኣሳንቦ ሚሳ̈̇ሊ ማ̈ቃ̇ምፔ̈ኔ።

ዪሁ 1:7

ዪና̇ ኢዝፌ̈ኒ ሶዳ̇ማኬ ጋሞራ ማ ኢንታ̇ ቡጊዲንባር ዎ ካታማን ዪን ኪ̈ታንቻንፌ̈ኒ ኢ̈ታ ኢና̇ቦ ፌ̈ና ኣ̈ ኢሚ̇ዴ፥ ማ ኣቲኖ ኣቲናባራ ማጮ̇ ማጫ̇ባራ ኦሎላ ጋዲ̇ዴ፤ ዪን ሜናብ ዪባ̈ሶ ታማ ጋርታ ሚጪ̇ዛንቦ ሚሳ̈̇ሊ ማ̈ቂ̇̈ሬ።

ሳጻ 11:13

ዪና̇ ኢዝባራ ሳ̈ዚ ጴች ኤንኢዴ፤ ካታሚን ታጳ ኩሺን ጋርታፖ ፔቲ ኩሺን ዪርዳዴ፤ ዪና̇ ሳ̈ዚን ኤንኢ̇ኖንባራ ታብዛ ሙኩላ ኣሲ ዓይቂ̇ዴ፤ ዓይቃ ጋርታፖ ቡ̈ቲ̇ኖንሬ ዎይሊን ኢ̈ጪ̇ዴ፤ ኣፋ ዎ ጾ̈ሳ̇̇̈ ቦንቺ̇ዴ።

ሳጻ 11:9

ዱማ ዱማ ኮቻንኬ፥ ዜርን፥ ዱማ ዱማ ኖ̈ና ሶ̈ሊዝ ኣሳንኬ ዎርዣን ዓይዚ̇ ቃምኬ ባጋ̇ክ ኢንታ ኣሂን ቤቂ̇̈ሬ፤ ኢንታ ኣሂን ዱ̈ኪንታካ̇ይፌኒ ካዪ̈ሬ።

ሳጻ 14:20

ዎይኒንዳ ካታሚንፖ ቡጊድ ዎ ዎይና ጪ̈ጫዝ ቤሲ̇ን ጋርታ̇ ጪ̈ጪንታ̇ዴ፤ ጪጪን ሱ̈ ኬስካ̇ሪ ጪ̈ጫዝ ቤሲ̇ምፖ ፉዳ ጺት̇ ኦይዲ̇ ዋ ማ ካንታባራ ዓይዚ ጼ̈ታ ኪላ ሜ̈ቲራ ዬሊ̇ዝ ሱ̈ ጎጊ̇ ኬስኪ̇ዴ።

ሳጻ 14:8

ሜላሬ ናምኢ ኪ̈ታንቻ̇̈ዲ “ኣስ ቄዝ ኦላላ ዎይና ጂን ዎርዣ ዎይ ኡሺ̇ኖን ጴቺ̇ን ባ̈ቢሎ̈ና ላ̈ሊ̇ንታ̇ር ያዴ! ላ̈ሊ̇ንታ̇ር ያዴ!” ጌዪሙታ̇ዶሪ ቲ̈ኖ ኪ̈ታንቻ ዎሂን ሉኪ̇ዴ።

ሳጻ 16:19

ሳ̈ዚ ኤንኢኖ ጎይባራ ጴች ካታሚንዳ ዳርኣር ዓይዚ ቤስ̇ ፋጊንታ̇ዴ፤ ኣላሚን ጋልዳ ዎ ካታማን ዎይሊንን ዪና̇ ኢዝባራ ላ̈ሊንቲ ዪዴ፤ ጾ̈ሳ̇̈ዲ ጴቺ̇ን ባ̈ቢሎኖ ቆፒ̇ዴ፤ ሚን ጎይል ዎይና ጃ ኩሚኖ ጺዊን ጋርታፖ̇ ኡሽካምፔ̈ን ኢዞ ዎቲዴ።

ሳጻ 17:1

ታብዛ ዋ̈ንጫን ኤ̈ኖ ታብዛ ኪ̈ታንቻ̇̈ን ጋርታፖ ፔታ̇ና̈ዲ ታ̈ክ ዬ̈ሪ “ዓይ ዬቤ! ዎይሊን ዋ̈ን ጋልዳ ዶኢኖ ኦሎላ ጋዳ̇ዚን ጴች ኣሲን ጋልዳ ዬላ̇ዝ ፊርዲን ቴ ኔ̈ና ቤይሳንዳ፤

ሳጻ 17:18

ኔ ቤቂ̇ኖ ኣሲንዳ ሳ̈ዶ ካ̈ቲንታን ጋልዳ ካውታዚን ጴች ካታሚንዶ” ጌይዴ።

ሳጻ 17:5

ኢዝ ዴ̈ሚን ጋልዳ “ኦሎላ ጋዲዝ ኣሳንኬ ሳ̈ዝ ጋልዶ ቄ ባዛብ ዎይ ኢንዲ ማ̈ቂ̇ኖን ጴቺን ባ̈ቢሎ̈ኖ” ጌይዝ ሚስጢራ ሱም ጻ̈ፊንቲ̇ኔ።

ሳጻ 18:10

ኢዝ ጋልዳ ዬሊ̇ኖ ኢ̈ታ ሜቲንቦ ኢጫ̇ሪ ጎት ኤቃ̇ሪ “ኣ̈ሽ ጴች ካታሚንዴ! ኣ̈ሽ ሚ̈ን ካታሚን ባ̈ብሎ̈ኔ! ኔ ጋልዳ ፊርዶ ፔቲ̇ ሳኣታ ጋርታ ዬይኖኮታ̇ቦ ኔ ባዚ ኣዬ̇! ኔ ባዚ ኣዬ̇!” ጌይዴ።

ሳጻ 18:18

ኢዛ ሚጫ̇ዚምባ̇ራ ኬስኪ̇̇ዝ ጩይዣ ቤቃ̇ሪ “ዓና̇ ጴች ካታሚን ማይጺዛ ሜላ ካታማ ዉርሲ ዎ?” ጌዪሙታ ዉይሲዴ።

ሳጻ 18:2

ፌ ቆ ሾክ̇ ዎታሪ “ጴቺ̇ን ባ̈ቢሎና ላ̈ሊ̇ንታ̇ር ያዴ! ላ̈ሊ̇ንታ̇ር ያዴ! ሴ̈ጣና ዶኢዝ ቤስ̇ ማ̈ቃ̇ዴ! ኢታ ኣያ̇ናን ኣቂዝ ቤስ̇ ማ̈ቃ̇ዴ! ሺሪዛንኬ ጌ̈ሽ ጊዳካ̇ዮ ካፋን ዶኢዝ ቤስ̇ ማ̈ቃ̇ዴ፤

ሳጻ 18:21

ኢናፖ ፔቲ ሚ̈ን ኪ̈ታንቻ̇̈ዲ ጴች ዎጽ ሹች ማ̈ቃ̇ምፔ̈ኖ ፔቲ̇ ሹች ኤካ̇ሪ ባሃ̈ራ ጋርታ ዡጊዲሙታዶሪ፥ “ጴቻ ካታሚን ባ̈ቢሎ̈ና ዎልቃባር ሱጊንታ̇ራ ዓኒ̇ፌ̈ን ኬዳ̇̈ሬ፤ ዓኒ̇ፖ ጌዳ ኢዛ ዉርሳ ቤንታ̇ባሴ፤

ሳጻ 18:24

ናባንኬ ጌ̈ሻ ኣሳን ሱ̈ን፤ ማ ሳ̈ዝ ጋልዳ ኣሲ ኢንታ̇ ዎኖ ኣሳን ዎይን ሱ̈ን ኢዝ ጋርታ̇ ቤንቲ̇ኔ” ጌይዴ።