ሳጻ 11:18 - ኦራ ጫ̈ቃ ማጻ̈ፋ

¹⁸ ዎርዣን ጎይሊዴ፤ ኔ ጎይላዝ ኬሊ̇ን ዬላ̇ዴ፤ ዓይቂ̇ኖ ኣሳንር ፊርዳ ኤካ̇ዝ ኬሊ̇ንዳር ዬላ̇ዴ፤ ኔ ኣሽካራን ናባንቤኬ፤ ጌ̈ሻ̇ ኣሳንቦ ማ ኔ ሱምን ቦንቺ̇ዛንቦ፥ ጊላ̇ንቤኬ ጴቻ̇ንቦ፥ ኢንታ ኦ̈ሲን ጋቲን ኔ ኢንታ̇ብ ኢማ̇ዝ ኬሊ̇ን ዬላ̇ዴ፥ ሳ̈ዚን ይሲኖን ኔ ኢንታ ይሳዝ ኬሊ̇ን ዬላ̇ዴ” ጌይዴ።

ሳጻ 11:18 ပူးပေါင်းရင်းမြစ်များ

ማ̈ቶ̈ሳ 5:12

ኣፋ ጾ̈ሳ̇̇ ቲ̈ን ዪንቲ̇ ኤካ̇ዝ ጋቲን ጴች ማ̈ቂ̇ኖኮታ̇ቦ ጴች ኡፋይቲ̇ብቴ̇። ኣባ ጌይንዶ̇፥ ዪንታ̇ፖ ቲ̈ን ዎ ናባን ዪንታ̇ፌ̈ን ዳኪንቲ̇ ሜታ ኤኪ̇ኔ”

ሉቃ̈ሳ 1:50

ጾ̈ሳ̇̇̈ዲ ፌ̈ብ ኢ̈ጪ̇ዝ ኣስ ዎይ̈ዳ ናኣ ናእ ዬሊ̇ዝ ዲራ̈ስ ፌ ማ̈ሪቲባር ቤቂ̇̈ሬ።

ኢብ 9:27

ዪ̈ዳሬ ኣሲ ዓይቃ ፔቲ̇ ቶህ ዓይቂ̇̈ሬ ኢናፖ ፊርዳብ ሺ̈ቃ̈ምፔ̈ን ዎሳ̇ኒኖንዲፌ̈ኒዬ።

ሳጻ 11:2

ጾ̈ሳ̇̈ ኬ̈ን ቡጊዲምባር ዎ ሳ̈ዚን ኣሻ̇ቤ፤ ዪን ኣይሁድ ባዮ̇ ኣሳንቦ ኢሚ̇ንቲኖ ቤስ̇ ማ̈ቂ̇ኖኮታቦ ኢዞ ዋፔ፤ ኣይሁድ ባዮ̇ ኣሳን ጌ̈ሻ̈̇ ካታሚን ጋርታ ኦይዲ ታጶ ናምኢ ኣጋን ፌ ኮዪኖ̈ዲፌ̈ን ዬሬ።

ሳጻ 13:10

ካ̈ቲንታ̇ንዳብ ዎ ኣሲ ካ̈ቲንቲ̇̈ሬ፤ ማሻ̇ባር ዓይቃ̇ንዳብ ዎ ኣሲ ማሻ̇ባር ዓይቂ̇̈ሬ ዪዚ ጌ̈ሽ̇ ኣሳንቦ ዪኒ̇ ኬሊምባ̇ራ ኣማ̇ናኬ ጋርዣክ ኮሺ̇̈ሬ።

ሳጻ 13:16

ናምኢ ማ̈ታ ባዛ̈ዲ ጊላ̇ንር ማ̈ቆ̇ ጴቻንር፤ ዱራንር ማ̈ቆ̇ ዎርባያንር፤ ኣይላ ጊዳካ̇ዮንር ማ̈ቆ ኣይላንር ዎይን ፌ ኡሻቻ ኩሽ ጋርታ̇ ዎይ ፌ ዴ̈ማ ጋልዳ ዎልቃባር ማላ̇ ኤካ̇ምፔ̈ኒ ዎቲዴ።

ሳጻ 14:10

ጾ̈ሳ̇̈ ጎይላ ዎይና ጂ̇ን ኡሽኪ̈ሬ፤ ዪ ዎይና ጃ̈ዲ ዋ̈ባር ቡሻካ̇ይ ጫ̈ሚን ኢዝባራ ጎይላ ዋ̈ንጪን ጋርታ̇ ዱ̈ቂንቲ̇ኔ፤ ኢንቲ̇ ጌ̈ሻ̇ ኪታንቻን ቲ̈ንኬ ዶራ̈ ቲ̈ን ታማባርኬ ኤይጺ̇ዝ ዲ̈ናባር ቢጻ ቤቂ̇̈ሬ” ጌዪሙታ̇ ኢንታ ዎሂን ሉኪ̇ዴ።

ሳጻ 15:1

ሜላ ጴችኬ ጋራ̇ሚሲዝ ማላ̇ ታ̈ኒ ኣፋ ቤቃ̇ዴ፤ ኢንታ̇ሬ ዉርሲ ማ̈ቂ̇ኖ ታብዛ ጎይላን ኤ̈ኖ ታብዛ ኪ̈ታንቻ̇̈ን። ዪን ዉርሲ ጌዪንቲ̇ኖንዳ ጾ̈ሳ̇ ጎይሊን ፎቲንታ̇ዚንዳ ዪንባር ማ̈ቂ̇ኖኮታ̇ቦ።

ሳጻ 15:7

ሼምፓባሮ ኮቺንታን ኦይዳ̇ን ጋርታ̇ፖ ፔታ̇ና̈ዲ ታብዛ ኪ̈ታንቻንቦ ሜናብ ዶኢዝ ጾ̈ሳ̇̈ ኢ ጎይሊንባር ኩሚኖ ታብዛ ዎርቃ ዋ̈ንጫን ኢንታ̇ብ ኢሚዴ።

ሳጻ 18:6

ኢዛ ኢሚ̇ኖንዲፌ̈ን ዪንታ̇ር ኢዝቦ ኢሚ̇ብቴ፤ ኢዛ ዪንታ̇ ጋልዳ ኦ̈ኖ ኢ̈ት ኦ̈ሲምቦ ናምኢ ኩሽ ማሃር ኢዝቦ ጪጊ̇ብቴ፤ ኢዛ ዱማ ዱማ ኡሻ̇ን ቡሺኖ ዋንጪን ጋርታ፤ ናምኢ ኩሽ ጫ̈ጚቻ̇ር ኢዝኮ ዋንጪን ጋርታ ቡሺብቴ፤

ሳጻ 19:15

ኢ ኖ̈ና ጋርታፖ ዎርዣን ቃጺ̇ ዉርሲዝ ኣጪንች ማሺ̇ ኬስኪ̇̈ሬ፤ ማ ኢ ኢንታ ፌ ዎልቃባር ጋሚ ኣቂሲ̈ሬ፤ ኢ ዎይን ዳንዳኢኖ ጾ̈ሳ̇̈ ጎይላ ኢ̈ቺ̇ዛ ኤርሲዝ ዎይና ጂን ጪ̈ጪዝ ዶ̈ቻ ጋርታ ጪ̈ጪ̈ሬ።

ሳጻ 19:18

ካ̈ቲንታን፣ ዎታ̇̈ዳራ ኣላቃን፣ ኦልባር ኤሪንቲ̇ኖ ኣሳን፣ ፋራንኬ ኢንታ ጋልዳ ዶኢዝ ኣሳን፣ ኣይላንኬ ኣይላ ማ̈ቃካ̇ዮን፣ ጊላ̇ንስኬ ጴቻ̇ን ኣይሺ̇ንዶ፣ ኣስ ጌይዛ ዎይ ኣይሻ̇ ዓይ ዬ̈ር ሙብቴ!” ጌይዴ።

ሳጻ 19:5

ዪኒፖ ዓኒ “ኢ̈ብ ኢ̈ጪ̇ዝ ኢ ኣሽካራን ዎይ፥ ጊላ̇ንሬ ጴቻ̇ንሬ ኑ ጾ̈ሳ̇ ጋላቲብቴ!” ጌይዝ ቆ̈ ዙ̈ፋ̈ና ጋልዳፖ ኬስኪ̇ዴ።

ሳጻ 20:12

ጊላ̇ንኬ ጴቻን ዓይቂኖን ዙፋ̈ና ቲ̈ን ኤቂ̇ንዶን ቴ ቤቃ̇ዴ፤ ኢናፖ ማጻ̈ፋን ፊርቂንቲ̇ዴ፤ ማ ሼምፓባር ዶኢዛን ጻ̈ፊንቲ̇ዝ ማጻ̈ፋ ፊርቂንቲዴ፤ ዓይቂ̇ኖ ኣሳንሬ ማጻ̈ፋን ጋልዳ ጻ̈ፊንታር ቤንቲ̇ኖ ኢንታ ኦ̈ሲንዲፌ̈ን ፊርዳ ኤኪ̇ዴ።

ሳጻ 20:15

ኦ̈ናካሬ ኢ ሱምን ሼምፓባሮን ጻ̈ፊንቲ̇ዝ ማጻ̈ፋ ጋልዳ ጻ̈ፊንታካ̇ዮ ኣሲ ዎይ ታማ ባሃ̈ራ ጋርታ ቶጚንቲ̇ዴ።

ሳጻ 22:12

“ሲስኪ̇ብቴ! ታ̈ኒ ኤሊ̇ባር ዬ̈ንዳ! ዎይንቦ ኢንታ ኦ̈ሲንዲፌ̈ን ኢንታ̇ብ ጪጋ̇ዝ ጋቲን ቴ ኩሽታ ዎ።