ሳጻ 11:15 - ኦራ ጫ̈ቃ ማጻ̈ፋ

¹⁵ ታብዚ ኪ̈ታንቻዲ ፌ ኤ̈ኖ ሞይዚን ፉጊ̇ዴ፤ ኣፋሬ “ኣላሚን ጋልዳ ካ̈ቲቲ ዎይ ጎዳ ኑ ጾ̈ሳ̇ዴይኬ ክርስቶ̈ሴይ ማ̈ቂ̇ኔ፤ ኢ ሜናብ ካዉቲ̈ሬ” ጌይዛ ጴች ጊርሳን ሲስኪንቲ̇ዴ።

ሳጻ 11:15 ပူးပေါင်းရင်းမြစ်များ

ማ̈ቶ̈ሳ 24:31

ታ̈ኒ ጴች ዛያ ጊርሲ̇ ሲሲ̇ዝ ኪ̈ታንቻን ሚሻ̈ሬ፥ ኢንታ̇ር ሳ̈ዝ ኤ̈ሻ̇ ዎይ ሉካ̇ሪ ኣፎ̈ ሳ̈ዚን ቡጊዲምፖ̇ ኤ̈̇ር ቡጊዲን ዬላ̇ር ዎን ታ ታ̈ብ ቆሪኖ ኣሳን ሺ̈ሺ̇̈ሬ።

ማ̈ቶ̈ሳ 6:13

ኢ̈ት ባዝ ጋልዳፖ̇ ኑ̈ና ና̈ጋብዶኬ፥ ፋታና ጋርታ̇ ኑ̈ና ጌልሳ̇ፔ̇። [ካ̈ቲቲ፥ ዎልቃኬ ቦንችኬ ሜናብ ኔዬ̇፤ ኣሚንኤ።’]

ሉቃ̈ሳ 1:33

ኢ ኢስሬ̈ላ ጋልዳ̇ ሜናብ ካውቲ̈ሬ፤ ኢ ካ̈ቲቲንባሬ ዉርሲ ባዬ̇” ጌይዴ።

ሉቃ̈ሳ 15:10

ዪና̇ ኢዝፌ̈ኒ ፔቲ̇ ናጋራንቻ ኣሲ ማ̈ሪቲ ጌሌጌይን ጾ̈ሳ̇̇ ኪ̈ታንቻን ቲ̈ን ኡፋስ̇ ማቂ̇̈̇̈ሬ” ጌይዴ።

ሉቃ̈ሳ 15:6

ፌ ኣ̈ል ማ̈ቂ̇̈ሬ። ኢናፖ̇ ፌ ላጋ̇ንኬ ፌ ዶ̈ን ዎይ ጼይጋሪ ‘ቴ ዶራ ዪኖ ቴ ዲጛዴ፤ ታ̈ኒ ኡፋይቲ̇ኔ ዪንታ̇ር ኡፋይቲ̇ብቴ’ ጌይሬ።

ሃዋ̈ራታን ኦ̈ሳ 4:26

ሳ̈ዝ ጋልዶ ካ̈ቲንታ̇ንር ኦላብ ጊ̈ጊንቲ̇ዴ ጋድ ኣቂሲዛንር ዎ̈ልፔታ̇ን ሺ̈ቃሪ፥ ጎዳ ጾ̈ሳ̇ ጋልዳኬ ኢ ማራ̇ጺኖ ክርስቶ̈ሳ ጋልዳ ጻላታ ማ̈ቃ̇ር ዲንዲ̇ዴ’ ጋ̈ር ሶ̈ሊኔ።

ኢብ 1:8

ዎቲናካሬ ፌ ና̈ኣ ባዝ ሶ̈ሊርዶሪ፤ “ጾ̈ሳ̇̈ዶ! ኔ ካ̈ቲቲንዳ ሜናብ ዶኣ̈ሬ፤ ኔ̈ኒ ኔ ዎርዣ ጺሊ̇ቲ ጎይባር ቲ̈ናር ኣቂሳ̈ሬ፤

ሳጻ 12:10

ዪኒፖ ዓኒ̇ ኣፋፖ̇ ፔቲ̇ ጴች ጊርሲ፤ “ዪዚ ጾ̈ሳ̇ ኣስ ፋዝ ኬሊ̇ን ዬሊ̇ኔ! ዪዚ ጾ̈ሳ̇ ፌ ካ̈ቲቲንዲክ ፌ ዎልቂንዲክ ቤይሲኔ! ዪዚ ሲልጣ̈ናሬ ኢ ክርስቶ̈ሳብ ማ̈ቂ̇̇̇ኖን ቤይሲኔ! ኑ ኢሺንታ̇ን ኑ ጾ̈ሳ̇̈ ቲ̈ን ጋላስኬ ቃም̇ኬ ሞ̈ቲዛ̈ዲ ቶጚንቲ̇ኔ፤

ሳጻ 15:4

ጎዳ̈ዶ! ኔ̈ብ ኢ̈ጪ̇ባ̈ሶዲኬ ኔ ሱ̈ምን ቦንቺ̇ባ̈ሶ ኦ̈ኖ? ኔ ሙታ̇ ጌ̈ሼ̇፤ ኔ̈ኮ ኪን ፊርዳ̈ዲ ኣስ ዎይ̈ቦ ቤንቲ̇ኖኮታ̇ቦ፥ ዎርዣን ዎይ ኔ ቲ̈ን ዬ̈ሪ ኔ̈ብ ሞ̈ኪንቲ̇̈ሬ” ጌይዴ።

ሳጻ 16:17

ታብዚ ኪ̈ታንቻ̇̈ዲ ፌ ኤ̈ኖ ዋ̈ንጪን ጋርቶ̇ንዶ ኣይጊ ጋልዳ ዉሊዴ፤ ኢናፖ ጾ̈ ኬ ጋርታ ዎ ዙፋ̈ና ጋልዳፖ “ዎይ ባዚ ፎቲንቲ̇ዴ” ዪዝ ጌይዝ ጴች ቆ̈ ሲስኪንቲ̇ዴ።

ሳጻ 17:14

ኢንቲ ዶራ̈ ጋልዳ ኦል ዲንሬ፤ ዎቲናካሬ ዶራ̈ዲ ጎዳንቦ ጎድኬ ካ̈ቲንታ̇ንቦ ካ̈ት ማ̈ቂ̇ኖኮታ̇ቦ ኢንታ ጋሚ̈ሬ፤ ማ ኢባር ዎን ጼይጊንቲኖን፥ ማራ̇ጺንቲ̇ኖንኬ ኣማ̇ኒንቲ̇ኖ ኣሳን ኢባር ዎልኣ ጋሚ̈ሬ” ጌይዴ።

ሳጻ 19:1

ዓኒ̇ፖ ዎሃ ዎይሊን ዎርዣ ቆ̈ ማይጺዝ ጴች ቆ̈ ዪዝ ጌይዛ ኣፋ ቴ ሲስካ̇ዴ፦ “ሃሌሉያ! ፋቲ፣ ቦንችኬ ዎልቃኬ ኑ ጾ̈ሳ̇ዴዬ!

ሳጻ 19:6

ዎይሊ ዎርዣ ቆ̈፣ ጎጊዝ ዋ̈ ጊርስኬ ሚ̈ን ዳዳ ጊርስ ማይጺዛ “ሃሌሉያ! ዎይን ዳንዳኢኖ ኑ ጎዳ ጾ̈ሳ̇ዲ ካዉቲ̈ሬ!

ሳጻ 20:4

ዪኒ̇ፖ ዎሃ ዙፋ̈ናን ቤቃ̇ዴ፤ ዪን ዙፋ̈ናን ጋልዳ ፊርዲዝ ሲልጣ̇̈ና ኢንታ̇ብ ኢሚ̇ንቲኖን ዶኢንዶ̈ን ቤቃ̇ዴ፤ ዬሱ̈ሳባዝ ኢንቲ̇ ሶ̈ሊኖኮታ̇ብኬ ጾ̈ሳ̇ ቃ̈ላ ማርኪቲኖኮታ̇ቦ ኢንታ ቆ ቃጺንቲ̇ኖ ኣሳን ሼምፓን ቴ ቤቃ̇ዴ፤ ኢንቲ ማ̈ታ ባዛ̈ብኬ ኢ ሚሲላ̈ቦ ሞ̈ኪንታካ̇ዮን፥ ኢ ማሊ̇ንዳር ፌ ዴ̈ሚን ጋልዳር ማ̈ቆ̇ ፌ ኩሽታ ኤካካ̇ዮን፤ ኢንቲ̇ ዓይቃ ጋርታ̇ፖ ዲንዳ̇ሪ ክርስቶ̈ሳባራ ሙኩላ ላይ ካዉቲዴ።

ሳጻ 8:12

ኦይዲ ኪ̈ታንቻ̇̈ዲ ፌ ኤ̈ኖ ሞይዚን ፉጊ̇ዴ፤ ኣዋ̈ፊምቦ ሲሲን፤ ኣጋኒምቦ ሲሲንዲኬ ቤ̈ርሳንቦ ሲሲን ቡኪንታ̇ዴ፤ ዪ̈ኮታ̇ቦ ኢንታ̇ኮ ሲሳን ዎይ ሚ̇ዴ፤ ዪኒባራ ጋላስ ጋልዳፖ ሲሲን፥ ቃ̈ም ጋልዳፖ ሲሲንዳ ፎኢን ባዮ̇ ም ማ̈ቃ̇ዴ።

ሳጻ 9:1

ኢሺቻ ኪ̈ታንቻ̇̈ዲ ፌ ኤ̈ኖ ሞ̈ይዚን ፉጊ̇ዴ፤ ኢናፖ̇፥ ኣፋፖ ቶ̈ራ ሳ̈ዳ̇ ኬዲ̇ኖ ፔቲ̇ ቤ̈ርስ ቴ ቤቃ̇ዴ፤ ቶ̈ራ ዎሳሊ ባዮ̇ ዶ̈ቺ̇ን ፊርቂዝ ቁልፋ ኢ̈ብ ኢሚ̇ንቲዴ።

ሳጻ 9:13

ሌሂ ኪ̈ታንቻ̇̈ዲ ፌ ኤ̈ኖ ሞይዚን ፉጊ̇ዴ፤ ኢናፖ ጾ̈ሳ̇̈ ቲ̈ን ዎ ዎርቃባር ኦ̈ንቲኖ ዣርሻ ቤሲ̇ን ጋልዶ ኡሺንቺ̇̈ን ጋርታፖ ጊርሲ̇ ኬስኪ̇ን ሲስካ̇ዴ።