ሳጻ 1:8 - ኦራ ጫ̈ቃ ማጻ̈ፋ

⁸ ሚናፖ ዎ፥ ዓታ̇ር ዎ፥ ጊዳክ ዬይዛ ዎይን ዳንዳ̇ኢዛ ጎዳ ጾ̈ሳ̇̈ዲ “ኣልፋሬ ኦሜ̈ጋር ታ̈ና!” ጌይሬ።

ሳጻ 1:8 ပူးပေါင်းရင်းမြစ်များ

2 ቆሮ 6:18

ቴ ዪንታ̇ብ ባ̈ባ ማ̈ቃ̇ንዳ፤ ዪንታ̇̇ር ታ̈ብ ኣቲና ናኢኬ ማጫ̇ ናኢ ማ̈ቂ̇̈ሬ፤ ጌይሬ ዎይን ዳንዳኢዝ ጾ̈ሳ̇̇̈ዲ።” ጌይኔ።

ሳጻ 1:11

ዪና̇ ጊርሲን ታ̈ኮ፤ “ኔ̈ኒ ቤቃ̇ዚንዶ ማጻ̈ፋ ጋልዳ ጻ̈ፋራ ኤፍሶ̈ና፣ ሴርሜኔሳ፣ ጴርጋሞ̈ና፣ ታጥሮ̈ና፣ ሴርዴ̈ሳ፣ ፊላ̈ዴልፋኬ ሎዶ̈ቃ ዪን ታብዛ ዎ̈ሳ ኬ̈ን ጋርታ ሚሻቤ” ጌይዴ።

ሳጻ 1:17

ቴ ኢያ ቤቃ̇ራ ዓይቂ̇ኖ ኣስፌ̈ን ማ̈ቃ̇ራ ኢ ቶሂን ጻና ኬዳ̇ዴ፤ ኢያር ፌ ኡሻቻ̇ ኩሺን ታ ጋልዳ ጋዳ̇ሪ ታ̈ኮ ዪዝ ጌይዴ “ኢ̈ጫፔ፤ ቲ̈ኖ̈ዳሬ ጋሶ̈ዳሬ ታ̈ና፤

ሳጻ 1:4

ቴ ዋ̈ኒሲ ኢ̈ሳ ጋዳ̇ ዎ ታብዛ ዎ̈ሳ ኬ̈ንቦ፦ ሚናር ዎ፤ ዓታ̇ር ዎ፤ ጊዳክ ዬይዛ ጾ̈ሳ̇ ጋልዳፖ፥ ማ ኢ ዙፋ̈ና ቲ̈ን ዎን ታብዛ ኣያ̇ናን ጋልዳፖኬ ዓይቃ ጋርታፖ ዲንዳባር ቲ̈ን ኡስ̇ ማ̈ቂ̇ኖ፥ ሳ̈ዝ ጋልዶ ካ̈ቲንታን ዎይ ኣቂሲዛ፥ ኣማ̇ኒንቲ̇ኖ ማርካ ማ̈ቂኖ ዬሱ̈ስ ክርስቶ̈ሳ ካንንዲኬ ኢ ሳሪቲን ዪንታ̇ብ ማ̈ቆ̇ ጋ̈ሬ። ኑ̈ና ካኖ̈ቤኬ ፌ ሱ̈ንባራ ኑ ናጋሪን ጋልዳፖ ኑ̈ና ናጻ ኬሲ̇ኖ̈ንቦ፥

ሳጻ 11:17

ጎሽቲሙታ̇ዶ̈ሪ፥ “ሚናፓ̇ር ዎዲ፥ ዓታ̇ር ዎዲ፥ ዎይን ዳንዳኢዛ ጎዳ ጾ̈ሳ̇̈̇ዶ! ጴቻ̇ ሲልጣ̈ኒን ኔ ኤ̈ኖኮታ̇ብኬ፥ ካዉቲኖኮታቦ ኑ ኔ̈ና ጋላቲ̈ሬ።

ሳጻ 15:3

ጾ̈ሳ̇̈ ኣሽካራ ሙ̈ሳ ዬንዲኬ ዶራ̈ ማዝሙሪን ዬጺ̇̈ዴ። ኢንቲ̇ ዬጺ̇̈ርዶሪ፥ “ዎይን ዳንዳኢኖ ጎዳ ጾ̈ሳ̇̇̈ዶ! ኔ ኦ̈ሳ̈ዲ ጴችኬ ኣስ ጋራ̇ሚሲዝ ባዜ፤ ዎርዣን ካ̈ታዶ! ኔ ኦ̈ኖ ኦ̈ሲንዳ ጺላ̇ኬ ኪንኬ፤

ሳጻ 16:14

ኢንቲ ጋራሚዝ ባዝ ኦ̈ዝ ኢ̈ታ ኣያ̇ናን፤ ዪን ኢ̈ታ ኣያ̇ናን ዎይን ዳንዳኢኖ ጾ̈ሳ̇̈ ጴቻ̇ ቃሚ̇ን ጋላስ ኦሊንታ̇ዝ ኦሊምቦ ኣሳን ሺ̈ሻ̇ንዳቦ ኣላማ ጋልዶ ካ̈ቲንታን ዎይንኮ ሉኪ̇̈ሬ።

ሳጻ 16:7

ካ̈ሻ̇ ቤሲ̇ን ጋልዳ፤ “ኣዓ! ዎይን ዳንዳኢኖ ጎዳ ጾ̈ሳ̇̈ዶ! ኔ ጺላ̇ኬ ኪን ፊርዳ̈ሬ” ዪዝ ጌይዝ ቆ̈ ቴ ሲስካ̇ዴ።

ሳጻ 19:15

ኢ ኖ̈ና ጋርታፖ ዎርዣን ቃጺ̇ ዉርሲዝ ኣጪንች ማሺ̇ ኬስኪ̇̈ሬ፤ ማ ኢ ኢንታ ፌ ዎልቃባር ጋሚ ኣቂሲ̈ሬ፤ ኢ ዎይን ዳንዳኢኖ ጾ̈ሳ̇̈ ጎይላ ኢ̈ቺ̇ዛ ኤርሲዝ ዎይና ጂን ጪ̈ጪዝ ዶ̈ቻ ጋርታ ጪ̈ጪ̈ሬ።

ሳጻ 19:6

ዎይሊ ዎርዣ ቆ̈፣ ጎጊዝ ዋ̈ ጊርስኬ ሚ̈ን ዳዳ ጊርስ ማይጺዛ “ሃሌሉያ! ዎይን ዳንዳኢኖ ኑ ጎዳ ጾ̈ሳ̇ዲ ካዉቲ̈ሬ!

ሳጻ 2:8

ሴምሪኔ̈ሳ ዎ̈ሳ ኬ̈ ኪ̈ታንቻ̇̈ቦ ዪዝ ጋ̈ር ጻ̈ፋቤ፦ ቲ̈ኖዳሬ ዉርሲዳ̇ር ኢያ ማ̈ቂ̇ኖ፥ ዓይቃ̇ሪ ማ ዓይቃ ጋርታ̇ፖ ዲንዳር ሼምፓባር ዎዲ ሶ̈ሊኖ ሶ̈ላ፤

ሳጻ 21:22

ዎይን ዳንዳኢኖ ጎዳ ጾ̈ሳ̇̇̈ዲኬ ዶራዲ ካታሚንቦ ጾ̈ሳ̇ ኬ ማ̈ቂ̇ኖኮታ̇ቦ ካታሚን ጋርታ ጾ̈ሳ̇ ኬ̈ ቴ ቤቃካ̇ዬ።

ሳጻ 21:6

ዪኒፖ ዓኒ ታ̈ኮ “ፎቲንቲ̇ዴ! ኣልፋሬ ኦሜ̈ጋሬ፥ ቲ̈ኖዳሬ ጋሶ̈ዳሬ ታ̈ና፤ ባርሲንቲኖ̈ቦ ሼምፓ ኢሚ̇ዝ ዋ̈ ዶቃ ጋርታ̇ፖ ኣባካር ጪጋካ̇ይዶን ቴ ሜላ̇ ኢማ̇ንዳ።

ሳጻ 22:13

ኣልፋኬ ኦሜ̈ጋኬ፤ ቲ̈ኖ̈ዳኬ ጋሶ̈ዳክ፥ ኤ̈ዲኬ ዉርሲዳሬ ታ̈ና።

ሳጻ 4:8

ዪን ኦይዲ ኮቺንታ̇ን ኢንታ ቆሚ̇ን ቆሚ̇ን ኢንታ̇ብ ሌሂ ካፓ̇ ዎ፤ ኢንታ ጋሊ̇ን ዎይኬ ኢንታ ካ̈ፒ̇ን ጋርሲን ዎይ ኣ̈ፊ ኩሚኔ። ኢንታ̇ር ቃምኬ ጋላስኬ፥ “ጌ̈ሻ̈̇ዶ! ጌ̈ሻ̈̇ዶ! ጌ̈ሻ̈̇ዶ! ሚናፓር ዎ፥ ዓታር ዎ፥ ጊዳክ ዬይዛ፥ ዎይን ዳንዳኢኖ ጎዳ ጾ̈ሳ̇̈̇ዶ!” ጋዚ̈ን ኣሺባ̈ሴ።