ሳጻ 1:18 - ኦራ ጫ̈ቃ ማጻ̈ፋ

¹⁸ ታ̈ኒ ሼምፓባር ዶኢዛ̈ዳ፤ ቴ ዚንቃንታ̇ ዓይቂ̇ንዶን፤ ዎቲናካሬ ዓ̈ዲሼ ዓት ሜናብ ሼምፓባር ዎ፤ ዓይቃ ጋልዳኬ ሲኦ̈ላ ጋልዳ ሲልጣ̇̈ና ታ̈ብ ዎ።

ሳጻ 1:18 ပူးပေါင်းရင်းမြစ်များ

ማ̈ቶ̈ሳ 11:23

ኣ̈ሽ ቂፊርና̈ሆ̈ሜ! ኔ ኣፋ ጪላ ዲራ̈ስ ሾክ ሾክ ጋ̈ንዳ̇ብ ኮዪዬ? ጾ̈ሲ̇ ኔ̈ና ጋ̈ና̇ማ ጌልሲ̈ሬ፤ ኔ ጋርታ̇ ኦ̈ንቲ̇ኖ ታ̈ሚ̇ራ̈ታ̈ዲ ዎን ሶዶማ ጋርታ̇ ኦ̈ንቲ̇ኖኮ ካታሚን ኢዛ ዓኖ̇ ዬሊ̇ዝ ዲራ̈ስ ያካ̇ይ ዶኣ̈ርዶ̈ን።

ማ̈ቶ̈ሳ 16:19

ታ̈ኒ ጾ̈ሳ̇̇ ካቲ̈ቲን ፊርቂዝ ቁልፋን ኔ̈ብ ኢማ̇ንዳ፤ ኔ ሳ̈ዳ̇ ቃቺ̇ኖ ባዚ ዎይ ኣፋ ቃቺንቲ̈ሬ፤ ኔ ሳ̈ዳ ቢሊ̇ኖ ባዚ ዎይ ኣፋ ቢሊንቲ̈ሬ” ጌይዴ።

ሉቃ̈ሳ 24:5

ማጫ̇ንሬ ዎይሊን ኢ̈ጪ̇ኖኮታ̇ቦ ሳዝ ሳዝ ቤቃ̇ር ዎንባራ ኣሳን ኢንታ̇ኮ “ዪንቲ̇ ሼምፓባሮ ናሳ̈ዳ ዓይ ዓይቂ̇ኖ ኣሳን ጋርታ̇ ኣባብ ኮዪ̈ራ?

ዋ̈ኒ̇ሳ 11:25

ዬሱ̈ሲ ኢዝኮ̇ “ዓይቃ ጋርታ̇ፖ̇ ኣስ ዲንዛ̈ዲኬ፥ ሼምፓ ኢሚ̇ዛ̈ዲ ታ̈ና፤ ታ̈ና ኣማ̇ኒዝ ኣሲ ዓይቂናካሬ ሼምፓባር ዶኢ̈ሬ።

ዋ̈ኒ̇ሳ 14:19

ጊላ̇ ቃማ̇ፖ̇ ዎሃ ኣላማ ጋልዳ̇ ዎ ኣሳን ታ̈ና ቤቂ̇ባ̈ሴ፤ ዎቲናካር ዪንቲ̇፥ ቴ ሼምፓባር ዎኮታ̇ብኬ ዪንታ̇ር ሼምፓባር ዶኢዛኮታ̇ቦ ታ̈ና ቤቂ̇̈ሬ።

ሮሜ 6:9

ክርስቶ̈ሲ ዓይቃ ጋርታ̇ፖ̇ ዲንዲኖኮታ̇ቦ ናምኢ ማ̈ቃ̇ር ዓይቂ̇ባ̈ሶንዲኬ ማ ዓይቃር ኢያ ጋማንዳ̇ብ ዳንዳኢባ̈ሶን ኑ ኤሪ̈ሬ።

2 ቆሮ 13:4

ኢ ማስቃ̇ላ ጋልዳ ሶ̈ቲንታ̇ሪ ዓይቂ̇ኖ̈ዲ ኣስፌ̈ኒ ኣይሽ ማኢኖኮታ̇ቦ ዳቡርስባር ማ̈ቂ̇ናካሬ ዓት ጾ̈ሳ̇ ዎልቃ̇ባራ ሼምፓባር ዎ። ኑ̈ናሬ ኣይሽ ማኢኖኮታ̇ቦ ኢባር ዳቡሪዝ ኣሴ፤ ማ̈ቂ̇ናካሬ ዪንታ̇ ማ̈ዳ̇ንዳቦ ኑ̈ኒ ጾ̈ሳ̇̈ ዎልቃባራ ክርስቶ̈ሳባር ዎልኣ ሼምፓባር ዶኢ̈ሬ።

ጋላ̈ታ 2:20

ቴ ታ̈ና ክርስቶ̈ሳባር ሶቲንቲ̇ኖ̈ዲፌ̈ን ማሃ ፋይዳ̈ሬ። ዓኒፖ̇ ጌዳ ክርስቶ̈ሲ ታባር ዶኢ̈ርዶኬ ዓት ሼምፓ̇ባራ ዎ̈ዲ ታ̈ና ጊዳካ̇ዬ። ታ ዓት ሼምፓ̇ባር ሳ̈ዝ ጋልዳ̇ ዶኣዝ ዶኢንዳ ታ̈ና ካሪ ቴኮታ̇ቦ ፌ̈ና ኣ̈ር ኢሚ̇ኖ ጾ̈ሳ̇ ና̈ኣ ኣማ̇ናር ዲጚኖ ሼምፓባር ዎ ዶኢ።

ቆላ̈ሳ̈ሳ 3:3

ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ዪንቲ̇ ዓኒ̇ ኣላሚን ጋልዳፖ̇ ፋጊንቲ̇ኔ። ዪንታ̇ ሼምፒ̇ንዳ ክርስቶ̈ሳባራ ጾ̈ሳ̇ ላፍ ኣ̈ቺንቲ̇ኔ።

ኢብ 1:3

ጾ̈ሳ̇̈ ቦንቺ̇ን ዎዛርፌ̈ን ጴችኮ ቤይሲዛ ኢያ፤ ማ ኢ ዎይ ባዝባራ ጾ̈ሳ̇ ባ̈ባ ማይጺ̈ሬ፤ ኢ ዎልቃባሮ ፌ ቃ̈ላባራ ኣላሚን ሚ̈ንር ኤ̈ኔ፤ ኢ ኣሳ ናጋራ ዎይ ጌ̈ሺ̇̈ኖፖ ዓኒ ጴቻ̈ ጾ̈ሳ̇̈ቦ ኡሻች ጎይ ዶኢኔ።

ኢብ 12:2

ኑ ዎጻ̇ዚንዳሬ ኑ ኣማ̇ኒምቦ ዋና̇ ቲ̈ኖዳሬ ጋስ ውርሲዳሬ ኢያ ማ̈ቂ̇ኖ ዬሱ̈ሳ ቤቃ̇ሪዬ፤ ኢ ፌ ቲ̈ኖ ኢያ ና̈ጊኖ ኡፋይሲንኮታቦ ማስቃላ ጋልዶ ዬ̈ላ̇ ዓይቂን ኣባካር ማሂ ፋይዳካይዶር ዪና̇ ሜቲንዲኬ ዓይቂን ጋርዣሪ ጾ̈ሳ̇̇̈ቦ ኡሻች ጎይ ዶኢ̈ዴ።

ኢብ 7:16

ኢ ቄ̈ሳ ማ̈ቂ̇ኖንዳ ዓይቃ̇ር ዪባ̈ሶ ሼምፓ ዎልቃ̇ባርዶኬ ኢ ዜር ጋርታፖ ኢያ ዬሊ̇ኖ ዎጋባር ጊዳካ̇ዬ።

ኢብ 7:25

ዪ̈ኮታቦ ኢ ኢንታ ጊሽ ̇ጪጛሽ ማ̈ቃ̇ር ጌሻንዳቦ ሜናብ ሼምፓባር ማ̈ቃ̇ር ዶኢዛኮታቦ ኢ ጎይባራ ጾ̈ሳ̇ኮ ዬይዛን ዎይ ዉርሲ ፋንዳብ ዳንዳኢ̈ሬ።

ሳጻ 10:6

ሜናብ ዶኢዛ፣ ኣፎ ሳ̈ዚንዶ፣ ሳ̈ዶ ሳ̈ዚንዲኬ ባሃ̈ራኬ ማ ኢንታ ጋርታ ዎ ባዛን ዎይ ኮቺ̇ኖ ጾ̈ሳ̇ ሱምባራ ጫ̈ቃ̇ሪ “ታብዚ ኪ̈ታንቻ̇̈ዲ ፌ ሞይዚን ፉጊ̇ዝ ጋላሳን ጾ̈ሲ ፌ ኣሽካራን ናባንቦ ኤሪሲኖንዲፌ̈ኒ ጾ̈ሳ̇ ሚስጢሪን ፎቲንታ̇̈ርዶኬ ዓኒ̇ፖ ጌዳ ጋምኢባ̈ሴ!” ጌይዴ።

ሳጻ 15:7

ሼምፓባሮ ኮቺንታን ኦይዳ̇ን ጋርታ̇ፖ ፔታ̇ና̈ዲ ታብዛ ኪ̈ታንቻንቦ ሜናብ ዶኢዝ ጾ̈ሳ̇̈ ኢ ጎይሊንባር ኩሚኖ ታብዛ ዎርቃ ዋ̈ንጫን ኢንታ̇ብ ኢሚዴ።

ሳጻ 2:8

ሴምሪኔ̈ሳ ዎ̈ሳ ኬ̈ ኪ̈ታንቻ̇̈ቦ ዪዝ ጋ̈ር ጻ̈ፋቤ፦ ቲ̈ኖዳሬ ዉርሲዳ̇ር ኢያ ማ̈ቂ̇ኖ፥ ዓይቃ̇ሪ ማ ዓይቃ ጋርታ̇ፖ ዲንዳር ሼምፓባር ዎዲ ሶ̈ሊኖ ሶ̈ላ፤

ሳጻ 20:13

ባሃ̈ሪንዳሬ ፌ ጋርታ ዎ ዓይቂኖን ኢማ̇ዴ፤ ዓይቃሬ ሲኦ̈ላሬ ፌ ጋርታ ዎን ዓይቂኖን ኢሚ̇ዴ፤ ኢንቲ ዎይን ፌ ኦ̈ሲንዲፌ̈ን ፊርዳ ኤኪ̇ዴ።

ሳጻ 20:14

ዓይቃኬ ሲኦ̈ላሬ ታማ ባሃ̈ራ ጋርታ̇ ቶጚንቲዴ፥ ዪና̇ ታሚንዳ ናምኢ ዓይቂንዶ።

ሳጻ 3:7

ፊላ̈ዴልፋ ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፤ ጌ̈ሽ̇ኬ ኪን ማ̈ቂ̇ኖ፥ ዳዊታ ቁልፊን ፌ ኩሽታ̇ ኤ̈ኖ̈ዲ ሶ̈ሊኖ ሶ̈ላ፦ ኢ ፊርቂኖን ኦ̈ናካር ዪብጺ̇ባ̈ሴ፤ ኢ ዪብጺ̇ኖንዳር ኦ̈ናካር ፊርቂ̇ባሴ።

ሳጻ 4:9

ዪን ኮቺንታ̇ን ዙፋ̈ኒን ጋልዳ ዶኢኖቦኬ ሜናብ ዶኢዛ̈ቦ ቦንች፣ ጋላታኬ ጴቺቲስኬ ኢ̈ብ ሺሻ̇ምባራ ዎይ ጋላስ፥

ሳጻ 5:14

ኦይዲ ሼምፓባሮ ኮቺንታ̇ንሬ “ኣሚንኤ!” ጌይዴ፤ ላምታም ኦይዲ ጪጛሻንሬ ፌ ዴ̈ሚንባር ኢ ቲ̈ን ኬዳ̇ሪ ኢ̈ብ ሞ̈ኪንቲ̇ዴ።

ሳጻ 6:8

ቴ ቤቃ̇ምባራ ቴ ቲ̈ኒን ጋርታ ጫ̈ም ፋራ ቤቃ̇ዴ፤ ዪ ፋራ ጋልዳ ቶጊ̇ኖ ኢ ሱምዲ ዓይቃ ጌይንቲ̇̈ሬ፤ ሲኦ̈ላ ጌይንቲ̇ኖ̈ዲ ኢ ዎሂን ዎሂን ዬሬ፤ ዓይቃኬ ሲኦ̈ላኬ ዎልኣ ማ̈ቃ̇ሪ ሳ̈ዝ ጋልዳ ዎ ባዝ ዎይቦ ኦይዲ ኩሽ ጋርታ̇ፖ ፔቲ̇ ኩሺንዶ ኦልባራ፤ ጋፍባራ፤ ዓርጋባርኬ ማ̈ታባዝባር ዎሲ ዉርሳምፔ̈ን ሲልጣ̈ና ኢንታ̇ብ ኢሚ̇ንቲ̇ዴ።

ሳጻ 9:1

ኢሺቻ ኪ̈ታንቻ̇̈ዲ ፌ ኤ̈ኖ ሞ̈ይዚን ፉጊ̇ዴ፤ ኢናፖ̇፥ ኣፋፖ ቶ̈ራ ሳ̈ዳ̇ ኬዲ̇ኖ ፔቲ̇ ቤ̈ርስ ቴ ቤቃ̇ዴ፤ ቶ̈ራ ዎሳሊ ባዮ̇ ዶ̈ቺ̇ን ፊርቂዝ ቁልፋ ኢ̈ብ ኢሚ̇ንቲዴ።