ሳጻ 1:11 - ኦራ ጫ̈ቃ ማጻ̈ፋ

¹¹ ዪና̇ ጊርሲን ታ̈ኮ፤ “ኔ̈ኒ ቤቃ̇ዚንዶ ማጻ̈ፋ ጋልዳ ጻ̈ፋራ ኤፍሶ̈ና፣ ሴርሜኔሳ፣ ጴርጋሞ̈ና፣ ታጥሮ̈ና፣ ሴርዴ̈ሳ፣ ፊላ̈ዴልፋኬ ሎዶ̈ቃ ዪን ታብዛ ዎ̈ሳ ኬ̈ን ጋርታ ሚሻቤ” ጌይዴ።

ሳጻ 1:11 ပူးပေါင်းရင်းမြစ်များ

ሃዋ̈ራታን ኦ̈ሳ 16:14

ኑ ሶ̈ላዚምባ̇ር ሲስኪ̇ዝ ማጫ̇ን ጋርታ̇ ታ̈ጢሮ̈ና ካታሚን ጋርታ̇ፖ̇ ዬይኖ ዞቃ ኣፊላ ዛልኣዝ ሊ̈ዲያ ጋ̈ዝ ፔቲ̇ ማጫ̇ዶ̈ር ዎ። ኢዛ ጾ̈ሳ̇̇ብ ጎሽታ̇ዝ ኣሴ። ጾ̈ሳ̇̇ር ኢዝ ቡ̈ዲን ፊርቂ̇ኖኮታ̇ቦ ጳ̈ውሎ̈ሲ ሶ̈ላ̈ዚም̇ባር ዋይሳ ሲስካ̇̈ሬ።

ሃዋ̈ራታን ኦ̈ሳ 18:24

ኢስኪንዲ̇ራ ጋዶ̇ ኣስ ማ̈ቂ̇ኖ ኣጵሎ̈ሳ ጌይዛ̈ዲ ኤፍሶ̈ና ጋዳ̇ ዬይዴ። ና̈ሳ ዪ̈ዲ ኮሽ̇ ታማ̈ሪኖ፥ ጌ̈ሻ̇ ማጻ̈ፋር ኮሺንቺ̇ ኤሪዝ ኣሴ።

ሃዋ̈ራታን ኦ̈ሳ 20:17

ጳውሎ̈ሲ ሚሊጦ̈ናፖ̇ ኣስ ሚሻሪ ኤፌሶ̈ና ዎ̈ሳ ኬ̈ ጪ̇ጛሻን ፌ̈ክ ጼይጊሲዴ።

1 ቆሮ 15:32

ኣሲ ማ̈ታ ባዝባር ቡቲቲዛዲፌ̈ኒ ታ̈ኒ ኤፍሶ̈ና ካታማ ኣሳንባር ቡቲቲኖንዳ ሜላ̇ ዓሪ ታስፋ ባዮ̇ ኣሳንፌ̈ንኮ ቴ ዋ̈ዪንዳ ሜላ̇ ዓሪዬ። ዪዚ ዓይቂ̇ኖ ኣሲ ዲንዲባ̈ስኮ “ጊያ̈ብ ኑ ዓይቂ̇ዛኮታ̇ቦ፥ ዓይ ዬብቴ፤ ሙይስቶ፤ ኡሽኪ̇ስቶ” ጌይኖንዲፌ̈ን ማ̈ቃ̇̈ሬ።

1 ቆሮ 16:8

ዎቲናካሬ ጴ̈ንጣቆ̈ስጣ ባ̈ሊን ዬሊ̇ዝ ዲራስ ታ̈ኒ ዓንዳ ኤፍሶ̈ና ካታሚን ጋርታ ጋምኣንዳ።

ኤፍ 1:1

ዬሱ̈ስ ክርስቶ̈ሳ ኣማ̇ኒኖ ጾ̈ሳ̇ ዎርዣ [ኤፊሶ̈ና ዎን!] ጾ̈ሳ̇̇ ቆፊንዲፌ̈ን ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ታ ጳውሎ̈ሲ፥ ጾ̈ሳ̇ ኑ ባ̈ባዲኬ ኑ ጎዳ ዬሱ̈ስ ክርስቶ̈ሳ ኮሺ̇ቲንዲኬ ሳሪቲን ዪንታ̇̇ብ ማ̈ቆ̇ ጋ̈ሬ።

ቆላ̈ሳ̈ሳ 2:1

ዪንታ̇ኮታ̇ቦ፥ ሎዶ̈ቃ ካታሚን ጋርታ̇ ዎ ኣሳንብኬ ታ̈ና ቤቂ̇ ኤሪባ̈ሶ ኣሳን ዎይ ማ̈ዳ̇ንዳቦ ጋ̈ራ ታ̈ኒ ዎዛርፌ̈ን ዋ̈ያሙታ ዎኮ ዪንቲ̇ ኤራምፔ̈ን ቴ ኮያ̈ሬ።

1 ጢማ̈ 1:3

ታ̈ኒ ሜ̈ቂዶ̈ና ሉካ̈̇ርዶራ ኔ̈ኮ ዓዳራ ጌይኖንዲፌ̈ን ፔቲ̇ ፔቲ̇ ኣሳን ማቃ ቲሚርታ ታማ̈ርሳካ̇ዮ̈ዲፌ̈ኒ ዎታንዳቦ ኔ̈ኒ ኢና ኤፍሶ̈ና ዶ̈ኣቤ።

ሳጻ 1:17

ቴ ኢያ ቤቃ̇ራ ዓይቂ̇ኖ ኣስፌ̈ን ማ̈ቃ̇ራ ኢ ቶሂን ጻና ኬዳ̇ዴ፤ ኢያር ፌ ኡሻቻ̇ ኩሺን ታ ጋልዳ ጋዳ̇ሪ ታ̈ኮ ዪዝ ጌይዴ “ኢ̈ጫፔ፤ ቲ̈ኖ̈ዳሬ ጋሶ̈ዳሬ ታ̈ና፤

ሳጻ 1:19

ዪዚ ኔ ቤቂ̇ኖንዶ፤ ዓት ዎንዲኬ ቢርት ጋስ ዬ̈ዚን ጻ̈ፋቤ።

ሳጻ 1:2

ዋ̈ኒ̇ሳሬ ጾ̈ሳ̇̈ ቃ̈ሊን ጎይ፥ ዬ̈ሱ̈ስ ክርስቶ̈ሲ ቤይሲኖ ኪን ባዚን ጎይኬ ማ ፌ ቤቂ̇ኖ ባዛን ዎይ ማርኪቲዴ።

ሳጻ 1:20

ቴ ኡሻቻ̇ ኩሺን ጋርታ ኔ ቤቂ̇ኖ ታብዛ ቤ̈ርሳንኬ ታብዛ ዎርቃ ጋልዳፖ ኮቺ̇ኖ ማቅራዛን ቢርሺቺንዳ ዓኖ̇፦ ታብዛ ቤ̈ርሳን ታብዛ ዎ̈ሳ ኬንቦ ኪ̈ታንቻን፤ ፎኢን ጋዲ̇ዝ ታብዛ ኢቃን ታብዛ ዎ̈ሳ ኬ̈ን።

ሳጻ 1:4

ቴ ዋ̈ኒሲ ኢ̈ሳ ጋዳ̇ ዎ ታብዛ ዎ̈ሳ ኬ̈ንቦ፦ ሚናር ዎ፤ ዓታ̇ር ዎ፤ ጊዳክ ዬይዛ ጾ̈ሳ̇ ጋልዳፖ፥ ማ ኢ ዙፋ̈ና ቲ̈ን ዎን ታብዛ ኣያ̇ናን ጋልዳፖኬ ዓይቃ ጋርታፖ ዲንዳባር ቲ̈ን ኡስ̇ ማ̈ቂ̇ኖ፥ ሳ̈ዝ ጋልዶ ካ̈ቲንታን ዎይ ኣቂሲዛ፥ ኣማ̇ኒንቲ̇ኖ ማርካ ማ̈ቂኖ ዬሱ̈ስ ክርስቶ̈ሳ ካንንዲኬ ኢ ሳሪቲን ዪንታ̇ብ ማ̈ቆ̇ ጋ̈ሬ። ኑ̈ና ካኖ̈ቤኬ ፌ ሱ̈ንባራ ኑ ናጋሪን ጋልዳፖ ኑ̈ና ናጻ ኬሲ̇ኖ̈ንቦ፥

ሳጻ 1:8

ሚናፖ ዎ፥ ዓታ̇ር ዎ፥ ጊዳክ ዬይዛ ዎይን ዳንዳ̇ኢዛ ጎዳ ጾ̈ሳ̇̈ዲ “ኣልፋሬ ኦሜ̈ጋር ታ̈ና!” ጌይሬ።

ሳጻ 10:4

ታብዛ ዳዳን ፌ ጊርሲ̇ን ሲሲ̇ኖፖ ዓኒ ታ̈ኒ ቴ ሲስኪ̇ኖን ኤሊ̇ር ጻ̈ፋንዳብ ቆፓ̇ዴ፤ ዎቲናካሬ “ታብዛ ዳዳን ሶ̈ሊኖን ሚስጢራባር ኤ̈ብዶኬ ጻ̈ፋፔ̇” ዪዝ ጌይዝ ጊርስ ኣፋፖ ቴ ሲስካ̇ዴ።

ሳጻ 14:13

ኣፋፖ፤ “ዓና̇ ጻ̈ፋቤ! ዓኒ̇ፖ ጌዳ ጎዳ ዬሱ̈ሳ ኣማ̇ናሪ ዓይቂ̇ዛን ኢንቲ̇ ኣንጂ̇ንቲ̇ኖንሴ!” ጋ̈ዚን ሲስካ̇ዴ። ጌ̈ሻ̇ ኣያ̇ና̈ዳሬ “ኣዓ̈! ኢንቲ̇ ፌ ዳ̈ቡርሲን ጋርታፖ ሼምፓምፔ̈ን ኢንታ ኦ̈ሲንዳ ኢንታ ዎሂን ዬ̈ሬ” ጌይሬ።

ሳጻ 19:9

ዪኒ̇ፖ ዓኒ ኪ̈ታንቻ̇̈ዲ ታ̈ኮ “ዶራ̈ ኢሳ̇ ጋርታ ጊብዣ ሞ̈ንዳብ ጼይጊንቲ̇ኖን ኣንጂ̇ንቲ̇ኖን” ጋ̈ራ ጻ̈ፋቤ ጌይዴ፤ ማ ጉጃ̇ሪ “ዪና̇ ጾ̈ሳ̇ኮ ኪን ቃ̈ላ” ጌይዴ።

ሳጻ 2:1

ኤፊሶ̈ና ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፦ “ታብዛ ቤ̈ርሳን ፌ ኡሻቻ ኩሽታ ኤ̈ኖ̈ዲኬ ታብዛ ዎርቃ ማቅራዛን ጊዳ̇ ቢሪንቲ̇ዛ̈ዲ ሶ̈ሊኖ ሶ̈ላ፤

ሳጻ 2:12

ጴርጋሞ̈ና ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፤ ናምኢ ጎይን ዎይ ሌ̈ፊንቲ̇ኖ ማሺ̇ ኤ̈ኖ ሶ̈ሊኖ ሶ̈ላ፤

ሳጻ 2:18

ታ̈ጢ̈ሮና ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፦ ታማ ላ ማይጺዝ ኣፊ ዎዳኬ ቦልቂዝ ና̈ሳ ሲሊን ማይጺዝ ቶሂ ኢብ ዎ̈ ጾ̈ሳ̇̈̇ ናኣ̈ዲ ሶ̈ሊኖ ሶ̈ላ፤

ሳጻ 2:24

ታ̈ጢሮ̈ና ዎን ዪና̇ ኢ̈ታ ቲምርቲ̇ን ኤካካ̇ዮን ዎይኬ ማ ፔቲ̇ ፔቲ̇ ኣሳን ‘ዓና̇ ሴ̈ጣናኮ ጴች ሚስጢራ’ ጌዪ ጼይጋዝ ባዚንዶ ኣማ̇ኒባ̈ሶ ኣሳን ዪንታ̇ቦ ቴ ሜላ ዎይሊን ዴ̈ጺ̇ዝ ባዝ ዪንታ̇ ኪ̈ታ̇ባሴ፥

ሳጻ 2:8

ሴምሪኔ̈ሳ ዎ̈ሳ ኬ̈ ኪ̈ታንቻ̇̈ቦ ዪዝ ጋ̈ር ጻ̈ፋቤ፦ ቲ̈ኖዳሬ ዉርሲዳ̇ር ኢያ ማ̈ቂ̇ኖ፥ ዓይቃ̇ሪ ማ ዓይቃ ጋርታ̇ፖ ዲንዳር ሼምፓባር ዎዲ ሶ̈ሊኖ ሶ̈ላ፤

ሳጻ 21:5

ዙፋ̈ኒን ጋልዳ ዶኢኖዳሬ ታ̈ኮ “ቤቂ̇ብቴ! ታ̈ኒ ዎይ ባዝ ኦራ ማሃንዳ!” ጌይዴ ኢናፖ “ዪ ቃ̈ላ̈ዲ ኣማ̇ኒንቲ̇ኖዳኬ ኪን ማ̈ቂ̇ኖኮታ̇ቦ ጻ̈ፋቤ” ጌይዴ።

ሳጻ 22:10

ዓታ̇ር ማ̈ቃ̇ር ታ̈ኮ “ኬሊ̇ን ኡኪ̇ኖኮታቦ ዓና̇ ማጻ̈ፊን ጋርቶ ካ̈ያ ቃ̈ሊን ኣ̈ቻ̇ር ጋዳፔ̇፤

ሳጻ 22:16

“ቴ ዬሱ̈ሲ፥ ዪኖ̇ ዪንታ̇ብ ማርኪታምፔ̈ን ቴ ኪ̈ታንቻ ዎ̈ሳ ኬ̈ንቦ ሚሺኔ፤ ታ̈ኒ ዳ̈ዊታ ኮችኬ ኢ ዜር፤ ማ ፎኢሲዝ ዎን ቤርሴ።”

ሳጻ 3:1

ሳርዴ̈ሳ ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፤ ጾ̈ሳ̇̈ ኣያ̇ና ታብዛንኬ ታብዛ ቤ̈ርሳን ፌ ኩሽታ̇ ኤ̈ኖ ሶ̈ሊኖ ሶ̈ላ፤ ኔ ኦ̈ሲን ቴ ኤራ̈ሬ፤ ሱ̈ምቦ ኔ̈ኒ ሜላ̇ ሼምፓ ዎ ጌዪንታ̇̈ርዶኬ ኔ̈ኒ ዓይቂ̇ኔ።

ሳጻ 3:14

ሎ̈ዶቃ ዎ̈ሳ ኬ̈ን ኪታንቻ̇̈ቦ ዪዝ ጋ̈ር ጻ̈ፋቤ፦ “ኣሚንኤ ማ̈ቂ̇ኖ፥ ኪንኬ ኣማ̇ኒንቲኖ ማርካ̇፥ ጾ̈ሲ̈ ኮቺ̇ኖ ባዝ ዎይቦ ላ̈ ማ̈ቂ̇ኖ ሶ̈ሊኖ ሶ̈ላ፦

ሳጻ 3:4

ዎቲናካር ናጋራባር ፌ̈ና ኢ̈ሳ̇ካ̇ዮ ሙቃ̇ ኣሳን ሳርዴ̈ሳ ጋርታ̇ ኔባር ዎ፤ ኢንቲ ቦ̈ርስ ኣፊላ ማኣሪ ታባር ዬንዳቦ ቤይሲ̈ሬ።

ሳጻ 3:7

ፊላ̈ዴልፋ ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፤ ጌ̈ሽ̇ኬ ኪን ማ̈ቂ̇ኖ፥ ዳዊታ ቁልፊን ፌ ኩሽታ̇ ኤ̈ኖ̈ዲ ሶ̈ሊኖ ሶ̈ላ፦ ኢ ፊርቂኖን ኦ̈ናካር ዪብጺ̇ባ̈ሴ፤ ኢ ዪብጺ̇ኖንዳር ኦ̈ናካር ፊርቂ̇ባሴ።