3 ዪና̇ ኢዝባራ ሙ̈ሳኬ ኤ̈ላ̈ሳኬ ዎልኣ ዬሱ̈ሳባር ሶ̈ሊንታ̇ምባር ኢንቲ̇ ቤቂ̇ዴ።
ኢና ኢንታ̇ ቲ̈ን ኢ ማልካ ላ̈ሚንቲ̇ዴ፤ ኢ ዴ̈ማ̈ባራ ኣዋፍፌ̈ን ፎኢሲዴ፤ ኢ ኣፊላዳሬ ቦ̈ራሪ ፎኢንፌ̈ን ማ̈ቂ̇ዴ።
ጴ̈ጥሮ̈ሲ ዬሱ̈ሳኮ “ጎዳ̈ዶ! ኑ ዓንዳ̇ ዶኢ̈ርኮ̇ ኑ̈ብ ኮሼ̇፤ ዪዚ ኔ ዶሳ̈ርኮ̇ ዓይዚ̇ ዉዳ ኔ̈ብ ፔታ̇ኒ፣ ሙ̈ሳብ ፔታ̇̈ኒ፣ ኤ̈ላ̈ሳብ ፔታ̇ን ዉዳስቶ” ጌይዴ።
ዪና̇ ኢዝባራ ሙ̈ሳኬ ኤ̈ላ̈ሳኬ ዬሱ̈ሳባር ሶ̈ሊንታምባር ኢንታ̇ብ ቤንቲ̇ን፥
ኣያ̇ናባርኬ̇ ዎልቃ̇ባራ ናባ ኤ̈ላ̈ሳፌ̈ን ማ̈ቃ̇ሪ ዎርዣ̈ ጎዳ̈ቦ ጊ̈ጊሳ̇ንዳቦ ጎዳ ዬሱ̈ሳፖ ቲ̈ኒታሪ ኦ̈ሳ ዣማ̇ሪ̈ሬ፤ ባ̈ቢንታ̇ን ፌ ናኣን ማሂ ካምፔ̈ን ዎቲ̈ሬ፤ ማ ኪ̈ቲንቲባ̈ሶ ኣሳን ቡ̈ዲን ጺላ̇ ኣሳን ኤሪንኮ̇ ማሂ̈ሬ” ጌይዴ።
“ሙ̈ሳ ሂጊ̇ንዲኬ ናባን ማጻ̈ፋ ጋልዳ̇ ጻ̈ፊንቲ̇ኖ̈ንዶ ጻማ̇ቂዛ ዋ̈ኒ̇ሲ ዬይኖ ኬል̇ ዲራ̈ስ ኣሲ ዎይ ኢዝቦ ኪ̈ቲንቲ̇ ጋምኢንዶ̈ኒ፥ ኢናፖ̇ ዓኒ ጾ̈ሳ̇̇ ካ̈ቲቲ ዎጛላ ሳባ̇ኪንቲ̇ኔ። ኣሲ ዎይ ኢና ጌላንዳ̇ቦ ዎይሊን ዋንቲ̈ሬ።
ሙ̈ሳኬ ናባን ዎይንፖ̇ ኤ̈̇ር ጌ̈ሻ̇ ማጻ̈ፋን ጋዳል ኢ ባዝ ጻ̈ፊንቲ̇ኖን ኢንታ̇ብ ሶ̈ሊ ኤሪሲዴ።
ኢያር ኢንታኮ “ቴ ዪንታ̇ባር ዎ ኬሊ̇ንባራ፥ ሙ̈ሳ ሂጋ̇ ጋልዳ፥ ናባን ማጻ̈ፋ ጋልዳኬ ማዝሙራ ማጻ̈ፋ ጋልዳ ታ ባዝ ጻ̈ፊንቲ̇ኖ ዎይ ፎቲንታ̇ንዳ̇ብ ኮሺ̇̈ሬ ጋ̈ር ቴ ዪንታ̇ብ ሶ̈ሊኖ ቃ̈ሊን ዓኒ̇ሼ” ጌይዴ።
ኣሳን ዬሱ̈ሳ ላፋፖ ሉካ̇ምባራ ጴ̈ጥሮ̈ሲ ጋ̈ሪ “ጎዳ̈ዶ! ኑ ዓንዳ̇ ዶኢ̈ርኮ̇ ኑ̈ብ ኮሼ̇። ዪዚ ዓይዚ̇ ዉዳ ኔ̈ብ ፔታ̇ኒ፣ ሙ̈ሳብ ፔታ̇ኒ፣ ኤ̈ላ̈ሳብ ፔታ̇ኒ ዉዲስቶ̇” ጌይዴ። ኢ ዪኖ̇ ኣብዝ ሶ̈ሊርካሬ ኤሪባ̈ሴ።
ጾ̈ሳ̇̇ ሂጊ̇ን ሙ̈ሳ ጎይባራ ኢሚ̇ንቲ̇ንዶ̈ን፥ ማ̈ሪቲኬ ኪንቲ ዬሱ̈ሳ ጎይስባር ዬይኔ።
