34 “ናባን ዎዛንኬ ዪንታ̇ክ ኪ̈ቲንታ̇ር ሉኪ̇ኖ ኣሳን ሹችባር ቆጺ̇ ዎዝ ዬሩሳ̈ላም ኣሳን! ኩቶ ፌ ናኣን ፌ ካ̈ፒ̇ን ጻና ሺ̈ሻ̇ዚንዲ̇ፌ̈ኒ ታ̈ኒ ዪንታ̇ ሺ̈ሻ̇ንዳ̇ብ ኣ̈ፊን ቶህ ኮዪን ዪንቲ̇ ኢጺ̇ዴ።
ካ̈ታ̈ዲ ጼይጊንቲ̇ኖ ኣሳን ኢሲ̇ን ጋርታ̇ ዬ̈ምፔ̈ን ኣሳንቦ ሶ̈ሎ ጌዪ ፌ ኣሽካራን ኢንታ̇ክ ሚሺዴ። ዎቲናካሬ ኣሳን ኢሲ̇ን ጋርታ ዬብዳ̇ ጌዪ ኢጺ̇ዴ።
ማ ኣቲ̇ኖን ኢ ኣሽካራን ኤ̈̇ ቡኪ̇ ዎዴ።
“ና̈ራ ኢሻ̈ዲ ዛልቃ̇ሪ ኣ̈ል ጌላብዳ̇ ጌይን ባ̈ባ ዛ̈ና ኬስካ̇ሪ ኬ̈ ጌላምፔ̈ን ኢያ ጌሺዴ።
ኔ̈ናኬ ኔ ጋርታ̇ ዶኢዝ ኣሳን ዎይ ይሲ̇̈ሬ። ላ̈ሊ̇ንታ̇ካ̇ይ ዎልጋል ኬ̈ሊንቲኖንዲፌ̈ን ኣቲ̇ዝ ፔቲ̇ ሹቻ̇ር ባዬ̇። ዪና̇ር ማ̈ቃ̇ዚንዳ̇ ጾ̈ሲ̇ ኔ̈ና ፋንዳቦ ዬይኖ ኬሊ̇ን ኔ ኤራካ̇ይ ኣቲ̇ኖኮታ̇ቦ” ጌይዴ።
ዬሱ̈ሲ ቢሪንታ̇ር ኢንታኮ “ዬሩሳ̈ላም ጋዶ̇ ማጫ̇ን! ዪንቲ̇ ዪንታ̇ ቆማ̇ብኬ ዪንታ̇ ናኣንቦ ዬ̈ኪብቴዶኬ ታ̈ብ ዬ̈ካፒ̇ቴ!
ዪንታ̇ ባ̈ቢንታን ዳካካ̇ዮ ናቢ ዎ? ሜላ ኣቲ̇ን ‘ጺላ̇ ዬይሬ’ ጋ̈ሪ ቲ̈ኒታር ሶ̈ሊኖ ናባንር ዎ̈ኔ፤ ዪንታ̇̇ሬ ኢያ ዓይቃብ ዓ ኢሚ̇ዴ ማ ዎ̈ዴ።
ኣሳን ኢስጣፋ̈ኖ̈ሳ ቆጻ̇ምባራ ኢ “ጎዳ̇ ዬሱ̈ሶ! ቴ ሼምፒ̇ን ኔ̈ክ ኤካ̇ቤ!” ጋ̈ሪ ዎ̈ሲ̇ዴ።
ሳ̈ኦ̈ላር ኢስጣፋ̈ኖ̈ሲ ዓይቃ̈ዚን ኮሼ̇ ጌይ ኣሳ̈ባር ዎል ፔቲ̇ ቆፊ ኤ̈̇ኔ። ኢስጣፋ̈ኖ̈ሲ ዓይቃ̇ዝ ቃሚ̇ን ዬሩሳ̈ላም ዎ ኣማ̇ኒዝ ኣሳን ጋልዳ ሚ̈ን ዳሲ̇ ዬይዴ። ሃዋ̈ራታን ሙታ̇ ኣቲ̇ንዶኬ ኣማ̇ኒዝ ኣሳ ሜላ ዎይ ዪሁዳኬ ሳማ̈ራ ጋዳ̇ ዎይ ላ̈ሊንቲ̇ዴ።
ኢንታ ኣሂንዳሬ ምሳሊባር ሶዳ̇ማ ዎይ ጊብጻ ጌይንታ̇ ጼይጊንታ̇ዝ ጴቻ ካታሚን ጋርታ ኣሲ ሺቂዝ ቤሳ̇ ጋልዳ ቶጚንታ̇̈ሬ፤ ዪና̇ ካታሚንዳ ሚን ኢንታ ጎዳ ሶቲንቲ̇ኖ ካታሚንዶ̇።