ሉቃ̈ሳ 11:9 - ኦራ ጫ̈ቃ ማጻ̈ፋ

⁹ “ዪዚ ታ̈ናር ዪንታ̇ክ ጋ̈ዚንዳ፥ ጾ̈ሳ̇̇ ጌሺብቴ̇ ኢ ዪንታ̇ብ ኢሚ̇̈ሬ፤ ኮዪብቴ̇ ኢ ዪንቲ ዲጚ̈ሬ፤ ካሪን ቆንኪ̇ብቴ̇ ኢ ዪንታ̇ብ ፊርቂ̇̈ሬ።

ሉቃ̈ሳ 11:9 ပူးပေါင်းရင်းမြစ်များ

ማ̈ቶ̈ሳ 21:22

ዪንቲ̇ ኣማ̇ና̇ባር ጾ̈ሳ̇̇ ጌሺዝ ባዝ ዎይ ኤኪ̇̈ሬ” ጌይዴ።

ማ̈ቶ̈ሳ 21:31

ዪዚ ናኣን ናምኣን ዪን ጋርታ̇ፖ̇ ባ̈ባ̈ ኪ̈ቲ̇ን ፎቲኖ ዎ̈ዲያ?” ጌይን ኢንታ̇ር ኢ̈ኮ “ቲ̈ኖ ና̈ራ̈ዳ!” ጌይን፥ ዬሱ̈ሳር ኢንታ̇ኮ “ቴ ዪንታ̇ክ ኪን ጋ̈ሬ፥ ናጋራንቻ̇ንኬ ኦሎ̇ላ ጋዲዝ ኣሳን ዪንታ̇ፖ̇ ቲ̈ኒታር ጾ̈ሳ̇̇ ካ̈ቲቲ ጋርታ̇ ጌሊ̈ሬ።

ማ̈ቶ̈ሳ 6:29

ማ̈ቂ̇ናካሬ ሜላ ኣቲ̇ን ጴች ቦንቺ̇ንቲኖ ሶሎሞ̈ኒ ዪን ቡናን ጋርታ̇ፖ̇ ፔታ̇ኒንዲፌ̈ን ኣፊላ ማኣካ̇ዬ።

ማ̈ርቆ̈ሳ 11:24

ዪ̈ኮታ̇ቦ ቴ ዪንታ̇ክ ጋ̈ዚንዳ፥ ዎ̈ሳባር ዪንቲ ጌሺኖ ባዛን ዎይ ኤኪ̇ኖ̈ዲፌ̈ን ኣማ̇ኒብቴ̇ ዪንታ̇ብ ማ̈ቂ̇̈ሬ።

ማ̈ርቆ̈ሳ 13:37

ቴ ዪንታ̇ብ ሶ̈ሊኖንዲፌ̈ኒ ሜላንባር ዎይ ሚ̈ጚብቴ ጋ̈ሬ” ጌይዴ።

ሉቃ̈ሳ 11:10

ኣባ ጌይን ጌሺዝ ኣሲ ዎይ ኤኪ̇̈ሬ፤ ኮዪዝ ኣሲ ዴጚ̈ሬ፤ ካራ ቆንኪ̇ዝ ኣሳቦ ፊርቂ̇ንቲ̈ሬ።

ዋ̈ኒ̇ሳ 14:13

ባ̈ባ̈ዲ ፌ ናኣ ጎይባራ ቦንቺ̇ንታምፔ̈ኒ ዪንቲ̇ ቴ ሱ̈ምባር ጌሺዝ ባዝ ዎይ ቴ ዪንታ̇ብ ኦንዳ።

ዋ̈ኒ̇ሳ 15:16

ቴ ዪንታ̇ ማራ̇ጺንዶኬ ዪንቲ̇ ታ̈ና ማራ̇ጻካ̇ዬ፤ ዪንቲ̇ ሉ̈ካ̇ሪ ዎይሊን ኣ̈ፍ ካጻ̇ምፔ̈ን ማ ካጺ̇ኖ ኣ̈ፊንዳር ያካ̇ይ ዶኣምፔ̈ኒ ቴ ዪንታ̇ ኦ̈ሳ ጋ̈ልዳ ሹ̈ማዴ። ዪዚ ዪንቲ̇ ቴ ሱ̈ምባር ዎ̈ሲዝ ባዝ ዎይ ቴ ባ̈ባ̈ ዪንታ̇ብ ኢሚ̇̈ሬ።

ዋ̈ኒ̇ሳ 15:7

ዪንቲ̇ ታባር ፔታ̇ን ማ̈ቃ̇ር ዶኤጌይንዶ̇ ቴ ቃሊንዳ̇ር ዪንታ̇ባር ዶኤጌይን፥ ዪንቲ̇ ኮዪኖ ባዝ ዎይ ጌሺብቴ ቴ ዪንታ̇ብ ኢማ̇ንዳ።

ዋ̈ኒ̇ሳ 4:10

ዬሱ̈ሳር ኢዝኮ “ጾ̈ሳ̇̇ ኢሚ̇ዝ ባዝኬ፥ ማ ኔ̈ክ ‘ታ̈ና ዋ̈ ታ̈ና ኡሺ̇ሼ’ ጌይዛ ኢ ኦ̈ናኮ ኔ ኤሪኖኮ፥ ኢያ ጌሻንዳ̇ ኮሻ̇ዚን ኔ̈ናዶ̈ን፥ ኢያር ኔ̈ቦ ሼምፓ ኢሚ̇ዝ ዋ̈ ኢሚ̇̈ርዶ̈ን” ጌይዴ።

ሮሜ 2:7

ኮሽ̇ ኦሳ̇ ሚ̈ጛር ኦ̈ሙታ̇ ቦንችኬ ዪባ̈ሶ ሼምፓ ዲጛንዳቦ ኮዪዛንቦ ጾ̈ሳ̇̇̈ዲ ሜናብ ሼምፓባር ዶኢ ኢሚ̇̈ሬ።

2 ቆሮ 6:2

ጾ̈ሳ̇̇̈ዲ፦ “ቴ ኮዪኖ ኬል̇ባራ ኔ ጋ̈ዚን ሲስካ̇ዴ! ቴ ኔ̈ና ፋንዳብ ኮዪኖ ኢዝ ቃሚ̇ን ኔ̈ና ማ̈ዳ̇ዴ!” ጌይሬ፤ ዪዚ ጾ̈ሲ ኮዪኖ ቃሚ̇ንዳ ዓቴ̇፤ ፋጻዝ ቃሚ̇ንዳር ዓቴ̇።

ኢብ 11:6

ኣማ̇ና ባዪዶን ጾ̈ሳ̇ ኡፋይሳ̇ንዳብ ዳንዳኢንቲ̇ባ̈ሴ፤ ጾ̈ሳ̇ክ ሺ̈ቂዝ ኣሲ ጾ̈ሲ ዎንዴኬ ማ ኢያ ቡ̈ዳ ጋርታ̇ፖ ኮዪዝ ኣሳንቦ ኢንታ̇ ጋቲን ኢንታ̇ብ ኢሚ̇ዛ ማ̈ቂኖን ኣማ̇ናንዳብ ኮሺ̇̈ሬ።

ኢብ 4:16

ዪዚ ኑ̈ኒ ማ̈ሪቲ ኤካ̇ንዳብኬ ኑ̈ብ ኮሺ̇ኖ ኬል̇ባራ ኑ̈ና ማ̈ዲ̇ዛ ጾ̈ሳ̇ ኮሺቲን ዲጛንዳቦ ኢ ኮሺቲን ቤንታ̇ዝ ኢ ቲ̈ኒንኮ ሺ̈ቂስቶ።

ዓይ 1:5

ዪንታ̇ ጋርታፖ ኤሪ ጉ̈ጺ̇ኖ ኣሲ ዎኮ ኢ ኦ̈ናካር ሌቃካ̇ይ ኣባካር ሱ̈ቂታካ̇ይ ዎይ̈ብ ኢሚ̇ዛ ጾ̈ሳ̇̇ ጌሼጌይን ኢ̈ብ ኢሚ̇ሬ።

ዓይ 5:15

ኣማ̇ናባር ዎ̈ሲ̇ኖ ዎ̈ሲንዳ ማኖ ፋ̈ሬ። ጎዳ̈ዳር ኢያ ዲን̈ሬ። ኢ ናጋራ ኦ̈ናካራሬ ኢ̈ብ ኣቶ̇ ጌዪንቲ̇̈ሬ።

1 ዋ̈ኒ̇ 3:22

ኑ̈ኒ ጾ̈ሳ̇ ኪ̈ቲን ፎቲ̇ዛ̈ንኬ ጾ̈ሳ̇ ኡፋይታ̇ዝ ባዚን ኦ̈ዛን ማ̈ቂ̇ኖኮታ̇ቦ ኑ̈ኒ ጌ̈ሺዝ ባ̈ዛን ዎይ ኢ ኑ̈ብ ኢሚ̇̈ሬ።

ሳጻ 2:24

ታ̈ጢሮ̈ና ዎን ዪና̇ ኢ̈ታ ቲምርቲ̇ን ኤካካ̇ዮን ዎይኬ ማ ፔቲ̇ ፔቲ̇ ኣሳን ‘ዓና̇ ሴ̈ጣናኮ ጴች ሚስጢራ’ ጌዪ ጼይጋዝ ባዚንዶ ኣማ̇ኒባ̈ሶ ኣሳን ዪንታ̇ቦ ቴ ሜላ ዎይሊን ዴ̈ጺ̇ዝ ባዝ ዪንታ̇ ኪ̈ታ̇ባሴ፥