3 ዪዚ ዪንቲ̇ ሉኪ̇ብቴ፤ ቴ ዪንታ̇ ዶራንፌ̈ን ዬያ ጊዳ̇ባር ሚሻ̈ሬ።
“ቴ ዪንታ̇ ዶራንፌ̈ኒ ዬያን ጊዳ̇ ሚሻ̈ሬ፥ ዪ̈ኮታ̇ቦ ዪንቲ̇ ሾ̈ሽፌ̈ኒ ኤጫ ዶላፌ̈ኒ ኣሽካ ማ̈ቂ̇ብቴ̇።
ዪንቲ̇ ታ̈ና ኣማ̇ናዚንኮታ̇ ኣሲ ዎይ ዪንታ̇ ኢጺ̇̈ሬ፤ ዎቲናካሬ ዉርሲ ዬሊ̇ዝ ዲራ̈ስ ሚ̈ጛር ኤቂ̇ዝ ኣሲ ኢ ፋጺ̈ሬ።
ዪንቲ̇ ማቃ ናባን ጋልዳፖ ዪንታ̇ ና̈ጊብቴ̇። ኢንቲ̇ ፌ ጋልዳ ዶሪ ሻ̈ቻ ማኣሪ ዶሪ ማይጺ̈ርዶሪ ጋርታ ቡሪዝ ዬ̈ያ።
ዪንቲ̇ ሉኪ̇̈ርዶሪ ሚ̈ሺ̇ ኤ̈̇ዝ ቃርጺሪ̈ታ ዎይ ኮራጃ̇ ዎይ ጫ̈ማ̇ር ማ̈ቂ̇ን ኤ̈ፒ̇ቴ። ጎይም ጋልዳ̇ ኦ̈ናካር ሳሮ ጋፒ̇ቴ።
ሚ̈ሺ̇ ጪጊ̇ን ዬጚዝ ኣሲ፥ ዶራን ኢያይ ጊዳካዮኮታ̇ብኬ ኢያር ኪን ዬን ኣስ ማ̈ቃካ̇ዮኮታ̇ቦ፥ ዬ̈ያ ዬዬ̈ጌይንዶ ዶራን ኣሻ̇ሪ ፌ ቆሚ̇ን ዎጺ̇̈ሬ፥ ዬ̈ያ̈ዳር ዶራን ላ̈ሊ̇̈ሬ ማ ዶካ̇ን ኤ̈̇̈ሬ።
‘ኣይላ ፌ ላፖ̇ ሺባ̈ሴ’ ጋ̈ር ቴ ዪንታ̇ብ ሶ̈ሊኖን ቆ̈ፒ̇ብቴ፤ ታ̈ና ዳኪ̇ኖኮ ዪንታ̇ር ዳኪ̇̈ሬ። ቴ ቃ̈ሊምቦ̇ ኪ̈ቲንቲ̇ኖኮ ዪንታ̇ ቃ̈ሊንባሬ ኪ̈ቲንቲ̇̈ሬ።
ኣሳን ኣይሁዳ ዎ̈ሳ ኬ̈ ጋርታ̇ፖ̇ ዪንታ̇ ዳኪ̇ ኬሲ̇̈ሬ። ማ ዪኒፖ̇ ኣ̈ር ዪንታ̇ ዎዝ ኣሲ ዎይ ፌ̈ና ጾ̈ሳ̇̇̈ቦ ኦ̈ዝ ኣስፌ̈ን ፋይዲንቲ̇ዝ ኬሊ̇ ዬይሬ።
ቴ ሉኪ̇ኖፖ̇ ዎሃ ኣማ̇ኒኖ ኣሳንቦ ሚጪንቲ̇ባ̈ሶ ዬ̈ያፌ̈ኖ ኢ̈ት ውጫ ኣሳን ዪንታ̇ ጋርታ̇ ጌላዚን ቴ ኤራ̈ሬ።
ኢ ቴ ሱ̈ምንቦ ጋ̈ሪ ዎዛርፌን ሜታ ኤካ̇ንዳብ ኮሺ̇̈ርኮ ቴ ኢያ ቤይሳንዳ” ጌይዴ።
ጎዳ̈ ኣማ̇ኒዝ ኣሳን ኣቲናንር ማ̈ቆ ማጫ̇ንር ኢና ዲጜጌዪን ቃቺ̇ሻር ዬሩሳ̈ላም ኤሄ̈ንዳብ ዳማ̈ስቃ ዎ ኣይሁድ ዎ̈ሳ ኬ̈ን ጋርታ̇ ዎ ኣላቃንብ ኪ̈ታ̇ ጻፋር ሚሻምፔ̈ን ቄ̈ሳ ኣላቃንቦ ኣላቃ ጌሺዴ።
