ሉቃ̈ሳ 1:2 - ኦራ ጫ̈ቃ ማጻ̈ፋ

² ዓና̇ ታ̈ሪኪን ኑ̈ብ ኣ̈ኖን ቲ̈ን ፌ ኣ̈ፊንባር ቤቂ̇ኖንኬ ጾ̈ሳ̇̇ ቃሊን ታማ̈ርሲኖን።

ሉቃ̈ሳ 1:2 ပူးပေါင်းရင်းမြစ်များ

ማ̈ርቆ̈ሳ 1:1

ጾ̈ሳ̇̇ ናኣ ዬሱ̈ስ ክርስቶ̈ሳ ዎጛላ ዣማ̇ሪዛ ዪዜ፦

ማ̈ርቆ̈ሳ 16:20

ኢ ታማ̈ራን ዎይ ቤስ̇ ሉካ̇ሪ ጾ̈ሳ̇̇ ቃ̈ላ ታማ̈ርሳምባራ፥ ጎዳ ኢንታባር ማ̈ቃ̇ር ኦ̈ዴ። ኢንቲ̇ ታማ̈ርሳምባራ ዱማ ዱማ ማላ̇ን ቤንቲ̇ ሙታ̇ ኢንቲ ታማ̈ርሲኖ ቲሚርቲ̇ን ኪን ማ̈ቂ̇ኖን ኤሪሲዴ።]

ማ̈ርቆ̈ሳ 4:14

ዜርቂ̇ዝ ና̈ሳ̈ዲ ጾ̈ሳ̇̇ ቃ̈ሊን ዜርቂ̈ሬ።

ሉቃ̈ሳ 24:48

ዪንታ̇ሬ ዪና̇ ኢዝቦ ማርካ̇።

ዋ̈ኒ̇ሳ 15:27

ዪንታ̇ር ቲ̈ናፖ̇ ኤ̈̇ሪ ታባር ዎኮታ̇ቦ ታባዝ ማርኪ̇ቲ̈ሬ።

ዋ̈ኒ̇ሳ 16:4

ቴ ዪንታ̇ብ ቲ̈ኒታር ዓኖ̇ ሶ̈ሊኖንዳ ዪና̇ ማ̈ቃ̇ዝ ኬሊ̇ን ዬሌ̇ጌይን ቴ ዪንታ̇ብ ሶ̈ሊኖን ዪንቲ̇ ኤልቅ ዎታምፔ̈ኔ። ቴ ዪኖ̇ ዎይ ቲ̈ኒታር ዪንታ̇ብ ሶ̈ላካ̇ዮንዳ̇ ቴ ዪንታ̇ባር ዎኮታ̇ቦ።”

ሃዋ̈ራታን ኦ̈ሳ 1:3

ኢ ዎይሊን ሜታ ኤካ̇ር ዓይቂ̇ኖፖ ዓኒ ዓይቃ ጋርታ̇ፖ̇ ዲንዳር ሼምፓባር ዎንዶ̇ ዎይሊን ኣማ̇ንዝ ማርኪቲባራ ኢንታ̇ብ ፌ̈ና ቤይሲዴ። ኦይዲ ታጳ̇ ቃም ኢንታ̇ባር ቤንቲ̇ ሙታ̇ ጾ̈ሳ̇̇ ካ̈ቲቲ ጎይ ኢንታ̇ ታማ̈ርሲዴ።

ሃዋ̈ራታን ኦ̈ሳ 1:8

ዎቲናካር ጌ̈ሻ̇ ኣያ̇ና ዪንታ̇ ጋልዳ ሶ̈ቤጌይን ዪንቲ̇ ዎልቃ ዲጚ̈ሬ። ዬሩሳ̈ላም ካታማ ጋርታ፣ ዪሁዳ ጋዳ̇ ዎይ፣ ሳማ̈ራ ጋዳ̇ኬ ዓጛር ሳ̈ዝ ቡጊድ ዬሊ̇ዝ ዲራስ ዪንቲ̇ ታ̈ብ ማርካ̇ ማ̈ቂ̇̈ሬ” ጌይዴ።

ሃዋ̈ራታን ኦ̈ሳ 14:25

ኢንቲ ጴርጋ ካታ̇ሚን ጋርታ ጾ̈ሳ̇ ቃ̈ሊን ሳባ̇ኪኖፖ ዓኒ ቶ̈ራ ኣጣ̈ላ ካታማ ሉኪ̇ዴ።

ሃዋ̈ራታን ኦ̈ሳ 16:6

ጳውሎ̈ሳኬ ሲላ̇ስኬ ኢ̈ሳ ጋዳ̇ ጾ̈ሳ̇̇ ቃ̈ላ ሶ̈ላካይፌ̈ን ጌ̈ሻ̇ ኣያ̇ና ኢንታ̇ ካዪኖኮታ̇ቦ ፊርጋኬ ጋ̈ላ̈ታ ጎይባር ኣ̈̇ዴ።

ሃዋ̈ራታን ኦ̈ሳ 17:11

ቤ̈ራ ጋዶ̇ ኣሳን ታሶሎንቃ̇ ዎ̈ ኣሳንፖ̇ ኮሽ̇ ቆፒ̇ዝ ቡ̈ዳባሮ ኣሴ። ኣባ ጌይን ባዝ “ዪና̇ ኪንዶ̈ኔ” ጋ̈ሪ ጾ̈ሳ̇̇ ቃ̈ላ ጻ̈ፊንቲ̇ኖ ማጻ̈ፋ ዎይ ጋላስ ናባ̇ቢሙታ̇ ቃ̈ሊንዳሬ ጴች ኡፋይስባር ኤኪ̇ዴ።

ሃዋ̈ራታን ኦ̈ሳ 26:16

ዓት ዲንዳ̇ራ ኔ ቶሂምባር ኤቃ̇ቤ፤ ቴ ኔ̈ብ ቤንቲ̇ኖንዳ ዓት̇ ኔ ታ̈ና ቤቂ̇ኖንዲፌ̈ንኬ ዎሃ ቴ ኔ̈ና ቤይሲዝ ባዛን ኣሳብ ማርኪታምፔ̈ንኬ ታ̈ብ ኦ̈ዝ ኣስ ማ̈ቃ̇ምፔ̈ን ቴ ኔ̈ና ሹ̈ማንዳብ ኮያራ ዎቲኔ።

ሃዋ̈ራታን ኦ̈ሳ 4:20

ኑ̈ኒ ኑ ቤቂ̇ኖንዲኬ ኑ ሲስኪኖን ሶ̈ላዚን ኣሻ̇ንዳብ ዳንዳኢባ̈ሴ” ጌይዴ።

ሃዋ̈ራታን ኦ̈ሳ 8:4

ዪን ላ̈ሊንቲኖ ኣማ̇ናን ፌ ሉኪ̇ኖ ቤሲ̇ን ዎ̈ይ ጾ̈ሳ̇ ቃ̈ሊን ሳባ̇ኪዴ።

ሮሜ 15:16

ዪና̇ ጾ̈ሲ̇ ታ̈ቦ ኢሚ̇ኖ ኢዲ̇ሊንዳ ታ̈ኒ ጾ̈ሳ̇̇ ዎጛላ ኣይሁድ ባዮ̇ ኣሳንቦ ሳባካ̇ሙታ̇ ቄ̈ሳፌ̈ን ማ̈ቃ̇ራ ዬሱ̈ስ ክርስቶ̈ሳብ ኦ̈ምፔ̈ኒዬ። ዪ̈ኮታ̇ቦ ኣይሁድ ባዮ̇ ኣሳን ጌ̈ሻ̇ ኣያ̇ናባራ ጌ̈ዥጋር ጾ̈ሳ̇̇ ኡፋይሲ̇ዝ ዣ̈ርሻፌ̈ን ማ̈ቃ̇ር ጾ̈ሳ̇̇̈ኮ ሺ̈ቃምፔ̈ኒ ታ̈ኒ ኦ̈ሬ።

1 ቆሮ 4:1

ዪዚ ኑ̈ኒ ክርስቶ̈ሳ ኣሽካራ ማ̈ቂኖንዲኬ ዓኒ̇ፖ ቲ̈ን ኣሳብ ኤሪንታ̇ካ̇ዮ ጾ̈ሳ̇̇̈ ሚስጢሪን ኣሳብ ሶ̈ላምፔ̈ኒ ጾ̈ሲ̇ ዓዳራ ኑ̈ብ ኢሚ̇ኖን ኣሲ ኤራንዳቦ ኮሺ̇̈ሬ።

ኢብ 2:3

ዪዚ ኑ̈ኒ ዪ̈ዲፌ̈ኖ ጴች ፋቲ̈ ጎይን ቦቲጚዝባዝ ማ̈ቄ̇ጌይን ዎዛርታር ፊርዳ ጋልዳፖ ቡቲ̇̈ራ? ዪና̇ ፋቲ̈ን ቲ̈ኒታር ኣሳብ ኤርሲኖ̈ዲ ጎዳ̈ዳ፤ ማ ኢ ጋልዳፖ ሲስኪ̇ኖ ኣሳንሬ ኢዛ ኪን ማ̈ቂ̇ኖን ኑ̈ና ቤይሲኔ።

1 ጴጥ 5:1

ዪዚ ታ̈ኒ ኢንታ̇ባራ ዎልኣ ዎሳ ኬ̈ ጪጛ̈ሽ ማ̈ቂ̇ኖ፥ ክርስቶ̈ሳ ሜ̈ቲን ማርኪ̇ቲዝ ኣስ ማ̈ቂ̇ኖ፥ ማ ጊዳክ ዬ̈ዝ ጎዳ ቦንቺ̇ን ኤኪ̇ዛ፥ ዪንታ̇ ጊዳ̇ ዎ ዎሳ ኬ̈ ጪጛ̈ሻን ዞራ̈ሬ።

2 ጴጥ 1:16

ኑ̈ኒ ኑ ጎዳ ዬሱ̈ስ ክርስቶ̈ሳ ዎልቂ̇ንዲኬ ኢ ዬ̈ዚን ዪንታ̇ብ ሶ̈ሊኖንዳ ኢ ቦንቺ̇ንዶ ኑ ኣ̈ፊንባር ቤቃ̇ርዶኬ ኣሲ ኬሲ̇ኖ ቶሳ ሲስካ̇ር ጊዳካ̇ዬ።