34 ዬሱ̈ሳሬ ኢንታኮ “ቴ ዪንታ̇ክ ኪን ጋ̈ሬ፤ ናጋራ ኦዝ ኣሲ ዎይ ናጋራቦ ኣይላ፤
ዪንቲ̈ ፔቲ̇ ኣሳብ ኣይላ ማ̈ቃ̇ሪ ኪቲንቲ̇ ኤጌይንዶ ና̈ሳ ዪ̈ቦ ዪንቲ̇ ኣይላ ማ̈ቂ̇ኖን ኤሪ̈ሬ፤ ዪና̇ ኢዝፌ̈ን ዪንቲ̇ ናጋራቦ ኪቲ̇ንቴጌዪን ዪንታ̇ ጋልዳ ዓይቃ ኤሄ̈ዝ ናጋሪምቦ ኣይላ ማ̈ቂ̇̈ሬ፤ ጾ̈ሳ̇ቦ ኪቲ̇ንቴጌዪን ጺሊ̇ቲ ዲጚ̈ሬ።
ኢንቲ ፌ ቆሚንቦ ና̈ጋራብ ኣይላ ማ̈ቃ̇ር ዎሪ “ኑ ዪንታ̇ ኣይሊቲ ጋርታፖ̇ ኬሳ̇ንዳ” ጌዪ ኢንታቦ ታስፋ ኢሚ̇̈ሬ። ኣሲ ኢያ ጋሚኖ ባዚን ኢዝቦ ኣይላ።
ዪ̈ኮታ̇ቦ ናጋሮ ዓይቃ̇ዝ ዪንታ̇ ኣሲቲን ጋልዳ ካውታሪ ዪንቲ̇ ዪንታ̇ ኢ̈ታ ኢኒ̇ምቦ ኪቲ̇ንታምፔ̈ን ዎታካ̇ይፌ̈ኒ ና̈ጊንቲ̇ብቴ̇።
ሚኖ ናጋራንቻ ማ̈ቂ̇ኖ ኑ ኣሲቲንዳ ፋካምፔ̈ንኬ ኑ̈ኒ ናጋራብ ኣይላ ማ̈ቃ̇ዚን ጋርታፖ̇ ኣታ̇ንዳቦ ናጋራንቻ̇ ማ̈ቂ̇ኖ ኑ ኣሲቲንዳ ክርስቶ̈ሳባር ሶ̈ቲንቲ̇ኖን ኑ ኤሪ̈ሬ።
ኑ̈ኒ ኣማ̇ናናፖ̈ ቲ̈ን ኣባክ ቆፒ ኤሪባ̈ሶ ዳሻን፤ ኪቲንቲባሶ ዉ̈ጫን፤ ዎብ̇ ጎይ ሉኪ̇ዛን፥ ዱማ ዱማ ኢ̈ታ ኢና̇ብኬ ኡፋይሳቦ ኣይላ ማ̈ቃ̇ር ኣቲ̇ኖን። ዎልዎልኣ ኢጺንቲሙታ̇ኬ ጎይሊንቲሙታ̇ ኢ̈ቲቲባርኬ ኣሳብ ሚቃ̇ይና ቆፒ̇ሙታ ዎን።
ኬል̇ ዪና̇ ኢዝባራ ዪንቲ̇ ዓኒ ኣላሚን ጋልዶ ኢታ ኦ̈ሲን ኦ̈ሙታ̇ ማ ዓታ̇ር ማ̈ቂ̇ን ጾ̈ሳ̇̇̈ብ ኪ̈ቲንቲ̇ባ̈ሶ ኣሳን ጋልዳ ኦ̈ሙታ ዎ፥ ኣፋ ሳ̈ዝ ጋልዳ ዎ ኢ̈ታ ኣያ̇ናንቦ ኣላቃ ማ̈ቂ̇ኖ̈ቦ ኪ̈ቲንቲ̇ሙታ̇ ጋምኢ̇ኔ።
ኑ ጎዳ ዬሱ̈ስ ክርስቶ̈ሳ ሱምባራ ጾ̈ሳ̇̇̈ቦ ጋላታ ማ̈ቆ̇! ዪዚ ታ̈ኒ ቴ ቆፊንባ̇ራ ጾ̈ሳ̇ ሂጊ̇ምቦ ኪ̈ቲ̇ንታ̈ሬ፤ ናጋራንቻ̇ ማ̈ቂ̇ኖ ቴ ኣሲቲንባ̇ራ ናጋራ ሂጊ̇ምቦ ኪ̈ቲ̇ንቲዛ ማ̈ቂ̇ኔ።
ዪና̇ ጾ̈ሳ̇̇ ኢሚ̇ኖ ታስፊንዳ ኢ ኮቺ̇ኖ ኮቺ̇ንቲ ዓይቂ̇ ዎ̈ቃ̇ር ኣታ̇ዚን ጋርታ̇ፖ̇ ናጻ ኬስካ̇ሪ ጾ̈ሳ̇ ናኣንባራ ዎልኣ ቦንች ኤካ̇ምፔ̈ኔ።
ሂጋ̇ዲ ጾ̈ሳ̇ ጋልዳፖ ኢሚ̇ንቲ̇ኖን ኑ̈ኒ ኤሪ̈ሬ። ታ̈ኒ ዎቲናካሬ ናጋራብ ኣይላ ማ̈ቃ̇ምፔ̈ን ዎጚንቲ̇ኖ ዓይቂ̇ዝ ኣሴ።
ኔ̈ኒ ናጋራባር ቃቺንቲ̇ኖንዲኬ ኔ̈ ጋርታ̇ ጴች ቂና̈ታ ኩሚኖ ኣስ ማ̈ቂ̇ኖን ታ̈ብ ኤሪንታ̇̈ሬ” ጌይዴ።
ዬሱ̈ሳር ኢ̈ኮ “ኦ̈ናካር ናምኢ ዬሊንታ̇ካ̇ይ ኣቴ̇ጌይንዶ̇ ጾ̈ሳ̇̇ ካ̈ቲቲን ቤቃ̇ንዳ̇ብ ዳንዳኢባ̈ሴ” ጌይዴ።
ቴ ዪንታ̇ክ ኪን ጋ̈ሬ፥ ኣፎ ሳ̈ዚንዲኬ ሳ̈ዶ̇ ሳ̈ዚን ዪዝ ዲራ̈ስ ሂጋ̇ ዎይ ፎቲንቲ̇̈ርዶኬ ሂጊ̇ን ጋልዳፖ̇ ፔቲ̇ ቃ̈ላ ዎይ ፔቲ̇ ፊዳላር ዪባ̈ሴ።
