ዋ̈ኒ̇ሳ 7:30 - ኦራ ጫ̈ቃ ማጻ̈ፋ

³⁰ ዪዚ ዪኒ̇ባራ ኢያ ኤ̈̇ንዳብ ኮዪንዶ̈ን ኢ ኬሊ̇ን ዬላ̇ካ̇ዮኮታ̇ቦ ኦ̈ናካር ኢያ ኤ̈ካ̇ይ ኣቲ̇ዴ።

ዋ̈ኒ̇ሳ 7:30 ပူးပေါင်းရင်းမြစ်များ

ማ̈ቶ̈ሳ 12:14

ፋራሳ̈ዋን ኢናፖ̇ ኬስካ̇ሪ “ኑ ና̈ሳ ዓ ዎዛ̈ርታ̇ር ኤ̈ ዎኔ” ጌዪ ዎልዎልኣ ዞሪንቲ̇ዴ።

ማ̈ቶ̈ሳ 21:46

ዪ̈ኮታ̇ቦ ኢያ ኤ̈̇ንዳብ ኮዪንዶኒ፥ ዎርዣ̈ዲ ኢያ ናቢፌ̈ን ማሃር ቤቂ̇ዛኮታ̇ቦ ኢ̈ጪ̇ዴ።

ማ̈ርቆ̈ሳ 11:18

ቄ̈ሳ ኣላቃንኬ ሙ̈ሳ ሂጋ ታማ̈ርሲዛን ኢ ዪኖ̇ ሶ̈ላምባር ሲስኪ̇ዴ፤ ዎርዣ ዎይ ኢ ታማ̈ርሳዝ ቲሚርቲንባራ ጋራ̇ሚንቲዛኮታ̇ቦ ኢንቲ̇ ኢ̈ጪ̇ዴ፥ ዪ̈ኮታ̇ቦ “ኑ ና̈ሳ ዓ̈ ዎዛ̈ርታር ይሳ̇ኔ” ዪዝ ጋ̈ሪ ኢያ ዎዝ ጎይ ኮዪ ኤ̈̇ዴ።

ሉቃ̈ሳ 20:19

ሙ̈ሳ ሂጋ̇ ታማ̈ርሲዛንኬ ቄ̈ሳ ኣላቃን ዬሱ̈ሲ ዪኖ̇ ሶ̈ሊኖ ሚሳ̇̈ሊን ኢንታ̇ ጋልዳ ማ̈ቂ̇ኖን ኤሪኖኮታ̇ቦ ዪና̇ ኢዝ ሳኣ̈ቲንባር ኢያ ኤ̈̇ንዳብ ኮዪንዶ̈ን ዎርዣ̈ብ ኢ̈ጫ̇ር ኣሺ̇ዴ።

ሉቃ̈ሳ 22:53

ቴ ዎይ ጋላስ ጾ̈ሳ̇̇ ኬ̈ ጋርታ̇ ዪንታ̇ባር ዎ ኬሊ̇ ታ̈ና ኤ̈ካ̇ዬ። ዓቲ̇ ዓ̈ዲ ዪንታ̇ኬ ሴ̈ጣናኬ ኮዪኖ ባዝ ኦ̈ንዳ̇ብ ዪንታ̇ብ ኢሚ̇ንቲ̇ኖ ኬሌ̇” ጌይዴ።

ዋ̈ኒ̇ሳ 10:31

ዪና̇ ኢዝባራ ኣይሁዳን ዬሱ̈ሳ ቆጻ̇ንዳብ ዓታ̇ር ማ̈ቃር ሹች ዲን ኤኪ̇ዴ።

ዋ̈ኒ̇ሳ 10:39

ኢንታ̇ር ዓታ̇ር ማ̈ቃ̇ር ኢያ ኤ̈̇ንዳብ ኮዪን ኢ ኢንታ ኩሽታፖ̇ ቡ̈ታ̇ር ሉኪ̇ዴ።

ዋ̈ኒ̇ሳ 11:57

ማ ቄ̈ሳ ኣላቃንኬ ፋራሳዋ̈ን ዬሱ̈ሳ ኤ̈̇ንዳብ ኮያሪ ኢ ዎ ቤሲ̇ን ዎንዳኮ ኤሪዝ ኣሲ ኢንታ̇ብ ሶ̈ላምፔ̈ኒ ኣሳን ኪ̈ቲ̇ዴ።

ዋ̈ኒ̇ሳ 7:19

ሙ̈ሶ ዪንታ̇ብ ሂጋ̇ ኢሚ̇ኔ ባያ? ዎቲናካሬ ዪንታ̇ ጋርታ̇ ሂጊ̇ን ና̈ጊ ፎቲኖ ኣሲ ኦ̈ናካር ባዬ̇። ዪንቲ̇ ኣባብ ታ̈ና ዎንዳ̇ብ ኮዪ̈ራ?” ጌይዴ።

ዋ̈ኒ̇ሳ 7:32

ፋራሳ̈ዋን ዎርዣ̈ዲ ዬሱ̈ሳ ባዝ ሳ̈ሲንባራ ሶ̈ሊኖን ሲስኪዴ። ቄ̈ሳ ኣላቃንኬ ፋራሳ̈ዋን ኢያ ኤ̈̇ምፔ̈ን ጾ̈ሳ̇̇ ኬ̈ ና̈ጊዝ ዎታ̈ዳራን ኢ̈ክ ሚሺዴ።

ዋ̈ኒ̇ሳ 7:6

ዬሱ̈ሳር ኢንታ̇ኮ “ታ̈ኮ ኬላ̇ ቢርት ዬላ̇ካ̇ዬ፥ ዪንቲ̇ ኮዪኖ ሳኣ̈ት ጋልዳ̇ ሉካ̇ንዳብ ዳንዳኢ̈ሬ።

ዋ̈ኒ̇ሳ 7:8

ዪንቲ̇ ባ̈ሊን ቦንቻ̇ንዳብ ሉኪ̇ብቴ፥ ታ̈ኒ ቴ ኬሊ̇ን ዬላ̇ካ̇ዮኮታ̇ቦ ባ̈ሊን ቦንቻ̇ንዳብ ሉካ̇ብዳ” ጌይዴ።

ዋ̈ኒ̇ሳ 8:20

ዬሱ̈ሲ ዪኖ̇ ቃ̈ሊን ጾ̈ሳ̇̇ ኬ̈ ጋርታ̇ ሚ̈ሺ̇ ሺ̈ሻ̇ዝ ሳ̈ጺኒን ላፍ ኤቃ̇ር ታማ̈ርሲ̈ርዶ̈ር ሶ̈ሊዴ። ዎቲናካሬ ኢ ኬሊ̇ን ቢርት ዬላ̇ካ̇ዮኮታ̇ቦ ኦ̈ናካር ኢያ ኤ̈ካ̇ይ ኣቲ̇ዴ።

ዋ̈ኒ̇ሳ 8:37

ዪንቲ̇ ኣብራሃ̈ማ ዜር ማ̈ቂ̇ኖን ቴ ኤራ̈ሬ ዎቲናካሬ ዪንቲ̇ ታ ቃ̈ሊን ኤካ̇ንዳብ ኢጺ̇ዛኮታ̇ቦ ታ̈ና ዎንዳብ ኮዪ̈ሬ።

ዋ̈ኒ̇ሳ 8:59

ዪ̈ኮታ̇ቦ ኢንቲ̇ ኢያ ቆጻ̇ንዳብ ሹች ዲንዴ፤ ኢያር ኢንታ ጋልዳፖ̇ ጌ̈ሚታር ጾ̈ሳ̇̇ ኬ̈ ጋርታ̇ፖ̇ ኬስካ̇ር ሉኪ̇ዴ።

ዋ̈ኒ̇ሳ 9:4

ሳ̈ዚን ቃማ̇ካይዶን ጾ̈ሳ̇̇ ታ̈ና ኪ̈ቲ̇ኖ ኦ̈ሲ̇ን ኦ̈ንዳብ ኮሻ̇̈ሬ፤ ኦ̈ናካር ኦ̈ሳ ኦንዳ̇ብ ዳንዳኢንቲ̇ባ̈ሶ ̈ሚ̇ ዬይሬ።