41 “ታ̈ኒ ኣሳ ጋልዳፖ̇ ቦንች ኮያባሴ።
ኢንቲ̇ ዪኖ̇ ዎቲኖንዳ ጾ̈ሳ̇̇ ጋልዳፖ̇ ቤንታ̇ዝ ቦንቺ̇ምፖ̇ ሺ ኣሲ ኢማ̇ዝ ቦንቺ̇ን ዶሲኖኮታ̇ቦ።
ቴ ዪኖ̇ ዪንታ̇ብ ሶ̈ሊኖንዳ̇ ዪንቲ̇ ፋጻምፔ̈ንዶኬ፥ ታ̈ኒ ኣሲ ታ̈ብ ማርኪቲዛ ኤካ̇ባሴ።
ዎቲናካሬ ዪንቲ̇ ሼምፓ ዲጛንዳ̇ቦ ታ̈ና ኣማ̇ናንዳ̇ብ ኮዪባ̈ሴ።
ዪንቲ̇ ጾ̈ሳ̇̇ ዪንታ̇ ቡ̈ዳ ጋርታ̇ፖ̇ ካባ̈ሶን ቴ ኤራ̈ሬ።
ዪንቲ̇ ዎልዎልኣ ቦንች ኮዪዛን ጾ̈ሳ̇̇ ፔታ̇ና ጋልዳፖ̇ ቤንቲ̇ዝ ቦንቺ̇ን ኮዪባ̈ሶን፥ ዪንቲ̇ ዎዛ̈ርታ̇ር ታ̈ና ኣማ̇ናንዳብ̇ ዳንዳኢ̈ራ?
ዬሱ̈ሳሬ ኣሳን ኢ̈ክ ዬ̈ሪ ዎልቃባር ኢያ ካ̈ት ኣ̈ንዳብ ኮዪኖን ኤራሪ ፌ ፌ̈ብዶ̈ሪ ማ̈ቃ̇ር ፔቲ̇ ኢንዳ ጋልዳ ሉኪ̇ዴ።
ፌ̈ ጋልዳፖ ሶ̈ሊዝ ኣሲ ፌ̈ብ ቦንች ኮዪ̈ሬ፥ ፌ̈ና ኪ̈ቲ̇ ሚሺኖ ቦንቺ̇ሳንዳ̇ብ ኮዪዛ̈ዲ ኢ ኪን ኣሴ፥ ማቆ ኢ ጋርታ̇ ባዬ̇።
ማ̈ቂ̇ናካሬ ታ̈ኒ ቴ ቆ̈ማብ ቦንች ኮያባሴ ቴ ቦንቺ̇ንታምፔ̈ን ኮዪዛዲኬ ፊርዲዛ ሜላ ዎ።
ዬሱ̈ሳር ኢንታኮ “ቴ ፌ̈ብ ታ̈ና ቦንቼጌይን ቴ ቦንቺ̇ን ሜላ̇ ዓሪዬ፤ ታ̈ና ቦንቺ̇ዛ̈ዲ ዪንቲ ‘ኑ ጾ̈ሴ̇’ ጌይዛ ቴ ባ̈ባ̈ዳ።
ኑ̈ኒ ዪንታ̇ ጋልዳፓ̇ሬ ማ̈ቂ̇ን ኦ ጋልዳፓካር ማ̈ቂ̇ን ቦንች ኮያካ̇ዬ።
ዪንቲ ጼይዚንቲ̇ኖንዳ ዪኒ̇ቦ፤ ዪንቲ̇ ኢ̈ኮን ቤቃ̇ሪ ኢ̈ኮንዲፌ̈ን ዎታምፔ̈ኒ ዬሱ̈ሲ ሳ̈ዝ ጋልዳ ሜታ ኤካ̇ሪ ዪንታ̇ብ ሚሳ̇ሊ ማ̈ቂ̇ኔ።
ኣፋፖ “ቴ ኢባር ኡፋይቲዛ ቴ ካዝ ናኣ ዓ̈ዳ!” ጌይዝ ጊርሲ ኢ̈ብ ዬይኖምባራ ኢ ጾ̈ሳ̇ ባ̈ባ̈ ጋልዳፖ ቦንችኬ ጴቺቲ ዲጚኔ።
