ዋ̈ኒ̇ሳ 5:37 - ኦራ ጫ̈ቃ ማጻ̈ፋ

³⁷ ታ̈ና ኪ̈ቲ̇ ሚሺኖ ታ ባ̈ባ ኢ ፌ ቆሚ̇ን ታ ባዝ ማርኪቲኔ። ዪንቲ̇ ኢ ሶ̈ላዚምባ̇ር ሲስካካ̇ዬ፤ ማ ኢ ኣ ማይጺ̈ርካር ዪንቲ̇ ቤቃካ̇ዬ።

ዋ̈ኒ̇ሳ 5:37 ပူးပေါင်းရင်းမြစ်များ

ማ̈ቶ̈ሳ 17:5

ጴ̈ጥሮ̈ሲ ቢርት ዪኖ̇ ሶ̈ላምባ̇ራ ቦ̈ርስ ሻ̈ራ ዬ̈ሪ ኢንታ̇ ጌ̈ሚዴ፥ ሻ̈ሪን ጋርታ̇ፖ̇ “ቴ ኢባር ኡፋይቲ̇ዛ፥ ታ ካዝ ቴ ናኣ ዓ̈ ኢያ፤ ዪንቲ̇ ኢ ጋ̈ዚን ሲስኪብቴ” ዪዝ ጌይዝ ጊርሲ̇ ሲስኪ̇ንቲ̇ዴ።

ማ̈ቶ̈ሳ 3:17

ኢናፖ̇ “ታ̈ኒ ኢባር ኡፋይቲ̇ዛ ቴ ካዝ ናኣ ዓ ኢያ” ጌይዝ ጊርሲ̇ ኣፋፖ̇ ሲስኪ̇ንቲ̇ዴ።

ማ̈ርቆ̈ሳ 1:11

ኢናፖ̇ “ቴ ኔባር ኡፋይቲ̇ዛ ታ ካዝ ናኣ ኔ̈ና” ዪዝ ጌይዝ ጊርሲ ኣፋፖ̇ ሲስኪንቲ̇ዴ።

ሉቃ̈ሳ 24:27

ሙ̈ሳኬ ናባን ዎይንፖ̇ ኤ̈̇ር ጌ̈ሻ̇ ማጻ̈ፋን ጋዳል ኢ ባዝ ጻ̈ፊንቲ̇ኖን ኢንታ̇ብ ሶ̈ሊ ኤሪሲዴ።

ሉቃ̈ሳ 3:22

ማ ጌ̈ሻ̇ ኣያ̇ና̈ዲ ዶላ ማይጻ̈ር ዬ̈ሪ ኢ ጋልዳ̇ ሶ̈ቢዴ። ዪና̇ ኢዝባራ “ቴ ካዝ ናኣ ኔ̈ና፤ ታ̈ኒ ኔባር ኡፋይታ̇̈ሬ” ዪዝ ጌይዝ ጊርሲ̇ ኣፋፖ̇ ሲስኪ̇ንቲ̇ዴ።

ዋ̈ኒ̇ሳ 1:18

ጾ̈ሳ̇̇ ቤቂ̇ኖ ኣሲ ዉርሲ ኦ̈ናካር ባዬ̇፤ ዎቲናካሬ ጾ̈ሳ̇̇ ባ̈ባ̈ ላፍ ዎ ኢ ናኣ ፔታ̇ና፥ ኢ ፌ̈ቆማ̇ብ ጾ̈ሳ̇̇ዲ፥ ኣሳብ ኢባዝ ኤርሲኖ̈ዲ ኢያ።

ዋ̈ኒ̇ሳ 14:9

ዬሱ̈ሳር ኢ̈ኮ “ኣን ፊልጶ̈ሶ! ዓኖ̇ ዬላ̇ር ቴ ዪንታ̇ባር ዶኣምባ̇ራ ኔ ታ̈ና ኤራባሳ? ታ̈ና ቤቂ̇ኖ ኣሲ ቴ ባ̈ባ̈ ቤቂ̇ኔ፤ ኔ̈ኒ ዎዛርፌ̈ኒ ‘ኔ ባ̈ባ ኑ̈ና ቤይሳቤ’ ጋ̈ራ?

ዋ̈ኒ̇ሳ 15:24

ሜላ ኣሲ ኦ̈ካዮ ባዝ ቴ ኢንታ ጊዳ̇ ኦካ̇ይኮ ዎን ኢንታ̇ብ ናጋራ ማቃ̇ባስዶ̈ን፥ ዓት ዎቲናካሬ ዪኖ̇ ዎይ ታ̈ሚ̇ራ̈ቲን ቤቂኖፖ̇ ዓኒ ኢንቲ̇ ታ̈ናሬ ቴ ባ̈ባ̈ዳሬ ዎይ ኢጺ̇ዴ።

ዋ̈ኒ̇ሳ 5:32

ታ ባዝ ሶ̈ሊ ማርኪቲዝ ኣሲ ሜላ ዎ፤ ኢ ታ ባዝ ማርኪታዝ ማርኪቲንዳ ኪን ማ̈ቂ̇ኖን ቴ ኤራ̈ሬ።

ዋ̈ኒ̇ሳ 6:27

ታ ኣሳ ናኣ̈ዲ ዪንታ̇ብ ኢማ̇ዝ ሜናብ ዶኣምፔ̈ን ዎታዝ ፊ̈ሺምቦ̇ ኦ̈ብትዶኬ፥ ሳማር ያዝ ፊ̈ሺምቦ̇ ኦ̈ፒ̇ቴ። ጾ̈ሳ̇̇ ባ̈ባ̈ዲ ቴ ዪኖ̇ ኦ̈ምፔ̈ን ሲልጣ̈ና ታ̈ብ ኢሚ̇ኔ።

ዋ̈ኒ̇ሳ 8:18

ቴ ባዝ ማርኪ̇ቲዛ ፔታ̇ና ታ̈ና፤ ታ̈ና ኪ̈ታ̇ር ሚሺኖ ቴ ባ̈ባ̈ዳር ታ̈ብ ማርኪ̇ቲ̈ሬ።

1 ጢማ̈ 1:17

ዪዚ ሜናብ ዶኢዝ ካ̈ታ̈ቦ፥ ዓይቂ̇ባ̈ሶ̈ቦ፥ ቤቂ̇ን ቤንቲ̇ባ̈ሶ̈ቢኬ ፔቲ̇ ጾ̈ሳ̇ ኢ̈ቦ ሜናብ ቦንችኬ ጋላታኬ ኢ̈ብ ማ̈ቆ! ኣሚንኤ።

1 ጢማ̈ 6:16

ኢ ሙ̈ታ ዓዪቂባ̈ሶ̈ዳ፤ ኦ̈ናካር ኡካ̇ንዳብ ዳንዳኢባ̈ሶ ፎኢን ጋርታ̇ ዶኢ̈ሬ፥ ኢያ ኦ̈ናካር ኣሲ ቤቃካ̇ዬ፤ ቤቃ̇ንዳባር ዳንዳኢባ̈ሴ። ዎልቃኬ ጋላታኬ ሜናብ ኢ̈ብ ማ̈ቆ̇ጋ̈ቤ፤ ኣሚንኤ።

1 ዋ̈ኒ̇ 4:12

ጾ̈ሳ̇ ቤቂ̇ኖ ኣሲ ኦ̈ናካር ባዬ̇፤ ኑ̈ኒ ዎል ዎልኣ ካንቲ̇ዝባዝ ማ̈ቄ̇ጌይን ጾ̈ሳ̇ ኑባር ዶኢ̈ሬ፤ ኢ ካንንዳ̇ሬ ኑ ጋርታ̇ ፎቲ ማ̈ቃ̇̈ሬ።

1 ዋ̈ኒ̇ 4:20

ኦ̈ናካር ማ̈ቂ̇ን “ታ̈ኒ ጾ̈ሳ̇ ካሬ” ጌዪሙታ̇ዶሪ ፌ ኢሻ ኢጺ̇ዛ̈ዲ ማቃ ማቂ̇ዝ ኣሴ፤ ፌ ላፍ ጋልዳ ቤቂ̇ሙታ ዎ ፌ ኢሻ ካባሶ̈ ኣሲ ፌ ኣ̈ፍባር ቤቃካ̇ዮ ጾ̈ሳ̇ ዎዛርታ̇ር ካንዳብ ዳንዳኢ̈ራ?

1 ዋ̈ኒ̇ 5:9

ኑ̈ኒ ኣሲ ማርኪቴጌይንዶ ኪን ጌዪ ኤኪ̇̈ሬ፤ ዎቲናካሬ ፌ ናኣኮታ̇ቦ ማርኪቲኖ ጾ̈ሳ̇ ማ̈ቂ̇ኖኮታ̇ቦ ጾ̈ሳ̇ ማርኪቲንዳ ዎይፖ ሺሬ።