ዋ̈ኒ̇ሳ 5:34 - ኦራ ጫ̈ቃ ማጻ̈ፋ

³⁴ ቴ ዪኖ̇ ዪንታ̇ብ ሶ̈ሊኖንዳ̇ ዪንቲ̇ ፋጻምፔ̈ንዶኬ፥ ታ̈ኒ ኣሲ ታ̈ብ ማርኪቲዛ ኤካ̇ባሴ።

ዋ̈ኒ̇ሳ 5:34 ပူးပေါင်းရင်းမြစ်များ

ሉቃ̈ሳ 13:34

“ናባን ዎዛንኬ ዪንታ̇ክ ኪ̈ቲንታ̇ር ሉኪ̇ኖ ኣሳን ሹችባር ቆጺ̇ ዎዝ ዬሩሳ̈ላም ኣሳን! ኩቶ ፌ ናኣን ፌ ካ̈ፒ̇ን ጻና ሺ̈ሻ̇ዚንዲ̇ፌ̈ኒ ታ̈ኒ ዪንታ̇ ሺ̈ሻ̇ንዳ̇ብ ኣ̈ፊን ቶህ ኮዪን ዪንቲ̇ ኢጺ̇ዴ።

ሉቃ̈ሳ 19:10

ኣባ ጌይን ታ̈ኒ ኣሳ ናኣ̈ዲ ዪኖ ኮያንዳ̇ብኬ ፋንዳቦ ዬይኔ” ጋ̈ር ሶ̈ሊዴ።

ሉቃ̈ሳ 24:47

ማ̈ሪቲ ጌሌጌይንዶ̇ ዪንታ̇ ናጋራ ዪንታ̇ብ ኣቶ̇ ጌይንታ̇̈ሬ ጋ̈ዝ ሲብካ̇ቲንዳ̇ ዬሩሳ̈ላማፖ̇ ኤ̈̇ራ ዎርዣ ዎይ̈ቦ ኢ ሱምባራ ሳባ̇ኪንታ̇̈ሬ’ ጋ̈ዚንዳ ቲ̈ኒታር ጌ̈ሻ̇ ማጻ̈ፋ ጋልዳ ጻ̈ፊንቲ̇ኔ።

ዋ̈ኒ̇ሳ 20:31

ዎቲናካሬ ዬሱ̈ሲ ኢ ክርስቶ̈ስ ጾ̈ሳ̇̇ ናኢ ማ̈ቂ̇ኖን ኣማ̇ናምፔ̈ን ማ ኣማ̇ናር ኢ ሱምባር ዪንታ̇ብ ሜናብ ሼምፓባር ዶኢ ዶኣምፔ̈ን ዓና̇ ዪንታ̇ብ ጻ̈ፊንቲ̇ኔ።

ዋ̈ኒ̇ሳ 5:32

ታ ባዝ ሶ̈ሊ ማርኪቲዝ ኣሲ ሜላ ዎ፤ ኢ ታ ባዝ ማርኪታዝ ማርኪቲንዳ ኪን ማ̈ቂ̇ኖን ቴ ኤራ̈ሬ።

ዋ̈ኒ̇ሳ 5:41

“ታ̈ኒ ኣሳ ጋልዳፖ̇ ቦንች ኮያባሴ።

ዋ̈ኒ̇ሳ 8:54

ዬሱ̈ሳር ኢንታኮ “ቴ ፌ̈ብ ታ̈ና ቦንቼጌይን ቴ ቦንቺ̇ን ሜላ̇ ዓሪዬ፤ ታ̈ና ቦንቺ̇ዛ̈ዲ ዪንቲ ‘ኑ ጾ̈ሴ̇’ ጌይዛ ቴ ባ̈ባ̈ዳ።

ሮሜ 10:1

ቴ ኢሺንታ̈ን! ቴ ቡ̈ዲን ጋርታ̇ ታ̈ብ ዎ ጴች̇ ኢኒ̇ንዲኬ ቴ ጾ̈ሳ̇ ዎ̈ሳ̈ዚንዳ ኢስሬ̈ላን ፋጻምፔ̈ኒዬ።

ሮሜ 10:21

ዎቲናካር ኢስሬ̈ላን ባዝ ኢ ሶ̈ሊ̈ርዶሪ፥ “ኪ̈ቲንቲ̇ባ̈ሶዳኬ ዉጪቲ̈ዝ ዎርዣን ታ̈ክ ዬምፔ̈ን ጋላሲ̇ን ዎይ ኢንታ ና̈ጋዴ” ጌይሬ።

ሮሜ 12:21

ኢ̈ት ማ̈ቂ̇ኖ ባዚን ኮሽ ባዝባራ ጋማብዶኬ ኢ̈ት ባዝባራ ጋሚንታ̇ፔ̇።

ሮሜ 3:3

ኣይሁዳን ጋርታፖ̇ ፔታ̇ን ፔታ̇ናን ኣማ̇ናካ̇ይ ኣቲ̇ኒሼ? ኢንቲ̇ ኣማ̇ናካ̇ይ ኣቲ̇ኖንዳ ጾ̈ሳ̇̇̈ዲ ኣማ̇ኒንቲ̇ኖ ማ̈ቃ̇ዚን ካያ̈ራ?

1 ቆሮ 9:22

ዳ̈ቡሪኖ ኣሳን ማ̈ሳንዳቦ ጋ̈ራ ታ̈ናር ኢንታ̇ፌ̈ን ዳ̈ቡሪኖ ኣስ ማ̈ቃ̇ዴ። ታ̈ብ ዳንዳኢንቲ̇ኖንዲፌ̈ኒ ፔታ̇ን ፔታ̇ናን ማ̈ሳንዳቦ ጋራ ዎይ ኣሳንባር ታ̈ኒ ማ̈ቃካ̇ዮ ባዚ ባዬ̇።

1 ጢማ̈ 4:16

ኔ ኔ ቆሚንዴኬ ኔ ታማ̈ርሳዝ ቲሚርቲ̇ንዶ ሚ̈ጛር ና̈ጋቤ፤ ባዛን ዪንባራ ሚ̈ጛቤ፤ ኔ ዪኖ̇ ዎቴጌይንዶ ኔ ቆሚ̇ንዲኬ ኔ̈ኮን ሲስኪ̇ዝ ኣሳን ኔ ፋ̈ሬ።

1 ዋ̈ኒ̇ 5:9

ኑ̈ኒ ኣሲ ማርኪቴጌይንዶ ኪን ጌዪ ኤኪ̇̈ሬ፤ ዎቲናካሬ ፌ ናኣኮታ̇ቦ ማርኪቲኖ ጾ̈ሳ̇ ማ̈ቂ̇ኖኮታ̇ቦ ጾ̈ሳ̇ ማርኪቲንዳ ዎይፖ ሺሬ።