ዋ̈ኒ̇ሳ 5:30 - ኦራ ጫ̈ቃ ማጻ̈ፋ

³⁰ “ታ̈ኒ ቴ ሲልጣ̈ናባራ ኣባካር ኦ̈ንዳብ ዳንዳኣባሴ፤ ታ̈ኒ ቴ ባ̈ባ̈ ጋልዳፖ̇ ሲስኪ̇ኖንዶ̇ ሙታ̇ ፊርዳ̈ሬ፤ ታ̈ና ኪ̈ቲ̇ ሚሺኖ̈ኮን ኦ̈ርዶኬ ቴ ኮዪኖንዲፌ̈ን ኦ̈ባሶኮታ̇ቦ ቴ ፊርዲዝ ፊርዳ̈ዲ ኪን።

ዋ̈ኒ̇ሳ 5:30 ပူးပေါင်းရင်းမြစ်များ

ማ̈ቶ̈ሳ 26:39

ኢ ኢንታ̇ ጋልዳፖ̇ ጊላ̇ ጌዳ ዓር̇ ጌዪ ሉካ̇ሪ ሳ̈ዝ ጋልዳ ፌ ዴ̈ሚንባር ጉጲጛሪ “ታ ባ̈ባ̈ዶ! ኔ̈ብ ዳንዳኢንታ̇̈ርኮ ዓና̇ ሜታ ጺዊን ቴ ጋልዳ̇ፖ ኔ ኣ̈ቤ! ዪና̇ሬ ኔ ኮዪኖንዲፌ̈ን ማ̈ቆ̇ዶኬ ቴ ኮዪኖንዲፌ̈ን ማ̈ቃፖ̇” ጋ̈ሪ ዎ̈ሲ̇ዴ።

ዋ̈ኒ̇ሳ 14:10

ታ̈ኒ ቴ ባ̈ባባር ዎል ፔታ̇ን ማ̈ቂ̇ኖንዲፌ̈ኒ፤ ቴ ባ̈ባ̈ዳር ታባር ፔታ̇ን ማ̈ቂ̇ኖንዲፌ̈ኒ ኔ ኣማ̇ናባሳ? ቴ ዪንታ̇̇ብ ሶ̈ላዝ ቃ̈ሊን ሶ̈ላዚንዳ ቴ ሲልጣ̈ናባር ጊዳካ̇ዬ፤ ፌ ኦሲ̇ን ዎይ ኦ̈ዛዲ ታባር ዎ ታ ባ̈ባ̈ዳ።

ዋ̈ኒ̇ሳ 17:4

ኔ ታ̈ብ ኢሚ̇ኖ ኦ̈ሲ̇ን ኦ̈ ፎታራ ሳ̈ዝ ጋልዳ̇ ቴ ኔ̈ና ቦንቺ̇ሳዴ።

ዋ̈ኒ̇ሳ 18:11

ዬሱ̈ሲ ጴ̈ጥሮ̈ሳኮ “ማሺ̇ን ሾ̈ኪን ጋርታ̇ ማሃ ሚሻቤ! ቴ ባ̈ባ̈ ታ̈ብ ኢሚ̇ኖ ሜታ ጺዊ̇ን ቴ ኡሽካ̇ንዳብ ኮሻባሳ?” ጌይዴ።

ዋ̈ኒ̇ሳ 4:34

ዬሱ̈ሳር ኢንታ̇ኮ “ቴ ፊ̈ሺንዳ̇ ታ̈ና ኪ̈ታ̇ር ሚሺኖ ጾ̈ሳ̇̇ ቆፊን ኦ̈ዚንዲኬ ኢ ኦ̈ሲን ፎታዚንዶ̇።

ዋ̈ኒ̇ሳ 5:19

ዬሱ̈ሳሬ “ቴ ዪንታ̇ክ ኪን ጋ̈ሬ፥ ባ̈ባ ኦ̈ምባራ ቤቂ̇ኖ ባዛን ሙታ̇ዶኬ ናኣ ፌ ጋልዳፖ̇ ኣባካር ኦ̈ንዳብ ዳንዳኢባ̈ሴ። ባ̈ባ ኦ̈ዝ ባዛን ዎይ ማ ናኣ̈ዳር ኦ̈ሬ።

ዋ̈ኒ̇ሳ 6:38

ኣባ ጌዬጌይንዶ̇፥ ታ̈ኒ ኣፋፖ̇ ሶ̈ቢኖንዳ̇ ታ̈ና ኪ̈ታ̇ር ሚሺኖ ጾ̈ሳ̇̇ ኮያዚን ኦ̈ንዳብዶኬ ቴ ቆፊን ኦ̈ንዳብ ጊዳካ̇ዬ።

ዋ̈ኒ̇ሳ 8:28

ዪ̈ኮታ̇ቦ ዬሱ̈ሲ ኢንታ̇ኮ “ዪንቲ̇ ታ̈ና ኣሳ ናኣ ሾክ ዎታር ሶ̈ታ̇ዚምባ̇ራ ቴ ታ̈ና ማ̈ቂ̇ኖንዶ፣ ቴ ባ̈ባ̈ ታ̈ና ታማ̈ርሲኖን ሶ̈ሊዛ ማ̈ቂ̇ኖንዲኬ ታ̈ኒ ታ ጋልዳፖ̇ ኣባካር ኦ̈ባሶን ዪንቲ̇ ኤሪዝዳ።

ዋ̈ኒ̇ሳ 8:42

ዬሱ̈ሳር ኢንታኮ “ታ̈ኒ ዬይኖንዳ ጾ̈ሳ̇̇ ካንታ̇ ጋልዳፖ ማ̈ቂ̇ኖኮታ̇ቦ ጾ̈ሳ̇̇ ዎን ዪንታ̇ብ ባ̈ባ̈ኮ ዪንቲ ታና ካንዳብ ኮሺ̈ርዶ̈ን፤ ኢ ታ̈ና ሚሺን ዬ̈ዶ̇ኬ ቴ ፌ̈ብ ዬ̈ካ̇ዬ።

ዋ̈ኒ̇ሳ 8:50

ማ̈ቂ̇ናካሬ ታ̈ኒ ቴ ቆ̈ማብ ቦንች ኮያባሴ ቴ ቦንቺ̇ንታምፔ̈ን ኮዪዛዲኬ ፊርዲዛ ሜላ ዎ።

ሮሜ 15:3

ኣጊሻ̇ቦ ጌይን ክርስቶ̈ሳር ፌ̈ና ኡፋይሳ̇ካዬ፤ ጌ̈ሻ̇ ማጻ̈ፋ ጋልዳ “ኔ̈ና ቆ̈ኖ ኣሳን ታ̈ና ቆ̈ኔ” ጋ̈ር ጻ̈ፊንቲ̇ኖን ኢያ ዬላ̇ዴ።

ሮሜ 2:2

ዪኖ̇ ኦ̈ዝ ኣሳን ጋልዳ ጾ̈ሲ ኪን ፊርዲን ኢንታ̇ ጋልዳ ፊርዳዚን ኑ ኤሪ̈ሬ።

ሮሜ 2:5

ዪዚ ኔ ማ̈ሪ̇ቲ ጌላካ̇ዮንኮታ̇ብኬ ኣሳባር ጋ̈ሲንቲዝ ኣስ ማ̈ቂ̇ኖኮታ̇ቦ ጾ̈ሳ̇ ጎይላ̈ዲኬ ኪን ማ̈ቂ̇ኖ ኢ ፊርዳ ዬይዝ ቃ̈ሚ̇ን ኔ ኔ ጋልዳ ፊርዲን ዴ̈ጻ̇ምፔ̈ን ዎታ̈ሬ።