ዋ̈ኒ̇ሳ 5:20 - ኦራ ጫ̈ቃ ማጻ̈ፋ

²⁰ ባ̈ባ ፌ ናኣ ካዛኮታ̇ቦ ፌ ኦ̈ዝ ባዛን ዎይ ኢያ ቤይሲ̈ሬ። ማ ዪንቲ̇ ጋራ̇ሚንታ̇ምፔ̈ኒ ዪንፓ̇ር ሺኖ ኦ̈ሳር ኢያ ቤይሲ̈ሬ።

ዋ̈ኒ̇ሳ 5:20 ပူးပေါင်းရင်းမြစ်များ

ማ̈ቶ̈ሳ 11:27

ታ ባ̈ባ̈ዲ ታ̈ብ ዎይ ባዝ ኢሚ̇ኔ፤ ባ̈ባ̈ፖ̇ ሜላ ኦ̈ናካር ናኣ ኤሪዛ ባዬ̇፤ ዪና̇ ኢዝፌኒ ናኣ̈ፖ ሜላ ባ̈ባ̈ ኤሪዛ ባዬ̇። ባ̈ባ ኦ̈ናኮ ናኣ̈ዲ ኢባዝ ኤርሳካ̇ይ ኣቴ̇ጌይን ኦ̈ና̈ካር ባ̈ባ̈ ኤራንዳ̇ብ ዳንዳኢባ̈ሴ።

ማ̈ቶ̈ሳ 17:5

ጴ̈ጥሮ̈ሲ ቢርት ዪኖ̇ ሶ̈ላምባ̇ራ ቦ̈ርስ ሻ̈ራ ዬ̈ሪ ኢንታ̇ ጌ̈ሚዴ፥ ሻ̈ሪን ጋርታ̇ፖ̇ “ቴ ኢባር ኡፋይቲ̇ዛ፥ ታ ካዝ ቴ ናኣ ዓ̈ ኢያ፤ ዪንቲ̇ ኢ ጋ̈ዚን ሲስኪብቴ” ዪዝ ጌይዝ ጊርሲ̇ ሲስኪ̇ንቲ̇ዴ።

ማ̈ቶ̈ሳ 3:17

ኢናፖ̇ “ታ̈ኒ ኢባር ኡፋይቲ̇ዛ ቴ ካዝ ናኣ ዓ ኢያ” ጌይዝ ጊርሲ̇ ኣፋፖ̇ ሲስኪ̇ንቲ̇ዴ።

ማ̈ቶ̈ሳ 4:8

ዓታ̇ር ማ̈ቃ̇ሪ ሴ̈ጣኖ ዬሱ̈ሳ ሾክ ጌይኖ ኢንዳ̇ ጋልዳ̇ ኬሳ̇ሪ ኣላሚን ጋልዳ̇ ዎ ካ̈ቲንታ̇ንኬ ኢንታ̇ ቦንቺ̇ን ዎይ ኢያ ቤይሳሪ፥

ሉቃ̈ሳ 10:22

“ዎይ ባዚ ቴ ባ̈ባ ጋልዳፖ̇ ታ̈ቦ ኢሚንቲ̇ኔ። ማ ናኣ ኢ ኦ̈ናኮ ባ̈ባ̈ፖ̇ ኣቲ̇ን ሜላ ኤሪዝ ኣሲ ባዬ̇። ማ ባ̈ባ̈ ኦ̈ናኮ ናኣ̈ፖ̇ ኣቲ̇ን ዎይ ናኣ ቤይሳንዳ̇ብ ኮዪኖ ኣሳፖ̇ ኣቲን ሜላ ኤሪዝ ኣሲ ኦ̈ናካር ባዬ̇” ጌይዴ።

ዋ̈ኒ̇ሳ 1:18

ጾ̈ሳ̇̇ ቤቂ̇ኖ ኣሲ ዉርሲ ኦ̈ናካር ባዬ̇፤ ዎቲናካሬ ጾ̈ሳ̇̇ ባ̈ባ̈ ላፍ ዎ ኢ ናኣ ፔታ̇ና፥ ኢ ፌ̈ቆማ̇ብ ጾ̈ሳ̇̇ዲ፥ ኣሳብ ኢባዝ ኤርሲኖ̈ዲ ኢያ።

ዋ̈ኒ̇ሳ 10:32

ዬሱ̈ሳር ኢንታ̇ኮ “ታ̈ኒ ቴ ባ̈ባ̈ ኦ̈ ጌዪ ታ̈ብ ኢሚ̇ኖ ኦ̈ሳን ጋርታ̇ፖ̇ ዎይሊን ኮሽ ኦስ ኦ̈ር ቴ ዪንታ̇ ቤይሳዴ፤ ዓት ኦ̈ሳን ዪን ጋርታ̇ፖ̇ ዎኒ̇ቢያ ዪንቲ ታና ሹችባር ቆ̈ጻ̇ንዳብ ኮያዚንዳ̇” ጌይዴ።

ዋ̈ኒ̇ሳ 14:12

ቴ ዪንታ̇ክ ኪን ጋ̈ሬ፥ ታ̈ና ኣማ̇ኒዝ ኣሲ ቴ ኦ̈ዝ ኦ̈ሲ̇ን ኢ ኦ̈ሬ፤ ታ̈ኒ ቴ ባ̈ባ̈ክ ሉካ̇ዚንኮታ̇ቦ ኢዝፓ̇ር ሺ ኦ̈ሬ።

ዋ̈ኒ̇ሳ 15:15

ኣሽካሮ ኢ ላ̈ ኦዝ ባዚን ኤሪባ̈ሶኮታ̇ቦ ዓኒፖ̇ ጌዳ ቴ ዪንታ̇ ቴ ኣሽካራ ጋንዳባዬ̇። ቴ ታ ባ̈ባ̈ ጋልዳ̇ፖ̇ ሲስኪ̇ኖ ባዛን ዎይ ቴ ዪንታ̇ ቤይሲኖኮታ̇ቦ ቴ ዪንታ̇ ቴ ካን ኣሳን ጋ̈ዴ።

ዋ̈ኒ̇ሳ 17:26

ኔ ታ̈ና ካኖ ካንን ኢንታ ጊዳ̇ ዶኣምፔ̈ንኬ ታ̈ናር ኢንታ̇ባር ፔታ̇ን ማ̈ቃ̇ሜ̈ኒ፥ ቴ ኔ̈ና ኢንታ̇ብ ኤሪሳዴ፥ ዓታ̇ር ኢንቲ̇ ኔ̈ና ኤራምፔ̈ን ዎታሙታ̇ ዶኣንዳ̇” ጌዪ ዎ̈ሲ̇ዴ።

ዋ̈ኒ̇ሳ 3:35

ጾ̈ሳ̇̇ ባ̈ባ̈ ፌ ናኣ ካ̈ሬ፤ ማ ዎይ ባዝ ኢ ኩሽት ኢሚ̇ኔ።

ዋ̈ኒ̇ሳ 5:21

ባ̈ባ̈ ዓይቂ̇ኖን ዓይቃ ጋርታ̇ፖ̇ ዲንሪ ሼምፓ ኢማ̇ዚንዲፌ̈ኒ፥ ማ ናኣ̈ዳሬ ፌ ኮዪኖንቦ ዎይ ሼምፓ ኢሚ̇̈ሬ።

ዋ̈ኒ̇ሳ 5:25

ቴ ዪንታ̇ክ ኪን ጋ̈ሬ፥ ዓይቂ̇ኖ ኣሳን ጾ̈ሳ̇̇ ናኣ ቆ̈ን ሲስኪ̇ዝ ኬሊ̇ ዬይሬ፤ ኬሊ̇ኒንዳ̇ር ዓና̇ ኢዞ፤ ዪና̇ ሲስካ̇ር ኪ̈ቲንቲ̇ዛን ሼምፓባር ዶኢ̈ሬ።

ዋ̈ኒ̇ሳ 5:29

ኮሽ ኦ̈ኖን ሜናብ ሼምፓባር ዶኢ ኤካ̇ንዳቦ ዲንዲ̇̈ሬ፥ ኢ̈ት ኦ̈ኖን ፊርዳ ኤካ̇ንዳብ ዲንዲ̇̈ሬ።

2 ጴጥ 1:17

ኣፋፖ “ቴ ኢባር ኡፋይቲዛ ቴ ካዝ ናኣ ዓ̈ዳ!” ጌይዝ ጊርሲ ኢ̈ብ ዬይኖምባራ ኢ ጾ̈ሳ̇ ባ̈ባ̈ ጋልዳፖ ቦንችኬ ጴቺቲ ዲጚኔ።